ފިނޭންސްގެ 25 ބުރީގެ ބިލްޑިން އެޗްޑީސީން އިމާރާތްކުރަނީ

ހުޅުމާލޭގެ ދެވަނަ ފިޔަވަހި ހިއްކާ ނިންމާފައި: ރާއްޖޭގައި ހަދާ އެންމެ ބޮޑު އޮފީސް އިމާރާތް ހެދުމުގެ މަސައްކަތް މިހާރު ވަނީ ފަށާފައި --ފޮޓޯ: އެޗްޑީސީ

އަބްދުﷲ ޖަމީލު، މިހާރު

09 މެއި 2017 - 11:44

9 comments

ހުޅުމާލޭގެ ދެވަނަ ފިޔަވަހީގައި ހަދާ ފިނޭންސް މިނިސްޓްރީގެ 25 ބުރީގެ ބިލްޑިން އެންމެ ފަހުން ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ)ން ކުރިޔަށް ގެންދަން ނިންމައިފި އެވެ.

ފިނޭންސް މިނިސްޓްރީން 122.7 މިލިއަން ޑޮލަރު (1.8 ބިލިއަން ރުފިޔާ) އަށް މެލޭޝިއާގެ ޑަބްލިއު.ޒެޑް.އާރު ކޮންސްޓްރަކްޝަން ކޮމްޕެނީއާ މިދިޔަ އަހަރުގެ މާޗް 1 ގައި ހަވާލުކުރި މަޝްރޫއު ހުޅުމާލޭ ދެ ވަނަ ފިޔަވަހީގައި ކުރިޔަށް ގެންދަން ނިންމީ މިދިޔަ އަހަރުގެ އޮކްޓޯބަރު އެވެ.

ކުރިން އެ އިމާރާތް އަޅަން އޮތީ ފިނޭންސް މިނިސްޓްރީ ހުރި ބިމުގަ އެވެ. އެކަމަށްޓަކައި އެތަނުގެ އިމާރާތްތައް ތަޅައި، ބިން ވެސް ސާފުކުރި އެވެ. އެކަމަކު އެ އިމާރާތް ހުޅުމާލޭގައި އަޅަން ނިންމީ މާލޭގައި އެފަދަ ބޮޑު އިމާރާތެއް ހަދާއިރު ދިމާވާނެ ދަތިތަކާ ގުޅިގެން ކަމަށް ފިނޭންސް މިނިސްޓްރީން އޭރު ބުނެފައިވެ އެވެ.

އިމާރާތް ހަދަނީ ޑަބްލިއު.ޒެޑް.އާރު ކޮންސްޓްރަކްޝަނުން ފައިސާ ހޯދައިގެންނެވެ. އެކަމަކު އެ ފައިސާ އަނބުރާ ދައްކާނީ އެޗުޑީސީންނެވެ.

އެޗްޑީސީގެ މެނޭޖިން ޑިރެކްޓަރު މުހައްމަދު ސައިމަން ވިދާޅުވީ ދެވަނަ ފިޔަވަހީގެ ފައިނޭންޝަލް ޑިސްޓްރިކްޓްގައި ހަދާ އެ އިމާރާތުގެ ހުރިހާ ކަމެއް މިހާރު ކުރިޔަށް ގެންދަނީ އެ ކުންފުނީގެ ބެލުމުގެ ދަށުން ކަމަށެވެ.

"ކުރިން އެ މަޝްރޫއަކީ ފިނޭންސް މިނިސްޓްރީން ކުރިޔަށް ގެންދިޔަ މަޝްރޫއެއް. ނަމަވެސް މިހާރު އެ މަޝްރޫއުގެ ހުރިހާ ކަމަކާ މި ކުންފުނިން ވަނީ ހަވާލުވެފައި. އެ ބިލްޑިންގަށް ދައްކަން ޖެހޭ ފައިސާއާ ވެސް ޒިންމާވަނީ އެޗްޑީސީން،" އޭނާ ވިދާޅުވި އެވެ.

