ފެލިވަރުގައި ހުންނަ މަސް ކާރުހާނާ: އެތަނުގައި މިހާރު ވެސް 600 އަށް ވުރެ ގިނަ މުވައްޒަފުން މަސައްކަތް ކުރޭ - ފޮޓޯ: މިހާރު
29 މާޗް 2017 - 10:17
10 comments
ޅ. ފެލިވަރުގައި ހުންނަ މަސް ކާރުހާނާ އާއި އެ ތަނުގެ އެހެން މަސައްކަތްތަކަށް 200 މީހުން ހޯދަން މޯލްޑިވްސް އިންޑަސްޓްރިއަލް ފިޝަރީޒް ކޮމްޕެނީ (މިފްކޯ) އިން މިއަދު އިއުލާންކޮށްފި އެވެ.
މިފްކޯ އިން ބުނީ މިއީ ދުނިޔޭގެ ބާޒާރުގައި އެ ކުންފުނީގެ އުފެއްދުންތަކުގެ އިތުބާރު ބޮޑުކޮށް ރާއްޖޭގެ މަސްވެރިން ބާނާ މަހުގެ އަގު ދެމެހެއްޓެނިވި ގޮތެއްގައި މަސްވެރިންނަށް ހޯދައި ދޭން ފެށި މަސައްކަތްތަކުގެ ތެރެއިން ދިވެހިންނަށް އަމާޒުކޮށް ހުޅުވާލި ފުރުސަތެއް ކަމަށެވެ.
ފެލިވަރު ދަޅުމަސް ބަންދުކުރާ ކާރުހާނާ އިތުރަށް ތަރައްގީކޮށް ދުނިޔޭގެ ބާޒާރަށް ރާއްޖޭގެ އުފެއްދުން މިހާރަށް ވުރެ އިތުރުކުރުމުގެ މަސައްކަތް ވަނީ ފަށައިފަ އެވެ.
މިހާރު އެސްޓީއޯގެ ދަށުން ހިންގަމުން އަންނަ ކުންފުނިން ބުނީ ދުނިޔޭގައި ދަޅު މަހުގެ ބާވަތްތައް ބޭނުންކުރާ ގައުމުތަކުގެ ކުންފުނިތަކުން ރާއްޖެ އައިސް، ފެލިވަރުގެ އުފެއްދުންތައް ބެލުމުގެ ފުރުސަތު ވަނީ ދީފަ އެވެ. ދުނިޔޭގެ ބޮޑެތި ބައެއް މާކެޓްތަކަށް ފެލިވަރުގެ ދަޅު މަސް ނެރުމުގެ ފެހި ސިގްނަލް ބައެއް ފަރާތްތަކުން ދީފައިވާ ކަމަށް ވެސް މިފްކޯ އިން ބުނެ އެވެ.
މިފްކޯގެ އޮފިޝަލަކު ވިދާޅުވި ގޮތުގައި މަސް ކާރުހާނާގެ ވަސީލަތްތައް ތަރައްގީކޮށް، ދުވާލަކަށް 50 ޓަނުގެ ދަޅުމަސް ބަންދު ކުރަން އަލުން މިހާރު ވަނީ ފަށައިފަ އެވެ. މި ފަހަކަށް އައިސް އެތަނުގައި ބަންދުކުރެވެނީ ދުވާލަކަށް 30-35 މެޓްރިކް ޓަނުގެ ދަޅު މަހެވެ.
މިހާރު ފެލިވަރުގެ ކެޕޭސިޓީ އެހުރީ މަހެއްގެ މައްޗަށް 70،000 ކޭސް ދަޅުމަސް އުފެއްދޭ މިންވަރުގަ އެވެ. އެއީ 41 ކޮންޓެއިނަރެވެ.
