އެޑިއުކޭޝަން މިނިސްޓްރީގައި މިއަދު ބޭއްވި ނޫސްވެރިންގެ ބައްދަލުުވުމުގައި މިނިސްޓަރު ވާހަކަދައްކަވަނީ.-- ފޮޓޯ: ނިޝާން އަލީ/ މިހާރު
24 އެޕްރީލް 2017 - 17:44
7 comments
ޚާއްސަ އެހީއަށް ބޭނުންވާ ކުދިންނަށް ކިޔަވައިދޭ ޓީޗަރުން، މި އަހަރު ނިމުމުގެ ކުރިން ތަމްރީނުކޮށް ނިމޭނެ ކަމަށް އެޑިއުކޭޝަން މިނިސްޓަރު ޑރ. އާއިޝަތު ޝިހާމް މިއަދު ވިދާޅުވެއްޖެ އެވެ.
އެޑިއުކޭޝަން މިނިސްޓްރީގައި ބޭއްވި ނޫސްވެރިންގެ ބައްދަލުވުމުގައި މިނިސްޓަރު ވިދާޅުވީ އެންމެ ކުއްޖަކު ވެސް ބާކީ ނުކުރުމުގެ ސިޔާސަތު ކާމިޔާބުކަމާއެކު ތަންފީޒުކުރަމުން ދާ ކަމަށާއި އެކަމުގެ ހެޔޮ ބަދަލުތައް ފެންނަމުންދާ ކަމަށެވެ.
އާއިޝަތު ޝިހާމް ވިދާޅުވީ ޚާއްސަ އެހީއަށް ބޭނުންވާ ދަރިވަރުންނަށް 217 ޓީޗަރުން ދެ އަހަރުގެ ތެރޭގައި ތަމްރީނު ކޮށްފައިވާއިރު، 23 ޓީޗަރުން މިހާރު ވެސް ޑިގްރީ އަށް ތަމްރީން ވަމުން އަންނަ ކަމަށެވެ.
"މިއަހަރު ނިމިގެންދާއިރު، ކޮންމެ ސްކޫލެއްގައި ހާއްސަ އެހީތެރިކަމަށް ބޭނުންވާ ކުދިންނަށް ހިދުމަތް ފޯރުކޮށްދިނުމަށް ބޭނުންވާ ޓީޗަރުން ތަމްރީނުކުރެވޭނެ،" މިނިސްޓަރު ވިދާޅުވި އެވެ.
ނޭޝަނަލް އިންސްޓިޓިއުޓް އޮފް އެޑިއުކޭޝަން (އެންއައިއީ) އިން ހާއްސަ އެހީގެ ޓީޗަރުން ތަމްރީން ކުރާއިރު، އެ މީހުން ތަމްރީން ކުރަނީ އޯޓިޒަމް މޮޑިއުލް ވެސް ހިމަނައިގެން ކަން މިނިސްޓަރު ފާހަގަކުރެއްވި އެވެ.
"ހުރިހާ ދަރިވަރުން ޝާމިލްކޮށްގެން، ހާއްސަ އެހީއަށް ބޭނުންވާ ކުދިންނާއި އެ ކުދިންގެ އާއިލާތަކަށް އެ ބޭނުންވާ އެހީތެރިކަމާއި ތަމްރީނުތައް ފޯރުކޮށްދިނުމުގައި ގިނަ ކަންތައްތަކެއް ކުރެވި، ކާމިޔާބީތަކެއް ހާސިލް ކުރެވިއްޖެ،" މިނިސްޓަރު ވިދާޅުވި އެވެ.
އެޑިއުކޭޝަން މިނިސްޓްރީގައި މިއަދު ބޭއްވި ނޫސްވެރިންގެ ބައްދަލުުވުމުގައި މިނިސްޓަރު ވާހަކަ ދައްކަވަނީ.-- ފޮޓޯ: ނިޝާން އަލީ/ މިހާރު
މި ސަރުކާރުގެ ފުރަތަމަ 100 ދުވަހުގެ ތެރޭގައި، އަތޮޅުތަކުގައި ސްޕެޝަލް އެޑިއުކޭޝަން ސެންޓަރުތަކެއް ގާއިމުކުރި ކަމަށާއި އެއީ މާލެ އިން ބޭރުގައި އެފަދަ ސެންޓަރެއް ގާއިމްކުރި ފުރަތަމަ ފަހަރުކަން ވެސް އެޑިއުކޭޝަން މިނިސްޓަރު ފާހަގަކުރެއްވި އެވެ.
