ފެނަކައިން އިންޖީނުގެތަކުގައި ސަލާމަތީ ވަސީލަތްތައް ގާއިމުކުރަނީ

ފިޔޯރީ އިންޖީނުގޭގައި އަލިފާން ރޯވެ ގެއްލުން ވެފައި. -- ފޮޓޯ: ސޯޝަލް މީޑިއާ

އާސިމާ ނިޒާރު، މިހާރު

23 އެޕްރީލް 2017 - 20:46

ފެނަކަ ކޯޕަރޭޝަނުން ރަށްރަށުގައި ހިންގާ ހުރިހާ އިންޖީނުގެތަކެއްގައި ސަލާމަތީ ގޮތުން ބޭނުންވާ ވަސީލަތްތައް ގާއިމުކުރުމުގެ މަސައްކަތް ވަރަށް އަވަހަށް ފުރިހަމަކުރަން މަސައްކަތް ކުރަމުން އަންނަ ކަމަށް އެ ކުންފުނިން މިއަދު ބުނެފި އެވެ.

އެ ކުންފުނީގެ އޮފީހުގައި މިއަދު ބޭއްވި ނޫސްވެރިންގެ ބައްދަލުވުމުގައި ޗެއާމަން އިގުބާލް އާދަމް ވިދާޅުވީ ސަލާމަތީ ގޮތުން ބޭނުންވާ އެންމެ އަސާސީ ސާމާނު ކުރިއަށް އޮތް ދެ ހަފުތާގެ ތެރޭގައި އިންޖީނުގެތަކަށް ފޮނުވާނެ ކަމަށެވެ.

އިންޖީނުގެތަކުގައި ސަލާމަތީ ވަސީލަތްތައް ގާއިމުކުރުމުގެ މަސައްކަތް ކުރިއަށް ގެންދާ ކަމަށް ފެނަކައިން ބުނެފައި މި ވަނީ މިދިޔަ ހުކުރު ދުވަހު ގދ. ފިިޔޯރީ އިންޖީނުގޭގައި އަލިފާން ރޯވެ އެތަނުގެ މުވައްޒަފަކު މަރުވެފައި ވަނިކޮށެވެ. އެ ހާދިސާ ފެނަކަ އާއި ފުލުހުން ވެސް އަންނަނީ ތަހުގީގުކުރަމުންނެވެ.

އިގުބާލު ވިދާޅުވީ އިންޖީނުގެތަކުގެ ރައްކާތެރިކަން ކަށަވަރުކުރުމާއި އެތަންތަނަށް ދިމާވާ މައްސަލަތަކާއި ގޮންޖެހުންތައް ބެލުމަށް ސާވޭއެއް ކުރަމުން އަންނަތާ ދުވަސްކޮޅެއް ވެއްޖެ ކަމަށެވެ. ފިޔޯރީ އިންޖީނުގޭގައި އަލިފާނުގެ ހާދިސާ ހިނގީ އެ ސާވޭގެ މަސައްކަތް ފަށައިގެން އުޅެނިކޮށް ކަމަށް އިގްބާލް ވިދާޅުވި އެވެ.

"އެކަންތައްތައް ވީހާ ވެސް އަވަހަށް ފަށައި ނިންމުމަށް މިއަދު މި ލަފާ ދިނީ. އިރާދަކުރެއްވިއްޔާ މާދުރު ނޫން މުސްތަގުބަލެއްގައި ފެނަކައިގެ 148 އިންޖީނުގޭގައި ސަލާމަތާ ރައްކާތެރިކަން ކަށަވަރުކުރުމުގެ ގޮތުން ހަރުދަނާ ފިޔަވަޅުތައް ވަރަށް އަވަށް އެޅިގެންދާނެ،" އިގުބާލް ވިދާޅުވި އެވެ.

އިގުބާލް ވިދާޅުވީ ތަފާތު އެކި ސަބަބުތަކާ ހެދި 53 އިންޖީނުގެއެއް، މިހާރު ހުރި ސަރަހައްދުން އެހެން ސަރަހައްދަކަށް ބަދަލުކުރަންޖެހޭ ކަމަށެވެ.

"ރައްޔިތުން އިންޖީނުގެ ހަދައިގެން ހިންގި ތަންތަން ވެސް މި 53 އިންޖީނުގޭގެ ތެރޭގައި އެބަ ހިމެނޭ. ބަދަލުކުރަންޖެހޭ ތަފާތު ސަބަބުތައް އެބަހުރި. އަޑުގެ ގޮތުންނާއި ދުމުގެ ގޮތުންނާއި އެނޫން ވެސް ގޮތްގޮތުން ރައްޔިތުންނަށް އުނދަގޫވާ ހާލަތު. އެއީ އިންޖީނުގޭގެ އިންފްރާސްޓްރަކްޗާ ގޯސްވެގެން އެކަންޏެއް ނޫން މި ބަދަލުކުރަން ޖެހެނީ،" އިގުބާލު ވިދާޅުވި އެވެ.

