ވަރަށް ބޮޑަށް ވީރާނާ ވެފައިވާ މަހިބަދޫ އަންނާރުމާގެ: މަހިބަދޫ ރައްޔިތުން އަންނަނީ އަލުން މި ގެ ހަދައިދިނުމުގެ މަސައްކަތް ކުރަމުން-- ފޮޓޯ: އަހުމަދު ހިޝާން
13 އެޕްރީލް 2017 - 19:13
35 comments
އދ. މަހިބަދޫގައި އުޅޭ ނިކަމެތި އާއިލާއަކަށް އެ ރަށު އަންހެނުންގެ ކޮމެޓީ އާއި ކައުންސިލުން އަދި ރައްޔިތުން ގުޅިގެން ގެއެއް ހަދައިދިނުމުގެ މަސައްކަތް ފަށައިފި އެވެ.
މިކަމުގައި އެ މީހުންނަށް އެންމެ ބޮޑަށް އެހީތެރިވެދެނީ ކުރީގެ ޑިސްއެބިލިޓީ އެމްބެސެޑަރު އަދި އިޖުތީމާއީ ދާއިރާއިން ހިތްވަރު ދިނުމުގެ އިނާމު ލިބިވަޑައިގެންފައިވާ އަހުމަދު ހިޝާމެވެ.
މި މަސައްކަތުގައި އިސްކޮށް އުޅޭ މަހިބަދޫ އަންހެނުންގެ ކޮމެޓީގެ ރައީސާ އައިޝަތު ޖީޒާ ވިދާޅުވި ގޮތުގައި ވަރަށް ކުރިއްސުރެ އެ ރަށުގައި ނިކަމެތިކޮށް އުޅޭ އާއިލާއެއްގެ ގެ ކަމަށްވާ އަންނާރުމާގެ އަލުން ހެދުމުގެ މަސައްކަތް ފަށާފައިވާ ކަމަށެވެ.
އަންނާރުމާގޭގެ ކުޑަދޮރެއްގައި ފިލާ ޖަހައި ބަންދުކޮށްފައި
އެ ގޭގައި ދިރިއުޅޭ އުމުރުން 50 އަހަރުގެ މަންމަ އަށް ދެ ކުދިން ލިބިފައިވާއިރު، އެންމެ ކުރިއްސުރެ އެ މީހުންގެ ބައްޕަގެ އެއްވެސް އަޅާ ލުމެއް ނުލިބޭ ކަމަށް ވެ އެވެ. އަދި އޭގެ ތެރޭން އަންހެން ދަރިފުޅު މީހަކާ އިނދެގެން ތިން ކުދިންނާއެކު އަންނާރުމާގޭގައި އުޅުނު ނަމަވެސް އެ މީހުންގެ ދިރިއުޅުން ވަރަށް ނިކަމެތި ކަމަށް އަންހެނުންގެ ކޮމެޓީން ބުންޏެވެ.
"ވިއްސާރަ ވެހޭއިރު ފުރާޅުން ވާރޭ ވެހޭނެ. ނިދާނެ ގޮދަޑިއެއް ކަހަލަ އެއްޗެއް ވެސް ނެތް،" ޖީޒާ ވިދާޅުވި އެވެ.
ހިޝާން އަމިއްލަ ގޮތުން މަހިބަދޫ އަށް ކުރެއްވި ދަތުރެއްގައި އެ އާއިލާއާ ބައްދަލުވުމުން އޭނާ ނިންމެވީ އެމީހުންނަށް އެހީވުމަށެވެ. އެހެންވެ، ހިޝާން އިސްނަގައިގެން އެކި ފަރާތްތަކުގެ އެހީގައި ތަކެތި ހޯދައިދިނުމުން، އެ މަސައްކަތް ކުރަނީ އަންހެނުންގެ ކޮމެޓީ އާއި ރަށު ކައުންސިލުންނެވެ.
މަހިބަދޫގެ ބަޔަކާއެކު ހިޝާން ފޮޓޯއެއް ނަންގަވަނީ.
ޖީޒާ ވިދާޅުވީ ތިން ކޮޓަރީގެ ގޭގެ ފާރުތައް ނޫން އެހެން ހުރިހާ ތަނެއް އަލުން ހަދާނެ ކަމަށެވެ. ފާރުތަކުގައި ސިމެންތި ޖަހައި، ގޭގައި ތަށިމުށި ޖަހައި ސީލިންގް ހަރުކޮށް ކުޑަދޮރުތައް ބަހައްޓާނެ ކަމަށް ވިދާޅުވި އެވެ.
