08 އެޕްރީލް 2017 - 18:57
8 comments
ރިނިއުބަލް އެނާޖީ މޯލްޑިވްސް އިން ސްރީލަންކާގެ ފަގީރު 5،000 ގެއެއްގައި ސޯލާ ޕެނަލް ބަހައްޓައިދީ، އެ ގެތަކަށް ކަރަންޓުގެ ހިދުމަތް ދިނުމަށް ނިންމައިފި އެވެ.
ލަންކާގެ އިރުމަތީގައި އޮންނަ ބައްޓިކަލޯ ސިޓީގެ ބައެއް ގެތަކުގައި ދިވެހި ކުންފުނިން ސޯލާ ޕެނަލް ބެހެއްޓުމަށް އެމްއޯޔޫއެއްގައި ވަނީ ސޮއިކޮށްފަ އެވެ.
މި މަޝްރޫއުގެ ދަށުން އެ ގެތަކުގެ ފުރާޅުގައި ސޯލާ ޕެނަލް ބަހައްޓާ އިރު، އެކަން ކުރަނީ ފުރާޅު ކުއްޔަށް ހިފައިގެންނެވެ. އަދި ކުލީގެ އިތުރުން ފުރާޅުގައި ހަރުކުރާ ޕެނަލް އިން އެ ގެއެއްގެ ކަރަންޓު ބިލު ވެސް ދައްކައިދޭނެ އެވެ.
ރިނިއުބަލް އެނާޖީ މޯލްޑިވްސްގެ ރައީސް އަހުމަދު ނާޝިދު ވިދާޅުވީ ކޮންމެ ފުރާޅެއްގައި ދިހަ ކިލޯ ވޮޓުގެ ސޯލާ ޕެނަލް ހަރުކުރާ އިރު ގޭގެ ކަރަންޓަށް އެއް ކިލޯވޮޓުގެ ކަރަންޓު ވެސް ނާރާނެ ކަމަށެވެ. އަދި މިކަން ކުރަނީ ލަންކާ ސަރުކާރުގެ ގަވައިދުތަކާ އެއްގޮތަށް ކަމަށް އޭނާ ވިދާޅުވި އެވެ.
"މި މަޝްރޫއުގެ ދަށުން ދެ ފަރާތަށް ވެސް ފައިދާތަކެއް ލިބޭނެ. އެ މީހުންނަށް ކުލީގެ އިތުރުން ކަރަންޓު ބިލު ދައްކަން ނުޖެހޭ އިރު އަޅުގަނޑުމެންނަށް ލިބޭނެ އަނެއް ނުވަ ކިލޯ ވޮޓްގެ ކަރަންޓު. މިއީ ލޯ އިންކަމް ގެތަކަށް ލިބޭނެ ބޮޑު ފައިދާއެއް،" ކުރީގެ ރައީސް މުހައްމަދު ނަޝީދުގެ ބޭބެ ވިދާޅުވި އެވެ.
އޭނާ ވިދާޅުވި ގޮތުގައި މި މަޝްރޫއުގެ ދަށުން އެންމެ ފުރަތަމަ ސޯލާ ޕެނަލް ބަހައްޓާނީ އެންމެ ފުރާޅެއްގަ އެވެ. އަދި އޭގެ މަސައްކަތް ދާ ގޮތަށް ބަލައި އިތުރު ގެތަކުގައި ވެސް ބަހައްޓާނެ ކަމަށާއި ފަސް ހާސް ގޭގެ އިތުރުން ވެސް އިތުރު ގޭގޭގައި ކުރިމަގުގައި ޕެނަލް ބަހައްޓާނެ ކަމަށް ވިދާޅުވި އެވެ.
