11 މެއި 2017 - 08:43
19 comments
ޗައިނާގެ އެންމެ ބޮޑު އޮންލައިން ފިހާރަ ކަމަށްވާ އަލީއެކްސްޕްރެސް އިން އެންމެ ގިނައިން ވިޔަފާރިކުރަނީ ޒުވާނުން ކަމަށާއި އޭގެ ތެރެއިން އެންމެ ގިނައިން ހޭދަކުރާ މީހުންގެ ތެރޭގައި ދިވެހިން ހިމެނޭ ކަމަށް އަލީއެކްސްޕްރެސް އިން ބުނެފި އެވެ.
ޔޫރަޕާއި އޭޝިއާ އެއްކޮށް ބަލާއިރު އަލީއެކްސްޕްރެސް އިން އެންމެ ގިނައިން ވިޔަފާރިކުރަނީ އުމުރުން 25 އަހަރާއި 34 އަހަރާ ދެމެދުގެ މީހުން ކަމަށާއި އޭގެ ތެރެއިން އެންމެ ގިނައިން ހޭދަކުރަނީ ދިވެހިރާއްޖެ، ކުވައިތު އަދި ބަހްރެއިން ޒުވާނުން ކަމަށް އަލީއެކްސްޕްރެސް އިން އާންމުކުރި މައުލޫމާތުގައި ބުނެފައިވެ އެވެ.
މީގެ އިތުރުން އެންމެ "ލޯޔަލް އެންޑް ފްރިކުއެންޓް" ކަސްޓަމަރުން އުޅެނީ ދިވެހިރާއްޖެ އާއި ލިތުއޭނިއާ އާއި ބޫޓާންގައި ކަމަށް ވެސް އަލީއެކްސްޕްރެސް އިން ބުންޏެވެ.
އަލީއެކްސްޕްރެސް އިން ބުނި ގޮތުގައި އެންމެ ގިނައިން އޯޑަރު ލިބެނީ ކޮސްމެޓިކްސް އާއި ފަރުނީޗަރާއި އެކި ފާޑުގެ ގެޖެޓަށެވެ. ޗައިނާގެ ކޮސްމެޓިކްސް ވިޔަފާރިކުރާ ކުންފުނިތަކަށް އެންމެ ގިނައިން އޯޑަރު ލިބިފައި ވަނީ ރަޝިޔާ، ޔުކްރެއިން، ޕޮލެންޑު، ބެލާރުސް އަދި އިޒްރޭލުންނެވެ.
އަލީބާބާއިން ހިންގާ އަލީއެކްސްޕްރެސް އިން ކޮށްފައިވާ ވިޔަފާރިތަކުގެ ތެރެއިން 60 ޕަސެންޓް ޓްރާންސެކްޝަން ހަދާފައި ވަނީ މޮބައިލް ޑިވައިސްތައް މެދުވެރިކޮށެވެ. އަލީއެކްސްޕްރެސްގެ ޖެނެރަލް މެނޭޖަރު ޝެން ޑިފާން ވިދާޅުވި ގޮތުގައި 2010 ގައި ވެބްސައިޓް ލޯންޗުކުރި ފަހުން 100 މިލިއަނަށް ވުރެ ގިނަ އިންޓަނޭޝަނަލް ކަސްޓަމަރުން ވަނީ ލިބިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ލުގުމާން
12 May 2017
ތިޔަކަމުން ދޭހަވަނީ ދިވެހީންގެ ކުރިއެރުމާއި ފުދުންތެރިކަމުގެ މިންވަރު. ދިވެހީން ތިބީ ކުވެއިތާއި ދާދި އެއްހަމާއިގައި ކަން. އުފާވެރި ޚަބަރެއް ތިޔައީ
ތަކުރުފާނު
13 May 2017
އެރާއަރައި ލޮކުވެއްޖެ. ދިރާސާތަކުން ދައްކަނީ ކުވޭތާއި އެއްހަމައެއްގައި ފުދުންތެރިކަން ހުރިކަމަށް. އަޑުގަދަކުރާއިން ގޮވާއަޑުއިވެނީ އިތޯޕިއާ އަށްވުރެ ދިރިއުޅުމުގެ ހާލަތު ދަށްކަމަށް. ހަގީގަތަކީ ކޮބައިބާ.
ަސދ
12 May 2017
ދިވެހި ވިޔަފާރިވެރިން ހަދާ މަކަރު ދަށުވެފައި ތިބޭނެ ކަމެއް ނެތް. މިޒަމާނުގެ ޒުވާން ކުދިންނަށް ތިއުޅޭ ވިޔަފާރިވެރިންނަށްވުރެ މާބޮޑުތަންވެސް އަގު ހެޔޮކޮށް އޮންލައިން ޑީލްސް ހޯދަން އިނގޭނެ.
