މީހުން ބަދަލުކުރާ ހިރިމަރަދޫއަށް 4 މިލިއަން ރުފިޔާގެ ވޭސްޓް މެނޭޖްމަންޓް ސެންޓަރެއް

ހދ. ހިރިމަރަދޫ: މީހުން ބާލަން ނިންމާފައި އޮތަސް ކުނި މެނޭޖްކުރުމަށް ހަތަރު މިލިއަނުގެ ޕްރޮޖެކްޓެއް އެ ރަށުގައި ހިންގަން ވަނީ ހަވާލުކޮށްފައި. -- ފައިލް ފޮޓޯ

އާސިމާ ނިޒާރު، މިހާރު

07 ނޮވެމްބަރ 2025 - 18:58

35 comments

ހދ. ހިރިމަރަދޫ މީހުން އެ އަތޮޅު ހަނިމާދުމައަށް ބަދަލުކުރަން ނިންމާފައި އޮތަސް އެ ރަށުގައި ވެސް ހަތަރު މިލިއަން ރުފިޔާ ހަރަދުކޮށްގެން، ވޭސްޓް މެނޭޖްމަންޓް ސެންޓަރެއް އަޅަން އިއްޔެ ހަވާލުކޮށްފި އެވެ.

އެކި ރަށްރަށުގައި 206 ޕްރޮޖެކްޓެއް ހިންގަން ތިން ބިލިއަނެއްހާ ރުފިޔާގެ މަޝްރޫއު އިއްޔެ ހަވާލުކޮށްފައި ވާއިރު، ކުނި މެނޭޖްކުރާ ސެންޓަރެއް ހިރިމަރަދޫގައި އަޅަން ހަވާލުކުރީ 4.1 މިލިއަން ރުފިޔާއަށް، ބިލްޑްޓެކް ކިޔާ ކުންފުންޏަކަށެވެ.

މި މަޝްރޫއު ފަށަން ސޮއިކުރިއިރު، ދޮޅު އަހަރުގެ ތެރޭގައި ހިރިމަރަދޫ މީހުން ހަނިމާދުއަށް ބަދަލުކުރާނެ ކަމަށް ރައީސް ޑރ. މުހައްމަދު މުއިއްޒު ވަނީ މީގެ ކުރިން އިއުލާންކުރައްވައިފަ އެވެ.

ހދ. އަތޮޅުގެ ރަށްތަކަށް މިދިޔަ އޮގަސްޓް މަހު ފެއްޓެވި ދަތުރުފުޅުގައި ހިރިމަދުއަަށް ވަޑައިގެން، ރައީސް ވަނީ އެ މީހުންނަށް ބޭނުންވާ ބޯހިޔާވަހިކަމާއި މުނިސިޕަލް ހިދުމަތްތައް ދޮޅު އަހަރު ތެރޭގައި ހަނިމާދޫގައި ގާއިމްކުރަން އެޗްޑީސީއާ ވެސް ހަވާލުކޮށްފަ އެވެ.

އެ ރަށުގައި ވާހަކަފުޅު ދައްކަވަމުން ރައީސް ވިދާޅުވީ ހިރިމަރަދޫގައި ހުރި ކޮންމެ ގޯއްޗަކަށް ހަނިމާދޫއިން ގެއެއް ލިބޭނެ ކަމަށާއި އަދި 18 މަސް ތެރޭގައި އެތަނުގެ ތަޅުދަނޑި ހަވާލުކުރާނެ ކަމަށެވެ. ނަމަވެސް އެރަށަށް ބަދަލުވާން މަޖުބޫރު ކުރުމެއް ނެތް ކަމަށް އެ މަނިކުފާނު ވިދާޅުވި އެވެ.

"އެންމެ ގިނަވެގެން 18 މަސް ދުވަސް، ދޮޅު އަހަރު ތެރޭ ނިންމައި ހަވާލުކުރާނަން. ގޯތި ހަވާލުކުރާނީ އެއްކޮށް ނިންމައި ރައްޔިތު މީހާއަށް ތަޅުދަނޑި ހަވާލުކުރާ ގޮތަށް. އަޅުގަނޑުމެން އެއްވެސް ރައްޔިތަކަށް މަޖުބޫރެއް ނުކުރާނަން ބަދަލުވާކަން، ދާން ބޭނުން ރައްޔިތުންނަށް އެ ފުރުސަތު ދެނީ،" ރައީސް ވިދާޅުވި އެވެ.