އަލިފާނުގެ ހާދިސާގެ ސަބަބުން ކަރަންޓު ކެނޑުނު ފިޔޯރީއަށް ރޭ ފަތިހު ވަގުތީ ގޮތުން ކަރަންޓް ދީފަ އެވެ. މިހާރު ބޭނުންކުރަމުން އަންނަ ޖަނަރޭޓަރުތައް އާ ބަޔަށް ބަދަލުކޮށް، ސެޓަޕްހަދައިގެން ކުރިއަށް އޮތް 20 ދުވަހުގެ ތެރޭގައި ދާއިމީ ގޮތެއްގައި ކަރަންޓް ދެވޭނެ ކަމަށް ފެނައިން ބުންޏެވެ.

ކަރަންޓު އިންޖީނުގެ މެމްބަރު އަހުމަދު ޝަރީފް ފެނަކަ ކޯޕަރޭޝަން

6 ކޮމެންޓް, 4 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އާމިނަތު

24 April 2017

އަމިއްލައައް ބޮލާ ފޮށި އަޅަން ނުވަތަ އޮރިޔާންވާން ކަމައްވާނަމަ ތިޔަ އެކުޓިވިްޓު ވާހަކަ ދެއްކުން ހުއްޓައިލާ... ރާއްޖޭގައި އެކި ކަންކޮޅުތަކުގައި ޕޯސްޓުގުރޭޑުއޭޓެޑް އިން ޖިނީރުން ރާއްޖެއިން ޖޮބުލެސް ވެފައި އެބަތިބި ކޮސްނުގޮވާ... ސަލާމަތީ ގޮތުން ސިންގަލް ޖަނެރޭޓަރެއް 360 ދުވަހު ހަފުތާއަކު 7 ދުވަހު 24 ގަޑީގައި ހުއްޓުމެއްނެތި ހިނގާނަމަ ވާނެ ހައެތި ވީމާ ތިބެގެން ބޮޑެތި އައުގުރާނަ ގޮވާއިރު ކަލޭމެން އެއްމެ 48 ގަޑިއިރު މެދު ނުކެނޑި މަސައްކަތެއްކޮށްބަލަ... ކަމައްގާބިލުނުވާ މީހުން ތިފަދަ ވަޒީފާތަކުގައި ތިބޭނަމަ ވަރައްބޮޑެތި ގެއްލުން ޓެކުސް ޕޭޔަރުންގެ އަތުން ހިނގާނެއެވެ. ގަވާއިދެއް އުސޫލެއްނެތުމުން ބޮޑެތި އެކުސިޑެންޓުތައް ހިނގަނީ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިންޖިނިއަރު

23 April 2017

މާމޮޅެތި ވާހަކަ ދައްކާނެކަމެއް ނެތް. އިންޖީނުގެތަކުގެ ފެންވަރު އެނާޖީ އޮތޯރިޓީގެ ގަވައިދުގައި ބުނާ ފެންވަރަށް ބެހެއްޓޭނަމަ މިހެނެއް ނުވާނެ. ފެންވަރަށް ނުފެތޭ އިންޖީނުގެތަކުގެ މައްސަލާގައި ފެނަކަ ބޮޑު އަދަދަކުން ޖޫރިމަނާ ކުރަންވީ. ދޫންޏެއް ގެންގުޅެގެން ލައްކައިން ޖޫރިމަނާކުރާއިރު ފެނަކައިން ބޭނުން ގޮތެއް ހަދަނީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަމެން ސަރުކާރު

23 April 2017

ވާނެ ހައެތި ވެނިމުނީމަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުރާތި

23 April 2017

ފެނަކައިގެ ފަރާތުން ހިންގާ އިންޖީނުގެ ތަކުގެ އަލިފާން ނިއްވި ބެހެއްޓުމުގެ މަސައްކަތް ކުރާ ކަން އެއީ ރަނގަޅު ކަމެކެވެ. އަދި ފެނަކައިގެ ފަރާތުން ހިންގާ އިންޖީނުގެ ތަކުގެ ހުރިހާ މުވައްޒަފުން ނަކީ ވެސް ވަކި މީހަކު އިސްތިސްނާ ނުކޮށް އެމްއެންޑީއެފް އިން ދޭ ފަޔަރ ފައިޓިންގް ކޯސް ހަދާފައިވާ މީހުންނަށް ވާން ޖެހޭނެއެވެ. އަދި ހުރިހާ ކައުންސިލަރުންނަކީ ވެސް އެމްއެންޑީއެފް އިން ދޭ ފަޔަރ ފައިޓިންގް ކޯސް ހަދާފައި ތިބި މީހުންނަށް ވާން ޖެހޭނެ އަދި ހުރިހާ މިސްކިތް ތަކުގެ މުދިމުން ވެސް މިއުސޫލުން ހުންނަން ޖެހޭނީ ތަމްރީން ކުރެވިފައެވެ. އަދި މާލޭގެ އެޕާރޓްމެންޓްސް ތަކުގައި ދިރިއުޅޭ އެންމެންނަކީ ވެސް ފަޔަރފައިޓިންގް ކޯސް ފުރިހަމަ ކޮށްފައިވާ މީހުންނަށް ވާން ޖެހޭނެއެވެ. އަދި ސްކޫލް ތަކުގެ ގްރޭޑް 1 އިން ފެށިގެން މަތީ ކޮންމެ ގްރޭޑް އަކަށް ކޮންމެ އަހަރަކު މި ކޯސް ހިންގަން ޖެހޭނެއެވެ. އެއިރުން ދެން އާންމު މުޖުތަމައު މިކަމަށް ހޭލުން ތެރިވާނީ ދޯ.