މަޖިލިހުގެ ރައީސް މަސީހު އާއި ނައިބު ރައީސް މޫސަ.--- ފޮޓޯ: މަޖިލިސް
09 އެޕްރީލް 2017 - 21:10
32 comments
ރައްޔިތުންގެ މަޖިލިހުގެ ރައީސާއި ނައިބު ރައީސްގެ އިތުބާރު ނެތްކަމުގެ މައްސަލަ މަޖިލިހަށް ހުށަހެޅުމުގެ ފުރުސަތު ހަނިކުރުމަށްޓަކައި ގަވައިދަށް ހުށަހަޅާފައިވާ އިސްލާހު ފާސްކުރުމަށް މާދަމާ ޖަލްސާއެއް ބޭއްވުމަށް ނިންމައިފި އެވެ.
މަޖިލިހުގެ ޖަލްސާތައް އާންމުކޮށް ނުބާއްވާތާ އެއް މަހަށް ވުރެ ގިނަ ދުވަސް ވެފައިވަނިކޮށް، މާދަމާ ހެނދުނު 11:00 ގައި ކުރިއަށް ގެންދާ ޖަލްސާ އަށް އެޖެންޑާ ކޮށްފައި ވަނީ ވެސް ގަވައިދަށް އިސްލާހު ގެނައުމުގެ މައްސަލަ އެކަންޏެވެ. އެއީ މަޖިލިހުގެ ރައީސާއި ނައިބު ރައީސް ކަމުގެ އިތުބާރު ނެތްކަމަށް ހުށަހެޅޭނީ 42 މެމްބަރުންގެ ސޮޔާއެކު ކަމަށް ނިންމުމުމުގެ މައްސަލަ އެވެ.
މަޖިލިހުގެ ގަވައިދުގެ 175 (ހ) ގައި މިހާރު އޮންނަ ގޮތުން މަޖިލިހުގެ ރައީސާއި ނައިބު ރައީސްގެ އިތުބާރު ނެތްކަމުގެ މައްސަލަ ހުށަހެޅޭނީ 15 މެމްބަރުންނަށް ވުރެ މަދު ނޫން އަދަދެއްގެ މެމްބަރުންގެ ސޮޔާއެކު އެވެ.
މަޖިލިހުގެ ރައީސާއި ނައިބު ރައީސްގެ އިތުބާރު ނެތްކަމުގެ މައްސަލަ ހުށަހެޅުމުގެ ފުރުސަތު ހަނިކުރުމުގެ އިސްލާހު އާންމު ކޮމެޓީން މިއަދު ވަނީ ފާސްކޮށްފަ އެވެ. އެކަމަކު އެއަށް އަމަލު ކުރެވޭނީ މަޖިލިހުގެ ތަޅުމުން ފާސްކޮށްގެންނެވެ. މިކަމަށްޓަކައި ބޭނުންވަނީ މަޖިލިހުގެ ސިމްޕަލް މެޖޯރިޓީ އެވެ.
މަޖިލިހުގެ ރައީސް އަބްދުﷲ މަސީހާއި ނައިބު ރައީސް މޫސާ މަނިކުގެ މަގާމު "ސަލާމަތް ކުރުމަށްޓަކައި" ގަވައިދަށް ގެންނަ އިސްލާހާ މެދު ގޮތެއް ނިންމަން ކުއްލި ގޮތަކަށް މާދަމާ ޖަލްސާއެއް ބާއްވަން ނިންމިއިރު، މޫސަ މަގާމުން ވަކިކުރުމުގެ މައްސަލަ ވަނީ އަންނަ އަންގާރަދުވަހަށް އެޖެންޑާ ކޮށްފަ އެވެ. އަދި މަސީހް މަގާމުން ވަކިކުރުމުގެ މައްސަލަ އިދިކޮޅު ފަރާތްތަކުން ވަނީ ދެވަނަ ފަހަރަށް މަޖިލިހަށް މިއަދު ވައްދައިފަ އެވެ. މަސީހްގެ މައްސަލަ މިފަހަރު ވެއްދީ 31 މެމްބަރުންގެ ސޮޔާ އެކު އެވެ. ކުރީ ފަހަރު އެ މައްސަލަ ހުށަހެޅީ 26 މެމްބަރުންގެ ސޮޔާ އެކު އެވެ.
މިދިޔަ މަހުގެ 27 ގައި އޮތް ވޯޓުން މަސީހް ސަލާމަތްވި ނަމަވެސް އިދިކޮޅު މެމްބަރުން ވަނީ އެ ދުވަހުގެ ޖަލްސާ ބޮއިކޮޓް ކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސާދާސީދާ
10 April 2017
މަޖުލިހުގެ ކޯރަމް އަކީ 22. ވީއިރު 12 ވޯޓުން ނިންމޭކަމެއް ހުށަހެޅުމަށް 42 ވޯޓް ބޭނުންވެގެންނުވާނެ.