ލަންކާގައި ހިދުމަތް ދިނުމަށް އެ ކުންފުނިން މިދިޔަ ޑިސެމްބަރު މަހު އެ ގައުމުގައި ރަޖިސްޓްރީ ވެފައިވާއިރު މިއީ އެ ކުންފުނިން ރާއްޖޭން ބޭރުގައި ފަށާ މި ފަދަ ފުރަތަމަ މަޝްރޫއެެވެ. އެ ކުންފުނިން މީގެ ކުރިން ވަނީ ރާއްޖޭގެ ގިނަ ރަށްތަކެއްގައި ސޯލާ ޕެނަލް ބަހައްޓައި، އަވިން ދެ މެގަ ވޮޓުގެ ކަރަންޓު އުފެއްދޭނެ ގޮތް ހަދައިދީފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޖުހާ
08 April 2017
ވަރަށް އުފާ ވެއްޖެ މީތި ކިޔާފަ
މުގާބޭ
08 April 2017
ނަޝީދު ސަރުކާރުގާ އޭނާގެ ބޭބެ ނާޝިދުވަނީ މިފަދަ ބޮޑު ޕުރޮޖެކްޓުތަކެއް ބައެއް ރަށްރަށުގާ ހިންގާފާ. މިހާރު އެތަންތާވަނީ ތަފާތު ވައްތަރުގެ ވެޔޮތައް އަރާ ޖަންގަށްޔަކަށްވެފާ. ސަރުކާރުގެ އެތަށް ބައިވަރު ފައިސާތަކެއް ވޭސްޓުވެގެންދިޔައީ. އުންމީދުކުރަން ލަންކާގާ އެހެންނުވާނެކަމަށް.............. ނަޝީދަށް ތާއީދުކުރާ ހުރިހާ ބޭފުޅުން މިކޮމެންޓް ޑިސްލައިކިުކޮށްލައްވާ. އަދިކޮންމެ މީހަކު ކުރިކަމުގައިވިޔަސް، ހަގީގަތް ބަައިގަންނަން ބޭނުންވާ މީހުން މި ކޮމެންޓް ލައިކުކޮށްލައްވާ.
ކަމަނަ
09 April 2017
ލައިކް އަދި ޑިސްލައިކްގެ އަދަދު ގުނާތި
ައާޕް
09 April 2017
ބެލެހެއްޓުމަކީ ކޮންބައެއްގެ ޒިންމާމެއްތޯ. ކައުންސިލް ތަކައް ޒިންމާނެގޭނީ އެމީހުންނައް ބަޖެޓުދިނީމަ. ވަކިމީހަކު ކުރީމަ ނެތިކޮއްލަން ކުރާކަންކަމުގެ ޒިންމާ ނަގަން ޖެހޭނީ އެއްޗެއް ގާއިމު ކުރިމީހުން ކަމައް ވަންޔާ އެ ދެން ވަރައް ދެރަވަރު،
ބެންތެޔޮ
08 April 2017
މީދޯ ވެއްޓުނު ރައީސް މިގައުމަށް ރިނިއުބަލް އެނާރޖީ ގެންނަން އުޅުނުކަމަކީ. ބޭބެއަށް ލާރިގަނޑެއް ހޯދަދިނީ. ހައްތަހާވެސް އަމިއްލަޖީބު ފުރަންއުޅޭ ވެރީން.
ޢަލީ
08 April 2017
އާޗާ. އުފާ ވާކަހަލަ ހަބަރެއް.
ދދ
08 April 2017
ޤައުމު ތަކުގެ އިޤުތިސާދުގައި ހިމެނޭ އެންމެ މުހިންމު އެއްޗަކީ 1- އެއްގަމުމަސް ގެރިބަކަރީގެ ކިރުން އުފައްދާ ތަފާތުކާނާ ޗީޒު ބަޑަރު ޔޯގެޓް ކިރު ފަދަ އެއްޗެހި. 2- ކަންޑު މަސް ކަޑުމަހުގެ ތަފާތު ކާނާ. 3- ގޮވާމާއި ތަރުކާރީ އާއި މޭވާގެ ތަފާތު ކާނާ ޖޫސް ފަދަ އުފެއްދުން.
ޔަހުޔާ
08 April 2017
1950 ގަ ؟