ހިރިމަރަދޫގައި މީހުން ދިރިއުޅޭހާ ހިނދަކު ސަރުކާރުން އަސާސީ ހިދުމަތްތައް ފޯރުކޮށްދޭނެ: ހީނާ

ރައީސް އޮފީހުގެ ތަރުޖަމާނު ހީނާ ވަލީދު: ހިރިމަރަދޫއިން މީހުން ބަދަލުކުރަން ނިންމިޔަސް، އެރަށުގައި މީހުން ދިރިއުޅޭހާ ހިނދަކު އަސާސީ ހިދުމަތްތައް ފޯރުކޮށްދޭނެ ކަމަށް އޭނާ ވިދާޅުވި --- ފޮޓޯ/މިހާރު

އާސިމާ ނިޒާރު، މިހާރު

08 ނޮވެމްބަރ 2025 - 13:49

36 comments

ހދ. ހިރިމަރަދޫގެ މީހުން އެހެން ރަށަކަށް ބަދަލުކުރަން ނިންމިޔަސް، އެ ރަށުގައި މީހުން ދިރިއުޅޭހާ ހިނދަކު ސަރުކާރުން އަސާސީ ހިދުމަތްތައް ގާއިމްކޮށްދޭނެ ކަމަށް ރައީސް އޮފީހުގެ ތަރުޖަމާނު ހީނާ ވަލީދު މިއަދު ވިދާޅުވެއްޖެ އެވެ.

ކުރިއަށް އޮތް ދޮޅު އަހަރުގެ ތެރޭގައި، ހިރިމަރަދޫއިން މީހުން ހުސްކޮށް، ހދ. ހަނިމާދޫއަށް ބަދަލުކުރާނެ ކަމަށް ރައީސް ޑރ. މުހައްމަދު މުއިއްޒު އިއުލާން ކުރައްވާފައި ވަނިކޮށް، ސަރުކާރުން ދާދިފަހުން ވަނީ ހިރިމަރަދޫގައި ކުނި މެނޭޖުކުރާ ސެންޓަރެއް އަޅަން ބަޔަކާ ހަވާލުކޮށްފަ އެވެ.

އެކި ރަށްރަށުގައި 206 ޕްރޮޖެކްޓެއް ހިންގަން ތިން ބިލިއަނެއްހާ ރުފިޔާގެ މަޝްރޫއު މިދިޔަ ބުރާސްފަތި ދުވަހު ހަވާލު ކުރިއިރު، ހިރިމަރަދޫގައި 4.1 މިލިއަން ރުފިޔާގެ އެ މަޝްރޫއު ހިންގަން ހަވާލުކުރީ ބިލްޑްޓެކް ކިޔާ ކުންފުންޏަކާ އެވެ.

ނަމަވެސް، މީހުން ބާލަން ނިންމާފައިވާ ރަށެއްގައި ޕްރޮޖެކްޓެއް ހިންގަން ނިންމުމުން ގިނަ ފާޑުކިޔުން ސަރުކާރަށް އަމާޒުވެފައި ވަނިކޮށް އެކަމާ ގުޅިގެން ހީނާ "މިހާރު"އަށް ވިދާޅުވީ ހިރިމަރަދޫގައި މީހުން ދިރިއުޅެމުންދާހާ ހިނދަކު ސަރުކާރުން ގާއިމްކޮށް ދޭންޖެހޭ އަސާސީ ހިދުމަތްތައް ފޯރުކޮށްދޭނެ ކަމަށެވެ. ނަމަވެސް، ކައިރި މުސްތަގުބަލެއްގައި މީހުން ހުސްކުރަން ނިންމާފައި ވަނިކޮށް، އެފަދަ ޕްރޮޖެކްޓެއް ހިންގުމަކީ އިސްރާފަކަށް ނުވާނެތޯ ސުވާލު ކުރުމުން ހީނާ އެކަމަށް ވަކި ޖަވާބެއް ނުދެއްވަ އެވެ.

