ދިވެހި މޮޑެލް ރައުދާ.-- ފޭސްބުކް ފޮޓޯ: ސޮއްޓި
06 އެޕްރީލް 2017 - 16:19
19 comments
ބަނގްލަދޭޝްގައި މެޑިސިންގެ ރޮނގުން ކިޔަވަމުން އަންނަނިކޮށް މަރުވި ދިވެހި މޮޑެލް ރައުދާ އާތިފް، 20، ގެ ފޯން، ދިވެހި ފުލުހުން އަންލޮކްކޮށް އޭނާގެ މަރުގެ ތަހުގީގަށް ބޭނުންވާ މުހިންމު މައުލޫމާތުތަކެއް ހޯދިފައިވާ ކަމަށް ފުލުހުން ދެންމެ ބުނެފި އެވެ.
ބަންގްލާދޭޝްގައި ހުރި ދިވެހި ފުލުހުންގެ ޗީފް ސުޕްރިންޓެންޑެންޓް މުހައްމަދު "މިހާރު" އަށް ވިދާޅުވީ ރައުދާގެ ފޯނު ހުޅުވީ އޭނާގެ ގާތް ރަހުމަތްތެރިންގެ ފަރާތުން ލިބުނު، ލަފާކުރެވޭ ޕާސްވޯޑުތަކެއް ބޭނުންކޮށްގެން ކަމަށެވެ. ނަމަވެސް އޭނާގެ ފޯނުން ލިބިފައިވަނީ ކޮންކޮން މައުލޫމާތެއް ކަމެއް ފުލުހުން އަދި ހާމައެއް ނުކުރެ އެވެ.
Dhivehi Fuluhun Raudha ge mobile phone unlock koh thahgeegah beynunva varah muhinmu mauloomaathu thakeh hoadhaifi.
— Maldives Police (@PoliceMv) April 6, 2017
ރައުދާގެ މަރުގެ ތަހުގީގާ ގުޅޭ ގޮތުން މިއަދު ދިވެހި ފުލުހުން ކުރި ޓުވީޓް
ބަނގްލަދޭޝްގެ އިސްލާމީ ބޭންކް މެޑިކަލް ކޮލެޖްގެ އެންޑް ހޮސްޕިޓަލްގެ ދެ ވަނަ އަހަރުގައި މެޑިސިންގެ ރޮނގުން ކިޔަވަމުން އައި ރައުދާ އާތިފް، އޭނާގެ ކޮޓަރީގެ ފަންކާގައި ފޮތިގަނޑެއް އައްސައި "ދަންޖެހި" މަރުވެފައި ހުއްޓާ ފެނުނީ މިދިޔަ މާޗް މަހުގެ 29 ވަނަ ދުވަހު އެވެ. ނަމަވެސް މިކަން ހިނގި ގޮތެއް މިހާތަނަށް ކަށަވަރެއް ނުވެ އެވެ.
ރައުދާގެ ހަށިގަނޑުގެ ޕޯސްޓްމޯޓަމް ހަދައި ބަނގްލަދޭޝްގައި ވަޅުލާފައިވާ އިރު، އޭނާގެ މަރާ ބެހޭ ގޮތުން ދަނީ ތަފާތު ގޮތްގޮތަށް ވާހަކަ ދެކެވެމުންނެވެ. ބަނގްލަދޭޝްގެ ފުލުހުން ބުނެފައިވަނީ ރައުދާ މަރުވީ އަމިއްލަ އަށް ދަންޖެހިގެން ކަމަށެވެ.
ބަނގްލަދޭޝްގެ ފުލުހުން މި މައްސަލަ ތަހުގީގު ކުރަމުން އަންނަ އިރު، ދިވެހި ފުލުހުން ވެސް ބަނގްލަދޭޝް އަށް ގޮސް ރައުދާގެ ތަހުގީގުގައި ވަނީ ބައިވެރިވެފަ އެވެ. ނަމަވެސް އެ ތަހުގީގުގައި މިހާތަނަށް ލިބިފައިވާ ކުރިއެރުމާ ބެހޭ ގޮތުން އެއް ގައުމެއްގެ ފުލުހުން ވެސް ތަފްސީލެއް ނުދެ އެވެ.
ރައުދާގެ ހަށިގަނޑުގެ ބޭރުފުށުން އެއްވެސް ގެއްލުމެއް އަދި ޖިންސީ ގޯނާއެއްގެ އަސަރު ވެސް ފެންނަން ނެތް ކަމަށް ބަންގާޅު ފުލުހުން ބުނެފައިވާ އިރު، ރައުދާގެ މައިންބަފައިން ބުނާ ގޮތުގައި ރައުދާގެ މޫނާއި ކަރުން އަނިޔާތަކެއްގެ އަސަރު ފެންނަން ހުއްޓެވެ. އެހެންކަމުން ރައުދާގެ ބައްޕަ ޝައްކު ކުރަނީ ރައުދާގެ ކަރުގައި ހިފައި އޭނާ މަރައިލީ ކަމަށެވެ.
އެހެންކަމުން އެ މައްސަލަ ބަނގްލަދޭޝްގެ ކޯޓަށް ހުށަހަޅަން އާއިލާ އިން މިހާރު ވަނީ ނިންމައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ާްއުންމީދު.
07 April 2017
އިރާދަ ކުރެއްވިިއްޔާ ހަޤީގަތް ހާމަވެގެންދާނެ.
