ލިލީމަގުގެ މަތީގައި އޮރެންޖު ކުޑަތަކެއް!؟

އާމިނަތު ޝިފްލީން، މިހާރު

24 މެއި 2017 - 14:53

ލިލީ މަގަށް މިއަދު އެރިން ހެއްޔެވެ؟ މިއަދު އިރުއެރުމާ އެކު ފެނުނީ އަމީނިއްޔާ ސްކޫލާއި ދާރުލްއާސާރާ ދެމެދު ލިލީމަގުގެ މަތީގައި އެލުވާފައި ހުރި އޮރެންޖު ކުލައިގެ ކުޑަތަކެކެވެ. މިއީ މާލޭގެ މަގަކުން މީގެ ކުރިން ފެނުނު މަންޒަރެއް ނޫނެވެ. ގިނަ ބަޔަކަށް ވަރަށް ހިތްގައިމެވެ.

އެކަމަކު މިއީ ކޮން ބަޔަކު، ކީއްކުރަން އެލުވާފައި ހުރި ކުޑަތަކެއް ހެއްޔެވެ؟

"މިއީ ދިރާގުން ކޮށްގެން އުޅޭ ކަމެއް. އަޅެ އަހާބަލަ އެ މީހުން ކައިރީ،" ކުޑަތަކަށް ބަލަން ހުރި މީހެއް ކައިރީ އަހާލުމުން ބުންޏެވެ.

ލިލީމަގުގައި އަމީނިއްޔާއާ ދިމާލުގައި، ބަރިއަކަށް ހަތަރު ކުޑަ ވާ ގޮތަށް 48 ކުޑަ އެލުވާފައި ހުއްޓެވެ. ވިއްސާރަ މި މޫސުމުގައި އުޑުމަތި ބަނަކޮށްލާފައި އޮންނައިރު، ކުޑަތައް އެލުވާފައި ހުރުމުން، އެ ސަރަހައްދަށް އޮންނަނީ އޮރެންޖު ކުލައެއް ވެރިވެފަ އެވެ.

ލިލީމަގުގައި އެލުވާފައި ހުރި އޮރެންޖު ކުޑަތައް-- ފޮޓޯ-- ހުސެން ވަހީދު/ މިހާރު

"ތަންކޮޅެއް ގިނައިން ކުޑަ އެލުވާލި ނަމަ ދޯ! ކިހާ ރީތި!،" މަންޒަރު ބަލަން މަޑުކޮށްލައިގެން ހުރި އެހެން މީހަކު ބުންޏެވެ.

މިގޮތަށް މަގުމަތީގައި ކުޑަ އެލުވަން އެންމެ މަޝްހޫރީ ޕޯޗުގަލް މީހުންނެވެ. އެ ގައުމުގެ އަގުއޭޑާގައި ބާއްވާ އާޓް ފެސްޓިވަލެއްގައި ކޮންމެ ޖުލައި މަހަކު މިގޮތަށް އެތައް ސަތޭކަ ކުޑައެއް އެލުވަ އެވެ. އެއީ ވަރަށް ގިނަ ބައެއްގެ ޝައުގުވެރިކަން ލިބޭ ހިތްގައިމު މަންޒަރެކެވެ.

މި ދުވަސްވަރު މާލޭގެ އެކި ތަންތަނުން، އެކި ގޮތްގޮތަށް އޮރެންޖު ކުލަ ދަނީ ފެންނަމުންނެވެ. އޮރެންޖު ކުލައިގެ ހެދުމެއް ލައިގެން، އެ ކުލައިގެ ތޮތްޕާއި އައިނާއި ވިގު ފަދަ ތަކެތި އަޅައިގެން ތިބޭ މީހުން ވެސް މަގުމަތިން ފެނިދާނެ އެވެ.

ލިލީ މަގުގައި އެލުވާފައި ހުރި އޮރެންޖު ކުޑަތަކެއް: މިއީ ކޮން ބަޔަކު ހަރުކޮށްފައި ހުރި ކުޑަތަކެއް ކަމެއް ނޭނގޭ-- ފޮޓޯ-- ހުސެން ވަހީދު/ މިހާރު

ދިރާގުން ގެންދަނީ ވަޓްސްނެކްސްޓްއެމްވީ ޖަހައިގެން ޕްރޮމޯޝަން ކެމްޕޭނެއް ސޯޝަލް މީޑިއާގައި ވެސް ކުރަމުންނެވެ. ބައެއް މީހުން ބުނަނީ ދިރާގުގެ ރަސްމީ ރަތް ކުލަ އޮރެންޖު ކުލައަށް ބަދަލުކޮށްލަނީ ކަމަށެވެ. އެކަމަކު ގިނަ ބަޔަކު އަދިވެސް ތިބީ ވާނުވާ ނޭނގިފަ އެވެ.

ދިރާގު ވާރޭ ސޯޝަލް މީޑިއާ

23 ކޮމެންޓް, 163 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

I'm So

25 May 2017

The ކޮމެންޓްސް ހިއަރް!! ޙަހަހހަހަހަ މީ ދެން ކޮން ކަމެއްތަ؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މީހާ

27 May 2017

ޒާތީ ވާ މީހުން ގިނައީ. ކީއްކުރާނީ، އަދުގެ ހާލަތު. ރަމަޞާން ކަރީމް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަންކޮ

25 May 2017

ތި ކުލައިގެ އެއްޗަކުން ތި މަގު އެއްކޮށް ހިޔާ ކޮށްލިނަމަ .

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދެރަސޮރު

25 May 2017

ވާނެގޮތަކީ އެހެންބަޔަކު ހަމަޖެއްސި ކުލަޔަކަށް އަރައިގަނެވިފަތިބީމަ، ކޮންމެވެސް ކުލަޔަކަށް ބަދަލު ކުރަނއެބަޖެހޭތާދޯ... ތިވެދާނެ ހަމަ ކޮންމެވެސް ބަޔަކާ ޖޮއިން ކޮށްލީ ކަމަށްވެސް.... ރާއްޖޭގަ ވަތަނިއްޔާ ލޯމްޗް ކުރަން (ރަތްކުަލަ) ތައްޔާރު ވެފަ 2 ދުވަހަށްވެފަ އޮށްވާ ދިރާގުން ރެޑަށްބަދަލުކުރީ... އަދިވެސް ފައިހަމަކުރަންއުޅޭއިރު ހާދަ އަވަހޭ ޑާޓާ ކޮޅު ހުސްވެގެން ދާލެއް... އެކަމަކު އުރީދޫ ން ފޫހިވާއިރުވެސް ހުސްނުވޭ ހީވެސްނުވޭ ވަދެގެން އުޅޭހެން ރަނގަޅުކޮށްބަލަ....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޮންދޮނާ

25 May 2017

ކިހާބޮޑު އިސްރާފެއްތޯ....މިވިއްސާރަ މޫސުމުގަ ނިކަމެތި ރައްޔިތުންނަށް ބެހިނަމަ މާރަގަޅެއނުން....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހަންމަދު

24 May 2017

ވާނުވާ އަންގައިދޭން ތިބި ނޫސްވެރިން ވާނުވާ އަންގައިދޭންވީނު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތުށްޕި

24 May 2017

"ތަންކޮޅެއް ގިނައިން ކުޑަ އެލުވާލި ނަމަ ދޯ! ކިހާ ރީތި!،" މަންޒަރު ބަލަން މަޑުކޮށްލައިގެން ހުރި އެހެން މީހަކު ބުންޏެވެ. މި ދެން ނިއުސް ލިޔާ ވަށްތަރުތަ! ބޮޑު ކަމެށް. ހަހަހާހަހާ