ނޭޝަނަލް ކައުންޓަ ޓެރަރިޒަމްގެ ވެބްސައިޓް އިފްތިތާހު ކުރަން ބޭއްވި ރަސްމިއްޔާތުގައި އާދަމް ޝަރީފް ބައިވެރިވެވަޑަގަންނަވަނީ: ޓެރަރިޒަމާ ދެކޮޅަށް ގިނަ މަސައްކަތްތަކެއް ސަރުކާރުން ކުރަމުން އަންނަ ކަމަށް ވިދާޅުވި. --ފޮޓޯ: ހުސެއިން ވަހީދު/ މިހާރު
30 މެއި 2017 - 14:10
44 comments
އެހެން ގައުމުތަކަށް ވުރެ ރާއްޖޭގައި ޓެރަރިޒަމްގެ ނުރައްކާ ބޮޑު ނޫން ކަމަށް ޑިފެންސް މިނިސްޓަރު އާދަމް ޝަރީފް މިއަދު ވިދާޅުވެއްޖެ އެވެ.
މިނިސްޓަރު މިހެން ވިދާޅުވީ، ރާއްޖޭގައި ޓެރަރިޒަމްގެ ހަމަލާއެއް ދީފާނެ ކަމުގެ ބިރު އެބައޮތް ކަމަށް ބުނެ ދަތުރުކުރުމުގައި ސަމާލުވާން އިނގިރޭސި ވިލާތާއި އޮސްޓްރޭލިއާގެ ސަރުކާރުން އެ ގައުމުގެ ރައްޔިތުން ސަމާލުވާން އަންގާފައި ވަނިކޮށެވެ.
ރާއްޖެ އަކީ ޓެރަރިޒަމްގެ ނުރައްކާ އޮތް ގައުމެއް ކަމަށް ކަނޑައަޅައި ޓްރެވަލް އެޑްވައިޒަރީ ނެރެފައިވާތީ "މިހާރު" ން ސުވާލު ދެންނެވުމުން މިނިސްޓަރު ވިދާޅުވީ ދިވެހި ސަރުކާރުން އަންނަނީ ގައުމުތަކާ ގުޅިގެން ޓެރަރިޒަމާ ދެކޮޅަށް ވަރަށް ގާތުން މަސައްކަތް ކުރަމުން ކަމަށެވެ. ދުނިޔޭގެ އެއްވެސް ގައުމަކީ މިހާރު ޓެރަރިޒަމްގެ ބިރުވެރިކަން ނެތް ގައުމެއް ނޫން ކަމަށާއި ރާއްޖެ އަށް ޓެރަރިޒަމްގެ ނުރައްކާ ވަކި އިތުރު ނުވާ ކަމަށް މިނިސްޓަރު ވިދާޅުވި އެވެ.
"ރާއްޖެ އަކީ އަމާން ތަނެއް އަދި ގިނަ ދިވެހިންނަކީ ސުލްހަ އަށް ލޯބިކުރާ ބައެއް،" އާދަމް ޝަރީފް ވިދާޅުވި އެވެ.
ރާއްޖެއައި ޓޫރިސްޓުންތަކެއް މަގުމަތީގައި ހިނގާފައި ދަނީ: ރާއްޖެ އަށް ޓެރަރިޒަމްގެ ނުރައްކާ ބޮޑު ކަމަށް އޮސްޓްރޭލިއާ އާއި އިނގިރޭސިވިލާތުން ވަނީ ކަނޑައަޅާފައި.
ރާއްޖެ އަށް ޓެރަރިސްޓު ހަމަލާއެއް ދިނުމަށް ހިތްވަރު ލިބޭ ގޮތަށް ވާހަކަ ދެއްކުމަކީ، މިނިސްޓަރު ވިދާޅުވި ގޮތުގައި، ޓެރަރިޒަމްގެ ނުރައްކާ އިތުރުވެދާނެ ކަމެކެވެ. އެފަދަ ގޮތްގޮތަށް މުއާމަލާތު ނުކުރުމަށް އޭނާ އިލްތިމާސްކުރެއްވި އެވެ.
