ލައިފް ފެންފުޅިތަކެއް ބާލަނީ: މާލެއިން ފެން ލިބުން އަނެއްކާ ވެސް ވަނީ ދަތިވެފައި -- ފައިލް ފޮޓޯ: މިހާރު
02 މެއި 2017 - 10:58
45 comments
މާލޭގެ ވަރަށް ގިނަ ފިހާރަތަކުން އަނެއްކާ ވެސް މިނެރަލް ވޯޓާ ފެން ހުސްވެ ފެން ލިބުމުގައި ވަރަށް ބޮޑެތި ދަތިތައް ކުރިމަތިވެއްޖެ އެވެ.
ބައެއް ފިހާރަތަކުން ބުނީ އެއްގޮތަކަށް ވެސް ފެން ނުލިބޭތާ ފަސް ދުވަހެއްވަރު ވެއްޖެ ކަމަށެވެ.
"ބުރާސްފަތި ދުވަހުން ފެށިގެން ފެނެއް ނުލިބޭ. [ކުންފުނިތަކުގެ] ފޯން ބިޒީ، ފޯނެއް ނުނަގާ،" ފިހާރައެއްގެ ސޭޓު ބުންޏެވެ.
މާލޭގައި އެންމެ ބޮޑު ތާއްޓެއް ކުރިމަތިވެފައި ވަނީ ފަސް ލިޓަރުގެ ފެން ފުޅި އަށެވެ. އެ ސައިޒްގެ ފެން ފިހާރަތަކަށް ސަޕްލައި ކޮށްދެނީ "ލައިފް" އާއި "ތާޒާ" ބްރޭންޑެވެ. މި ދެ ކުންފުނިން ވެސް ފޯނު ނުނަގާތީ، ފެން އުފެއްދުމުގައި ދިމާވެފައި ވަނީ ކޮން މައްސަލައެއް ކަމެއް ރަސްމީކޮށް ސާފެއް ނުވި އެވެ.
އެކަމަކު ތާޒާގެ އޯޑަރު ނަގާ ކައުންޓަރުން ބުނީ ފަސް ލީޓަރުގެ ފެނުގެ އޯޑަރުތައް އަންނަ ބުރާސްފަތި ދުވަހަށް ނަގަމުން އަންނަ ކަމަށާއި އެހެން އެއްވެސް ސައިޒެއްގެ ފެނެއް ލިބެން ނެތް ކަމަށެވެ.
ބައެއް ފިހާރަތަކުން ބުނި ގޮތުގައި ފަސް ލީޓަރުގެ އިތުރުން އެހެން ސައިޒްތަކުގެ ފެން ފުޅި ވެސް ލިބޭކަށް ނެތެވެ. އެއް ސޭޓަކު ބުނި ގޮތުގައި، އެއް ކުންފުންޏަކުން މާދަމާ އަށް އޯޑަރު ނެގުމަށް ފަހު އެ އޯޑަރު އެކި ލަސްކުރަމުން ލަސްކުރަމުން ގޮސް މިހާރު ހަ ދުވަސް ވެއްޖެ އެވެ.
"އަދިވެސް މި އުޅެނީ ފެންފޮދެއް ނުލިބިގެން. އަހަރެމެންގެ ފިހާރައިން އެއްވެސް ފެނެއް ނުވިއްކާތާ މިހާރު ހަފުތާއެއް މި ވަނީ،" އޭނާ ބުންޏެވެ.
އެންމެ ފަހުން ފުޅީގައި ފެން ބަންދުކުރަން ފެށި ސްޓެލްކޯ އިން ބުނީ އެ ކުންފުނީގެ ފެން ސްޓެލްކޯ އިން ދޫކުރަމުން ގެންދާ ކަމަށާއި އެކަމަކު އެއީ އޯޑަރަަކަށް 10 ކޭހުގެ މަގުން ކަމަށެވެ.
މާލޭގައި މިނެރަލް ވޯޓާ ލިބުން ދޭތެރެދޭތެރެ އިން ތާށިވެ އެވެ. އާންމުކޮށް އެހެން ދިމާވެފައި ހުރީ ފެން އުފައްދާ ކޮންމެވެސް އެއް ކުންފުންޏެއްގެ މެޝިނަކަށް މައްސަލައެއް ދިމާވެގެން، އެހެން ކުންފުނިތަކަށް ބާރު ބޮޑުވެގެންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ަަައަލީ
02 May 2017
ކޮބާ ސްޓެލްކޯއިން އުފެއްދި ފެން
ސިޓީ ކޮއްކޮ
02 May 2017
އަދިވެސް މުއްސަދިކަން 2 ގުނައަށް ހިނގައްޖޭ ކިޔައިގެން ދިވެހިން ގުނބޯ ހައްދާތ. އުގޭލު އެނބުނީ ރަނގަޅަށް. ހަމަ ލަދު ގަންނަނީ.
މައި ސްޓަމަކު އަވާ ބްރިޖު
02 May 2017
ފެންނުލިބި މާގިނަ ދުވަސްވާނަމަ ތިބުރިޖު ގަޑު ހުރަސް ކޮށްފައި ދާނެ ބަޔަކު ނުތިބޭނެ.
