ރައްޔިތުންގެ މަޖިލިހުގެ އިދާރާ: ތިމާވެއްޓާ ބެހޭ ވަޒީރާ ސުވާލު ކުރެއްވުމަށް ކިނބިދޫ ދާއިރާގެ މެމްބަރު ރިޔާޒް ހުށަހެޅުއްވި ސުވާލު މާދަމާގެ ޖަލްސާ އަށް ވަނީ އެޖެންޑާ ކޮށްފައި.
05 ޖޫން 2017 - 13:45
5 comments
އަހަރަކަށް ވުރެ ގިނަ ދުވަސް ފަހުން، ވަޒީރުންނާ ސުވާލު ކުރުން ރައްޔިތުންގެ މަޖިލިހުގެ ޖަލްސާތަކަށް އެޖެންޑާ ކުރަން ފަށައިފި އެވެ.
މަޖިލިހުގެ މާދަމާގެ ޖަލްސާ އަށް އެޖެންޑާގައި އޮތް ހަމައެކަނި ކަމަކީ ކިނބިދޫ ދާއިރާގެ ޖުމްހޫރީ ޕާޓީގެ މެމްބަރު އަބްދުﷲ ރިޔާޒް، އެންވަޔަރްމަންޓް މިނިސްޓަރު ތޯރިގް އިބްރާހިމް ސުވާލު ކުރެއްވުމެވެ.
ރިޔާޒުގެ ސުވާލުގައި ވަނީ ތ. ވަންދޫ ގިރާ ސަރަހައްދު ހިމާޔަތް ކުރުމުގެ މަސައްކަތް ފެށޭނެ ދުވަހެއް އޮޅުން ފިލުއްވެމެވެ.
އޭނާ އެ މައްސަލަ މަޖިލިހަށް ހުށަހެޅުއްވީ މިދިޔަ ފެބްރުއަރީމަހު އެވެ. އެކަމަކު މަޖިލިހުގެ ފުރަތަމަ ދައުރު ނިމުނު އިރު ވެސް، އެ މައްސަލަ މަޖިލިހަށް އެޖެންޑާކޮށްފައެއް ނުވެ އެވެ.
މިދިޔަ އަހަރުގެ ޖޫން މަހުން ފެށިގެން މިއަދާ ހަމައަށް އައިއިރު ވެސް ވަޒީރުންނާ ސުވާލު ކުރުމުގެ މައްސަލަތައް މަޖިލިހުގެ ޖަލްސާތަކަށް އެޖެންޑާކޮށްފައެއް ނެތެވެ. ނަމަވެސް މަޖިލިހުގެ ކޮމެޓީތަކަށް ހުށަހެޅި އެކިއެކި މައްސަލަތަކާ ގުޅިގެން ވަޒީރުން ދޭތެރެދޭތެރެއިން ކޮމެޓީތަކަށް ހާޒިރު ކުރެ އެވެ.
މަޖިލިހުގެ ގަވާއިދުގައި ވަޒީރުންނާ ސުވާލު ކުރެވޭނެ އުސޫލުތަކެއް ކަނޑައަޅާފައި އޮންނައިރު، އިދިކޮޅު މަޖިލިސް މެމްބަރުންގެ އެންމެ ބޮޑު އެއް ޝަކުވާއަކީ ވަޒީރުންނާ ސުވާލު ކުރުމުގެ ފުރުސަތު މަޖިލީހުގެ ތެރެއިން ނެތުމެވެ. ވަޒީރުންނާ ގިނަ ސުވާލުތަކެއް ކުރެއްވުމަށް މަޖިލިހަށް ހުށަހެޅުއްވި ނަމަވެސް، އެއިން މައްސަލައެއް އެޖެންޑާ ނުކުރާތީ އެ މެމްބަރުން މަޖިލިހުގެ ރައީސް އަބްދުﷲ މަސީހަށް ފާޑު ވިދާޅުވެފައިވެ އެވެ. އެ ބޭފުޅުން ސިފަ ކުރައްވާ ގޮތުގައި އެއީ ސަރުކާރު ޒިންމާދާރު ކުރުމަށް އޮތް ހުރަހެކެވެ.
ނަމަވެސް ސަރުކާރަށް ތާއީދު ކުރައްވާ މެމްބަރުންގެ ޚިޔާލު މިކަމުގައި ވަރަށް ބޮޑަށް ތަފާތެވެ. ޕީޕީއެމްގެ މަޖިލިސް މެމްބަރުން ކުރިން ފާހަގަކުރެއްވި ގޮތުގައި އިދިކޮޅު މެމްބަރުން ވަޒީރުންނާ ސުވާލު ކުރުމަށް އެދިވަޑައިގެން ހުށަހަޅުއްވަނީ އެއްވެސް ތާކުންތާކު ނުޖެހޭ ސުވާލުތަކެކެވެ. އަދި އެއީ ވަޒީރުން ކުރައްވާ މަސައްކަތަށް ހުރަސް އަޅުއްވައި، ވަގުތު ބޭކާރު ކުރަން އިދިކޮޅު މެމްބަރުން ރާވައިގެން ކުރާ ކަމެއްގެ ގޮތުގައި ޕީޕީއެމް މެމްބަރުން ސިފަ ކުރައްވަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ައަލީ
05 June 2017
2018 އަށް މަޑުމަޑުން ސައިޒަށް ހެޔޮވަރު ވަނީ. ބާރުލިބޭއިރަށް މިހާ ބަދަލުވެދޭ. ދެރަ.