އިނގިރޭސިވި ލާތުގެ ފޮރިން މިނިސްޓްރީގެ ވެބްސައިޓުގައި ނެރުނު ޓްރެވަލް އެޑްވައިޒަރީއެއްގައި ބުނެފައިވާ ގޮތުގައި ރާއްޖެ އަށް ދަތުރު ކުރުމުގައި ސަމާލުވާން ޖެހެ އެވެ. ޓޫރިސްޓުންނާއި ރާއްޖޭގައި މަސައްކަތް ކުރާ ބިދޭސީން ގިނައިން އުޅޭ ތަންތަނަށް ހަމަލާތައް ދީފާނެ ކަމުގެ ބިރު އެބައޮތް ކަމަށް ވެސް މި އެޑްވައިޒަރީގައި ލިޔެފައިވެ އެވެ.
ވެބްސައިޓުގައި ބުނީ ފަހަކަށް އައިސް އިނގިރޭސީންނަށް އަމާޒުކޮށްފާނެ ޓެރަރިސްޓު ހަމަލާތަކުގެ ނުރައްކާ ބޮޑުވެފައިވާ ކަމަށެވެ. މިއީ، އިރާގާއި ސީރިއާގައި ހިނގަމުންދާ ހަމަނުޖެހުމުގެ ސަބަބުން ކުރިމަތިވެފައިވާ ބިރުވެރިކަމެއް ކަމަށާއި އެކަމަށް ސަމާލުވާން ވެސް އިނގިރޭސި ވިލާތުގެ ސަރުކާރުން އެދިފައިވެ އެވެ.
އަދި އެ ގައުމުގެ ސިއްހީ އިދާރާތަކާ ހަވާލާދީ، ރާއްޖޭގައި ޒިކާ ވައިރަސް ފެތުރުމުގެ ބިރުއޮތް ކަމަށް ވެސް ފޮރިން މިނިސްޓްރީގެ ވެބްސައިޓުގައި ބުނެފައިވެ އެވެ. މި ބަލި ޖެހިއްޖެ ނަމަ، އެކަށީގެންވާ ސިއްހީ ފަރުވާ ލިބުމުގައި ދަތިތަކެއް ކުރިމަތިވެދާނެ ކަމުގެ ކަންބޮޑުވުން ފާޅުކޮށް އެކަމަށް ވެސް ސަމާލުވާން އެދިފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހެހެހެހެ
31 May 2017
މަގުމަތީގައި ފޭރޭ ބަޔަކު އުޅުނަސް އެއީ ދެން އެހާ ކަންބޮޑުވާންވީ ކަމެއްނޫން އޮތަ؟ އެއީ ތަރައްޤީގެ ކުލަވަރެއް ނޫންތޯ؟
ބޯގޯސް
31 May 2017
އަހަރުމެން ދިވެހީންގެ ގޮތަކީ ކަމެއް ދިމާނުވަނީސް އީޒީ މޯޑްގައި ވާން ފެށީމަ ސައިލެންޓް މޯޑައް ވެނިމުނީމަ ދެން ތެޅިގަނެގެން ކަންތައް ކުރަން އުޅޭނީ. ކުރިން މިހެން ހިގާފާނެ ކަމެއްކަމަށް އަންދާޒާ ކޮއްލެވޭއިރުވެސް ނުކުރާނެ.
މުހަ
31 May 2017
ނިކަން ބުނެބަލަ އެޔާ ޕޯޓުގަ އޮތީ ކޮން ސެކިއުރިޓީއެއް ރިސޯޓެއްގަ އޮތީ ކޮން ސެކިއުރިޓީއެއް. ކަންކަން ރަނަގަޅުކުރަން ބުނީމަވެސް މަބޮޑޭ ވެފަ.
