އިޒްރޭލުގެ ދިފާއީ ވަޒީރާ އެކު އެމެރިކާގެ ދިފާއީ ވަޒީރު މަޓިސް ވާހަކަ ދައްކަވަނީ. --ފޮޓޯ:ރޮއިޓާސް
21 އެޕްރީލް 2017 - 18:23
3 comments
ތެލް އަވީވް (އެޕްރީލް 21) - ސީރިއާގައި ކެމިކަލް ހަތިޔާރު ހުރިކަމާ މެދު އެއްވެސް ޝައްކެތް ނެތް ކަމަށް އެމެރިކާގެ ދިފާއީ ވަޒީރު ޖޭމްސް މަޓިސް ވިދާޅުވެއްޖެ އެވެ.
އިޒްރޭލުގައި ވާހަކަ ދައްކަވަމުން މަޓިސް ވިދާޅުވީ ކެމިކަލް ހަތިޔާރު ހަވާލު ކުރުމަށް 2013 ވަނަ އަހަރު ގާއިމްކުރި އެއްބަސްވުމާ ސީރިއާ އިން ޚިލާފުވެފައިވާ ކަމަށެވެ. އަދި ސީރިއާގެ ހަނގުރާމަ މަތީ ބޯޓުތައް ވަނީ އެ ގައުމުގައި ރަޝިޔާ ސިފައިން ބޭނުން ކުރާ ވައިގެ މަރުކަޒަކަށް ބަދަލުކޮށްފައި ކަމަށް ވެސް މަޓިސް ވިދާޅުވި އެވެ.
މި މަހު 4 ވަނަ ދުވަހު ސީރިއާ އިން ދިން ކެމިކަލް ހަމަލާއެއްގައި 80 އަށް ވުރެ ގިނަ މީހުން ވަނީ މަރުވެފަ އެވެ. ރައްދުގައި އެމެރިިކާ އިން ވަނީ ސީރިއާ އަށް މިސައިލް ހަމަލާ ދީފަ އެވެ. ސީރިއާގެ ރައީސް ބައްޝާރުލް އަސަދު ވިދާޅުވީ ކެމިކަލް ހަމަލާ ދިން ކަމަށް ބުނެ ވާހަކައެއް އުފައްދާފައިވާ ކަމަށެވެ.
ސީރިއާގައި ބޭނުންކޮށްފައި ވަނީ ސަރިން ގޭސް ކަމަށްވޭ. --ފޮޓޯ:ރޮއިޓާސް
ސީރިއާގައި ހުރީ ކިހާ އަދަދެއްގެ ކެމިކަލެއް ކަމެއް މަޓިސް ވިދާޅެއް ނުވެ އެވެ. ނަމަވެސް އިޒްރޭލުގެ ދިފާއީ އޮފިޝަލުން ބުނަނީ އެ ގައުމުގެ ޖާސޫސީ މައުލޫމާތު ދައްކާ ގޮތުން ސީރިއާގައި 1-3 ޓަނުގެ އަދަދަކަށް މަނާކޮށްފައިވާ ކެމިކަލް ހުންނާނެ ކަމަށެވެ.
ރަޝިޔާ އިން ބުނެފައި ވަނީ ސީރިއާ ސަރުކާރުން ކެމިކަލް ހަމަލާއެއް ދީފައި ނުވާ ކަމަށެވެ. އަދި އެއީ އިދިކޮޅު ހަނގުރާމަވެރިންގެ ކެމިކަލް ގުދަނަކަށް ހަމަލާ ދިނުމުން ބޭރުވި ގޭހެއް ކަމަށް ވެސް ބުނެފައިވެ އެވެ. ސީރިއާގައި ބޭނުންކޮށްފައި ވަނީ ވިހަ މާއްދާއެއް ކަމަށްވާ ސަރިން ގޭސް ކަމަށްވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިބިރިހިންބެއްޔާ
21 April 2017
ސީރިޔާގެބިން ފޭރިގެންތިބި އިޒުރޭލުގައި ހުރެގެން، އިރާގުގައި ނުރައްކާތެރި ހަތިޔާރުހުރިކަމަށްބުނެ އެޤައުމު ފުޑުފުޑުކޮއްލި އެމެރިކާގެ ވެރިން ދައްކަވާ ވާހަކަ ޤަބޫލުކުރާނީ ވަކިވައތަރެއްގެ ބަޔަކު.
ކަލޯ
21 April 2017
ތި އިޒްރާއިލާއި އެމެރިކާގަ ނެތީ ކޮންކަހަލަ ހަތިޔާރެއް؟ ދުނިޔެ ފަނާކުރަނިވި ހުރިހާ ނުރައްކާތެރި ހަތިޔާރު ގެންގުޅޭ ބައެއް. އެހެން ޤައުމުތަކަށް ނެތް ހައްގެއް ވަކި ކަލޭމެންނަށް އޮންނަން ޖެހޭ ސަބަބެއް ނެތް. އެހެން ޤައުމުތަކަށް ހަތިޔާރު އުފައްދާ ބޭނުންކުރުމުގެ ހައްގު ނެތްނަމަ ކަލޭމެންނަށްވެސް އެ ހައްގު އޮވެގެން ނުވާނެ
މެެންޓަލިސްޓް
21 April 2017
އާއަވަހަށް ސީރިޔާއަށް އަރައި އެތަން ބިމާހަމަކުރޭ ،،،، ދެންބުނާނީ ޑިމޮކްރެސީގެނައީއޭ ،،، ދެން އެތަނުގެ ހުރިހާ މުއްސަނދިކަމެށް އެމެރިކާގެ ކުންފުނިތަކަކަށް ބަހާލީމައި އެއޮތީ ހުރިހާކަމެށް ހަމަވެގައި ،،، ދެން ރީބިލްޑިން ސީރިޔާ ކެންޕެއިން ޖައްސާނީ ،،، ބިލިއަނުން ބަޖެޓްކޮއްފައި އެފައިސާވެސް އަމިއްލަ ގައުމުގެ ކުންފުނިތަކަށް ދޭނީ ،،،، ދެން ސީރިޔާގެ ބައެއް އިޒްރޭލްއަށް ދޭނީ ،،،، އޭރުން އެމީޙުންގެ ޕްރޮމިސްޑްލޭންޑް ވެސް އެމީޙުންނަށް ލިބުނީ ،،، ދެން ކިޔާނީ ގްރޭޓަރ އިޒްރޭލް ،،،، ވަރަށްވެދުން