ލޯކަލް އިންތިޚާބުގެ ވޯޓުގައި، މައްސަލަ ދިމާވި ވޯޓު ފޮއްޓެއްގެ ވޯޓު ކަރުދާސްކޮޅެއް އީސީގެ އޮފިޝަލަކު ދެންމެ ދައްކާލައްވަނީ.---މިހާރު ފޮޓޯ: ނިޝާން އަލީ
11 މެއި 2017 - 15:55
35 comments
މިދިޔަ ހޮނިހިރުދުވަހު ބޭއްވި ލޯކަލް ކައުންސިލްތަކުގެ އިންތިޚާބުގައި ބެހެއްޓި ވޯޓު ފޮށިތަކުގެ ތެރެއިން 26 ފޮއްޓެއްގެ ސެކިއުރިޓީ އުރަ ކަނޑައި އިލެކްޝަންސް ކޮމިޝަން (އީސީ) އިން މިއަދު އަލުން ބަލަން ފަށައިފި އެވެ.
ސެކިއުރިޓީ އުރަ ކަނޑާލައި، ޗެކް ކުރަމުންދާއިރު، އެ އުރައިގައި ހުރި އެކި ދާއިރާތަކުގެ ވޯޓު ކަރުދާސްތަކުގެ ތެރެއިން މައްސަލަ ފާހަގަކުރެވޭ ކަރުދާސްތައް ވެސް އީސީގެ އޮފިޝަލުން މިހާރު އަންނަނީ ޗެކް ކުރަމުންނެވެ. އެގޮތުން ބައެއް ފޮށި ބާތިލް ވޯޓާއި ވޯޓުލީ މީހުންގެ އަދަދު ދިމާވޭތޯ ބެލުމާއި ވޯޓުލުމަށް ފަހު ބާކީވި ކަރުދާސްތައް އަލުން ޗެކްކުރަމުން އެބަދެ އެވެ. އަދި އެ ކަރުދާސްތައް ޗެކްކުރުމަށް ފަހު ސެކިއުރިޓީ އުރަ ބަންދުކޮށް، ވަގުތީ ނަތީޖާ އެ ތަނުގައި އިއުލާން ކުރެ އެވެ.
ސެކިއުރިޓީ އުރަ ކެނޑުމަށް ފަހު އަލުން ޗެކްކުރާ ފޮށިތަކުގެ ތެރޭގައި މާލޭގެ ގަލޮޅު ދެކުނު ދާއިރާގެ ފޮއްޓަކާއި މާފުށީ ޖަލުގެ ފޮއްޓަކާއި ފުވައްމުލަކު މެދު ދާއިރާގެ ފޮއްޓެއް ހިމެނެ އެވެ. މިހާރު ޗެކްކުރަމުންދާ ފޮށިތަކުގެ ވަގުތީ ނަތީޖާ އިލެކްޝަންސް ކޮމިޝަނުން އިއުލާން ކުރާނީ އެ މައްސަލައެއް ބެލުމަށް ފަހު އެވެ.
ސެކިއުރިޓީ އުރަ ކަނޑައި އަލުން ޗެކްކުރާއިރު، އެތަނުގައި ޕާޓީތަކުންނާއި ކެންޑިޑޭޓުންގެ މަންދޫބުންނާއި އޮބްޒާވަރުން އަދި މޮނިޓަރުން ވެސް ހަރަކާތްތެރިވެ އެވެ.
އިންތިހާބުގައި ވޯޓު ކަރުދާސްތައް ބަންދުކޮށްފައިވާ ފޮށިތައް ހުޅުވުމުގެ ކުރިން، އިލެކްޝަންސް ކޮމިޝަންގެ ސެކްރެޓަރީ ޖެނެރަލް އަހުމަދު އަލީ އިންޒާރު ދޭ މޭރުމަކުން ވާހަކަ ދެއްކެވުމުން އެތަނުގައި ތިބި މީހުން ވަނީ ހިތްހަމަނުޖެހުން ފާޅުކޮށް، އެގޮތަށް ވާހަކަ ނުދެއްކެވޭނެ ކަމަށް ބުންޏެވެ. އަދި އެތަނުގައި ބަޔަކު ހަމަނުޖެހުން އުފައްދަން ނޫޅެނީސް އެގޮތަށް ވާހަކަ ނުދެއްކެވޭނެ ކަމަށް ވެސް އެ މީހުން ބުންޏެވެ.
