ޑިންގީ ހާދިސާގައި ގެއްލުނު ސުމޭދު: އޭނާ ހޯދުމުގެ މަސައްކަތް އަދިވެސް އަންނަނީ ކުރަމުން.
07 ޖޫން 2017 - 14:00
11 comments
މިދިޔަ އާދީއްތަދުވަހު ހަވީރު ޑިންގީއެއްގައި މަހަށް ނުކުމެ އުޅެނިކޮށް، ފުލުސް ކޯޕްރަލް ސުމޭދު މުހައްމަދު ކަނޑަށް ވެއްޓި ގެއްލުނު ހާދިސާ ތަހުގީގު ކުރުމަށް ފުލުހުންގެ ޚާއްސަ ޓީމެއް އައްޑޫގައި ހަރަކާތްތެރިވާން ފަށައިފި އެވެ.
ފުލުހުންގެ މީޑިއާ އޮފިޝަލް މިއަދު ވިދާޅުވީ އައްޑޫ ގަން ކަނޑަށް ވެއްޓި ގެއްލިފައިވާ ސ. ހިތަދޫ އާބިން ސުމޭދު، 27 ހޯދުމުގެ މަސައްކަތް ސިފައިންނާއި ފުލުހުން ހުއްޓުމެއް ނެތި އަދިވެސް ކުރިއަށް ގެންދާ ކަމަށެވެ.
މި ހާދިސާގައި ސަލާމަތްވި ދެ މީހުންގެ ތެރެއިން ފޭދޫ އިބްރާހީމް ނާއިފްއާ ސުވާލުކޮށް، އޭނާގެ ބަޔާން މިހާރު ނަގާފައިވާ ކަމަށް ވެ އެވެ.
ނަމަވެސް އެ ތަހުގީގާ ބެހޭ އެއްވެސް ތަފުސީލެއް ފުލުން އަދިއެއް ނުދެ އެވެ.
"ސުވާލު ކުރަން ޖެހޭ މީހުންނާ ސުވާލު ކުރަމުން އަންނަނީ. ތަހުގީގު ކުރިއަށް ދާތީ މި ހާދިސާއާ ގުޅޭ އިތުރު ތަފުސީލެއް މި ވަގުތު އަދި ދެވޭކަށް ނެތް،" ފުލުހުންގެ އޮފިޝަލް ވިދާޅުވި އެވެ.
ސުމޭދާއި ނާއިފްއާ އެކު ދެން މަހަށް ދިޔައީ ފޭދޫ ފަހާގޭ ހުސައިން ސައީދު އެވެ.
ސުމޭދުމެން މަހަށް ދިޔަ ޑިންގީ ފެނުނު އިރު އޮތް ގޮތް.
އޭނާ "މިހާރު" އަށް ކިޔައި ދީފައިވާ ގޮތުގައި އެ މީހުން މަހަށް ދިޔަ 17 ފޫޓްގެ ޑިންގީ ބަންޑުން ޖަހާލީ، އެއަށް ނެގި ބޮޑު ރާޅަކާ އެކުގަ އެވެ.
މި ހާދިސާއާ ގުޅިގެން ސައީދާއި ނާއިފް ވަނީ އެ މީހުން މަސް ބާނަން ތިބި ސަރަހައްދާ ދިމާލުގައި އޮތް ފަޅު ރަށަކަށް އަރައިފަ އެވެ. އަދި ފަހުން އެ މީހުން ވަނީ ފަތާފައި ގޮސް ކައިރީގައި އޮތް ޝަންގްރިއްލާ ވިލިގިލި ރިސޯޓް އެންޑް ސްޕާ އަށް އަރައިފަ އެވެ.
"ބަންޑުން ޖަހާލި" ޑިންގީ ފަޅު ރަށުން ފެނުނު އިރު، އޭގެ ތެރެއިން ޑިންގީގައި ހުރި ގިނަ ސާމާނުތައް ހުއްޓެވެ.
