ޖުމްހޫރީ ޕާޓީގެ އޮފީސް ހިންގާ ކުނޫޒްގައި ބޭއްވި ޖަލްސާއެއްގައި ގާސިމް ވާހަކަ ދައްކަވަނީ.---މިހާރު ފައިލް ފޮޓޯ
10 މެއި 2017 - 19:45
41 comments
ޖުމްހޫރީ ޕާޓީގެ ލީޑަރު އަދި މާމިގިލީ ދާއިރާގެ މެމްބަރު ގާސިމް އިބްރާހިމްގެ މައްޗަށް ކްރިމިނަލް ކޯޓުން މިއަދު ކުރި ބޮޑެތި ޝަރުތުތަކާ އެކު، އިދިކޮޅު ކޯލިޝަންގެ ޖަލްސާތައް ބާއްވަމުން އަންނަ މ. ކުނޫޒްގައި ދެން ސިޔާސީ ހަރަކާތްތަކާއި ސިޔާސީ އެއްވުންތައް ބޭއްވިދާނެ ކަމާ މެދު ސުވާލު އުފެދިއްޖެ އެވެ.
ގާސިމްގެ ބަންދަށް ކޯޓުން މި މަހުގެ ފަސްވަނަ ދުވަހު އިތުރުކޮށްދިން ހަތަރު ދުވަހުގެ މުއްދަތު މިއަދު ހަމަވާތީ، ކޯޓަށް ހާޒިރުކުރުމުން އޭނާ މިނިވަންކުރީ ހަތް ޝަރުތެއް ކުރިމަތި ކުރުމަށް ފަހު އެވެ.
ފިތުނަ އުފެދޭ ވާހަކަތައް ދެއްކެވުމަށް ގާސިމްގެ ގޯތިގެދޮރު ބޭނުން ނުކުރެއްވުމާއި އެފަދަ ކަންކަމަށް މީހުންނަށް ތަންތަން ދޫ ނުކުރެއްވުމާއި ދައުލަތުގެ ތިން ބާރާއި އެ ބާރުތަކުގެ ވެރިންނާ ބެހޭގޮތުން ނުތަނަވަސްކަން އުފެދޭ ވާހަކަތައް ނުދެއްކެވުމަކީ ވެސް އޭގެ ތެރޭގައި ހިމެނޭ ޝަރުތެކެވެ.
އިދިކޮޅު ފަރާތްތަކުގެ ޖަލްސާތައް ފަހަކަށް އައިސް މުޅިން ވެސް ބާއްވަނީ ޖުމްހޫރީ ޕާޓީގެ އޮފީސް ހިންގާ ކުނޫޒްގައި ކަމަށް ވާއިރު، އެ ބިން ރަޖިސްޓަރީ ކޮށްފައި ވަނީ ސީދާ ގާސިމްގެ އަމިއްލަ ނަމުގަ އެވެ.
ކުނޫޒްގައި ބާއްވާ ޖަލްސާތަކުގައި ދައުލަތުގެ ތިން ބާރުގައި ހުރި މައްސަލަތަކަށް ވަރަށް ބޮޑަށް ފާޑުކިޔައި، އަދި ސަރުކާރުން އިސްލާހު ކުރަންޖެހޭ ކަންކަން ފާހަގަކުރަމުންދާއިރު، ކޯޓުގެ ޝަރުތުތަކާ އެކު ކުނޫޒް "ބަންދު" ކުރަން ޖެހުމުގެ ބިރު ބޮޑު ކަމަށް ބައެއް ބޭފުޅުން ދެކެވަޑައިގަންނަވަ އެވެ.
މި ޝަރުތުތަކާ ގުޅޭ ގޮތުން ގާސިމްގެ ވަކީލުން އަދި ޖުމްހޫރީ ޕާޓީން ވެސް ވަކި ގޮތެއް ނުނިންމަ އެވެ.
ޖުމްހޫރީ ޕާޓީގެ ސެކްރެޓަރީ ޖެނެރަލް އަހުމަދު ސަމީރު މިރޭ "މިހާރު" އަށް ވިދާޅުވީ ސިޔާސީ ހަރަކާތްތަކަށް އަދި އެ ޕާޓީގެ އޮފީސް ހިންގުމަށް ކުނޫޒް ދެން ބޭނުން ކުރެވިދާނެތޯ ބެލުމަށް ގާނޫނީ ބޭފުޅުންނާ މަޝްވަރާ ކުރަމުން އަންނަ ކަމަށެވެ. ސަމީރު ވެސް ފާހަގަކުރެއްވި ގޮތުގައި ކޯޓުގެ ޝަރުތުތައް ކަނޑައަޅާފައި ވަނީ ސުވާލު އުފެދޭ ގޮތަށެވެ.