ނަލަ ޝުކޫރު
02 May 2017
ކަރަންޓްގެ ޚިދްމަތް އެހާ ބޮޑު ފެނެއް ނުލިބޭ. ރައްޔޮތުންވާ ކެތްގަދަ
ނަލަ ނަލަ ކަރަންޓުބިލް
02 May 2017
ޝުކުރިއްޔާ ޔާމިން. ސްޓެލްކޯ އިން ދެއްކީ ހުވަފެން. އެތާކުވެސް ފެނެއްނެތް.
މިކޯ
02 May 2017
އިއްޔެގެ ބޯފެންތައްޔާރުކުރާ ކުންފުނިތަކަށް ގުޅީމާ ބުނީ މިހަފްތާގަވެސް އަދި ފެންލިބެންނެތަކަމަށް މިއަދު އެތަންތަނުން ފޯނަށް ޖަވާބްނުދޭތީ ސީދާ އެތަންތަނަށް ދިޔައީމާ ބުނީ އޯޑަރު މިަވަތު ނަގަނީ 5 ލީޓަރ އެކަނި. އަދި އިސްޓެލްކޯ އިން ޖެހެނީ ހެދުނުކިއުގައި ޖައްސައިގެން ނަމްބަރ ނަގަން. މިހާރު މިއޮތީ ރަގަޅަށް ފެނަށްޖެހިފައިގައުމު.
ފޫޅު ދިގު ހަންޑި
02 May 2017
ވޯޓާއި ކައިރިކޮށް ހާދަ ރަނަގަޅު ހަބަރުތަކޭ މިއަރަނީ ؟؟ ދެން ފރެނުގެ މައްސަލައަށް ސަރުކާރުން އަތްްނުބާނަން މިއުޅެނީ ކޮން ކަހަަލަ ވިސްނުމެއްގައިބާ؟؟؟ ސަރުކާރަށް ސިޔާސީ ކުއްވެރިން ހިފާ ހައްޔަރު ކުރަންވީމަ އަތް ނުކޮއްޕާ ތަނެއް ނޯވޭ. އެކްމު މިކަހަލަ ރައްޔިތުންނާއި ގުޅުންހުރި މައްސަލަޔަކުގަ ހަނު ހުރުން ކަމަކު ނުދޭ..... ކަޑަ އޭ މީތި !!!!!
ލަކުޑި ހަމީދު
02 May 2017
ސަޕްލައިފެން މިނެރަލް ވޯޓަރ ފެންވަރަށް ގެނައިމާ ތިހުރިހާ ކަމެއް ހައްލުވީ!
ވަޒީފާ
02 May 2017
... ގާސިމް އިބުރާހިމް ފެންތައްޔާރުކުރާތަނެއް ހެދިދުވަހަކުންނޫނީ ދިވެހިންފެނަށްޖެހުންނުހުއްޓޭނެ ..
މޮޑަފް
02 May 2017
މީގެ ހައެއްކަ އަހަރު ކުރިޔާ ހަމަޔަށް މާލޭގެ މެޖޯރިޓީ ބޭނުންކުރަމުންއައީ ސަޕްލައި ފެން. އެހެންނަމަވެސް މިހާރު އެފެން ބޯން ބޭނުންކުރަނީ އެންމެ ނިކަމެތި އޭނުން ގޮތެއް ނެތް އާއިލާތަކުން. ގިން މީހުން މިހާރު ބޮނީ ފުޅީގަ ހުންނަ ފެން. މިހެން މިކަން ވާންޖެހުނީ އެމްޑަބްޔޫއެސްސީގެ އިހްމާލުން. އެމީހުން އުފައްދާ ފެނުގެ ކޮލިޓީ ދަށީ. ނޫނީ އެފެނަށް ރައްޔިތުންގެ އިތުބާރު ގެއްލުނީ. އަނެއްކޮޅުން އެމީހުން ބޭނުންވަނީވެސް އެގޮތް. އަެރުން ފެންފުޅި ވިކޭނެތީ. އެހެން ގައުމުތަކުގަ މިގޮތަށް ދޫކުރެވޭ ފެނަކީ ބޯން މީރު އަދި ގިނަ ރައްޔިތުން ބޯން ބޭނުންކުރާ ފެނެއް. އެކަމަކު މިގައުމުގަ ސަޕްލައިފެން ލިބުނަސް މިލިބެނީ ކިރިޔާ ފެންވަރަން ކަމުދާ ކޮލިޓީގަ.
ނަޒީހު
02 May 2017
ފެންވަރަންވެސް އެ ފެން ކަމަކު ނުދޭ. ކުރީދުވަހަކުވެސް ކަންފަތުގަ ރިއްސާތީ ޑޮކްޓަރަށް ދެއްކީމަ ބުނީ ކޮންކަހަލަ ފެނަކުންހޭ ފެންވަރަނީ. ދެން ސަޕްލައި ފެނުންނޭބުނީމަ ބުނެފި އެ ފެން ކަންފަތަށް އެޅިގެންނޭ ރިއްސަނީ. އަނެއްކޮޅުން ހެސްކިޔާފަ ބޮލުން ހަންފޮޅޭ!