Hanimaadhoo ah badhalu kuraathee Hirimaradhoo gai goathi behumuge kankan nukuran edhijje

The most trusted news source in the Maldives

Mihaaru

މީހުން ބަދަލުކުރަން ނިންމާފައި އޮތުމުން، ހިރިމަރަދޫން ގޯތި ދޫކުރުން ވެސް ހައުސިން މިނިސްޓްރީން ވަނީ ހުއްޓުވައިފަ އެވެ.

ހައުސިން މިނިސްޓްރީން މިދިޔަ އޮގަސްޓް މަހުގެ ފަހުކޮޅު ނެރުނު އިއުލާނުގައި ބުނީ ހިރިމަރަދޫން އެ މަހުގެ 24 ގެ ނިޔަލަށް ގޯތި ލިބިފައިވާ މީހުންނަށް ހަނިމާދޫން ގޯތި ލިބޭނެ ކަމަށެވެ. އެހެންވެ، ގޭގެ ރަޖިސްޓްރީ ބަދަލުކުރުން ފަދަ ކަންކަން ނުކުރަން ވަނީ އެދިފަ އެވެ.

ހިރިމަރަދޫ އަކީ ހދ. އަތޮޅުގައި މީހުން އުޅޭ 13 ރަށުގެ ތެރެއިން އާބާދީ އެންމެ ކުޑަ ރަށެވެ. އެންމެ ފަހުގެ ބޯހިމެނުމުން އެނގޭ ގޮތުގައި ރަށުގައި ދިރިއުޅޭ އާބާދީއަކީ 293 އެވެ. އެއީ 157 ފިރިހެނުންނާއި 136 އަންހެނުންނެވެ.

ތަރައްގީގެ މަޝްރޫއުތައް ހދ. ހަނިމާދޫ

35 ކޮމެންޓް, 35 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ާހާނޖީ

08 November 2025

ވޭސްޓް މެނޭޖްމަންޓް ސެންޓަރު އަޅަނީ އެއްރަށުން އަނެއްރަށަށް ބަދަލުކުރެވޭ ފުރޮޅުލާފަ ކަމަށް ވަނީ. މީހުން ބަދަލުވާއިރު ސެންޓަރު ވެސް ބަދަލު ކުރާގޮތަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލިހާޒް ނުހުދިން

08 November 2025

ސަރުކާރުން ކަމެއް ކޮށްދޭތީ ބަޔަކަށް ހަޖަމް ނުވަނީ ދޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަޖައިބެކޭ

08 November 2025

ވެއްޓުނު ރައީސް 3 ޑިންގީ ގެންގުޅޭރަށެއްގައި 56 މިލިއަން ހަރަދުކޮށްގެން ބަނދަރުހެދީ އެފައިސާ އަނބުރާލިބޭނެތީތޯ؟ ކުޑަރަށެއް ބޮޑުރަށެއްނުބަލާ ތަރައްގީއޭކީމަ އެއްމެންތިބީ ނިދިޖެހިފަތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ައަލީ ތ

08 November 2025

ސޯލިހު ވެރިކަމުގަ ސާޅިސް މީހުން ދިރިއުޅޭ ވ.ރަކީދޫ ގަ އެތަށް މިލިއަނެއް ހަރަދުކޮށްގެން ބަނދަރެއްވެސް ހެދި. އެންމެން ހައްޕުކިޔައިގެން ތިބީ؟؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަބުނޫ

08 November 2025

ކިޔަވާނެދަރިވަރުންނެތި އެތައްމިލިއަން ހަރަދުކޮށްގެން ބޮޑު ސްކޫލެއްވެސްހެދި. އެގޮތަށް ނުކުރާށޭ މިކިޔަނީ. އެކަމަކު މީހުންއުޅޭނަމަ ކުނިއުފެދޭނެ. އަދިއެނައްތާލެވޭނެގޮތެއްވެސް ހަދައިދޭންޖެހޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހ6ޔ7ގ7

09 November 2025

އެތަށް މިލިއަނެއް؟ މީލަގެރި އެތެއްތަ ؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބޫ

08 November 2025

ސޮއިކުރިލެއް ގިނަކަމުން ވީނުވީއެއް ނޭގުނު ... އަނެއްކާވެސް ރެކޯޑެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝަހުމް އާދަމް

08 November 2025

ކަލޯ ހަނިމާދޫގަ ހިރިލަންދޫއިން ބަދަލްވާ ރައްޔިތުންނަށް އަޅާ ތަނެއް މިއީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރ5ރ5

