ޕީޕީއެމްގެ ޕާލަމެންޓްރީ ގުރޫޕުން ބޭއްވި ނިއުސް ކޮންފަރެންސެއްގައި އަލީ އާރިފް ވާހަކަ ދައްކަވަނީ.---މިހާރު ފައިލް ފޮޓޯ
09 އެޕްރީލް 2017 - 17:29
148 comments
ރައްޔިތުންގެ މަޖިލިހުގެ ރައީސާއި ނައިބު ރައީސްގެ އިތުބާރު ނެތްކަމުގެ މައްސަލަ މަޖިލިހަށް ހުށަހެޅޭނީ 42 މެމްބަރުންގެ ސޮޔާއެކު ކަމަށް މަޖިލިހުގެ އާންމު ކޮމެޓީން ދެންމެ ފާސްކޮށްފި އެވެ.
މަޖިލިހުގެ ގަވައިދުގައި މިހާރު އޮންނަ ގޮތުން މަޖިލިހުގެ ރައީސާއި ނައިބު ރައީސް މަގާމުން ވަކިކުރުމަށް ހުށަހެޅޭނީ 15 މެމްބަރުންނަށް ވުރެ މަދު ނޫން އަދަދެއްގެ ސޮޔާއެކު އެވެ.
އާންމު ކޮމެޓީގެ މުގައްރިރު ކެލާ ދާއިރާގެ ޕީޕީއެމްގެ މެމްބަރު އަލީ އާރިފް ވިދާޅުވި ގޮތުގައި އާ އިސްލާހު މަޖިލިހުގެ ތަޅުމުން ފާސްވެއްޖެ ނަމަ، މިހާރު އިދިކޮޅު ފަރާތްތަކުން ޖިލިހަށް ވައްދާފައިވާ، މަޖިލިހުގެ ރައީސް އަބްދުﷲ މަސީހް އާއި ނައިބު ރައީސް މޫސާ މަނިކުގެ އިތުބާރު ނެތްކަމުގެ މައްސަލަ ވެސް އޮޓަމެޓިކުން މަޖިލިހުން ބޭރުވާނެ ކަމަށެވެ.
"ސަބަބަކީ އެއީ ގަވައިދަށް ކޮމެޓީން މި ބަދަލު ގެނައީ މިހާރު މަޖިލިހަށް ހުށަހަޅާފައިވާ އެފަދަ މައްސަލަތަކަށް ވެސް އެޕްލައިވާ ގޮތަށް،" އޭނާ ވިދާޅުވި އެވެ.
ވެރިކަންކުރާ ޕީޕީއެމްގެ ޕާލަމެންޓްރީ ގުރޫޕުގެ ފަރާތުން ދެންމެ ބޭއްވި ޕްރެސް ބްރީފިންއެއްގައި، އެ ގުރޫޕުގެ ލީޑަރު އަހުމަދު ނިހާން ވިދާޅުވީ، މަޖިލިހުގެ ރައީސް މަގާމުން ވަކިކުރުމުގެ މައްސަލަ އިރުއިރުކޮޅާ ހުށަހަޅަނީ، ގައުމު ހަލަބޮލިކޮށް، ޖެއްސުން ކުރަން ކަމަށެވެ. އޭނާ ވިދާޅުވީ އެކަން ހުއްޓުވުމަށް މަޖިލިހުގެ ގަވައިދަށް އިސްލާހު ގެނެވެން އޮތް ގޮތަކަށް އިސްލާހު ގެނެސް "ވެކްސިން" ޖަހާނެ ކަމަށެވެ.
"އަޅުގަނޑުމެން ބޭނުންވަނީ މާދަމާ ވެސް ގަވައިދުގެ ދަށުން މި ލިބޭ ބާރުގައި މި ކަންތައް މިގޮތަށް ހުއްޓުވުމަށް ފަހު، މިއަށް ވެކްސިން ޖެހުމަށް ފަހު މަޖިލިހުގެ މުހިންމު މަސައްކަތްތައް ކުރިއަށް ގެންދަން. މި ރޯގާ އަށް ވެކްސިން ތައްޔާރުކޮށް މިއަދު މި ނިމުނީ. އަޅުގަނޑުމެން އެ ވެކްސިން ޖަހާނަން. މި ވެކްސިން އަށް ފަހު މި ބަލިމަޑުކަމެއް، މި ރޯގާއެއް މި އަހަރުގެ ތެރޭގައި އިރާދަކުރެއްވިއްޔާ ދެން ލައެއް ނުގަންނާނެ،" ނިހާން ވިދާޅުވި އެވެ.
އޭނާ ވިދާޅުވި ގޮތުގައި މަޖިލިހުގެ ރައީސްއާ ގުޅޭ ވޯޓެއް ދެން ނަގަން ޖެހުނަސް އެކަން ކުރާނީ ރޯލްކޯލް ވޯޓަކުންނެވެ.