ނޫރޭ
06 April 2017
މިހާރު ސޯޝަލް މީޑިޔާގަ ވަރަށް ގިނަ ޑިރެކްޓިވުން އުޅޭކަމަށް ފެނޭ. ދިވެހި ފުލުހުން ކީއްކުރަން އެފްބީއައިއަށް ވުރެ ވެސް އެމީހުން މާގަދަ ވާނެ
އައިލޭންޑްސް
06 April 2017
އެމީހަކަށް ލިބިފައި ހުރި އިލްމާ ހިލްމެއް ބޭނުންކޮށްގެން ކުރެވޭ ޝައްކެއް ވަހުމެއްގެ މައްޗަށް ޚިޔާލު ފާޅުުރުމަކީ މައްސަލައެއްނުން. ކޮމެންޓް ކުރާމީހުން ތަކުތެރޭވެސް ތިބޭނޭ މަތީތައުލީމާ ސަނަދު ނަގާފަ ތިބޭމީހުން.
ކޮންސަރން
06 April 2017
އުންމީދުކުރަން ރައުދާގެ ޕްރައިވެސީއަށް ރެސްޕެކްޓް ކުރާނެކަމަށް... ކޮންމެ މީހެއްގެ ފޯނުގައި ވެސް ހުންނާނީ އެމީހެއްގެ އެންމެ ޕަރސަނަލް އެއްޗެތި، އިންވެސްޓިގޭޝަން ތެރެއިން މިކަހަލަ ރައުދާގެ ޕްރައިވެސީ ވައަލޭޓް ވާ ކަހަލަ ކަމެއް ނުކުރުން އެެދެން...
ފަހުރު
06 April 2017
ރައުދާގެ އެންމެ ގާތް މީހާއަށް ތިކަމުގެ މައުލޫމާތު އެނގޭނެ
ާަައެ މަންޖެ
06 April 2017
ރައުދާގެ މައްސަލަ ބަލާ އިރު ކޮބާތަ އިބްތިހާލްގެ މައްސަލަ؟
ފޮރެންސިކް ފައިލްސް
06 April 2017
ރައުދާގެ ނިޔަފަތިން ސާންޕަން ނެގިބާ މީހެއްގެ ޑީއެންއޭ ފެނޭތޯ ބަލަން. މީހެއްގެ ކަރުގަ ހިފާ މަރާއިރު އެކަން ކުރާމީހާގެ ގައިގަ ހިފާ ވަކިވެސް އެޅޭނެ.
ދޫނި ރާއްޖެ
06 April 2017
މިހާރު ޔަޤީން ކަމާއިއެކު ބުނެވޭނީ ތިމަރަކީ ރޭވުންތެރިކަމާއިއެކު ހިންގާފައިވާ ޤަތުލެކޭ. ނޫސްތަކުން އެނގޭ ގޮތުގައި ރައުދާ ދިރިއުޅެފައިވަނީ އެ ހޮސްޓެލްގެ ރޫމް ނަމްބަރ 209 ގައި. އެހެންކަމުން ރައުދާ ދިރިއުޅެފައިވަނީ ދެވަނަ ފަންގިފިލާގައި. ވީމާއި ރައުދާގެ ކޮޓަރީއާއި ސީދާ މަތީގައިވާ ކޮޓަރީގައި ދިރިއުޅެމުންދާ ދަރިވަރުންނާއި ރައުދާ ކޮޓަރީއާއި ސީދާ ދަށުގައިވާ ކޮޓަރީގައި ދިރިއުޅެމުންދާ ދަރިވަރުންނާއި ރައުދާ ކޮޓަރިއާއި ޖެހިގެން ހުރި ކޮޓަރިތައް (ކަނާއަތްފަރާތާއި ވައަށްފަރާތުގެ ކޮޓަރި) ދިރިއުޅޭ ކުދިންނާއި ސުވާލުކުރުން މުހިއްމު. އެކުދިންނަށް ރައުދާގެ ކޮޓަރިން އެއްވެސްކަހަލަ އަޑުތަކެއް އިވުނުތޯވެސް ބަލަންޖެހޭ. އޭރުންވެސް ތި ތަހްޤީޤަށް އެހީތެރިކަމެއް ލިބޭނެ.
މޯޑް
06 April 2017
އައިފޯން 7 އެއް ލަފާކުރެވޭ މައުލޫމާތުގެ އަލީގައި ޕާސްވޯޑް ގެސްކޮށްގެން ހުޅުވާލި ކަމީ ދިވެހި ފުލުހުންގެ ކުޅަދާނަކަން ހާމަވާކަމެކެވެ. ޢަދި މިއީ މަސައްކަތައް ދިން އަހަންމިއްޔަތު އެގޭކަމެކެވެ.
މަންސޫރު
06 April 2017
އެ ހުޅިވި ގޮތް ކަލެޔަށް އިނގެންޏާ ކަލެއަށް އަދި ހާދަ އެއްޗެއް އިނގޭނެޔޭ ދޯ؟
މަންސޫރު
06 April 2017
އެމީހުން ކުރި މައުލޫމާތެއް ނެތް ޓްވީޓެއްގެ ވާހަކަ ބުނެލަން ބޮޑު ހަބަރެއް ލިޔަން ޖެހޭތަ؟
އައިއެފް
06 April 2017
ބަނގްލަދޭޝްގެ ފުލުހުން ބުނެފައިވަނީ ރައުދާ މަރުވީ އަމިއްލަ އަށް ދަންޖެހިގެން ކަމަށެވެ. ބަނގްލަދޭޝްގެ ފުލުހުން ތަހުގީގު އަވަސްކުރުމުގެ ވިސްނުމެއް ނެއްކަން ހާމަވޭ. އެއީ މިނިވަން އޮޓޮޕްސީއަކަށް އާއިލާއިން އެދުމުން އެކަމާ ބަނގުޅާ ފުލުހުން ދެކޮޅުހެދި. ވީމާ ދިވެހި ފުލުހުންގެ އިތުރު ތަހުގީގު ޓީމެއް ދިޔުމަށް ފެނޭ.