އިންތިހާބުގެ ވޯޓު ގުނުން ކުރިއަށް ގެންދަނީ: އިންތިހާބާ ގުޅޭގޮތުން މާބޮޑު ޝަކުވާއެއް ހުށަހަޅާފައި ނުވާ ކަމަށް އިލެކްޝަންސް ކޮމިޝަނުން ބުނޭ.
06 މެއި 2017 - 22:37
3 comments
މުޅި ރާއްޖޭގައި މިއަދު ބޭއްވި ލާމަރުކަޒީ އިންތިހާބުގެ ހުރިހާ ކަމެއް ވެސް ޖުމްލަކޮށް ދިޔައީ ވަރަށް އޮމާންކޮށް ކަމަށާއި އިންތިހާބާ ގުޅޭ ގޮތުން ކަން ބޮޑުވާ ވަރުގެ ޝަކުވާއެއް ހުށަހަޅާފައި ނުވާ ކަމަށް އިލެކްޝަންސް ކޮމިޝަނުން މި ރޭ ބުނެފި އެވެ.
އިންތިހާބާ ގުޅޭ ގޮތުން ކޮމިޝަންގެ މެމްބަރު އަހްމަދު އަކްރަމް "މިހާރު" އަށް ވިދާޅުވީ ވޯޓު ލާން ފެށި އިރު ބައެއް ފޮށިތަކުގައި ކުދިކުދި މައްސަލަތައް ދިމާވި ކަމަށެވެ. އެކަމަކު އެ ހުރިހާ ކަމެއް ހައްލުކުރެވި އިންތިހާބުގެ ހުރިހާ ކަމެއް ވެސް ދިޔައީ، ކޮމިޝަނުން ތައްޔާރުވި ގޮތަށް އޮމާންކޮށް ކަމަށް އޭނާ ވިދާޅުވި އެވެ.
"ކުދިކުދި ހިތްހަމަނުޖެހުންތަކެއް ހުއްޓަސް ޖުމްލަކޮށް ހުރިހާ ކަމެއް ވެސް ދިޔައީ އޮމާންކޮށް،" އަކްރަމް ވިދާޅުވި އެވެ.
އިންތިހާބުގައި ވޯޓުލާ ގަޑި އިތުރުކުރުމަކީ މި އިންތިހާބުގައި އެންމެ ހިތްހަމަނުޖެހުން އަމާޒުވި މައްސަލަކަން ފާހަގަކުރައްވައި އަކްރަމް ވިދާޅުވީ، އެކަން އެ ގޮތަށް ކުރީ ކޮމިޝަނަށް ހުށަހެޅި ޝަކުވާތަކާއި އިންތިހާބުގައި ވޯޓުލާން ކިޔޫ ޖެހިފައި ތިބި މީހުންގެ ނިސްބަތަށް ބަލާފައި ކަމަށެވެ. އެ ކަމުގައި ގާނޫނީ ހުރަހެއް ނެތް ކަމަށާއި މުއްދަތު އިތުރުކުރީ ކޮމިޝަނަށް ގާނޫނީ ގޮތުން ކުރެވިދާނެ ކަމަކަށް ވާތީ ކަމަށް ވިދާޅުވި އެވެ.
އިލެކްޝަނުން މިހެން ބުނި ނަމަވެސް އިންތިހާބުތަކާ ބެހޭ އާއްމު ގާނޫނުގައި ބުނެފައިވާ ގޮތުން، ވޯޓުލުން ކުރިއަށް ދަނިކޮށް، އެ ކޮމިޝަނަށް އެ ނިންމުން ނުނިންމޭނެ އެވެ.
އަކްރަމް ވިދާޅުވި ގޮތުގައި އިންތިހާބާ ގުޅޭ ޝަކުވާގެ ގޮތުގައި މިއަދު އިރު އޮއްސުމާ ހަމަ އަށް ހުށަހަޅާފައި ވަނީ 50 ޝަކުވާ އެވެ. އޭގެ ތެރޭގައި ގިނައީ ތޮއްޖެހިގެން ވޯޓުލާން ޖެހޭތީ ވަގުތު އިތުރު ކޮށްދިނުމަށާއި މޮނިޓަރުންނަށް ފާސް ނުލިބުމާއި ބައެއް މީހުންނަށް ވޯޓު ނުލެވުން ފަދަ ޝަކުވާތައް ކަމަށް ވިދާޅުވި އެވެ.
"ކަންބޮޑުވާން ޖެހޭ ވަރުގެ ޝަކުވާއެއް މިހާތަނަށް ހުށަހަޅާފައެއް ނެތް،" އަކްރަމް ވިދާޅުވި އެވެ.
އޭނާ ވިދާޅުވީ އިންތިހާބުގައި ވޯޓުލާން ނުކުތް މީހުންގެ އަދަދު އަދި ސާފުނުވާ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަބްދުއްލާ އަލީ
09 May 2017
ވޯޓް ލުން ދިޔަ އޮމާންކަމުން ކައްސާލައިގެން ގޮސް ހޮވުނީ އެމްޑީޕީ މެމްބަރުން ދޯ
ރަދުން
07 May 2017
އަޅުގަޑަށް މި އިންތިހާބު މިހާން އޮމާން ކޮށް މި ދިޔަ ކަމަށް ވިސްނެނީ އިންތިހާބު ރާވާ ހިންގުމުގެ އެޑްމިނިސްޓްރޭޓިވް ބާރު ގަ މިފަދަ އަމަލު ހިންގާ މީހުން ތިބުމުގެ ސަބަބުން ލިބިފަިއވާ ޔަގީންކަން. އެޔަގީން ކަމުގެ މަސްތުގަ ތިއްބާ ހަމަނުޖެހުމެއް ހިންގާނެ ފުރުސަު ނުލިބި ދިޔައީ.. ހަމަ ހިޔާލެއް މީ އަސްލު ކަމުގައި ނުވެދާނެ
ނޫނޭ
06 May 2017
އަޅުގަނޑުގެ ޝަކުވާއެއް އެބައޮތް. މަނާ ގަޑިއެއްގައި މިގައުމުގެ ރައީސް އިންތިހާބަށް ނުފޫޒު ފޯރުވި މައްސަލަ ބެއްލެވުން އެދެން. އަދި މިކަން ކޮންމެވެސް ބޭފުޅަކު ހައިކޯޓަށް ވެއްދުން އެދެން