އަންހެނުންގެ ކޮމެޓީން މަސައްކަތް ކުރަނީ އަންނަ ރޯދަމަހުގެ ކުރިން އެގޭގެ އެއް ކޮޓަރި މުޅިން ނިންމާލުމަށެވެ.
"ހިޝާންގެ އިސްނެންގެވުމާއެކު އަޅުގަނޑުމެން މި މަސައްކަތް ފެށީ. އެކަމަކު މިހާރު ރަށުގެ ރައްޔިތުންގެ ފަރާތުން އަންނަނީ މިކަމަށް އެއްބާރުލުން ލިބެމުން. މިއީ ވަރަށް އުފާވާ ކަމެއް،" ޖީޒާ ވިދާޅުވި އެވެ.
ގެ ނިންމުމަށް ދާނެ ހަރަދު މުޅިން ނޭނގުނު ނަމަވެސް އެއީ ވަރަށް ބޮޑު އަދަދަކަށް ވާނެ ކަމަށް އޭނާ ވިދާޅުވި އެވެ.
މަހިބަދޫ ރައްޔިތުންގެ މި މަސައްކަތް ހިޝާން ފާހަގަ ކުރެއްވީ ނަމޫނާ މަސައްކަތެއްގެ ގޮތުގަ އެވެ.
"ވަރަށް އޯގާތެރި ބައެއް އުޅޭ ރަށެއް އެއީ. ފުރުސަތެއް ފަހިކޮށްދިނުން އެންމެން ވެސް އެކަމުގައި ބައިވެރިވި،" އޭނާ ވިދާޅުވި އެވެ.
ހިޝާން އާއި މަހިބަދޫ އަންހެނުންގެ ކޮމެޓީ ގުޅިގެން، އެ ރަށުގައި ތިބި ނުކުޅެދުންތެރިކަން ހުންނަ މީހުންނަށް، އެންސްޕާއިން ލިބެން ޖެހޭ އެހީތައް ހޯދައިދީ، ފުރޮޅުލީ ގޮނޑި އާއި އަސަ އާއި ބާލީސް ފަދަ އެއްޗެހި ވެސް ވަނީ ހަދިޔާކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސަރުކާނު
15 April 2017
ރަށު ކައުންސިލަށް ހަމަ ސާބަސް
އަލީ
15 April 2017
އަޅުގަނޑު އެދެން ދިވެހި ސަރުކާރުންވެސް 2 ލައްކަ ވަރަކައް ރުފިޔާ ދިނުމައް ރާއްޖެޓީވީ ޖޫރިމަނާ ކުރިފައިސާޔާ މަގުމަތީ ހުންނަ ވެހިކަލުގަ ސްޓިކާ ޖަހައިގެންނާ ފަރައް ބޯޓުއަރައިގެން އެތައް މިލިޔަން ޑޮލަރެއް ވަނީ ލިބިފަ މިފައިސާތައް ވަންނަ ތަނެއް ނޭނގުނު ރާއްޖޭގެ މިސްކިއްތަކުގަ އޭސީހަރުކޮއްލާނެ ފަދަވެސް ނެތް މިހިރީ ފުރަތަމަ ބުރިޖު އަޅާފަ ރައްޔިތުން ނައް ދައްކާދަޅަ
ކާކުބާ
15 April 2017
ކާކަށް ތޯ އެނގެނީ އަސްލު ހިޝާން އަކީ ކާކު ކަން؟ އަދި ކޮންބޭނުމެއްގައި އުޅޭމީހެއްކަން، ހަމަ ގައިމުވެސް އަހަންނަށް އެނގޭ
އިބުރާހިމް
14 April 2017
ވަރައް ރަގަޅު އަމަލެއް. ހުރިހާ ދިވެހިން ވެސް މިކަން ނަމޫނާ އަކައް ބައްލަވާ.
ޓޮޑީ
14 April 2017
ތީ ވ ރަނގަޅު ކަމެއް
ޝާޝް
14 April 2017
ހިސާން އެންބެސަޑަރަކަށް އަނެއްކާވެސް ހެދުމަށް ޖެންޑަރ މިނިސްޓަރަށް ގޮވާލަން. ހިސާންއަކީ ނުކުޅެދުންތެރިކަން ހުންނަ ފަރާތްތަކަށް ވަރަށްބޮޑެތި ހިދުމަތްތަކެއް ކުރައްވަމުން ގެންދަވާފަރާތެއްކަން ފާހަގަކުރަން. ޖެންޑަރ މިނިސްޓްރީ ހިންގުމަށް ރައީސުލްޖުމްހޫރިއްޔާ އެބަޖެހޭ ތަޖުރިބާހުރި ފަރާތެއް ވަރަށްއަވަހަށް އައްޔަންކުރައްވަން. ދުންޔާ ފަދަ އާޒިމާ ފަދަ ބޭފުޅަކަށް އެބަޖެހޭ ވަރަށްއަވަހަށް ޖެންޑަރ މިނިސްޓަރަކަށް ހަމަޖައްސަން.