09 November 2025

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުމާމު ހުސެން

08 November 2025

ކުނި މެނޭޖް ކުރާ ރަށަކީ މީހުން ދިރިއުޅޭ ރަށަކަށް ވާކަށް ނުޖެހޭ. މިހާރު ވެސް އެކި ސަރަހައްދު ތަކުގައި ކުނި މެނޭޖްކުރަން ވަކި ރަށްތަކެއް ހުންނާނެ. ފަޅުރަށަކަށް ބަދަލުވިޔަސް ކުނި މެނޭޖްކުރުމުގެ މަސައްކަތް ކުރިޔަށް ގެންދެވޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކިހަށްކާނީ ރިހާކުރާ ޖަހައިގެން-ދުނިޔެ ކާނީ މަކަރާ ޖަހައިގެން

08 November 2025

ކޮންޓރެކްޓް ހަވާލު ވި ކުންފުނިން ގޮސް އެތަނުގައި ދަނޑި ރޯނުން ސަރަހައްދު ފާހަގަ ކުރާނެ. ސިމެނތިގަށާ މެޝިންއަކާ އުވަ ދެއްޔެއް ގެންގޮސް ބާއްވާނެ. މަސައްކަތް ފަށާތަނުން ސަރުކާރުން މަސައްކަތް ހުއްޓުވާނެ، އެ ރަށުން މީހުން ފައިބާތިއްޔޭ ކިޔާފަ. ކޮންޓރެކްޓް ގަ އޮންނާނެ ރަނގަޅަށްވިއްޔާ ލިޔެފަ، އެއްވެސް ސަބަބަކާ ހުރެ މި ކޮންޓރެކް ސަރުކާރުން ބާތިލް ކޮށްފި ހާލަތެއްގައި، ކޮންޓްރެކްޓްގެ އަގު އަދި މިނޫން އެހެން ގެއްލުމުގެ ބަދަލު ދޭން ޖެހޭނެއޭ. ސަޅިއެއްނުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިވަރުވީމާދެން ގޯސް

08 November 2025

18 މަސްތެރޭ މީހުން ބަދަލުކޮށް ނިންމަން ރާވާފަ 4.1 މިލިޔަން ތިޔަ ތަޅާލަނީ. ޢެއް ވެސް ވަރެއްގެ ދުރު ވިސްނުމެއް ނެތްކަން ފެނިގެން ތިދިޔައީ. ރައީސްގެ ވިސަންއާ މިނިސްޓަރުންގެ ވިސަން ދިމާނުވަނީބާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނިހާލް ސަލީމް

08 November 2025

ނޫން ބޭފުޅާ. މިތަން ހަދަނީ ހަނިމާދޫގަ. ހިރިލަންދޫއިން ޗޭންޖްވާ މީހުންނަށް. ސާފް؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައްލާ ބެެއްޔާ

08 November 2025

ތިޔަކު އަނެއްހެން މާބޮޑު މައްސަލައެއް ނެތް، އެ ރަށުމީހުން ހަނިމާދޫ އަށް ބަދަލު ކުރަނީ ހަނިމާދުއަށް ކުނި ނާޅާ ގޮތައް ކަމަށް ވެދާނެ. އެހެން ވީމަ އެމީހުން އުފައްދާ ކުނި ހަނިމާދުއިން ބޭރުކޮށް ކުނި ނައްތާލަން ހަދާތަނަކަށް ވާނީ. މި ސަރުކާރުގައި ތިބީ އިލްމީ ގާބިލް ޕީއެޗްޑީ ނަގައިގެން ތިބި މޮޅެތި ބޭފުޅުން. އެ ބޭފުޅުން ހަމަނުޖެހޭ ކަމެއް ނުކުރާނެ. މަޝްރޫއުތައް ރާވާނީ ވަރަށް ދުރަށް ވިސްނާފައި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަބުނީ

07 November 2025

މީހުންބޭލުމަށްފަހުވެސް އެސަރަހައްދުގެ ރަށްރަށުގެ ކުނި ހިރިމަރަދޫގައި މެނޭޖުކުރެވިދާނެނޫންތޯ ރަނގަޅުފެންވަރުގެ ކުނިމެނޭޖުކުރާ ސެންޓަރެއް ގާއިމުކޮށްގެން. މިސާލަކަށް ރ. ވަންދޫއަކީ ސަރަހައްދީ ކުނިމެނޭޖުކުރާރަށެއް.