"ގާނޫނީ ބޭފުޅުންގެ ފަރާތުން މިކަން ސާފުވަންދެން އަޅުގަނޑުމެން މަޑުކޮށްލައިގެން މިތިބީ. އެކަމަކު ކުނޫޒްގައި ޖުމްހޫރީ ޕާޓީގެ އޮފީސް ހިންގާތާ އެތައް ދުވަހެއް ވެއްޖެ. ޖުމްހޫރީ ޕާޓީގެ ހަރަކާތްތައް ހިންގާތާ އެތައް ދުވަހެއް ވެއްޖެ. ޕާޓީގެ ހަރަކާތްތައް ކުނޫޒްގައި ހިންގަން ހުރަސްއެޅޭ ނަމަ އެއީ ސުވާލު އުފެދިދާނެ ކަމެއް،" ސަމީރު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބޯހަލާކު
11 May 2017
ކުނޫޒް ބަންދު. މަގުތައް ބަންދު. މައިޒާންތައް ބަންދު. މޮޅުވާނެ މިނޫންގޮތެއް ނެތެވެ. އެންމެ އިސް މޮޅެތި ކުޅުންތެރިން ބަންދުގައި ބައިތިއްބައި އިކޮޅު ކުޅުންތެރިން ޕްރެކްޓިސް ކުރާން ތަނެއް ޖާގައެއް ނުދީ މެޗަށް އަރައިގެންވެސް މޮޅު ނުވާނެއެވެ. އޮތް ހަމައެކަނި ގޮތަކީ މެޗް ނުކުޅެ ކާމިޔާބު އިއުލާން ކުރުމެވެ.
786
11 May 2017
އަހަރެެމެންނަކީ މުސްލިމުންނަށްވާޢިރު ދާ ކޮންމެ ތާކުން މޫނުމަތީގައި ތަފާލެއް ޖަހާހެން ކޮންމެވެސް މީހެއްގެ ފޮޓޯއާ، ކުރެހުމާ ތާއަބަދު ފެންނާތީ ބޮލަން އުދަގޫވޭ! ހުރިހާ ޕާޓީތަކެއްގެ ސަމާލުކަމަށް މިވާހަކަ ދެންނެވިން. މިސްކިތަށް ނުވެއްދޭ އެއްޗެއް އެއްވެސްތަނެއްގައި ހަރުކޮށްފައި ބަހައްޓާކަށް ނުފެނޭ! އަދި އަމުދުން މައިދާންތަކުގައި. މީހަކު އެތާހުރެ ނަމާދެއް ކޮށްލާ ހިއްވިއަސް ބޮލަށް އުނދަގޫވާނެ ނުކުރެވޭނެ.
އަމީން
11 May 2017
ސިޔާސީ ކަންތަކާ ނުކުޅޭ. ޖަލަށް ލާފާނެ.
ތޮލު
10 May 2017
އިންތިހާބުން ބަލިވީ މަ ދެން ނެތް އެހެންގޮތެއް! މިއީދެން ހާދަ ދަށުދަރައިގެ އަމަލެކޭ!
ކަރުންމަތީގެ ޑޮކްޓަރު
10 May 2017
އެމްޑީޕީ މީހުންނަކީ ހާދަ ގޮތެއް ފޮތެއް ނެތް ބަޔެކޭ. ގާސިމަށް މާ ހެޔޮއެދޭ ބަޔަަކަށް ވެެގެން އުޅެނީ މޫނުމަތީގައި. ސިއްރުން އެކަކު އަނެކާގެ ކައިރި ކިޔަނީ އެވީ ހަަމަ ވާންވީ ގޮތޭ. އަހަރެމެންގެ ސަރުކާރު ވައްޓާލި ބޮޑު ބާޣީއެކޭ. މިހިރީ މި މީހުންގެ ނުބައި ނުލަފާކަން.
ޗޗ
11 May 2017
ތިހެން ކިޔައިގެންވެސް އެބަޖެހޭ ގާސިމް ޔާމީން ފަޅިއަށް އަރުވަންދޯ!!!
ކަދުރު ބޮޑޭ
11 May 2017
ވާވާ ސަޅި ޑައިލޮގްއެއް
ކަރުން ތިރީގެ ޑޮކްޓަރު
11 May 2017
ﷲ އިރާދަ ކުރެއްވިއްޔާ ދަރުބާރު ފެކްޝަން ދަނީ ފުނޑެމުން ގާސިމެއް ނާންނާނެ ދެންލަލަލާ
ފޭކް ފޭކް
10 May 2017
ދެން ކުނޫޒް ހުންނަ މަގު ހަދާ ނިމިދާނެ ދޯ.. ލޮލް .. ތި އުޅެނީ ވަަރަށް ހަޑިކޮށް ...
