މޯލްޑިވިއަން އައިޑޮލް 2 ގެ ގަދަ ތިނަކަށް ދިޔަ ހަމޫދް.
30 އެޕްރީލް 2017 - 06:32
16 comments
ޓީވީއެމުން ގެނެސްދޭ މޯލްޑިވިއަން އައިޑޮލް ސީޒަން ދޭއްގެ ފިނާލޭ ޝޯ އަށް ދާ ގަދަ ތިން ބައިވެރިން ރޭ ކަށަވަރުވެ، އަންނަ މަހުގެ 13 ވަނަ ދުވަހުގެ ރޭ އެ ޝޯ ބާއްވަން ނިންމައިފި އެވެ.
ފިނާލޭ އަށް ދަތުރުކުރި ތިން ބައިވެރިންނަކީ ހަމޫދު އަހުމަދާއި މުހައްމަދު ތަސްނީމް (ބޮބް) ގެ އިތުރުން ޝަމްވީލް މުހައްމަދު (ބޮރޯ) އެވެ.
ރޭގެ އެލިމިނޭޝަން ޝޯ ކުރިއަށް ގެންދިޔައީ ގަދަ ފަސް ބައިވެރިންނާ އެކުގަ އެވެ. ގަދަ ތިނެއް ކަށަވަރުވެގެން ދިޔައިރު، ރޭ ކެޓީ އިބްރާހީމް ވަހީދު (ބޮޑުބެ) އާއި އަބްދުﷲ ހިޝާން އެވެ.
ހިޝާން އަކީ މިދިޔަ އަހަރުގެ މޯލްޑިވިއަން އައިޑޮލް ސީޒަން އެކެއްގެ ތިން ވަނަ އަށް ދިިޔަ އަހުމަދު ހިޝާންގެ ކޮއްކޮ އެވެ.
މޯލްޑިވިއަން އައިޑޮލްގެ ސީޒަން ދޭއްގެ ވެސް ޓައިޓްލް ސްޕޮންސަކޮށްފައިވާ ދިރާގުން ރޭ ވަނީ ފަސް ބައިވެރިންނަށް ހަދިޔާއެއްގެ ގޮތުގައި، ދާދި ފަހުން ތައާރަފު ކުރި ދިރާގު ޓީވީގެ ސަބްސްކްރައިބް އެއް އަހަރު ދުވަހަށް ހިލޭ ދީފަ އެވެ.
މޯލްޑިވިއަން އައިޑޮލް 2 ގެ ރޭގެ ޝޯގައި މެހުމާނެއްގެ ގޮތުން ބައިވެރިވި ޑރ. ޝަމްރާހް ޖަޖުންނާއި ހޯސްޓުންނާ އެކު.
ރޭގެ ޝޯ ފެށިގެން އައީ ސީޒަން އެކެއްގައި މެހުމާނެއްގެ ގޮތުގައި ބައިވެރިވެ "މޫނު ބުރުގާ ނެގީމާ މިރޭ" ލަވަ ކިޔައިގެން އެތައް ބަޔަކު އަންތަރީސްކޮށްލި ޑރ. އަހުމަދު ޝަމްރާހްގެ ލަވައަކުންނެވެ. އޭނާ ވަނީ ރޭ ވެސް ވަރަށް ރީތި، ކުރީގެ އަމިއްލަ ރާގެއް ސްޓޭޖް މަތީގައި ހުށަހަޅައި ދީފަ އެވެ.
އަދި ގެސްޓަ ޖަޖެއްގެ ގޮތުގައި އައިޑޮލްގެ ތިން ޖަޖުން ކަމަށްވާ އިބްރާހީމް ޒައިދު އަލީ (ކުޑަ އިއްބެ) އާއި މަރިޔަމް އުނޫޝާ (ކިޑީ) އަދި އިސްމާއީލް އައްފާނާ އެކު ޝަމްރާހް ބައިވެރިވި އެވެ.
ރޭ ބައިވެރިންގެ ހުށަހެޅުންތަކަށް ބަލާ އިރު، މުޅިން ވެސް ފެނިގެން ދިޔައީ ޑްއެޓް ލަވަތަކެވެ. އެއީ ބައިވެރިންނަށް އެންމެ ކަމުދާ އަންހެން ލަވަ ކިޔުންތެރިއަކާ އެކުގަ އެވެ.