ޑަންޑެހެލު
31 May 2017
ހުންގަޑު ހުރީ ހަމައެވަރެއްގަޔޭ ތިބުނަނީ؟؟ފޭކުނިއުސް މިފަދަރޯދަމަހަކު ނުފަތުރާ!! ޢެންމެނައްވެސް ފެންނަގޮތައް ހުންގަޑު ވަރައްބާރައް ރާއްޖޭގެ އުތުރުންދެކުނައް ދަނީފެތުރެމުން.
ޞުރޭ
31 May 2017
އެއްކަލަ އިންޓަލް ކެންތަކާ ޖެހުނީ، ކަމެއްވީމަ ދެންބުނާނެ އެދެން އެކަމެއްވީ ދޯ ކަމާބެހޭމީހުން އެކަމާއުޅެނެދޮ އޭ. ބޯހަލާކު... ނުވިސްނޭނެ މި މީހުންނަށް މިއީކީ ގައުމުގެ އިގްތިސާދާ ގުޅިފައިވާކަމެއްކަން. އެހެންތާވާނީ މިމީހުން ތިބޭނީ ކައިގެންތާ ރައްޔަތުންގެ ލަަރިން. ފިސާރި އެމްއެންޑީއެފް، މިއަދު ގައުމު އޮތްހާލަތު ނުވިސްނޭ ބައެއް. ދެރަވޭ.
♞ އަސްގެ
31 May 2017
ޕާކިސްތާނަށް ވުރެ ތޯ.. އިރާގަށްވުރެން ތޯ... އިހަށްދުވަހުވެސް ހައްޔަރު ކުރީ މާލޭގައި 5ތަނެއްގައި ބޮންގޮއްވަން އުޅުނު ބަޔަކު.. ސަލްޓަން ޕާކުގައިވެސް ބޮންގޮއްވީ.. މީހުންވެސް މަރަނީ..
އަސްގެ އަށް
31 May 2017
ބަލަ ކަލޭމެން އެ މީހުން ހައްޔަރު ކުރި ދުވަހު ބުނިންދޯ އެއީ ހުސް ފޭކޭ. ދެން ކޮން ފަސް މީހުންގެ ވާހަކައެއް މިހާރު ތިޔަ ދައްކަނީ
ދެބޯދޫނި
31 May 2017
މި އިނގެރޭސީން ހާދަ ސިޔާސީ އޭދޯ. ތި ހުރިހާ އެއްޗެއް ނުކިޔާ ރާއްޖޭގެ ވެރިޔަކަށް ހުރީ އިނގެރޭސީން ބޭނުންވާ މީހާ ނޫންކަމަށް ބުނެލަބަލަ.
ގުނބޯ
30 May 2017
މިއީ އަދި މާވަރުގަދަ ބައެއް ސީ.އައި.އޭ....އެމް15....ކޭ.ޖީ.ބީ...މިތަންތަނަށްވުރެ މިމީހުންގެ އިންޓެލިގެންސް ނެޓްވޯކް މިއުޅެނީ މާކުރީގަ
ޗާބޫކު
30 May 2017
ރާޢްޖޭގައި އޮތީ އަދި މާ ނުރައްކާތެރި ޓެރަރިޒަމެއް. އެއަށް ކިއަނީ ސްޓޭޓް ސްޕޮންސަރޑް ޓެރަރިޒަމް. މީގެ ހެއްކަކީ މީހަކަ މަރުގެ އިންޒާރު ދޭއިރު އެކަމަށް ފިޔަވަޅު ނޭޅުން. އަދި މަރުގެ އިންޒާރު ދިން މީހާގެ ސެކއިރިޓީ ނުބެލެހެއްޓުނީ ކީއްވެ.
ހިޔާލު
30 May 2017
ހަމަގައިމުވެސް އެންމެ ގިނައިން ޑިފެންސް މިނިސްޓަރުންނަށް ޓެރަރިސްޓުން ތިބީ ރާއްޖޭގަ.....