އަންނަ ހަފުތާގައި މުބާރާތުން ދެ ބައިވެރިއަކު ކަޓައި، މޯލްޑިވިއަން އައިޑޮލް ދޭއްގެ ގަދަ ތިނެއް ކަށަވަރުވެގެން ދާނެ.
މޯލްޑިވިއަން އައިޑޮލް ދޭއްގެ ގަދަ ފަހެއް: ރޭ އެލިމިނޭޝަނެއް ނެތް.
23 އެޕްރީލް 2017 - 07:43
11 comments
މޯލްޑިވިއަން އައިޑޮލް ސީޒަން ދޭއްގައި މިހާރު ތިބި ގަދަ ފަސް ބައިވެރިން، ރޭ އެލިމިނޭޝަނަކަށް ނުގޮސް ސަލާމަތްވެއްޖެ އެވެ.
ތިން ބައިވެރިއަކު ބޮޓަމް ތުރީ އަށް ގެންދިއުމަށް ފަހު، އެލިމިނޭޝަނެއް ނެތްކަން އިއުލާން ކުރީ ޖަޖް އިބްރާހީމް ޒައިދު އަލީ (ކުޑަ އިއްބެ) އެވެ.
އޭނާ ބުނީ ތިން ޖަޖުން ވެސް ވާހަކަ ދައްކައިފައި، އެއްވެސް ބައިވެރިއަކު މުބާރާތުން ރޭ ވަކި ނުކުރަން ނިންމީ ކަމަށެވެ.
ރޭ ބޮޓަމް ތުރީ އަށް ދިޔައީ އިބްރާހީމް ވަހީދު (ބޮޑުބެ) އާއި އަބްދުﷲ ހިޝާންގެ އިތުރުން ޝަމްވީލް މުހައްމަދު (ބަރޯ) އެވެ.
އެކަމަކު އަންނަ ހަފުތާ ވެގެން ދާނީ، ޝޯއިން ދެ ބައިވެރިއަކު ވަކިވެގެން ދާނެ ހަފުތާއަކަށެވެ. އަންނަ ހަފުތާގެ ހޮނިހިރު ދުވަހުގެ ރޭ ޝޯ ނިމިގެން ދާނީ މޯލްޑިވިއަން އައިޑޮލް ސީޒަން ދޭއްގެ ގަދަ ތިނެއް ކަށަވަރުވުމަށް ފަހު އެވެ.
މޯލްޑިވިން އައިޑޮލް ދޭއްގެ ގަދަ ފަހަކަށް ބީއެމްއެލުން ދިން ހަދިޔާއާ އެކު، އެ ބޭންކްގެ ސީއީއޯ އެންޑްރޫ ހީލީ.
މޯލްޑިވިއަން އައިޑޮލް 2 ގެ ގަދަ ފަހެއް:
1. މުހައްމަދު ތަސްނީމް (ބޮބް) 2. އިބްރާހީމް ވަހީދު (ބޮޑުބެ) 3. ޝަމްވީލް މުހައްމަދު (ބޮރޯ) 4. ހަމޫދު އަހުމަދު (އަލްވިން) 5. އަބްދުﷲ ހިޝާން
ރޭގެ ޝޯ ހާއްސަވެގެން ދިޔައީ މޯލްޑިވިއަން އައިޑޮލް ސީޒަން އެކެއްގެ ގަދަ 10 ގައި ހިމެނުނު ބައެއް ބައިވެރިންނާ އެކު، މި ފަހަރުގެ ސީޒަންގެ ގަދަ ފަހެއް އެކުވެގެން ހުށަހަޅައި ދިން ލަވަތަކަށެވެ.
އެގޮތުން ރޭގެ ޝޯގައި ސީޒަން އެކެއް ކާމިޔާބު ކުރި ލައިޝާ ޖުނައިދާއި ދެވަނަ ހޯދީ ޝަލަބީ އިބްރާހީމްގެ އިތުރުން ތިން ވަނަ އަށް ދިޔަ އަހުމަދު އިޝާން ބައިވެރިވި އެވެ.
މީގެ އިތުރުން މުއައްޒިން އާއި ސޯދިގް ވެސް ރޭގެ ޝޯ އިން ފެނުނެވެ.
އެ ބައިވެރިންނާ އެކު، ސީޒަން ދޭއްގެ ބައިވެރިން ވަނީ ކޮންމެ ފަންނާނަކާ އެކު ތިން ލަވަ ހިމެނޭ މެޑްލީތަކެއް ހުށަހަޅައި ދީފަ އެވެ.
މޯލްޑިވިއަން އައިޑޮލް ދެއްގެ ގަދަ ފަހެއް، ސީޒަން އެކެއްގެ ބައެއް ބައިވެރިންނާ އެކު ރޭ ލަވަ ކިޔަނީ.