އެގޮތުް ބޮބް ލަވަ ކިޔާފައި ވަނީ ނިޝް ނާޝިދާ އެކުގަ އެވެ. ހަމޫދް ލަވަކީ ރާފިޔަތު ރަމީޒާއާ އެކުގަ އެވެ.
ބޮޑުބެ ބަތޫލް އަހުމަދާ އެކު ލަވަކީއިރު، ބޮރޯ ލަވަކީ މާއިން ރަޝީދާ އެކުގަ އެވެ. އަދި ހިޝާން ލަވަކީ އަންދަލާ ހަލީމާ އެކުގަ އެވެ.
މޯލްޑިވިއަން އައިޑޮލް 2 ގެ ރޭގެ ޝޯގައި ބައިވެރިންނާ އެކު ލަވަ ކީ ފަސް އަންހެން ލަވަ ކިޔުންތެރިން ސްޓޭޖް މަތީގައި ބައިވެރިންނާއި ހޯސްޓުންނާ އެކު.
މޯލްޑިވިއަން އައިޑޮލް ސީޒަން ދޭއް ނިމުމަކާ ހަމައަށް އަންނައިރު، އަންނަ ހަފުތާގައި ޝޯއެއް ނޯންނާނެ އެވެ.
ދެން އައިޑޮލްގެ ޝޯއެއް ބެލުންތެރިންނާ ހަމައަށް އަންނާނީ ޕްރި ފިނާލޭގެ ޝޯއާ އެކު އަންނަ މަހުގެ 12 ވަނަ ދުވަހުގެ ރެ އެވެ.
ޖެހިގެން އަންނަ ރޭ އޮންނަނީ މޯލްޑިވިއަން އައިޑޮލް ސީޒަން ދޭއްގެ ފިނާލޭ އެވެ. އެރޭ އެ ޓައިޓްލް އުފުލައިލާނެ ބައިވެރިއަކު އެނގޭނެ އެވެ.
މޯލްޑިވިއަން އައިޑޮލް އަކީ ފްރެންޗައިޒް އުސޫލުން ރާއްޖޭގައި ބާއްވާ އެންމެ ބޮޑު ރިއަލިޓީ ޝޯ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މާނު
01 May 2017
ހަމޫދުއިޒްބެސްޓް
ޢަބްދުﷲނާފިޒު
01 May 2017
ބުރޯއަށް އަށް ވޯޓުދޭން އެތައް ބައިވަރުބަންގާޅީން ތިބޭކަން ދެނަހުރިބާ! ބުރޯމެންގެ ނުފޫޒު އޮންނަ ވިޔަފާރީގަ ގެންގުޅޭ ހުރިހާ ބަންގާޅީންނަށް މަޖުބޫރު ކުރުވައިގެން އެސްއެމްއެސް ކުރުވާކަމީ ހިތާމަ ހުރި ކަމެއް، އެއްވެސް ފެންވަރެއްނެތް އައިޑޮލެއް، ނަސީބެއް ތިޔަ އެއްޗެއްގެ މަތިން ފޫހިވެގެން ބަލާހިތް ނުވިކަންވެސް، އެކިޔަނީ ލަވަތަ! ފައްލަވަ ނޫންބާ!
ފޫހި
30 April 2017
އެންމެ ރީތި ފިރިހެން އަޑު ހުރި ދެކުދިން ރޭ އެކެޓީ، ހީވަނީ އަލީ ރަމީޒަށް ސަޕޯޓް ކުރާ ތީހެން. ނޫނީ ރާއްޖެތެރޭގެ ދެރަ ނިކަމެތިންގެ ދަރިންވީމަހެން. ކަޓުވާލަންވުމުން މުޅިންވެސް ނެގެޓިވް ކޮމެންޓް. ބަހައްޓަންވުމުން ހަބޭސް. އާޅެ ހަމޫދު އެއީ ތިޔަހިސާބަށް ދާންޖެހުމުގެ ކުރިން ކަޓަންޖެހޭ ކުއްޖެއް. މިވާގޮތެއް ނޭންގޭ.
