އުރީދޫ ދިވެހި ޕްރިމިއާ ލީގުގައި ވެލެންސިއާއާ ދެކޮޅަށް ކުޅޭ މެޗުގެ ކުރިން އޮތް ނޫސްވެރިންގެ ބައްދަލުވުމުގައި މާޒިޔާގެ ކޯޗު އަލީ ސުޒޭން ވާހަކަ ދައްކަނީ.-- މިހާރު ފޮޓޯ: ނިޝާން އަލީ
20 ޖޫން 2016 - 12:14
2 comments
ރޯދަ މަހު މެޗުތައް ކުޅޭއިރު އެޑްވާންޓޭޖް ބޮޑީ ބިދޭސީ ކުޅުންތެރިން ގިނަ ޓީމުތަކަށް ކަމަށް މާޒިޔާގެ ކޯޗު އަލީ ސުޒޭން ބުނެފި އެވެ.
އުރީދޫ ދިވެހި ޕްރިމިއާ ލީގުގައި ރޭ ޔުނައިޓެޑް ވިކްޓަރީ އާއި މާޒިޔާއާ 1-1 އިން އެއްވަރުވި މެޗަށް ފަހު ސުޒޭން ބުނީ ރޯދަމަހު ބިދޭސީ ކުޅުންތެރިންގެ އެފޯޓް ބޮޑުވާނެ ކަމަށެވެ.
"މާޒިޔާ ވިޔަސް އަދި އެހެން ޓީމަކަށް ވިޔަސް ބޭރު ތިނެއް ނުވަތަ ހަތަރު ކުޅުންތެރިން ތިބޭއިރު ރޯދަ މަސް ތެރޭ އެ މީހުންގެ އެފަޓް ވަރުގަދަވާނެ. ބޭރު ގިނަ މީހުން ތިބޭ ޓީމަކަށް އެ އެޑްވާންޓޭޖް އެބައޮތް. މިދިޔަ އަހަރު ވެސް ރޯދަ މަސް ތެރޭ މިގޮތަށް މެޗުތައް ދިޔައީ،" ސުޒޭން ބުންޏެވެ.
ރޭގެ މެޗުގެ ތިން ވަނަ މިނެޓުގައި ޕެނަލްޓީއަކުން ޔުނައިޓެޑް ވިކްޓަރީން ލީޑު ނެގިއިރު މާޒިޔާ އިން އެއްވަރުކުރީ ދެ ވަނަ ހާފުގެ ފަސް ވަނަ މިނެޓުގަ އެވެ. ސުޒޭން ބުނީ މެޗުގެ ކުރީކޮޅު ލަނޑެއް ވަނުމާ އެކު އޭނާގެ ޓީމަށް އުނދަގޫވެގެން ދިޔަ ކަމަށެވެ.
"ފަހު ހާފުގައި ވަރަށް ބޮޑަށް ރިކަވާވި. ޗާންސް ވެސް ހޯދައި ރަނގަޅަށް ކުޅުނު. އެކަމަކު ލަނޑެއް ނުޖެހި ދިޔައީ،" ސުޒޭން ބުންޏެވެ.
އޭނާ ބުނީ މި ނަތީޖާ އިން ވަރަށް ބައިވަރު ޕޮޒިޓިވް ކަންތައްތަކެއް ފާހަގަކުރެވުނު ކަމަށާއި އޭގެ ފައިދާ ފަހުން ނެގޭނެ ކަމަށެވެ.
"ޕޮޒިޓިވް ކަންކަން އިތުރަށް ޑިވެލޮޕްކޮށް ގޯސްކޮށް ދިޔަ ކަންކަން ރަނގަޅުކުރާނަން. އެގޮތަށް ބަލާއިރު އެޑްވާންޓޭޖް ނެގޭނެ މި ނަތީޖާއިން،" ސުޒޭން ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިސްލާހު
20 June 2016
އެކެއް އެކަކުން އެއްވަރު ވީމާ މޮޔަ ނުގޮވާށެވެ. ރާއްޖޭ ގައި އޮތިއްޔާ އޮތްބަޔަކު ގޮވައިގެން މޮޅުކޯޗަށް ވާކަމެއް ހަރާމުން ހަރާމެވެ.
ވިސްނާލީމާ
20 June 2016
ރާއްޖޭގެ ގައުމީޓީމު ގޮވައިގެން ނުކުމެއުޅޭއިރު ހުރިހާ ބަދަލެއްވެސް ގެނެވެންވާނެ! އަދި ކުރިޔަށްހުރި މެޗްތަކުގާ މޮޅުވިޔަސް އެއީކީ މާބޮޑު މޮޅުވުމެއްނޫން! އަސްލު ނަގާފާ ފޭކްތައް ހޮވައިގެން ބަޔަކު އުޅޭއިރު، މިހާރު ތިޔަވަނީކީ ރަނގަޅަކަށްނޫން! ދެންކިޔަންވީ އެމެއްނާރައޭ، މަހެއްނުބޭނެޔޭ! -އިބްރާހީމް-