ޓީވީއެމުން ހަފުތާ ބަންދުގައި ގެނެސްދޭ މޯލްޑިވިއަން އައިޑޮލްގެ އަންނަ ހަފުތާ ބަންދުގެ ޝޯތަކުން ގަދަ 3 ކަށަވަރުވާނެތީ ވަރަށް ހާއްސަ ވާނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަލީ ޢަމީރު
25 April 2017
ތި ބަރޯ އަކު ތިތަނުނަ ކަޓަންވިތާ ކިތަންމެ ދުވަހެއް، މޯލްޑިވިއަން އައިޑޮލްގެ ނަމުގަ ހޮވަނީ އަސްލު ހޮވަންވާ މީހާނޫން އެހެންމީހުން، ބެލުންތެރިންނަށް %50 ދީގެން ހޮވަންޏާ ހޮވާނީ އެންމެ ނުފޫޒުގަމީހާ، އެންމެ މޮޅުމީހާ ހުންނާނީ ކަޓާފަ. މިހާރު މި ދިވެހިރާއްޖޭގަ އިންސާފުންދާ ހަމަ އެއްކަމެއްވެސް ނެތް،
ޖޯޖް
24 April 2017
މަގޭ ފޭވަރިޓްއަކީ ހިޝާން! އެންމެ ރީތީވެސް ހިޝާންގެ އަޑު. ޓޮޕް 3 ހީވަނީ ބޮބް، ހަމޫދު، ހިޝާން ހެން
ލޮލީތާ
23 April 2017
އަސްލު ޝަމްވީލް (ބަރޯ) ޓޮޕް 3 ގަ ހުންނާތީ ވ ހައިރާންވޭ.. އެސޮރަށް ކަޑަ ކޮމެންޓް ކުރީ ރޭގަ ވެސް އޮހުނީ އެކަމަކު އެލިމިނޭޝަން ނައިޓްގަ އެންމެ ކޫލް ކޮށް ހުންނަނީ ވެސް އެސޮރު.. ލަވަ ކިޔޭނީ އަޑެއް ވެސް ހުރެގެން.. މަށަށް ވ ރީތި ހިޝާން އާއި ވަހީދު ގެ ކިއުން ޝަމްވީލަށް ވުރެންވެސް... މިބުނީ ކަންފަތަށް ވަރަށް ފަސޭހަ އޭ........
ދައްތި
23 April 2017
ކުރީ ރޭގެ ޕާފޯމަންސް ތަކުން މިފަހަރު ކުދިންގެ ފެންވަރު ހާމަވެއްޖެ. ބޮބްގެ ކިޔުން ލައިޝާއަށްވުރެ ވެސް ރީތި. ޝަލަބީ ލައިޝާއަށްވުރެ މާމޮޅު. އެކަމަކު ޓައިޓަލް ދިނީ ލައިޝާއަށް. މިހާރު ގަދަ 5ގައި ތިބި މީހުންގެ ތެރެއިންވެސް އައިޑަލްއަށް ނޮމިނޭޓްވި ހުރިހާ ކުދިންގެ ތެރެއިންވެސް އެންމެ މޮޅީ ބޮބް. އެކަމަކު ޓައިޓަލް ދޭނީ ހަމޫދުއަށް. އެންމެން ބަލަން ތިބޭތި. ޢަލީ ރަމީޒުގެ ލަވަ ކިޔާ މީހަކަށް މިއުޅޭ އުނޫޝާއާއި އިއްބެ އަންނަނީ އަމަށަކު ރުޅިއެއް ނޫން. ކޮޕީ ކުރަނީ ޔޯ. މީދެން ކޮޕީ ނުކުރާ މީހުން ވިއްޔަ. ކުރިން ފަހަރުވެސް ޒަލީފްއާ ދިމާއަށްވެސް އެހެން ކީ. މިފަހަރު ތަކުރާރުކޮށް ހިޝާންއަށް އެ ކޮމެންޓް. ބޮޑުބެއަށްވެސް އެހެން ކޮމެންޓް ކުރަނީ. ބޮބް އަލީ ރަމީޒުގެ ލަވައެއް ކީ ފުރަތަމަ ފަހަރު އޭނަގެ ލަވަ ކަމަކު ނުދިޔަ. އެކަމަކު ރޭގަ ލައިޝާއާއި ހަމޫދުގެ ހުށަހެޅުން އެވަރުގެ ކަމެއް ނެތް.
ބޯލްޓް
23 April 2017
ވަރަށް ފޫހި ޝޯ އެއް... ބަލާ ހިތެޢް ވެސް ނެތް...
އުދުހޭ
23 April 2017
ތިޔަ ބަލާމީހަކު އެބައުޅޭތަ؟ ތިއަށްވުރެ ރަގަޅުވާނެ ޔޫޓިއުބުން ޖަސްޓް4ލާފް ބަލާލިޔަސް
ނޯނޭމް
25 April 2017
ތެދު ވާހަކައެއް. މާ ރަނގަޅު ވާނެ ގަސްޓް ފޯ ލާފް އާއި އޭއެފްވީ ބެލިޔާ.......
ޕައްލަންބެ
23 April 2017
އެސްއެމްއެސް އަށް ބަޔަކު ލައްވާ ހަރަދު ކުރުވާފަ މިހިރީ ދިން ލަނޑު،
އަހުމަދުބެ
23 April 2017
ހިލޭ ކުރެވޭ އެންމެ ބޮޑު އިސްތިހާރެވެ.
ލައްވާލީމަ 4ޖީ
23 April 2017
ސީޒަން 1 ގެ ބައިވެރިންނާއެކު ސީޒަން 2ގެ ބައިވެރިން ޕެއަރ ކުރި ގޮތުން ނަތީޖާ ވަރަށް ސާފް: ލައިޝާ - ހަމޫދު ޝަލަބީ - ބޮބް އިޝާން - ހިޝާން މީދެން #ވަރަށްވާހަކަ
ރާއްޖެ ތެރެ
23 April 2017
ރޭގަ ބަރޯ ކަޓާތީ ނޯ އެލިމިނޭޝަން އޮތީ...ޓައިޓަލް ދޭން ޖެހޭނީ މާލެ ކުދިންނަށް