ފެލިވަރު ކާރުހާނާގައި މިހާރު ވެސް 600 އަށް ވުރެ ގިނަ މުވައްޒަފުން މަސައްކަތް ކުރެ އެވެ. އޭގެ ތެރޭގައި ދިވެހިންނާއި ބިދޭސީން ވެސް ހިމެނެ އެވެ. އެ އެންމެންނަށް ފެލިވަރުން އެކޮމަޑޭޝަން ވަނީ ހަމަޖައްސައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޫަްއުސްމަން
30 March 2017
މީގެކުރިން ތީ 80 ތަނު/ 90ތަނު މަސް ކަޑާ ތަނެއް މިހާރު 30ހައް ވެއްޓުނީމަ އިގިއްޖެ ފެލިވަރު ގެ ހާލަތު
އަލީ ސަލީމް
29 March 2017
އެސްޓީއޯއިން އިހައްދުވަހު ބުނި މިފްކޯއިން ވަރަށް އަވަހަށް ފައިދާވާން ފަށާނެކަމަށް. މިއީ އެސްޓީއޯއިން ކުންފުނި ހަރުދަނާކުރަން އަޅާ ފިޔަވަޅުތަކުގެ ތެރެއިން ބޮޅެއްކަމަށް ބެލެވެނީ. ކާމިޔާބީއަށް އެދެން.
އާއިޝަތު
29 March 2017
އާއްމު އުސޫލުން ދައުލަތުގެ ކުންފުނިތަކައް ހޯދަނީ ފަގީރު ގައުމު ތަކުގެ ލޭބަރުން، މިކަމަކީ އެކުންފުނި ތަކުގެ އިސްމަގާމުތަކުގައި ތިބޭ މީސްމީހުން ވަރައް ޕުރޮފިޝަނަލް ހިންގަމުން އަންނަކަމެއް.. މިގޮތުން ވަޒީފާ ދެވޭ ކޮންމެ ބިދޭސިޔެއްގެ އަތުން މަދުވެގެން ޔޫ އެސް ޑޮލަރ 1000 ވަރު ލިބެއެވެ އެޑިއުކޭޝަން އަދި ހެލްތުންވެސް މިއަމަލު ހިންގައެވެ. މިމައުލޫމާޔު އެއްކޮށްފައިވަނީ ޚޮދު ވަޒީފާ ގަނެގެން އައިސް ތިބޭ ބިދޭސީންގެ އިތުރުން އެމީސް މީހުން ރެކުރޫޓު ކުރާ ބޭރުގެ އަދި އެތެރޭގެ އެޖެންސީ ތަކުންނެވެ. ވީމާ މިއެޑުވަރޓަެިޒް ކުރުން މޮޅު އިތުރީ ބޭރުމީހުނައް ޚާއްސަކޮށް އިނގިރޭސި ބަހުންނެވެ. ޔަގީންވާކަމަކީ 200 ވަޒީފާ މީހުން ނަގާ ނަމަ މިދަދުގެ %90 ނަގާނީ ވަޒީފާ ގަނެގެން ހޯދަން ބޭނުންވާ ބިދޭސީން ނައްކަމީ އާއްމު އުސޫލުން އެކަން އޮންނާނެގޮތެވެ.
ފެލޭވަރު
29 March 2017
ތި 200ވަޒީފާގަ ހިމެނެނީ ކޮންކަހަލަ ވަޒީފާތަކެއްތޯ؟ މިހެންމިބުނެލީ ދިވެހިން މަސްސާފުކުރާކަށް 200ޑޮލަރަކަށް ނުދާނެ. ދުވާލަކު 10ގަޑިއިރު.