ބޯހަލާކު
30 April 2017
ޝަމްވީލް ނުކެޓީމަ ޙައިރާނެއް ނުވޭ. ސަބަބަކީ މިއީ ޤާބިލްކަމަށް ބަލައިގެން ކުރާ ކަމެއް ނޫން، އާމްދަނީ އެންމެ ގިނައިން ލިބޭނެ ގޮތެއް ބަލައިގެން ހިންގާ ޝޯއެއް. އައިޑެލްގެ ޓައިޓަލްވެސް މިފަހަރު ޝަމްވީލް އަށް ދީ. އޭރުން އެންމެ ގިނަ ލާރި ލިބޭނީ. އަޑެއް ނެތް މީހަކަށް އަޅެ ކޮން ލަވައެއް ކިޔޭނީ. އެކަމަކުވެސް އެހެން މީހުންނެއް ނު ކަޓަނީ. ބޯހަލާކު
ށަވިޔަނި
30 April 2017
މިޝޯ ބަލަން ކަމުދާނެ ދުވަހަކީ ކޮންމެ ފޯނުނަންބަރަކަށް ވޯޓެއްލެވޭ ދުވަހަކު. މިހާކު ކަންތަށް ދާގޮތުން އެންމެ މުއްސަދިމިހާގެ ދަރިފުޅު މޮޅުވާގޮތަށް މީއޮތީ ޓެލެންޓް ނެތަސް. މީ އެއްގޮތަކަށްވެސް މިކަން ވެގެންވާނެ ގޮތެއްނޫން.
އަފިހުން ގޮއްޔެ
01 May 2017
އެންމެ ގިނަ އެސްއެމްއެސް ކުރަނީ ބުރޯގެ ޓީމުން، ދެން މަ ހީހީހީ.
ވިޖެޔަސޭކަރަ
30 April 2017
ދެން ޝަމްވީލަށް ދީފަ ނިންމާލާ..ޖަޖުން މިހާރުވެސް ތިބީ އެގޮތަށް ނިންމައިގެން..މި ނޫން ލަވަކިޔުންތެރިއެއް ނުފެނުނީބާއޭ ވެސް ހިތަށް އަރާ ފައިނަލް އަށް ގެންދަން..
ހަސް
30 April 2017
ހަމޫދަށް ވަރަށް ބޮޑަށް ޖެހިފަ ތިބި ބަޔަކު ތިބިހެން ހީވޭ. ފިނާލޭގައި ހަމޫދަށްވުރެ ބޮޑު ސަޕްރައިޒެއް އެބަހުރި. ބޮބް ނޫނީ ނެތް ތިތަނުގައި ފިނާލޭ އަށް ކަމުދާ ވަރުގެ މީހެއް.
އަސްލުމީހާ
30 April 2017
އަޅުގަނޑު އެންމެ ހިނި އަންނަނީ މުސާ ވަސީމް ހަމަ އިރުކޮޅު ކޮޅާ އެސްއެމްއެސްގެ ނަތިޖާ ގުނަނީ މިނިވަން އޮޑިޓް ފާމަކުންނޭ ބުނާތީ. މި ގައުމުގަވެސް "މިނިވަން" މި ނަން ކުރިއަށްލާފަ ހުރި މުއައްސަސާތަކާ ދޭތެރޭ ގިނަ ރައްޔިތުންދެކޭ ގޮތަށްބަލާއިރު މިގައުމަ ހިނގާ ތިކަލަ "މިނިވަން" އޮޑިޓް ފާމެއް އޮންނާނެކަމާދޭތެރޭ އަޅުގަނޑު އެއްޗެއްބުނާކަށް ނެތިން! މިވެސް #ވަރަށްވާހަކަ
ލައްވާލީމަ 4ޖީ
30 April 2017
މިފަހަރު އައިޑޮލް ގްރޭންޑް ފިނާލޭގަ މަމެން އެއްވެސް ބޭރު ފަރަންޖީއެއް ބޭނުމެއްނޫން! މަމެން ގްރޭންޑް ފިނާލޭގަ ދެކިލަންބޭނުންވަނީ: *ޝަލަބީގެ ޕާފާމަންސްއެއް *މައުރީން *ގެސްޓް ޖަޖަކަށް އައްމަޑޭ *އެލައިޑް އިސްތިހާރުގަ އުޅޭ ކުޑަ ސޮރު *ބޮބް އަށް ޓައިޓަލް ލިބުން. މިއެވެ
ނޯނޭމް
30 April 2017
ތިބުނީވެސް ތެދެކެވެ. އެލައިޑް އިސްތިހާރުތަށް ވަރެއް އަދި ނެތެވެ.ތި ދޮވެއްޔަށް ވުރެއްވެސް ފައްކަލެވެ. އިޝްތިހާރުގައި އުޅޭ ކުޑަ ސޮރަށް ގުޑް ލަކް :>
ރަދީފް އެންޑް ރަފައިދާ
30 April 2017
ކުޑަސޮރޮ ހަބޭސް ޓު ދަ މެކްސް.