Meehun badhalukuraa Hirimaradhoo ah 4 million rufiya ge waste management center eh

The most trusted news source in the Maldives

Mihaaru

ހދ. އަތޮޅުގެ ރަށްތަކަށް މިދިޔަ އޮގަސްޓް މަހު ރައީސް ކުރެއްވި ދަތުރުފުޅުގައި ހިރިމަދުއަަށް ވަޑައިގެން، ރައީސް ވަނީ އެރަށުގެ ރައްޔިތުންނަށް ބޭނުންވާ ބޯހިޔާވަހިކަމާއި މުނިސިޕަލް ހިދުމަތްތައް ދޮޅު އަހަރު ތެރޭގައި ހަނިމާދޫގައި ގާއިމްކުރަން ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އާ ހަވާލުކޮށްފަ އެވެ.

އޭރު ރައީސް ވިދާޅުވެފައިވަނީ ހިރިމަރަދޫގައި ހުރި ކޮންމެ ގޯއްޗަކަށް ހަނިމާދޫއިން ގެއެއް ލިބޭނެ ކަމަށާއި އަދި 18 މަސް ތެރޭގައި އެތަންތަނުގެ މަސައްކަތް ނިންމައި، ތަޅުދަނޑި ހަވާލުކުރާނެ ކަމަށެވެ. ނަމަވެސް އެރަށަށް ބަދަލުވާން މަޖުބޫރު ކުރުމެއް ނެތް ކަމަށް އެ މަނިކުފާނު ވިދާޅުވި އެވެ.

މީހުން ބަދަލުކުރަން ނިންމާފައި އޮތުމުން، ހިރިމަރަދޫން ގޯތި ދޫކުރުން ވެސް ފަހުން އޮތީ ހުއްޓުވައިފަ އެވެ.

ހައުސިން މިނިސްޓްރީން މިދިޔަ އޮގަސްޓް މަހުގެ ފަހުކޮޅު ނެރުނު އިއުލާނުގައި ބުނީ ހިރިމަރަދޫން އެ މަހުގެ 24 ގެ ނިޔަލަށް ގޯތި ލިބިފައިވާ މީހުންނަށް ހަނިމާދޫން ގޯތި ލިބޭނެ ކަމަށެވެ. އެހެންވެ، ގޭގެ ރަޖިސްޓްރީ ބަދަލުކުރުން ފަދަ ކަންކަން ނުކުރަން ވަނީ އަންގައިފަ އެވެ.

ހިރިމަރަދޫ އަކީ ހދ. އަތޮޅުގައި މީހުން އުޅޭ 13 ރަށުގެ ތެރެއިން އާބާދީ އެންމެ ކުޑަ ރަށެވެ. އެގޮތުން އެންމެ ފަހުގެ ބޯހިމެނުމުން އެނގޭ ގޮތުގައި އެ ރަށުގައި ދިރިއުޅޭ އާބާދީއަކީ 293 އެވެ. އެއީ 157 ފިރިހެނުންނާއި 136 އަންހެނުންނެވެ.

ތަރައްގީގެ މަޝްރޫއުތައް ހދ. ހަނިމާދޫ ހީނާ ވަލީދު (ސީއީއޯ، އެންސްޕާ) ދިވެހި ސަރުކާރު

36 ކޮމެންޓް, 23 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަބްޑޫޅް +

11 November 2025

ހިރިމަރަދޫ މީހުން ހިރިލަންކާ އަށް ބަދަލުކޮށްގަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

raajje

09 November 2025

މީވޯޓުހޯދަން ރައްޔިތުންެގެފައިސާ އިސްރާފުުކުރުން، ރަށުންފައިބަންބޭނުންމީހުނާ ފައިބަންބޭނުންނުވާމީހުންވެސް ރަށުންބާލާ އެބަދަލުކުރާތަނަކުން ގެދޮރުދިނީމާ ހުރިހާކަމެއްހަމަޖެހުނީ، ފުރަތަމަ ހިތްހަމަނުޖެހޭމީހުންތިބިޔަސް ފަހުންހުރިހާކަމެއް ހަމަޖެހޭނެ، ނަމަވެސްމިކަން މިގޮތަށްހަރުދަނާކަމާއެކު ކުރުމުގެބަދަލުގާ ނުފައިބާތިބޭމީހުނަށް އަސާސީހިދުމަތްދޭންކަމަށްބުނެ ހަރަދުކުރުމަކީ އިސްރާފެއްނޫންތަ؟ މުޅިރަށުގެ ރުއްގަހާ ވަސީލަތްތައްވެސް ނުފައިބާމީހުނަށްދޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލިބޭބެ

09 November 2025

ހީނާ، ދެން ކޮބައިތޯ ރަތްމަންދޫގަ ތިބޭ މީހުންނަށް އޮތް މަޝްރޫޢަކީ؟ ހިރިމަރަދޫން މީހުން ދަނީ އެއްކޮށް. ރަތްމަންދޫއިން ތިޔަ ފައިބާ މީހުން ދާއިރަށް މި ރެޑީވަނީ އިރާދުކުރެއްވިއްޔާ ގެސްޓްހައުސްގެ ބޮޑު ޕްރޮޖެކްޓެއްފަށަން އެރަށު ތިބި މީހުންނާ ގުޅިގެން. އެކަމު އެރަށަކަށް ނެތް އެއްވެސް ކަމެއް. ކައުންސިލުގެ މެޖޯރިޓީ ބޭނުންވަނީވެސް ރަށަށްކަމެއްނުކުރަން އެއީ އެމީހުން ފައިބާތީ. ދެން ކޮބައިތޯ ތިބޭ މީހުންގެ ހައްގު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޭނާ

09 November 2025

ހޫން މިޖެހުނީ ސައި ތައްޓެއް ގިރައިން އައިސް އޮނަރަބަލް އަފީފް ދީދީގެ ތަޤުރީރުތައް ކިޔަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތެފައާސާ.

09 November 2025

ބަރާބަރު. މި އުޅެނީ ލާރި ގިނަވެގެން ކުރާނޭކަމެއް ނޭގިގެން ވިއްޔާ!!!!!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދާލު

09 November 2025

އެހެންޏާ ފަހެ، މިއުޅެނީ ހުން މަޑުކުރާނެ ޕެނަޑޯލް ގުޅައެއް ވެސް އެރަށްރަށުން ނުލިބިގެން ވިއްޔާ! ޕެނަޑޯލް ފޯރުކޮށްދޭން ވިއްޔާ! މިއުޅެނީ ބޯފެން ހުސްވެގެން ގެއަކަށް ފެންފުޅިއެއް ފޯރުކޮށްދޭން ވިއްޔާ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެއްބަސް

09 November 2025

އަތުން ގޯހެއް ހެދުނީމަ އެކަމާއި އެއްބަސްވުމަކީ ނިކަމެތިވުމެއް ނޫން. ނަމަވެސް އެކަމެއް ދިފާއުކުރަން ހަދައިގެން އިތުރަށް ފަޟީހަތްވެ އަގުވެއްޓުން ނޫންކަމެއް ނުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސޮބީހާ

08 November 2025

ކޮމެންޓް ކުރިޔަކަސް ކަމަކުނުދާނެ, 'މާލެ ނޫން އެހެންގޮތެއް' މި ސުލޯގަން އެމީހަކައް ވީވަރަކުން ޕްރޮމޯޓްކުރަންވީ, ހައްްގުތައް ލިބެންއޮތީ ހައްގު ގެއްލިފައިވާ މީހުން އެކަމަށް މަސައްކަތްކޮށްގެން, ކޮން އެމްޑީޕީއެއް ޕީއެންސީއެއް,

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައްލާ ބެއްޔާ

08 November 2025

ކަނބުލޮޔަށް ތިކިޔޭއެއްޗެއް ކަނބުލޮޔަށްވެސް އެގޭހެން ހީއެއްނުވޭ. ބަލަ ތިމަޝްރޫއު ނިންމަން 18 މަހަށް ވުރެ ގިނަ ދުވަސް ނަގާނެ. މަޝްރޫއު ނިމޭ އިރު ތި ރަށުމީހުން ތިބޭނީ ރައީސް ވިދާޅުވި ގޮތުން 18 މަަސްދުވަހުން ގެއަޅާދީގެން ހަނިމާދޫއަށް ބަދަލުވެފައި. ނުވަަތަ އެއްމަސް ދުވަހުން ތި ކުނި ޕްރޮޖެކްޓް ނިމުނަސް ތިވަރުގެ އާބާދީ އަކަށް 17 މަސްދުވަހު ބޭނުން ކުރަން ދެކޮޅޫ ނުޖެހެޔޭ ރައްޔިތުން ބުނަނީ. ތި ފައިސާ އިން އެރަށު ރައްޔިތުން ހަނިމާދުއަށް ބަދަލުކުރަން އެހީވޭ