ސައިމަން ވިދާޅުވީ އެ ބިލްޑިންގެ އޮފީސް ޖާގަތައް ސަރުކާރުގެ އޮފީސްތަކަށާއި ކުންފުނިތަކަށާއި ބޭންކުތަކަށާއި އަމިއްލަ ފަރާތްތަކަށް ކުއްޔަށް ދިނުމުގެ އިތުރުން ވިއްކަން ވެސް ނިންމާފައިވާ ކަމަށެވެ.

"ކުރިން ވެސް ނިންމާފައިވާ ސައިޒަށް އިތުރު އެއްވެސް ބަދަލެއް ނުގެނެސް މި އިމާރާތް ހެދުމުގެ މަސައްކަތް ކުރަނީ. ކަނޑައެޅިފައިވާ ގޮތަށް އެ މުއްދަތަށް މަސައްކަތް ނިންމާލެވޭނެ،" ސައިމަން ވިދާޅުވި އެވެ.

އޭނާ ވިދާޅުވީ އެ އިމާރާތުގެ ސަބަބުން ސަރުކާރަށާއި އަމިއްލަ ކުންފުނިތަކަށް ވެސް އޮފީސް ހިންގާނެ ޖާގަ ލިބި، ވަރަށް ބޮޑު ފަސޭހަތަކެއް ވާނެ ކަމަށެވެ.

މެލޭޝިއާގެ ކުންފުނިން މިހާރު ދަނީ ބިމުގެ ޓެސްޓްތައް ހެދުމަށް ފަހު ޕައިލިންގެ މަސައްކަތްކުރަމުންނެވެ.

ފިނޭންސް މިނިސްޓްރީ އެޗްޑީސީ ހުޅުމާލޭ ދެ ވަނަ ފިޔަވަހި މެލޭޝިއާ

9 ކޮމެންޓް, 20 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޗިކުސް

09 May 2017

ކޮބާ ހޭ މާލޭގަ ދިރިއުޅޭ ރައްޖެތެރޭ ނިކަމެތި ރައްޔިތުންނަށް އަޅާދޭން ބުނި ފުލެޓްތައް؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަކީލް

09 May 2017

ތިޔާ ބިލްޑިންގު އާއި ވީހާވެސް ދުރުގަ ތިބުމައް ޢެޗުޑީސީގެ އެންމެހާ ވެރީންނައް ނަސޭހަތްދެން.. ސަބަބަކީ ތިޔާ ބިލްޑިންގު ގެ ކޯޓުކޭސް އޮތީ ނިކަން ފުރިހަމައައް ކޮރަޕްޝަން ގޮޅީގެ ދަށުން ދައުވާކުރަން ދެން އަންނަސަރުކާރެއްގެ މެނިފެސްޓޯގަ މައިގަނޑު ޕޮއިންޓުގައި ހިމަނާފައި.. މާޒީ އިން އިބުރަތް ހޯއްދަވާ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަތޮޅުތައް

09 May 2017

އަދި ވެސް މާލޭ ގެގަ ޕްރޮޖެކްޓްތައް ކޮބާތަ އަތޮޅުތަކުގެ މެގަ ޕްރޮޖެކްޓްތައް... ދެންވެސް ވާނި ބަލި އެކަންކަން ނުފަށަ ވޯޓަށް ނިކުމެއްޖެއްޔާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަބީބު

09 May 2017

ފިނޭންސްގެ 25 ބުރީގެ އިމާރާތް ރާއްޖެތެރޭ ކޮންމެސް ހިސާބެއްގަ ގާއިމުކޮއް އެސަރަހައްދުގަ ވަޒީފާޔާ ދަތުރުފަތުރު ގާއިމު ކޮއްބަލަ ހުސްއެކަނި މާލެސަރަހައްދަކު ނޫން ހުރިހާ ބާރެއް ޖަމާކުރަންވީ މަޖިލިސްވެސް ގާއިމު ކުރަންވީ ކޮންމެސް ރަށެއްގަ އެއައްފަހު މާލެއިން މީހުންމަދުވާނެ ގޮތެއްވިސްނަންވީ މިހާރުވެސް ހަމަނޭވާނުލެވޭ މީކޮންފަދަ ކަމެއްތަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނިރު

