އުރީދޫން ޕީއެސްއެމްއާއެކު ކޭބަލް ޓީވީގެ ހިދުމަތް ދިނުމަށް އެއްބަސްވުމުގައި ސޮއިކުރުމަށްފަހު އުރީދޫގެ ސީއީއޯ ނަޖީބު (ވ) އަދި ޕީއެސްއެމްގެ މެނޭޖިން ޑިރެކްޓަރު ހަލީލް (ކ) އާއި ދެ ކުންފުނީގެ އިސްވެރިން ފޮޓޯއަކަށް ހުއްޓިގެން. ފޮޓޯ: އުރީދޫ
09 ޖޫން 2017 - 15:35
15 comments
ޕީއެސްއެމް އިން ފަށަން ނިންމާފައިވާ ކޭބަލް ޓީވީގެ ކޮންޓެންޓް އުރީދޫގެ ކަސްޓަމަރުންނަށް ފޯރުކޮށްދިނުމުގެ އެއްބަސްވުމެއްގައި އެ ދެ ކުންފުނިން ސޮއިކޮށްފި އެވެ.
ކޭބަލް ޓީވީ އާއި އޯޓީޓީ (އޯވަ ދަ ޓޮޕް ކޮންޓެންޓް) ހިދުމަތް އިންޓަނެޓް މެދުވެރިކޮށް ދިނުމަށް އުރީދޫ އާއި ޕަބްލިކް ސާވިސް މީޑިޔާ (ޕީއެސްއެމް) އާ އެކު އެެއްބަސްވުމުގައި ސޮއިކޮށްފައިވާއިރު، މިއީ ޓެލެކޮމް ކުންފުންޏަކާއި ސަރުކާރު ހިއްސާވާ ކުންފުންޏަކާ ދެމެދު ޕާޓްނާޝިޕް އެއްބަސްވުމެއްގައި ސޮއިކުރި ފުރަތަމަ ފަހަރެވެ.
އެ އެއްބަސްވުމުގައި އުރީދޫގެ ފަރާތުން ސޮއިކުރެއްވީ ސީއީއޯ ނަޖީބް ޚާން އެވެ. ޕީއެސްއެމްގެ ފަރާތުން ސޮއިކުރެއްވީ މެނޭޖިން ޑިރެކްޓަރު އިބްރާހިމް ހަލީލެވެ.
"މި އެއްބަސްވުމުގެ ދަށުން ރާއްޖޭގެ ރައްޔިތުންނަށް ހުރިހާ ސްމާޓް ޑިވައިސް ތަކަށް ލިބޭނެހެން ޑިޖިޓަލް ކޮންޓެންޓް ފޯރުކޮށްދޭނަން. މި ވަސީލަތް ބޭނުން ކުރައްވައިގެން ބޭނުން އިރަކު ކޮންމެތާކުން ލޯކަލް ޗެނަލްތަކާއި ޑޮކިއުމެންޓަރީ އަދި ވީޑިއޯ އޮން ޑިމާންޑް ފަދަ މުނިފޫހިފިލުވުމުގެ ހިދުމަތްތައް ބޭނުންކުރެވޭނެ،" އެއްބަސްވުމުގައި ސޮއިކުރުމަށް ފަހު އުރީދޫން ނެރުނު ނޫސްބަޔާނެއްގައި އެ ކުންފުނީގެ ސީއީއޯ ނަޖީބް ޚާން ވިދާޅުވެފައިވެ އެވެ.
އެ ކުންފުނިން ބުނީ ޑިޖިޓަލް މޯލްޑިވްސް އިންވެސްޓްމަންޓް ޕްރޮގްރާމްގެ ދަށުން އެންމެ ފަހުގެ ޓެކްނޮލޮޖީތައް ރާއްޖެ އަށް ގެންނަން އުރީދޫން އަބަދުވެސް އިންވެސްޓް ކުރާނެ ކަމަށެވެ.