ހާތިމް
10 May 2017
އެވޭރިން ބޭނުންގޮތެއްދޯ އެހަދާލަނީ..!!
ފާތުމަ
10 May 2017
ޤާސިމް ހާދަ ފިޑިއޭ.. ކިހިނެއް މިކަން ކުރާނީ..!؟
ލާ މަސީލު
10 May 2017
އަސްލުވެސް ،، ކުރިންވެސް އެނގޭ މިހެން ވާނެކަން ... ކީއްކުރާނީ ނުނިކުމެ ނުހުރެވޭ މައްސަލަ މަށަށް ބޮޑީ..
ައަޙްމަދު
10 May 2017
ކޯޓުގެ ޝަރުތުތައް ވަރައް ރަނގަޅު ﷲ އިންސާނާޔައް ހިތާއި ދުލާއި ބޭރުފުށުގެ އެއްމެހައި ގުނަވަންތައްދެއްވާ ފައި ވަނީ އެ ގުނަވަންތަކައް ރައްކައުތެރި ވެ އެ ހެޔޮގޮތުގައި ބޭނުން ކުރަން
ހަސަނު
10 May 2017
އަދި ބޭއިންސާފާ އަނިޔާވެރިކަމާ އެނެމާ މުންކަރާތް ތަކާ ދެކޮޅަށް މަސައްކަތް ކުރުން ވާޖިބު ކުރެއްވީ...
އަރުވާލި އާދަނުގެ ސިޔާސީ ހާސަރު
10 May 2017
ރާއްޖެ ދުއް އެންމެ ދީލަތި މަހުޖަނު. ރާއްޖެ ދުއް ސިޔާސީ އެންމެ ތަނަވަސް ލީޑަރު ރާއްޖެ އަށާއި ރާއްޖޭގެ ޑިމޮކްރެސީއަށް ރާއްޖޭގެ ރައްޔިތުންނަށް މިނިވަން ކަމާއި އަސާސީ ހައްގުތަށް ހޯދާދެއްވުމަށް މިނިވަންވެ ޖިސްމު ހުރަގެއިން ބޭރުވީ ޑިމޮކްރެސީ ކަސްތޮޅު އަޅާ އަދަގޮޑި އަކުން ޝަރުތުކޮށް. ނޯޓް : މިރާއްޖެ 836 އަހަރު ރަސްކަމުގައި އެކަކު 1 ފަހަރު 2 ފަހަރު 3 ފަހަރު މަތިންވެސް ރަސްކަން ކޮށް 84 ރަސްކަމެއް ކުރެވިފައިވެ. ރަސްކަމުން ޖުމްހޫރިއްޔާ އަކަށް. ޖުމްހޫރިއްޔާ އަކުން ރަސްކަމަކަށް ރަސްކަމަކުން ޖުމްހޫރިއްޔާ އަކަށް ޕާޓީ ނެތި ނާސިރު 21 އަހަރު ޕާޓީ ނެތި މައުމޫން 30 އަހަރު(ފަހު ދައުރުގާ މައުޖޫދްވި) ސަރުކާރަކުން ޕާޓީ އަކާ ޖާމިނުވި ޕާޓީ އަކުން ސަރުކާރެއް އުފެއްދި 5 އަހަރުގެ 3 އަހަރު ވަންދެން ސަރުކާރު މައުޖޫދުވި ދިވެހިންނަށް ސިޔާސީ ހައްލު ހޯދުމަށް އެންމެ ތުރާވާނީ މި ސަރުކާރު ކަމަށް 3 އަހަރުގެ މާޒީ ބެނެފި.
ޙިކުމަތު އަމަލީ
10 May 2017
ކުނޫޒް ބުނޫޒް ވުނޫޒް ނުނޫޒް ބަންދުކުރިޔަސް އަހަރެމެންގެ ސިކުޑި ބަންދު ނުކެރެވޭނެ، އަހަރެމެންގެ އަނގަވެސް ބަންދެއްނުކުރެވޭނެ، ބަންދުކޮށް ޖަލަށްލާ ގެއްލުވާލައިގެން ކަމެއް ހާސިލްވަންޏާ މިދިޔަ 3އަހަރު އޮންނާނީ ހާސިލުވެފަ އެންމެފަހުން އޮތް އިންތިހާބުން އެކަން އެނގޭނެ، ބަންދުކޮށްފަ ބަހައްޓާ ހަމަ ހިނި އަންނަނީ އެހރންވެޔޭ މިބުނަނީ ސިޔާސީ ހިކުމަތެއް ސިކުޑިޔެއް ނެތޭ، 2018 ހަދާންނައްތާލާ ލޮލް