ރަދީފް
29 March 2017
މަސްސާފްކުރުން ، މަސްކެއްކުން އެވެސް ރަނގަޅު ވަޒީފާއެއް.ކޮންމެ މަސައްކަތެއްވެސް އެއީ ޝަރަފްވެރި މަސައްކަތެއް.ބޭނުންވަނީ ހަލާލްގޮތުގަ ފައިސާހޯދުން. ރަދީފްމެން 1998 ވަނަ އަހަރު ސްކޫލް ނިންމާފަ އެންމެ ފުރަތަމަ ދިޔަ ޖޮބްގަ ޖެހުން ފޮށިގަނޑު އުފުއްލަންވެސް، މަހު މުސާރަވެސް ވަރަށް ކުޑަ ، މަހަކު 1800 ރުފިޔާ.މިއަދުގެ މުސާރައިގަ 5 އަދަދު ހިމެނޭ. އެހެންވީމަ ދިރިއުޅުން ހަމަމަގަށް އެޅުވުމަށް ކޮންމެ މީހަކުނުޖެހޭ ޓައި އަޅައިގެން ފިނިކުރި ކޮޓަރީގަ އިންނާކަށް.ނަތީޖާއެއްގެ ގޮތުން މިއަދު ރަދީފް މިއިނީ ފިނިކުރި ކޮޓަރިއެއްގަ. އިންސާނުންނަށް އޮތީ މަސައްކަތްކުރުން.ފުރަތަމަ ބޮންތީގަ ހިފަން އުޅެގެން ކަމަކުނުދާނެ. މިދެންނެވީ ރަދީފްގެ ތަޖުރިބާ. ވ.ވެދުން
ފެލިވަރުދެކެ ލޯބިވާމީހެއް
29 March 2017
އަޅުގަނޑަކީ 1988 ން 1993 އަށް ފެލިވަރުގައި މަސައްކަތްކުރި މީހެއް އެއިރު ދުވާލަކު 70 ޓަނުން މަތިން ބަންދުކުރި އަދި ދުވާލަކު 100 ޓަނުބަންދު ކުރެވޭގޮތައް ބަދަލުގެނައި މީހާރު ފެލިވަރުގެ ޙާލަތު ހުރިގޮތް އެނގުނީމާ ހިތާމަކުރަން. ސިޔާސީ ކަންކަމަށް ކުރާ ޚަރަދު ކުޑަކޮށްފަ ފެލިވަރުގެ ޙާލަތު ރަނގަޅުކުރުމަށް ގޮވާލަން. އަދި ދުނިޔޭގެ ބާޒާރުގައި ކުރިންހުރި މިންވަރަށް ފެލިވަރު ދަޅުމަހުގެ އިތުބާރު ހިފެހެއްޓުމަށް ގޮވާލަން.
ރަދީފް
29 March 2017
ސާބަހޭ ރައީސް ޔާމިން. 94000 ވަޒީފަ ހަމަވާން ދެންބާކީ އޮތީ 150 ޖާގަ. ވ.ވެދުން
ރަދީފުގެ އަމާ
29 March 2017
1،94000 ވަޒީފާ ހަމަވެެއްޖެ. ( އެއްލައްކަ ނުވަދިހަ ހަތަރު ހާސް ) ހަމަވެެއްޖެ...
ރަދީފުގެ ބަފާ
29 March 2017
ތި 94000 ވަޒީފާދިނީ ބޭރުމީހުންނަށްއުތަ؟
ކުރާތި
29 March 2017
ފެލިވަރު ތަރައްގީކޮށް، 200 ވަޒީފާއަށް މީހުން ހޯދަން އިއުލާން ކުރުން އެއީ ވަރަށް ރަނގަޅު ކަމެކެވެ. އެއިރުން ވެސް އެފުދުނީ މަމެން ޕިންކީންގެ ވަޒީފާ އުފެއްދުމުގެ ވައުދު ތަކުގެ ތެރޭން ބޮޑު ބަޔެކެވެ. ކަން މިހެން ހުރުމުން މިފަދަ ވަޒީފާ ތަކަށް ފާދިއްޕޮޅުން މީހުން ކުރިމަތި ލުމަކީ އެއީ މުހިއްމު ކަމެކެވެ. ފެލިވަރާއި ނައިފަރާއި ދެމެދު ބްރިޖެއް އަޅަންވީއެވެ. އަދި ފެލިވަރުގައި އެއާރޕޯރޓް އެއް ވެސް އަޅަންވީއެވެ.