އުމަރު
05 June 2017
ތޯރިގުއާއި ކުރަންޖެހޭ ވަރަށް މުހިންމު ސުވާލެއް އެބައޮތް، އެއީ ދުނިޔޭގެ އެތަކެއް އެހީދޭ ޤައުމުތަކުން ރިނިއުބަލް އެނާޖީއަށް އެތަކެއް މިލިއަން ޑޮލަރުގެ އެހީވަނީ ދީފައި، އޭގެ ތެރެއިން ކިހާ އެހީއެއްތޯ ރިނިއުބަލްއަށް ހޭދަކުރީ އަދި ބާކީ ހުރީ ކިހާ އެހީއެއްތޯ؟ ދެން އަނެއް ސުވާލަކީ ތޯރިގު ވިދާޅުވެފައިވާ ރަށްރަށުގެ އިންޖީނުގެއަށް ބޭނުންވާ ހަކަތައިގެ 33 ޕަސެންޓް ނުވަތަ 15 ޕަސެންޓް ރިނިއުބަލްއަށް ބަދަލުކުރާނެ ވާހަކަ މިފަސް އަހަރުތެރޭގައި، އެކަން ހާސިލްވީ ކިހާރަށެއްގައިތޯ އަދި ކުރިއަށް އޮތް 2018 ގެ ނޮވެންބަރުގެ ކުރިން ކިތަށްރަށުގައި އެނިޒާމް ގާއިމްކުރާނެތޯ؟ ދެން އޮތީ އެންމެ މުހިންމު ސުވާލު، އެއީ މިހާރު ރިނިއުބަލް ނުވަތަ ސޯލާ ހަރުކޮށްފައިވާ ރަށްތަކުގެ ރައްޔިތުންނަށް ކަރަންޓް ބިލުން އެއްވެސްވަރެއް އުނިވެއްޖެތޯ 30 ޕަސެންޓް ނުވަތަ 15 ޕަސެންޓް ސޯލާޖެހިފަހުން، އަދި އޭގެ ފައިދާ ރައްޔިތުންނަށް ކުރޭތޯ ބައްލަވަންތޯ؟ ނުވަތަ ކޮން ބަޔަކަށްތޯ އޭގެ ފައިދާކުރަނީ؟ މިހެން މިދެންނެވީ ރިނިއުބަލް އޭނާޖީ ނުވަތަ ސޯލާއަށް ބަދަލުކުރަނީ ރައްޔިތުންގެ ޖީބަށް ލުއިކޮށްދިނުމަށް، އަދި ބޭރު ޤައުމުތަކުން އެހީދެނީވެސް އެމަގުސަދުގައި، އެހެންކަމުން އެމަގުސަދު ހާސިލްނުވަންޏާ ސޯލާ ޖެހުމުގެ ބޭނުނެއްނެއް، އެހެންކަމުން ސޯލާ ޖަހައިގެން ކަރަންޓް ކުންފުނިތަކުން އެބަޖެހޭ ކަރަންޓު ބިލުން އެބައި އުނިކުރަން އެނޫނީ ސޯލާ ޖެހިޔަސް ރައްޔިތުންނަށް އޭގެ މަންފާއެއް ނުކުރާނެ، އޭގެ ބަދަލުގައި ކަރަންޓް ކުންފުނިތަކުން އެފައިސާ ބާކީކޮށް އަނެއްކާވެސް ބޭކާރު އިންވެސްޓްމަންޓްކޮށް ބޭކާރު ސިޔާސީ މީހުންނަށް ވަޒީފާދީ އަދި ސަރުކާރުގެ ބައެއް ސިޔާސަތު ސްޕޮންސާކޮށްހަދާނީ، މިކަން ބެލުމަކީ މިނިސްޓަރުގެ ތޯރިގުގެ ޒިންމާއެއް އެހެންކަމުން މިކަން ސާފްކުރުމަށް މެންބަރުންނަށް ގޮވާލަން
އަހުމަދުބެ
05 June 2017
މަހީކުރީ ތިޔައީ ސްޕްރީމް ކޯޓުން ކުރާ ކަމެއް ކަމަށެވެ.
ސުޕުރީމު
05 June 2017
ތީ އިތުބާރު ނެތްކަމަށް ފާސް ކޮއްފާނެތީ ހުރިހާ ކަހަލަ ކަމެއް ކޮއްލަނީ އޭރުންތާދޯ ސުޕުރީމަށް ބުނެވޭނީ ސިޔާސީ އޭ
ޕީޖީ
05 June 2017
ތެދު ބަހުން ޖަވާބުދާރީ ވާނެ ކަމަށް އުއްމީދު ކުރަން!