އެހެންވެ ސުމައިދުގެ އާއިލާ އިން ވަނީ ޑިންގީ ބަންޑުން ޖަހާލި ކަމަށް ގަބޫލު ނުކުރެވޭ ކަމަށް ބުނެފަ އެވެ. އަދި ފުލުހުން ވެސް ބުނަނީ ޑިންގީ ބަންޑުން ޖަހާލިކަން ކަށަވަރު ނުވާ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރިލުވާން
08 June 2017
ސުމައިދު ހޯދަން ޓީމެއް ހެދި ގޮތަށް ރިލުވާނު ހޯދަން ވެސް ޓީމެއް ބޭނުން
ޕޮގުބާ
08 June 2017
100 އަހަރުވިޔަސް ތިކަމެއް ނުވާނެ ތީދުވަހަކުވެސް ވެފައޮތްކަމެއް ނޫން ތިގޮތަށް ކިތަށް މީހުންތަ؟ މަރުވެދަނީ ހަރާމެ ވާއެއްނުވާއެއް އެނގޭނަމަ ތިމައްސަލަދެން ފަނޑުވަމު ފަނޑުވަމުން ގޮސް އޮބޭނީ ތިމައްސަލާގަ ޒިންމާނަގަންޖެހޭނީ ސުމައިދުގެ އާއިލާއިންކަމެއް ނޫނީ ސުމައިދުގެ އަންހެނުނާ ދަރިފުޅުކަމެއް އެހެންނޫނީ ސުމައިދުއާއެެއްކޮން މަހަށްދިޔަ ދެމީހުންކަމެއް ނޫނީ ތިމައްސަލަ ތަހުގީގުކުރާ ޓީމުންކަމެއް ނޭންގެ މަށަށް ހީވަނީ ތިމައްސަލާގަ ޒިންމާނަގަންޖެހޭނީ އެންމެފަހުން ސުމައިދުގެ އާއިލާއިންހެން އެއީ އެދުވަހުގެ އެގަޑީގަ ސުމައިދު މަހަށްދިޔައީމަ
ޢަބްދުﷲނާފިޒު
08 June 2017
ޑިންގީ އޮއްވާ އެ ދޫކޮށްލާފަ ދެމީހުން ފަތާފަ ގޮސް ޝަންގްރިއްލާ އަށް އެރީ ކީއްވެބާ!؟ ބަންޑުން ޖަހާލައިގެން އިންޖީނު ބޭނުން ނުކުރެވޭ ވަރުވީނަމަވެސް ލޯންޗުގަ ޝަންގްރިއްލާއަށް ދެވޭނެ ގޮތް ނޭގުނީބާ!؟
މާއެނގޭ
08 June 2017
މަވެސް ހަމަ ހައިރާން ވެއްޖެ ތަންކޮޅެއް ފަސޭހައިން ދެވޭނެ 17 ފޫޓު ލޯންޗު އަތުން ފަލިޖަހަމުން.......... އެކަމަކު ދެވޭނުދެވޭ ތަނެއް ނޭގޭނެ...... ދެންވެސް އަތުން ފަލިޖަހަން ހަނދާން ބަހައްޓާތި.........
އާދަނު
07 June 2017
ތިފަޅުރަށްވެސް ޗެކްކޮށްލަން ފެނޭ.
ރަދީފް
07 June 2017
ތިޔަ ވީޑިއޯގަ ނުފެނޭ ކާންގެންގުޅުނަ ތަށިތަކެއް އަދި ލައިފް ޖެކެޓް ތަކެއްވެސް.ބޮޑަށް ވައްތަރީ ލޮކަރުގަ ހުރިތަކެތި ފަހުން އޭގެއިންނަގާފަ ބަޔަކު ތިލޯންޗްތެރެއަށް އަޅާފަހުރިކަން. މޮޅަށް ކަން ހިނގިގޮތް ދެނެވޮޑިގެންވަނީ މާތްﷲ.