އުރީދޫން ބުނީ އެ ކުންފުނިން ފަށާ އެ ހިދުމަތް އިންޓަނެޓް މެދުވެރިކޮށް ސްމާޓް ފޯން އަދި ސްމާޓް ޓީވީން ބޭނުންކުރެވޭނެ ކަމަށެވެ. ނަމަވެސް އެ ހިދުމަތް ތައާރަފްކުރާނެ ދުވަހެއް އެ ކުންފުނިން ހާމައެއްނުކުރެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނިޔާޒް
10 June 2017
ވިޔަފާރި ކުރަންވީމާ ގަތަރުގެ ކުންފުނިތައް އޯކޭ. ގުޅުން ކަނޑާލީ އޭ ކިޔަނީ ސައުދީ އަށް ދައްކަންދޯ؟؟
ރިލްވާން
10 June 2017
އިއްޔެ ބުނީ ގަތަރާ ގުޅުން ކަނޑާލިއްޔޯ؟؟ ގުޅުން ކަނޑާލަންޏާ ކީއްކުރަން ގަތަރުގު ކުންފުނިތަކާ އެކު ވިޔަފާރި ކުރަނީ. އިޒްރޭލާއި ގުޅުން ކަނޑާލާފައި އިޒްރޭލުން ގެންނަ އެއްޗެއް ރާއްޖެއެތެރެ ކުރުންވެސް މަނާކުރި. ދުވަކަވެސް ދެކޮޅުޖެހޭ ކަމެއްކުރާކަށް ނޭންގޭނެ.
އިމްރާން
10 June 2017
ކަމެއްނުވާ އެގްރިމެންޓް ތަކުގައި ސޮއިކުރަން އެންމެ މޮޅުމީހާކާކު؟ ޚަލީލް
އިއްބަ
10 June 2017
ޕީއެސް އެމް އަށް ކުރެވޭނެހާވެސް ކަމަކީ ޗެނަލް ހެދުން.
މަންޖެ
10 June 2017
ޕީއެސް އެމްއިން ހާދަ އެގްރިމެންޓެއްގައި ސޮއިކޮށްފިއޭ. ކުރިންބުނީ 2017 ގައި ކޭބަލްޓީވީ ދޭންފަށްނަމޭ. އަހަރު ދެބަވިއިރުވެސް ސޮއިކުރުމުގައި.
ކަލޯ
09 June 2017
ރޭގަ ޕީއެސް އެމް ގަ ދެއްކި ޕްރަގްރާމެއްގަ ބުނީ ގަތަރަކީ އެއްވެސް ގުޅުމެއް ބާއްވަން ހެޔޮވާވަރުގެ ބައެއް ނޫނޭ... މިހާރު ގަތަރު ކުންފުންޏަކާ ގުޅިގެން ކޭބަލް މިއަޅަނީ....
"މިހާރު"ގެ ފަހުރުވެރި ކިޔުންތެރިޔާ/ހދ.ކުޅުދުއްފުށި/ހާލުފޮޅި
09 June 2017
ޕީއެސްއެމް އަކުން މީހުން ބަލާ ހިތްވާ އެއްޗެއް ނާދޭ މިހާރު. އައިޑޮލްވެސް ފުލޮޕުވީ. ހަބަރުވެސް އެއްފަރާތްތަށް ޖެހި އިތުބާރުވަނީ ގެއްލިފަ. ކުރީގަ އެހަނދާނުގައި ޝޯތަކަކީ އެންމެން ގެ ޝައުގު ހޯދި ޝޯއެއް. މިހާރު ހަނދާން ޝޯވެސް ފުލޮޕުވެ އެހެން ޗެނަލްތަށް މީހުން ބަލާލެއް އިތުވެއްޖެ.
ޢަހަންމަދޭ
09 June 2017
ޜާއްޖެޓީވީ ވަރެއްނެތް - އަދިވެސް ރާއްޖޭގެ ހަބަރު ފުޅާކޮއްދީ
އަހުމަދު
09 June 2017
އަޅެ އުރީދޫއިިން ފުރަތަމަ އިންޓަނެޓަށް ދިމާވެފައިވާ މައްސަލަ ހައްލުކޮއްބަލަ!
ރިމާ
09 June 2017
ހަލީލް ވާނެ އެންމެ ގިނަ އެމްއޯޔޫގައި ސޮއިކުރި އެމްޑީ އަކަށް.. އޭގެން ނަތީޖާ ފެންނަނީ އެންމެ 10% މިސާލަކަށް މަޖިލިސް ޓީވީ އެއްވެސް ހުޅުވި ފެންނަނީ ކުލަބަރިއެއް