ބާ ޖަމާލުއްދީންގައި ހިންގާ އީސީގެ މަރުކަޒުގައި، މިއަދުގެ މެންދުރުފަހު 3:00 އިން ފެށިގެން ޝީޓްތައް އަލުން ޗެކް ކުރަމުންދާއިރު، ލޯކަލް އިންތިޚާބުގައި މިހާތަނަށް އާންމުވެފައިވާ ނަތީޖާތަކަށް ބަލާއިރު ކުރީގައި އުޅެނީ އިދިކޮޅު ފަރާތްތަކެވެ. އިންތިޚާބުގެ ވަގުތީ ނަތީޖާ އީސީން އިއުލާން ކުރަމުން އައި ނަމަވެސް އަދި ހުރިހާ ދާއިރާތަކެއްގެ ނަތީޖާ އިއުލާނެއް ނުކުރެވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވަގު
12 May 2017
ޔާމީނަކައް ހަޖަމެއް ނުވާނެ ލިބުނު ނަތީޖާ އެއް ލާަމުން ވެސް ދޯކާ ދީފި
މީ މިވާވަރަކީ
12 May 2017
ލަދެއް ނުގަނެއެއްނުން ސިންގަޕޫރޭކިޔާއިރު. ވެރިކަމުގައި މިތިބީ ކީއްކުރާބައެއް، 4 އަކަ ކިލޯމީޓަރު ހަމަނުވާ ވަށައިގެން ކަނޑުއޮތް ބިންކޮޅެއްގައިވެސް ފެން ހިންދާ ނިޒާމު ހުރިގޮތްބަލާ.
ޥަސަންތި
11 May 2017
ޢެއްކޮއް ކަނޑައި ގުނަކޮއްގެއްވެސް ނަތީޖާބަދަލުކުތެވޭތޯ ބަލާތި، ވަލިވިފަހުން ލޮލައްނިދިނާދޭ މިވެރިން
ނަމެއްނެތް
11 May 2017
ތިޔަ ޖެހުނީ ބޮޑުތާ!
ކޮމެންޓު
11 May 2017
ގަލޮޅުދެކުނުދާްއިރާ ވޯޓުފޮށިކައިރީ ތިބިމީހުންބަލަމާ
އަލްޖިބްރާ
11 May 2017
ވޯޓް ގުނަން ތިބީ ނުކުޅެދޭ މީހުން ދޯ /
އަލްޖިބްރާ
11 May 2017
ނަތީޖާ ބަދަލުކުރުމުގެ ފުރަތަމަ މަރުހަލާ !
ހަބަރުދާރު
11 May 2017
ވޯޓު ގަނޑު ވަގަށް ނުނަގާތި
އަބްދު
11 May 2017
ފޮށި އެންމެންގެ ކުރިމަތީ ކަނޑާ ގުނައި އޮޅުވާލެވޭނީ އިލެކްޝަންސް މީހުން ހާދަހާ މޮޅުވެގެނޭ ދޯ!! ކަނު މީހުން އެތަން އޮބްސާރވް ކުރަން ނުދާހާ ހިނދަކު އޮޅުވާލެވޭނެ ކަމަކަށް ނުފެނޭ
ޢަސްލުމީހާ
11 May 2017
ޢޭ..މިހާހަމައަށް އެ ފޮށިތަށް ހުރީ ކޮންބައެއްގެ ކޮންޓްރޯލް ދަށުގަތޯ ބަލާބާ
ފލ
12 May 2017
މަމެސް ތިހެން މިހިތަށް އެރީ! ކޮންބައެއްގެ ބެލުމުގަ ދަށުގަ ވޯޓުފޮށިތައްހުރީ! ވޯޓުފޮށިތަކަށް ސިއްރުން ވޯޓު ނާޅަ ހުރެދާނެބާ މިހާރު!!!!!
ޚަލީލު
11 May 2017
ތިޔާކަމުގޭ އޮތޫ ދެގޮތެއި . އެއްގޮތަކީ ތިޔާ ސައްބީސް ފޮށީގާ މައްސަލަ ހުރެއްޖެއްޔާ ފޮށިކާރީގާ ދިބިމީހުންގެ މައްސަލަ ތަހުގީގުކޮށް ސަރިއަތަށް ފޮނުވަންޖެހޭ. އަނެއްގޮތަކީ މައްސަލަ ނެތިއްޔާ ކޮމިޝަނުގެ މައްޗައް އަބުރުގެ ދައުވާ ކުރުން. ހެހެންނޫންތޭ.