"މިއަހަރު ނިމިގެންދާއިރު، ކޮންމެ ސްކޫލެއްގައި ހާއްސަ އެހީތެރިކަމަށް ބޭނުންވާ ކުދިންނަށް ހިދުމަތް ފޯރުކޮށްދިނުމަށް ބޭނުންވާ ޓީޗަރުން ތަމްރީނު ކުރެވޭނެ،" އޭނާ ވިދާޅުވި އެވެ.
ޚާއްސަ އެހީއަށް ބޭނުންވާ ދަރިވަރުންނަށް ދެމުން އަންނަ ތައުލީމާ ބެހޭގޮތުން މަޝްވަރާކޮށް މައުލޫމާތު ހޯދުމަށް ގައުމީ ފެންވަރުގައި ބޮޑު މަހާސިންތާއެއް މާދަމާ ފަށަން ހަމަޖައްސާފައިވާ ކަމަށް އާއިޝަތު ޝިހާމް ވިދާޅުވި އެވެ. ތިން ދުވަހުގެ މަހާސިންތާގައި، އެ ދަރިވަރުން ސްކޫލަށް ވަންނައިރު ހުރި ފެންވަރާއި މިހާރު ހުރި ހާލަތު ވަޒަން ކުރާނެ ކަމަށް ވިދާޅުވި އެވެ.
"އޭގެ ސަބަބުން ހާއްސަ އެހީއަށް ބޭނުންވާ ކުދިންނަށް ތައުލީމް ފޯރުކޮށްދިނުމަށް އިތުރު އެހީތަކެއް ލިބި ކުރިއެރުންތަކެއް ލިބިގެންދާނެ،" މިނިސްޓަރު ވިދާޅުވި އެވެ.
ލޯފަން ކުދިންނަށް ކިޔަވައިދިނުމަށް ރާއްޖެ އިން ބޭރުން ހަތް ޓީޗަރުން ތަމްރީންކޮށްފައި ވެ އެވެ. އަދި ފުރަތަމަ ފަހަރަށް ލޯފަން ދަރިވަރަކު އެސްއެސްސީ އިމްތިހާނު ހެދިކަން ވެސް އެޑިއުކޭޝަން މިނިސްޓަރު ފާހަގަކުރެއްވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢޢ
24 April 2017
ސާބަހޭ ކަމަނާއަށް. ތިޔަކުރައްވާ ބުރަމަސައްކަތުގައި ﷲ ބަރަކާތްލައްވައި ކާމިޔާބީއާއި އިތުރުކުރިއެރުން މިންވަރުކުރައްވާށި! އާމީން.
ހިސާނު
24 April 2017
އަބަދުވެސް ހަމަޖައްސާ ވާހަކަ. މަގޭ ދަރިފުޅުކިޔަވަނީ އިސްކަންދަރު ސްކޫލް ގަ. ހަމަ ޔަގީނުންވެސް މިއަހަރު އަދި އަރަބި ބަހުގެ އެންމެ އަކުރެއްވެސް ކިޔަވާނުދޭ.