ކުޅިވަރު
10 April 2017
ކުޅިވަރަކަށް މިވަނީ ސަރުކާރު ހިންގާ ޕާޓީން ކުރީމަކަމަށްދެކެނީ ވަރަށް ދެރަވަރުކަމުން. އަދި ގޮތެއް ނެތިވެސް ސަރުކާރު ހިންގާ ޕާޓީން ކުރީމަދޯ. އިދިކޮޅު ޕާޓީއަކުން ކޮށްފިއްޔާ ވަރަށް ހަރުދަނާ ކަމަކަށް މިވަނީދޯ؟ ކިހިނެއް ދެކެނީ. ތިހިރީ އެއްފަރާތަށް އަރިއަޅާފަ ނުތެދުވެވޭވަރު ވެފައެއްނު. ދެން ކަމަކު ނުދާނެ އެހެންމީހަކުކުރާ ކަމެއް.
ޖޭޑް
10 April 2017
ކޮންމެ ކަމެއް މިކުރަނީ މިގޮތަށެވެ. މިރާއްޖޭގެ އެންމެ ރައްޔިތުން މިކަމާ ފުންކޮށް ވިސްނަން ޖެހިއްޖެއެވެ. ކަމެއް ބޭނުންވާއިރަށް އެކަމެއް ކުރެވޭގޮތަށް ގަވާއިދަށް ނުވަތަ ގާނޫނަށް ބަދަލު ގެންނަނީއެވެ. މިއީކީ ގާނޫނުގެ ހުކޫމަތު ހިނގާ ތަންތަނުގައި ކަންކުރާ ގޮތެއް ނޫނެވެ. މިއީ ބޭނުންވާ ކަމަކަށް ގާނޫނު ހެދުމެވެ. ގާނޫނާ އެއްގޮތަށް ކަންކުރުމެއް ނޫނެވެ. ގާނޫނުތައް ގަވާއިދުތައް ހަދާފައި މިހުންނަނީ ވަކިތަރުތީބަކުން ހަމަތަކަކުން ކަންކަން ކުރަންވެގެންނެވެ. ބޭނުންކަމެއް ބޭނުން އިރަކު ބޭނުން ގޮތަކަށް ކުރުމުގެ ފުރުސަތު ނުދެންވެގެނެވެ. މި ދުވަސްތަކަކީ ހިތާމަވެރި ދުވަސްތަކެކެވެ. މެމްބަރުންގެ ޒިންމާ ބޮޑެވެ.
ދެރަ
10 April 2017
ރައްޔިތުންގެ ޙައްޤުތަކަށް ރޯމާ ދުވާލު ތިޔަ އަރައިގަންނަނީ ތިބާމެންނަށް ވުރެ މަތިވެރިފަރާތެއް ވާކަން ހަނދުމަނުވާތީތަ؟ ވަރަށް އަވަހަށް ރައްޔިތުންނަށް ގެއްލުނު ޙައްޤުތައް މާތްﷲ ދެއްވާނެ. އިންޝާ ﷲ
ދޮންދޮނާ
10 April 2017
ރީކޯމޫސަގެ ފަހަތުގައި ކިތައްމީހުންބާ ތިބެނީ.....
ޑިމޮކްރަސީ
10 April 2017
ސާބަހޭ ރައްޔިތުންގެ މަދު މަންދޫބުންކޮޅެއް ތިކުރަމުންދާ ހިއްވަރަށް ވަރިހަމަ 100 ފަހަރު ހުށައަޅަންޖެހުނަސް މާލަސްތަކެއްނުވެ އިންޝާﷲ ޙައްޤަށް ނަސްރު ލިބި ތިއަނިޔާވެރިންގެ ކިބައިން ސަލާމަތްވާނެ
ނޫނުއަލިފް
10 April 2017
އިތުބާރުނެތްކަމަށް ބިލެއް ހުށައަޅާފައި މީހުން މަދުކަމުން ރޭރުވީމާ ކޮންމެ ފަހަރަކުވެސް ހަޅޭފަޅެއް ޖަހާފައި ނިކުމެގެން ދިޔާމައި އެ ވާނެތަ އާރުލާ ކަމަކަށް. މިހާރު މިވާގޮތުން އެފަދަ ބިލެއް ބަލާގަންނަވަރުކޮށްފިއްޔާ ދެން އެޖެހުނީ ބޮޑުތަނުގައި. ފާސްވާނެ. ވީމާ ވަރަށް ރަގަޅު އިސްލާޙެއް އެއީ.
ރަށްޔިތުންގެ ވޯޓުން ވިޔަސް ބާލާނަން
09 April 2017
އެހެންމީހުން ފިއްތާވަރަށް ތިމާމެންވެސް ފިތެނީ ކޮަޅުބެދެނީ ################ ދޮގެއްތަމީ ##########
42 ވަނަފޮތުގެ 42 ވަނަބާބުގެ 42 ވަަނަސަފުހާގެ 42 ވަނަ ފޮޅުވަތް
09 April 2017
މަގުމަތީ ކޯަޓު ހެދިމީހާ މިހާރު ރަގަޅުވީދޯ !!!!!!! މަރަށްތެލޭއިރު ތިހެންވާނީ
އައިއެފް
09 April 2017
އިސްލާހު ހުށައެޅިޔަސް ހުށައެޅިފައިވާ އިތުބާރުގެ ދެމައްސަލަ ކުރިޔަށް ގެންދެވޭނެ އެބާޠިލް ނުވާނެ. މިއީ ޤާނޫނީ މަފްހޫމް. ދެން އިސްލާހު ހުށައެޅީ ދަރުބާރު ފެކްޝަނުގެ ކޯލިސަން ގޮތްހުސްވުމުން. ބަލިވާނެކަން އެނގޭތީވެ.