ސައްދާމް
07 June 2017
ފެންނަ ކޮންމެ އެއްޗެއް ޙަޤީޤަތަކަށް ނުވެވެސް ހިނގައިދާނެ.؟........ މިއީ އަނެއްދުވަހު ނަގައިގެން އުޅޭ ވީޑިއޯ އާއި ފޮޓޯ....... ލޯންޗުގެ ގެގަނޑު ތެރޭގައި ހުރި އެއްޗެހި ނަގާފައި ދައްކަން ކޮށްފައިވާ ކަމަކަށް ވެދާނެ .........ލޮކް ކުރެވޭ ކަހަލަ ތަންތަން ތި ބުނާ ފޮޓޯ އިން ނުފެނޭތަ ؟......އެއްމެ ފުރަތަމަ ފުލުހުން އެރޭ ލޯންޗް ބާލާފައި ވެސް ނުވޭ؟....... ވެރިފަރާތުން ލޯންޗް ނަގަން ދިޔައިރު ފޮޓޯ ތައް ނޫސް ތަކުގައި އެނބުރެމުން ދަނީ.؟... ޢާއިލާއިން ބުނާ ގޮތަށް ރާޅާ އެކު ވިއްސައިގެން ދިޔަ ނަމަ ބަންޑުން ނުވިއަސް ތި ގޮތަށް ނުހުންނާނެ.؟....... މަސްބާނަމުން ދަނިކޮށް ބަންޑުން ވީ އެކަމަކު ވީޑިއޯ ގައި ފެންނަ ދޮށީގައި ރީލެއް ނެތް ؟، ހަމަ ވެދާނެ ލޯންޗުގެ ގެގަނޑު ތެރޭގައި ހުރި އެއްޗެހި.......... އެމީހުން ތިބީ ފަރަށް ނަގިލި އަޅައިގެން ނޫން ، ދޮށިން ފަރަށް އުކާފައި ދަމަމުން ދިޔައީ ދެން ނަގިލި ކީއްކުރަން ނަގާފައި އޮތީ މިހެން މިބުނީ މިގޮތަށް މަސްބާނާއިރު ނަގިލި ބާއްވާފަ އާއްމުކޮށް އޮންނަނީ ކޮންމެވެސް ތަނެއްގެ އެތެރޭގައި އަދި ބޭނުން ވީމާ ނަގަނީ.؟.....
ސާދާސީދާ
07 June 2017
މަރުޙަބާ. މަރުގެ ތަޙްޤީޤް އެންމެފުނަށް ފީނުމަކީ ފުލުހުންކުރަންޖެހޭނެކަމެއް. ވީޑިއޯ އަދި އޯޑިއޯ އެތައް ހެއްކެއްހުރި 2 މަރަށް އަޅާނުލާ އުޅެނީ ކީއްވެބާ؟ ޢާންމު ރައްޔިތުންގެ ފުރާނަ މުހިންމުނޫނީބާ؟
milee
07 June 2017
ތިފަޅުރަަަށް ބަލާ ރަންގަޅަށް
ޒަރީ
07 June 2017
ތަހުޤީގު ކުރާ އިރު 2 މީހުންގެ ބަޔާން ނަގަން ޖެހޭނީ އެއްވަގުތެއްގައި 2 ރޫމް ގަ. އޭރަށް ދެ މީހުން ދައްކާ ވާހަކަ ދިމާ ވާވަރު އެނގި ދޮގު ހަދަންޏާ ފަޅާއަރާނީ. މިހާރު ތި ހެދި ގޮތުން ބަޔާން ނެގި މީހާ ބުނާނެ ތިމަންނަ މިހެންނޭ ބުނީ ކަލޭވެސް މިހެނންނޭ ބުނާނީ. މިވަރު އެނގޭނެ ހިންދީ ފިލުމު ބަލާ ކުއްޖަކަށްވެސް
ޝިނާޒް
07 June 2017
ހާއްސަ ޓީމު.. އާއްމު ޓީމު.. ފެނުނު ފޯނަކީ ސުމެއިދުގެ ފޯނުކަން ކަށަވަރު ކުރީ ކޮންގޮތަކުން ތޯ؟؟ ގެއްލިގެން އުޅެނީ ސުމެއިދުކަމަށް ވެފައި ކަނޑުން ފެންނާނީ ހުސް ސުމެއިދުގެ އެއްޗެހިކަމަށް ހީކުރެވުނީ؟؟ އެމްއެންޑީއެފްއިން ޓްވީޓް ކުރީ - އެމީހުންގެ އޮޕްސް ފެށުނު ގަޑިތައް އޮޅުވާލައިގެން.. ފުރަތަމަ ކަމަކީ ހެލިކޮޕްޓަރު ގެ މަރާމާތެއް ކުރަން ޖެހިގެން އެޔަށް އުދުއްސައިގަނެވުނީ 10ވެސް ޖަހަން އުޅެނިކޮށް..