މަންޖެ
11 May 2017
މިއީ ބޮޑުޖޯކެއް.
ެަަައަލީ
11 May 2017
އަލީ އެކްސްޕްރެސްއިން ގަނެގެން ހާދަ އަގު ބޮޑު ކޮށްށޭ ވިއްކަނީ..... ކިހާ ދެރަކަމެއް. ކުލިވެސް ދެއްކޭނެ އެހާ އަގު ބޮޑުކޮށް ވީމަ
މަނޫ
11 May 2017
މަގޭ ފޭވަރިޓް ސައިޓް
ބަލްކު އެންޑް ބަލަކް
11 May 2017
އެންމެ ބޮޑުމާކެޓަކީ ރާއްޖެކަމަށް ވަންޏާ ތީގެމާނައަކީ ތިތަނުން ވަރަށް އެއްޗެއް ނުވިކެއޭ.
އެނޮން
11 May 2017
ނިސްބަތުން ކަންނޭނގެ. ކޮންމެ ގައުމަކުން ރަޖިސްޓާރްޑްވެފަތިބި ޔޫސާސްގެ އަދަދަށް ބަލާފަ. ރާއްޖޭގެ ވަރަށް ގިނަ ކުދިން މިހެން ގިނައިން ގަނެގެން އެފްބީ އަދި އިންސްޓަގްރާމް ޕޭޖްތައް ހަދައިގެން އެއްޗިހި ވިއްކާ އެހެންވީމަ ނިސްބަތުން މީހަކު ހޭދަކުރާވަރު ބޮޑުވުން އެކަށީގެންވޭ.
މުހައްމަދު
11 May 2017
މިރާއްޖޭގައި ހިއްސާ ބާޒާރުގައި އިންވެސްޓްކުރުމަށްވުރެ އަލީއެކްސްޕްރެސްއިން އެއްޗެހި ގަނެވިއްކިޔަސް މާގިނަ ފައިދާ ލިބޭ. މަގޭ ބަހެއް އެހި މީހަކު ރާއްޖޭގައި ލިސްޓުކޮށްފައި އޮތް އެއްވެސް ކުންފުންޏެއްގެ ހިއްސާއެއް ނުގަންނާނެ. ގަނެގެން ފައިދާއެއް ނުލިބި އެ ފިކުރުގައި ހުރުމަށްވުރެ އޮންލައިން ވިޔަފާރިކުރުން މާރަނގަޅު. މާ ފައިދާ ބޮޑު.
އަބުރު
11 May 2017
މޮޔަވަނީތަ ..މާބޮޑުކޮށް ތިވާހަކަ ނުދައްކަބަލަ..އަނެއްކާއިތުރު ޓެކުހެއް ނަގަންފަށަން ޖެހިގާނެ...
ބޭބެ
11 May 2017
ކޮންސިޔުމެރިޒަމް ތޯ ނުވަތަ ހަމަ ދިރިއުޅުމައް ބޭނުންވާ ތަކެތި ގަނެވެނީތޯ ... މިއާޓިކަލް ގައި ބީ.އެމް.އެލް ކާޑުތަކުން ކިހާވަރަކަށް އަލީބާބާ އަދި އީބޭ އަށް ޙަރަދު ކުރެވިފައި ވޭތޯ ޖަހާލިނަމަ ރަނގަޅު އަނދާޒާއެއް ކޮއްލެވުނީސް. މިހާރު މިއާޓިކަލް މިވީ ހަމަ ނަކަލަކަށް. ދެންކޮންމެ އަކަސް އެމީހެއްގެ ލާރި އެމީހަކު ތަޅާ ބުރުވާނީ އެމީހަކު ހިތުހުރި ގޮތަކަށް ... މިއޮތީ މިނިވަންކަން ލިބިފަ. ދިވެހި ކުންފުނި ތަކުން ހިއްސާ ގަނެގެން އަހަރަކު ދެރުފިޔާ ބައި ހޯދާނީތޯ ނޫނީ އީބޭއިން ގަޑި ގަނެގެން ވިއްކައިގެން ދިހަރުފިޔާ ހޯދާނީތޯ ... އެއީ އެމީހަކު އަމިއްލަޔައް ނިންމާ ނިންމުމެއް.
ބެމްބޫ
11 May 2017
ދެން އުޅޭނީ ޖީއެސްޓީ ނަގާނެ ގޮތެއް ނުވެގެން.