މަޜިޔާ
26 April 2017
މައިން ބަފައިން ނަށް ވެތިބެ އެންމެ އަކުރެއް ވެސ ކިޔަވަަދެއްވިންތޯ؟؟؟؟
ލީމަން ޒާހިރު
24 April 2017
މި އޮތީ މާސިންގާ ބޮޑު ކަމެއް... ކޮންމެ ކުންފުންޏެއް އުފައްދާ އިރަށް އެޖެހުނީ އިންސްޓިޓިއުޓެއްހަދަން... އިސްލާމިކް ފައިނޭންސް ކުރިއެރުވުމަށް އެއްވެސް ކަމެއް އަދި މިހާތަނަށް ނުވޭ އެކަމަކު އެޖެހުނީ ކިޔަވާއި ދޭން... ޔުނިވަރސިޓީސް ތައް މީ ކީއްކުރާ ތަންތަނެއް... އިސްލާމިކް ޔުނިވަރސިޓީން މިހާރުވެސް ޑިޕްލޮމާ އަދި ޑިގްރީ ކޯސް އިސްލާމިކް ފައިނޭންސް ދާއިރާއިން އެބަހިންގާ...! އެކަމަކު މިވެރިން ވެސް މެންޑޭޓް އޮޅި ކުރާނެ ކަމެއް ނޭގުނީ މަ އެފެށީ ކިޔަވައި ދޭށޯ... ބަލަ ކިޔަވައިގެން މިހާރުވެސް އިސްލާމިކް ފައިނޭންސް އިން މާސްޓަރސް ނަގައިގެން ތިބި މީހުން ބާކީ ކޮށް ފާސްނުވާ މީހުން ނަށް ތިތަންތަނުން ޖޮބުދީގެން ތިއުޅެނީ.. މިގޮތަށް ހިންގާ އިންސްޓްޓިއުޓުގެ ލިސްޓަކީ ރާއްޖޭގެ ނިސްބަތުން ދިގު ލިސްޓެއް 1) އިންސްޓްޓިއުޓު އޮފް ޕޮލިސް އެންފޯސްމެންޓް 2) އިންސްޓްޓިއުޓު އޮފް ކަސްޓަމްސް 3) އިންސްޓްޓިއުޓު އޮފް ސީ އެމް ޑީ 4) އިންސްޓްޓިއުޓު އޮފް ސިވިލްސާވިސް 5) އިންސްޓްޓިއުޓު އޮފް އެން. ސީ. އައި.ޓީ 6) އިންސްޓްޓިއުޓު އޮފް އިންފޮމޭޝަން ކޮމިޝަން 7) އިންސްޓްޓިއުޓު އޮފް މޯލްޑިވްސް އިސްލާމިކް ފައިނޭސް ކޯޕަރޭޝަން މީ ތޯ ޓެކްސް ފައިސާ ވޭސްޓްކުރަންވީ ގޮތަކީ...ކަންކަން ކުރަން ނޭގޭމީހުންނާއި ކަންކަން ހަވާލުކޮށް ގައުމު ހަލާކުކުރަނީ... އިސްރާފުކުރަނީ... ކޮބާ މިކަން ބަލާފަރާތަކީ.. އެނގޭ މީހަކީ... އަޅާ ލާ މުވައްސަސާއަކީ... އެޑިއުކޭޝަން މިނިސްޓަރު ނިދާފަ... ރަށް ރަށުގެ ކެންޕޭންނުގައި ބިޒީވެފައި...
މެންޓަލިސްޓް
24 April 2017
އައިސްތި ޝިހާމްއަށް ވަރަށް ސަލާމް ،، ކަމަނާއަށް ދަންނަވާންއޮތީ ސުކޫލްއަށް ގެންގޮސް ކިޔަވައިދެނީ އިންސާނަކަށް މީހާ ހެދުމަށްޓަކައި ،،، މިހާރު ރާއްޖޭގައި އިންސާނިއްޔަތުކަމެށްނެތް ،،، ކަމަނާގެ ޕާޓީން ހިންގިހާ ޖަރީމާ އެނގިލައްވާތޯ ؟؟؟ ރިލްވާން ގެއްލިގެން އެމައްސަލަ ބަލާދިނުމަށް އެދި ޕެޓިޝަން ހުށައެޅީމައި ކަމަނާގެ ޕާޓީގެ މެޖޯރިޓީ އޮންނަ މަޖިލީހުންނޫންތޯ ބޭރުކޮއްލީ ،،، އޭގެމާނަ ކަމަނާއަށް އެނގިލައްވާތޯ ؟؟؟ އޭގެމާނައަކީ " ވީއާރޕާރޓްނާސް އިންކުރައިމް " އޭ ،،،،، ވަރަށްވެދުން
ދޮންދީނި
24 April 2017
ނަމެއްގައި ޚާއްސައެހީއަށް ބޭނުންވާ ޓީޗަރުންތިބެނީ...އަހަރެންގެ ކޮއްކޮ އަކަށް ތި ޓީޗަރު ހުއްޓޭކިޔާފަ ވީ އެއްކަމެއްވެސް ނެތް...ދެނީ އެއް ޓެސްޓެއް...ދެން ފާސްނުވީމަ މިބުނަނީ ކުއްޖާ ނޫނީ ޕޭރެންޓްސް ފަރުވާކުޑައީއޭ...ކުއްޖާގެ އިންޓެލެކްޗުއަލް އެބިލިޓީ ހުރިވަރެއް ތި ސެން ޓީޗަރުންނަކަށް ނޭގޭ.
އަމިއްލަފަރުދު
26 April 2017
ތިބޭފުޅުންގެ ފަރުދީ ޒިންމާ ކޮބާތޯ؟