މަޖިލިހުގެ ރައީސް އާއި ނައިބު ރައީސް މަގާމުން ވަކިކުރުމަށް ހުށަހެޅުމުގެ ފުރުސަތު ވަރަށް ބޮޑަށް ހަނިކުރަން އާންމު ކޮމެޓީން ފާސްކުރިއިރު، ނައިބު ރައީސް މޫސަ މަގާމުން ވަކިކުރުމުގެ މައްސަލަ އަންނަ އަންގާރަދުވަހުގެ ޖަލްސާ އަށް ވަނީ އެޖެންޑާކޮށްފަ އެވެ. އެ މައްސަލަ މަޖިލިހަށް ވެއްދީ 15 މެމްބަރުންގެ ސޮޔާއެކު އެވެ. އަދި މަޖިލިހުގެ ރައީސް މަސީހް މަގާމުން ވަކިކުރުމުގެ މައްސަލަ 31 މެމްބަރުންގެ ސޮޔާއެކު އިދިކޮޅު ފަރާތްތަކުން މިއަދު ވަނީ ދެވަނަ ފަހަރަށް މަޖިލިހަށް ވައްދައިފަ އެވެ.
މަސީހް މަގާމުން ވަކިކުރުމުގެ މައްސަލަ އިދިކޮޅު ފަރާތްތަކުން ކުރިން ހުށަހަޅައި މިދިޔަ މަހުގެ 27 ގައި ވަނީ އެމަނިކުފާނުގެ އިތުބާރު އޮތް ކަމަށް ފާސްކޮށްފަ އެވެ. އެކަމަކު ރޯލްކޯލް ވޯޓަކަށް ޕީޕީއެމް ކޯލިޝަނުން ދާން ބޭނުންވުމުން އެކަމާ މެދު އުފެދުނު ހިޔާލު ތަފާތުވުންތަކުގައި އިދިކޮޅު ފަރާތްތަކުން އެ ދުވަހުގެ ވޯޓް ބޮއިކޮޓް ކުރި އެވެ. އެހެންވެ މަސީހްގެ އިތުބާރު އޮތް ކަމަށް މިދިޔަ މަހު މަޖިލިހުން ނިންމީ އިދިކޮޅު މީހުންގެ އެއްވެސް ބައިވެރިވުމެއް ނެތި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފިނދަނާ
10 April 2017
ރައްޔިތުންގެ މަޖިލީހެއް ކަމަކަށް ގަބޫލެއް ނުކުރެވޭ.
ފިނދަނާ
10 April 2017
އަނިޔާވެރި ބައެއްގެ ޝިކާރައަކަށް ރައްޔިތުންގެ މަޖިލިސް ހަދާލައިފި. ކުރިޔަށް އޮތްތާގައި ވެސް މެންބަރުން ހޮވުމުގައި މިހާރަށްވުރެ ބޮޑަށް ރައްޔިތުން ޒިންމާދާރު ވާން ޖެހިއްޖެ. މިމަޖިލިހެއް މިމީހުންގެ ދައުރުގައި ދެން ހަމައަކަށް އެޅުވޭނެހެނެއް ހީއެއް ނުވޭ.
ޖާރަތު
10 April 2017
މަތީގެ ސުރުހީ ބަދަލުކޮށްލަން ފެނޭ.
ބަދަލުބޭނުން
10 April 2017
ބަދަލު ކުރަން ބޭނުންވަނީ މިހެން ފާޑުފާޑަށް ޤަވައިދުތައް ބަދަލުކޮށްގެން ވަކިބަޔަކު ބޭނުންވާގޮތަށް ކަންކަން ނިންމާތީވެ! ތިޔަމަޖިލިސް އަމިއްލަގެއަށް ގެންދެބަލަ ހަމަޤައިމުވެސް ތިޔަމަޖިީހުގައި މިހާރުހުރި މެމްބަރަކަށް ތާއީދުކޮށްގެން ދެންއަންނަ ދައުރަކަށް ނުހޮވާނަން
މަލަކާ
10 April 2017
މަޖިލިސް ތެރެއިން މިގައުމު ހުދުމުހުތާރު އަނިޔާވެރި ގައުމަކަށް ބަދަލުކުރުމަށް މަގުކޮށާދީ ގައުމު އަނދަވަޅަކަށް ވައްޓާ ލުމަކީ ވަރަށް ނާތަހުޒީބީ ދަށުދަރަޖައިގެ އަމަލަކެވެ. މީގައުމާއި ރައްޔީތުން ދެކެ އެއްވެސްވަރަކަށް ލޯބިވާ ބަޔާކު ކުރާނެ ކަމެއްނޫނެވެ. ގާނޫނު އަސާސީގެ ބާރު ކަނޑުވާލާ އިންސާފު ގެއްލުވާލުމާކީ ބޮޑު އަނިޔާއެކެވެ. މިގައުމު ހަމަމަގަށް އަޅުވަން ބޭރު ގައުމުތަކުގެ އެހީއަށް އެދެންޖެހޭ ހިސާބަށް މިހާރު ކަންތައްތައްދަނީއެވެ. އަނިޔާވެރިންގެ ކިބައިން މިގައުމު ސަލާމަތް ކުރަން ޖެހެއެވެ.