09 May 2017

މިހާރު އެޗް ޑީ ސީ ކޮންސްޓްރަކްޝަން މަސައްކަތް ކުރާ ކުފުންޔަކަށް ބަދަލް ވީމާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހާރު

09 May 2017

ކިތަންމެ ބިލްޑިންގ އެއް އެޅިއަސް ޔާމީނަކަށް ދެނެއް ވޯޓެއް ނުދޭނަން ދުވަހަކުވެސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދިސްވޭ

09 May 2017

މިހާރުން މިހާރަށް ސަރުކާރުގެ ހުރިހާ މިނިސްޓްރީ ތަކެއް ތިޔާ ބިލްޑިންގް އަށް ބަދަލު ކުރާނެ ކަން ސަރުކާރުގެ އިކޮނޮމިކް ކައުންސިލުން ނިންމާ ސަރުކާރުގެ ހުރިހާ ސިވިލް ސާރވެންޓުންނަށް ހުޅުމާލޭން ފްލެޓްސް ދޭނެ ކަމުގެ ލިޔުން ކަމަށް ވާ ފްލެޓް ލިބޭނެ ކަމުގެ ގެރެންޓީ ސެރޓިފިކެޓްސް ހަވާލު ކުރަންވީ ރައީސް އޮފީހުގައި ބޮޑެތި ރަސމިއްޔާތު ކޮންމެ ރެއަކު ބާއްވައިގެން ބޮޑު ޔޫ ފޯރިއާ އެއް ގެ ގޮތުގައި. އަދި ދެން ހުރި ފްލޯރސް ތައް އަމިއްލަ ކުންފުނި ތަކަށް ވެސް ދޫކޮށްލަންވީ ބުކިންގްސް އަށް ހުޅުވާލައިގެން. ބީއެމްއެލް ވެސް ބަދަލު ކޮށްލަންވީ ގިނަ ބްރާންޗްސް ތައް ތިޔާ ބިލްޑިންގްގެ އެކި ފްލޯރސް ތަކަށް. އެއިރަށް ހުންނާނީ ރަނގަޅަށެވެ. އައި ނެވަރ ވޮނާ ހިއަރ ޔޫ ސޭ ނޯ އައި ވޯންޓް އިޓް ދިސްވޭ.. ޑޯންޓް މޭކް އިޓް އިޓްސް ޓޫ ލޭޓް..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދެޓްވޭ

09 May 2017

ކުރިން ޖެހީ ކަޑަ. މިހާރު ސެޓްފިކެޓްތޯ؟ ދިސްވޭ އަދިވެސް ތިއުޅެނީ 30 އަހަރުފަހަތުގަ އިގޭތޯ. ތިހެން ދަޅައަކަށް ހެއްލިގެން ސަނާކިޔާލަ ކިޔާލާ ތިބޭނީ ތިޔާ ކުދިންކޮޅު. މިހާރު އެކަން ސާފުކޮށް އެހެރީ ފެންނާން. އަދިވެސް ރަސްމިއްޔާތާއި ހަވާއިން މީހުން ހައްލަން ފޯމިއުލާ ހެދޭތޯ ބަލާ. ތިގޮތަށް އުޅެގެން ވާނީ ފޭލް. ދާނީ ޗޮކުހުން. ލިބޭނީ މަލާމާތް. އޭރުން ހުންނާނީ ދިސްވޭ ގެ ބަހުރުވައިންނަމަ ރާކަނިމަސް ކެވިފަ. (އަދި ބުނެލަން: ބީއެމްއެލްގެ ބްރާންޗް ތައް ތިޔަތަނަށްޖަމާ ކުރީމާ ވާނީ އުދަގޫ. މިހާރު އެހެރީ ހުރިހާ މީހުންނަށްވެސް ފަސޭހައިން ބްރާންޗެއް އަތުޖެހޭ ގޮތަށް)