ހުޅުމާލޭގައި ހަ ބުރީގެ މަލްޓި ސްޓޯރީ ބިލްޑިންގް އެއް އެޅުމުގެ އެއްބަސްވުމުގައި ސޮނީ ހާޑްވެއާ އާއި އެޗްޑީސީން އިއްޔެ ސޮއިކުރަނީ.---އެޗްޑީސީ ފޮޓޯ
28 އެޕްރީލް 2017 - 07:41
4 comments
ސޮނީ ހާޑްވެއާ އާއި ހުރަވަޅި ބީޗް ރިސޯޓް އިންވެސްޓްމަންޓްސް އިން ހުޅުމާލޭގައި ޝޮޕިން ކޮމްޕްލެކްސް އެޅުމަށް ނިންމައި އެ ފަރާތްތަކާ އެކު ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އިން އިއްޔެ އެއްބަސްވުމެއްގައި ސޮއިކޮށްފި އެވެ.
މި އެއްބަސްވުންތަކުގައި އެޗްޑީސީން ސޮއިކުރެއްވީ މެނޭޖިން ޑިރެކްޓަރު މުހައްމަދު ސައިމަން އެވެ. ސޮނީ ހާޑްވެއާގެ ފަރާތުން ސޮއިކުރެއްވީ އެ ކުންފުނީގެ މެނޭޖިން ޑިރެކްޓަރު މޫސާ ކަލީމް އެވެ. ހުރަވަޅި ބީޗް ރިސޯޓް އިންވެސްޓްމަންޓުން އެއްބަސްވުމުގައި ސޮއިކުރެއްވީ މެނޭޖިން ޑިރެކްޓަރު އާމިރު މަންސޫރު އެވެ.
އެޗްޑީސީން ބުނިގޮތުގައި ސޮނީ ހާޑްވެއާ އިން ހުޅުމާލޭގައި އިމާރާތްކުރާ ހަ ބުރީގެ މަލްޓި ސްޓޯރީ ޝޮޕިން ކޮމްޕްލެކްސް އަޅާނީ ރެހެންދި ސްކޫލް ކައިރީގަ އެވެ. އަންނަ އަހަރުގެ މެދުތެރޭގައި މަސައްކަތް ނިމޭ މި ޝޮޕިން ކޮމްޕްލެކްސް ހާއްސަ ކޮށްފައި ވަނީ ހާޑްވެއާގެ ސާމާނަށެވެ.
ހުޅުމާލޭގައި ދެ ބުރީގެ ޝޮޕިން ކޮމްޕްލެކްސް އެއް އެޅުމުގެ އެއްބަސްވުމުގައި ހުރަވަޅި ބީޗް ރިސޯޓް އިންވެސްޓްމަންޓާ އެކު އެޗްޑީސީން ސޮއިކުރުމަށް ފަހު އެއްބަސްވުން ބަދަލުކުރައްވަނީ.---އެޗްޑީސީ ފޮޓޯ
ހުރަވަޅި ބީޗް ރިސޯޓް އިންވެސްޓްމަންޓުން ކޮމާޝަލް ކޮމްޕްލެކްސް އިމާރާތް ކުރަނީ ހުޅުމާލޭގެ ފެރީ ޓާމިނަލްގެ އުތުރުން ބީޗް ސަރަހައްދުގަ އެވެ. ދެ ބުރީގެ މި އިމާރާތުގައި ޗޭންޖިން ރޫމްތަކާއި ފާހާނާ އާއި ޅަދަރި މައިންގެ ކޮޓަރި އާއި ނަމާދުކުރާ ކޮޓަރިތަކާއި ފްރީ ވައިފައި އަދި އޭޓީއެމްގެ ޚިދުމަތް ލިބެން ހުންނާނެ ކަމަށް އެޗްޑީސީން ބުންޏެވެ.