ސިޔާސީފެންޑާ
10 April 2017
އަބަދު އެއް ގޮޅީގައި ތިބޭނެ ކަމަށް ވިސްނުމަކީ ވަރަށްވެސް ރެދަކަމެއް. ކުރިން އިދިކޮޅުއިރުވެސް ސަރުކާރު ހިންގަން ދަތިކުރުމަށް ޤާނޫނުތަކަށް ބަދަލުގެނައި ވެރިކަމަށް އައިސް ޖެހުނީ އެހުރިހާ ޤާނޫނެއް އިހު އޮތްގޮތަށް ބަދަލުކުރަން. މިހާރު އެ އުޅޭނީ އިދިކޮޅު ސިޔާސީ ހަރަކާތް ހުއްޓުވަން ޤާނޫނު މެދުވެރިކޮށް ދެން އިދިކޮޅަށް އަރަ އުޅޭނެ އަނެއްކާވެސް ޤާނޫނު ބަދަލުކުރަން . އެހެންވީމާ މަޖިލީހުގެ ވަގުތު ބޭކާރު ކުރަނީ ކޮން ބައެއްކަން ވަރަށް ސާފުނޫންތޯ؟
ވާޥާފުތާ
10 April 2017
އަޅެ ދުނި އުމުރު ތިޔާ ގޮނޑިތަކުގެ ތިބެންތޯ ތިޔާ މަސައްކަތްކުރަނީ 2018 ގަ އިދިކޮޅު މީހުންނަށް ވެރިކަން ލިބިގެން އެމީހުން ބޭނުންގޮތަކަށް ވެރިކަން ހިންގަން މަޖިލީހުގެ މެޖޯރިޓީ ނެތަސް ކަންކަން ނިއްމޭ ގޮތައް ގާނޫނު ތައް އިސްލާހުކޮއް ކޮށާ މަށާލާ ،އެންމެފަހުން ބޮނޑިއެއް ބޮއިގެން ތިޔާ ކުޅިގަނޑު ހުއްޓާލާނީ އޭރު އޮންނާނީ މަލަސްވެފަ، ދެން ތިޔާ މަޖިލީހުގެ މެމްބަރުންވެސް ސަރުކާރު ފަޅިއަށް ގޮސްފި މީހަކު އެހެންފަޅިއަކަށް ބަދަލު ވަންޏާ ޖެހޭނީ ގޮނޑި ދޫކޮއްފަ އަލުން އިންތިހާބްވާންކަމަސް ނިންމާލާ އޭރުން ތިޔާން އެއްވެސް ކުސުރި ބުސުރި ގާނޫނެއް ހަދާކައް ނުޖެހޭނެ ،
ސޮއި
10 April 2017
ކީއްވެތަ 84 ސޮއިނެތި ހުށަނޭޅޭގޮތަށް ގަވާއިދު ބަދަލުނުކުރީ އޭރުން ވެރިމީހާއަށް އަދިމާ ޔަގީންކަން ބޮޑުވާނެއްނު
އަހުމަދު
10 April 2017
މިގޮތަށް ޤާނޫނާއި ޤަވާއިދު ބަދަލުކޮށްގެން ކުށް ކުށައްނުވާނަމަ މީވަރަށް ފައްކާގޮތެއް އާރަކާއި ބާރެއްލިހުނަސް މިހުންނަނީ ވަރަށް ދަށުދަރަޖާގެ އަމަލުތައް. އެހެންވެތަ ވަކިބަޔަކަށް ހުކުމް މިއަންނަނީ ކުރީއެއްކަހަލަ އަމަލުތަކެއް. ބޭކަލަކު ބެރިކޭޑް މަތިން ޖަންޕުޖަހާ ވީޑިއޯއެއްވެސް ދުށިން. ނެތް އިސާރާތެއް. ހަމަ ރަގަޅު.
ފފ
10 April 2017
85 މެމްބަރުންގެ ތެރެއިން 42 މެމްބަރުން ވޯޓް ދެނީ ދަރުބާރު ފެކްޝަނުން ހުށަހަޅާ ގޮތަކަށޯ ކޮބައިތޯ ބާކީ ތިބި 43 މެމްބަރުން ވޯޓް ދޭގޮތަކީ. ތިޔައީ ހޮޅުއަށިތަކުގެ ނިންމުން.