މައުރީން
30 April 2017
މޯލްޑިވިއަން އައިޑަލްގެ ޓައިޓަލް ބޭނުންނަމަ ކޮންމެ ބައިވެރި އަކުވެސް އުނޫ 18 އަހަރުގައި ކިޔާފަ އިން "ރޯންވީ ހޭ...ގިސްލާ ގިސްލާ މިހެން..." މި ލަވަ ކޮންމެހެންވެސް "ފަޅާލަންވާނެ"، އަދި ކިޔުމުގެ ކުރިން ދޭންޖެހޭ ބަސްދީގަތުމުގަ ބުނަންވާނެ މީ އަޅުގަނޑު ކުޑައިރުގެެ އެންމެ އެންމެ ފޭވަރިޓް ލަވައޭ، މި ލަވައަކީ އަޅުގަނޑުގެ މުޅި ހަޔާތާގުޅިފައިން، ލަވަ ކިޔުމަށް ޝައުގު އުފެދެން ހިތަށްވެސް އެރީ މިލަވަ އަޑުއިވުނީމައޭ...ދެން އަޅުގަނޑު މިލަވަ ޗޫސްކޮށްފަ މީނީ ވަރަށްބޮޑު ރިސްކެއް ނަގަންށޭ ފަހަރެއްގަވެސް އަޅުގަނޑަށް އުނޫ މޭމް އާ އެއްްވަރަށް މިލަވަ ކިޔޭނެތީކީ ނޫނޭ! އޮބިނެސް ޓު ދި މެކްސް
ޝަފީޤާ ޢިމާދު
30 April 2017
މައުރީނަށް ވަރަށް ތާއީދު! އަދި ބުނަންވާނެ އަޅުގަނޑު ލަވަކިޔަން ފެށީމަ ވަރަށް ގިނަމީހުން މަލާމާތް ކުރެޔޭ. ވަރަށް ޗެލެންޖިންއޭ. އެވެންވެ އަޅުގަނޑަށް ލަވަ ކިޔިދާނެކަން ޕްރޫފްކޮށްދޭން ބޭނުމޭ.
ޙަ
30 April 2017
ޙަމޫދު އަކީ ޓޮޕް 10 އިން ކަޓަންވީ މީހެއް
މރ. ހަދާނެއް ނުނެތޭ.
01 May 2017
ކޮންމެއަކަސް މޯލިޑިވިއަން އައިޑޮލް ބަލާފަ އަޅުގަނޑުގާތަށް އަންނަނީ ޒާތެއްގެ ރަކި ހިންޏެއް، ހަމަ ފިސާރި ތެދެއް މިބުނީ، އަޅުގަނޑަކީވެސް ދިވެއްސަކަށްވެފަ، މިފަދަ ޝޯއަކުން ފެންނަންޖެހޭ ފެންވަރާގާތަށްވެސް އެއްވެސް ބައިވެރިއަކަށް ލަވައެއް ކިޔާދެވިފަ ނުވާތީ، އަންނަނީ ހަމަ ހިނި، ގައްނަލަދެއްގެ ވާހަކަ ހެޔޮވާނީ ނުދެއްކިއްޔާ.