ނުރަބޯ
14 April 2017
މިއީ މާތްﷲގެ މަގުގައި ކުރާ ހޭދައެއް ކަމަށްވާނަމަ މިކަމުގައި ޝާމިލްވާ އެންމެންނަށް އެކަލާނގެ ރަޙްމަތް ލައްވާނެ ޝައްކެއްނެތް.
ޕޮގުބާ
14 April 2017
އެހާހިއްދަތި ހާލުގަ މީހުން އުޅޭއިރުވެސް މަޖިލިސް މެންބަރުން ބަލަނީ ދޮގޮޚަބަރު ފަތުރާ މީޑިޔާތަކަށް ފައިސާޖަމާކުރެވޭތޯ އެކަމަކު ކެންޕެއިން ދުވަސްވަރު ރޮއިރޮފަ ކިޔާނެ ރަށްޔެތުންނާ ވަރަށްގާތުން ރަށްތުންގެހާލު ބަލާނަމެ އަޅުގަޑަށް ވޯޓް ދެއްވާށެ ކީއްތަވާނީ ސަރުކާރާ ގުޅިގެން އެފަދަމީހުންނަށް އެހީއެއްވީޔަ ގައިމު ހިޔޮކަންބޮޑުވެފަ މީހުންގެރުހުމާތާއީދު ލިބޭނެ މަޖިލިސްމެންބަރުން ބަލަނީ ކޮންމެސް މީހަކާއެއްކޮން ނޫމީ ސަރުކާރާއެއްކޮން އަމިއްލަފައިދާޔަށް ޑީލެއް ހެދޭތޮ
ޖީޒާ
14 April 2017
މީސިޔާސީ ކަމެއްް ނޫން. މިރަށުގަ ކުރެވޭ ތަފާތު ކަންކަމުގައި މަޖިލީސް މެނަބަރުގެ ދީލަތި އެހީ ލިބިފައިވާ ފަދައިން މިކަމުގަވެސް ލިބޭނެ
ޣ
14 April 2017
ދާއިރާގެ މެންބަރުގެ އިސްނެގުން މިކަހަލަ ކަންކަމުގަ ނުފެނުމަކީ ހިތާމަ ހުރިކަމެއް އަޅުގަޑު ހީކުރީ މިދާއިރާގެ މެންބަރަކީ ކިޔަވައިގެން ހުރި ރައްޔިތުންނަށް އޯގާތެރި ބޭކަލެއްކަމައް ޒުވާން މެންބަރުން މިގައުމަށް ތަންކޮޅެއް ވަފާތެރިވާންއެބަޖެހޭ ވަކިމީހަކު ނޫނީ ވަކިކުލަޔަކަށްބުރަނުވެ ގައުމަށް އެންމެ ފައިދާހުރިގޮތް ޙިޔާރުކުރަންއެބަޖެހޭ
މުނީޒް
14 April 2017
އެކިއެކި ފަރާތްތަކަށް ދާއިރާގެ މެންބަރުގެ ދީލަތި އެހީ އަބަދުވެސް ލިބޭ. ލަފާ ކުރެވޭ ގޮތުގައި އެ ޢާއިލާއަށްވެސް މެންބަރުގެ އެހީތެރިކަން ތަފާތު ގޮތްގޮތުން ލިބެމުންދާނެ. ރަށުގެ ވަރަށް ގިނަ ނިކަމެތިން ދާއިރާގެ މެންބަރާ މެދު އުފާ ކުރޭ. ހަމަ އެއާއެކު ރަށުގެ ތަރައްޤީއަށް ކުރާ މަސައްކަތްތަކުގައުވެސް ދާއިރާގެ މެންބަރުގެ ވަރަށްބޮޑު އެހީތެރިކަމެއް ލިބޭ
މާކުންބެ
13 April 2017
މާކުންބެ ހަމަ ކާ ހިތްވަނީ. ޢެކަމަކު ގަހުން މި ދުވަސްކޮޅު ފަތް ވެއްޓޭ ވަރުން އެކަން ކުރެވޭ ވަރެއް ނޫން. ވަރަށް ދެރަ ކޮންމެއަކަސް