ހުރަވަޅި އިންވެސްޓްމަންޓްސް އިން އިމާރާތްކުރާ ކޮމާޝަލް ކޮމްޕްލެކްސްގެ މަސައްކަތް ނިންމަން ކަނޑައަޅާފައި ވަނީ އަންނަ އަހަރުގެ މެދުތެރޭގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ްޗަނބޭލީ
28 April 2017
ޚޮބައި ކަމުގެ ހަގީގަތަކީ ގައުމުގެ ހާލަތާ އާޅާފަ
ލުކްވެލް
28 April 2017
ހުޅުމާލޭގައި އިންޑަސްޓްރިއަލް މަސައްކަތް ތައް ކުރުމަށް ޓަކައި ހުޅުމާލޭ އާއި އަދި ހުޅުލެ އާއި ދެމެދުން އޮންނަ ފަޅު ހިއްކައިގެން ނަމަވެސް އެބަޖެހޭ އެތަނުގައި 10 ބުރިއަށް އިމާރާތް ތައް ކޮށްގެން އެތަނުގައި ކޮމާރޝަލް ޕާރކްސް ތައް ހަދަން. އެއިރުން ހުޅުމާލޭގެ ހަގީގީ ވިޔަފާރިއަށް ކުރިއެރުން ލިބިގެން ދާނީ. އަދި ވެސް ހުޅުމާލެ ތަރައްގީ ވާން ވަރާއި ގާތަށް ވެސް ތަރައްގީ ވެގެން ނުދެއެވެ. އެމްޓީސީސީ އަށް މިދެންނެވުނު ފަޅު ހިއްކަން ދީގެން އަދި އެ ފަޅު ހިއްކާ ނިމުމުން އެފަޅުގައި ކޮމާރޝަލް ޕާރކްސް ތައް އަޅަންވީ އެވެ. އެއިރުން ދެން ހުޅުމާލޭގައި ވަޒީފާ އަދާ ކުރާ މީހުން އިތުރު ވެގެން ދާނީ. ހަމަ އެކަނި ގެސްޓް ހައުސް ތައް ހުޅުމާލޭގައި ހެދުމުން އަދި ނުފުދޭނެއެވެ. މާލޭގައި ހުރި ކޮމާރޝަލް މަސައްކަތް ކުރާ ހުރިހާ ތަން ތަން އޮޓޯ މޯޑް ގައި ހުޅުމާލެ އަށް ބަދަލުވާނެ އުސޫލުން ވިސްނުން ގެންގުޅެންވީ އެޗްޑީސީން. އެއިރުން ކަންކަން ރަނގަޅަށް ދާނީ.
ވޯލް
28 April 2017
ހުޅުމާލޭގަ ވެއްޖެ އެންނު ސޮޕިންގ މޯލްއެއް އަޅަން، ފެންވަރު ރަގަޅު ސިނަމާތަކާއި ކާތަންތަންނާއި ކުޅޭނެ ތަނަތަންލާފަ. ދިވެހި ރައްޔިތުން މުނިފޫހި ފިލުވާލަން ކޮށްލާނެ ކަަމެއް ނޯވޭ، ދެންގޮސް ސިޔަސީ ކަންކަމާ ބެހުމާއި މާރާމަރީ ހިންގުން މިއޮންނަނީ.
ޑައިވަރސިފައިޑް
28 April 2017
އިހަށް ދުވަހު ވެސް މާލޭގައި ޓެރެރިސްޓް ހަމަލާ ދޭން ރޭވީ ސަރުކާރުގެ އިމާރާތް ތައް ކައިރީގައި ކަމަށްވާތީވެ އެމްޓީސީސީ އާއި ބީއެމްއެލް އާއި ގުޅިގެން ހުޅުމާލޭގައި އެބަޖެހޭ 25 ބުރިއަށް ގަވަރމެންޓް އޮފީސް ޕާރކް ޓަވަރު ތަކެއް އަޅަން. އެގޮތުން 10 ޓަވަރު 25 ބުރިއަށް ކޮންމެ ޓަވަރެއްގައި 10 ހާސް އަކަފޫޓް ހުންނާނެ އުސޫލުން އެކަން ކުރަން އެބަޖެހެއެވެ. އެއިރުން ވެލާނާގެ ބިލްޑިންގް އާއި ހުރަވީ ބިލްޑިންގް އާއި އަދި އާޒީ ބިލްޑިންގް އެއްކޮށް ހުޅުމާލެ އަށް ބަދަލު ކޮށް ލެވިދާނެއެވެ. އަދި އެތަނުގައި ވަޒީފާ އަދާ ކުރާ މީހުންނަށް ހުޅުމާލޭން ފްލެޓްސް ތައް ދިނުމަށް ޓަކައި އެޕާރކް ގާތުން ރެސިޑެންޝަލް އެޕާރޓްމަންޓްސް ބިލްޑިންގްސް ތައް އަޅާ އެ އެންމެންނަށް ކުއްޔަށް ދެވޭނެ ނޫންތޭ ސަރުކާރުން. އެއިރުން މިދެންނެވުނު އޮފީސް ކޮންޕްލެކްސް ގައި ވަޒީފާ އަދާ ކުރާ މީހުންގެ ސަބަބުން ވެސް ސަރުކާރަށް ވަރަށް ބޮޑު ފައިދާ އެއް ކުރާނެ ނޫންތޭ..