އުރީދޫގެ ހިއްސާ ވިކުނު މިންވަރު އަންނަ ހަފުތާގައި އިއުލާންކުރަނީ

އުރީދޫއިން އެ ކުންފުނީގެ ހިއްސާ ވިއްކުން އިފްތިތާހުކުރުމުގެ ގޮތުން ދަރުބާރުގޭގައި މިދިޔަ އޭޕްރީލް 19 ވަނަ ދުވަހުގެ ރޭ ބޭއްވި ހާއްސަ ރަސްމިއްޔާތުގެ ތެރެއިން.---މިހާރު ފޮޓޯ: ހުސެއިން ވަހީދު

16 ޖޫން 2017 - 13:59

7 comments

އުރީދޫ މޯލްޑިވްސްގެ ހިއްސާ ވިކުނު މިންވަރު އަންނަ ހަފުތާގައި އިއުލާންކުރާނެ ކަމަށް އެ ކުންފުނިން ބުނެފި އެވެ.

ރާއްޖޭގައި ފުޅާ ދާއިރާއެއްގައި މުއާސަލާތީ ހިދުމަތް ދޭ ކުންފުނިން ބުނީ ހިއްސާ ވިކުނު މިންވަރާއި ހިއްސާ ގަތް ފަރާތްތަކަށް ލިބުނު މިންވަރު އަންނަ އާދީއްތަ ދުވަހު އިއުލާންކުރެވޭނެ ކަމަށެވެ.

އެ ކުންފުނިން ބުނީ ހިއްސާ ގަތުމުގެ މުއްދަތު މިދިޔަ މެއި މަހުގެ 29 ވަނަ ދުވަހު ނިމިފައިވާތީ، ހިއްސާ އެކަށައެޅުމުގެ މަސައްކަތް މޯލްޑިވްސް ސެކިއުރިޓީ ޑިޕޮސިޓަރީއާއެކު ކުރަމުން އަންނަ ކަމަށެވެ. އެ ގޮތުން އަންނަ އާދީއްތަ ދުވަހުގެ ނިޔަލަށް ހިއްސާ އެކަށައަޅައި އެކަން އާންމުކޮށް އިއުލާނުކުރާނެ ކަމަށް ވެސް އުރީދޫން ބުންޏެވެ.

"އުރީދޫގެ ކަސްޓަމަރުންނާއި ދިވެހި ރައްޔިތުންގެ ފަރާތުން އުރީދޫގެ އައިޕީއޯއަށް ލިބިފައިވާ އެއްބާރުލުމާއި ތަރުހީބުގެ ސަބަބުން، މިއީ ދިވެހިރާއްޖޭގައި މިހާތަނަށް ހުޅުވާލެވުނު އައިޕީއޯ ތަކުގެ ތެރެއިން އެންމެ ބޮޑު އިންވެސްޓްމަންޓް ލިބިފައިވާ އައިޕީއޯކަން މި ފުރުސަތުގައި އުފަލާއެކު ފާހަގަކުރަން. އުރީދޫއަށް އިންވެސްޓްކޮށް މިކުންފުނީގެ ކުރިއެރުމާއި ކާމިޔާބީގެ ހިއްސާއަކަށް ވެވަޑައިގަނެފައިވާ އައު ހިއްސާދާރުންނަށް ވަރަށް ހޫނު މަރުހަބާއެއް ދަންނަވަން،" އެ ކުންފުނިން ބުންޏެވެ.

އުރީދޫން ރާއްޖެއާއި ރާއްޖެއިން ބޭރުގެ މުއައްސަސާތަކާއި އަމިއްލަ އިންވެސްޓަރުންނަށް ހުޅުވާލީ އެ ކުންފުނީގެ ހިއްސާގެ 40 ޕަސެންޓާ ހަމައަށް ގަތުމުގެ ފުރުސަތެވެ.

އެ ކުންފުނިން ހިއްސާއަކަށް 30ރ. ގެ ރޭޓުން، އެންމެ ފުރަތަމަ ވިއްކަން ހުށަހެޅީ ދޫކޮށްފައިވާ އާންމު ހިއްސާގެ 15 ޕަސެންޓެވެ. އެއީ 22,170,060 ހިއްސާ އެވެ. ދޫކޮށްފައިވާ އާންމު ހިއްސާގެ 15 ޕަސެންޓަށްވުރެ ގިނަ ހިއްސާ ގަންނަން ހުށަހަޅައިފި ނަމަ، ގިނަވެގެން 40 ޕަސެންޓް ވިއްކާނެ އެވެ. އެއީ 59,120,160 އާންމު ހިއްސާ އެވެ.

ހިއްސާދާރުން ކޮމިޔުނިކޭޝަން އުރީދޫ

7 ކޮމެންޓް, 20 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

4ލީޑަރުން

16 June 2017

ރާއްޖޭގެ އެއްވެސް ކުންފުންޏަކުން ވިއްކާ އެއްވެސް ހިއްސާއެއް ގަތުމަކީ ބޭކާރުކަމެއް މިސާލަކަށް އެމްޓީ ޑީސީ ފުރަތަމަ މީހުން ވަރަށް ޝައުގުވެެިވި ތަނެއް އެކަމަކު ބަގުރޫޓު ކޮށްލީ މިފަހަރު އުރީދޫ ހިއްސާ ގަންނަން ވަރަށްބެލިން ބެލިއިރު ވާގޮތަކީ ހިއްސާގެ އަދަދަށް ބަލާއިރު ތިރީސްހސް ގަންނަން ބޭނުންވި އެކަމަު ތަކެތީގެ އަގުބޮޑުކަމާ ކުލި ބޮޑުކަމުން އަދަދު ހަމަނުވީ މުއްދަތުގާ އިރާދަކުރެއްވިއްޔާ ﷲ ގެ ރަހުމަތްފުޅާއެކު ގަތަރާ ގުޅުން އޮންނަ މިނޫން ވެރިކަމެއް 2018 ގަ ފެށުމުން ހިއްސާ ގަންނާނަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަންނި

16 June 2017

މަރުހަބަ އުރީދޫ އިރާދަކުރެއްވިއްޔާ ދިވެހިތާރީހު ނުދެކޭފަދަ ފައިދާއެއް ދިވެހިންނައް ތިތަކުންފުނިން ދޭނެކަމައް އުންމީދުކުރަން ދެންއުފެދޭ ސަރުކާރަކުން ގަތަރާ އަލުން ސިޔާސީ ގުޅުން ގާއިމުކުރާނެ ދެރަނުވޭ މާޔޫސްނުވޭ ކުޅުދުއްފުށި ރައްޔިތުން އެދޭނަމަ ޔާމީނައް 2 އަހަރު ނުވަތަ 4 އަހަރު ނޭޅުނު އެއާޕޯޓު 3 މަސްތެރޭ ނިންމާލަދޭނެ ވޯޓުދެއްވަން ތައްޔާރައް ތިއްބަވާ އަބަދު ގުއިރޯނުގަ ނުޖެހި ވިޔަފާރިޔާ ފައިދާޔައް ވިސްނަވާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަޑުއްކސ

17 June 2017

އަންނި މީހާ އަށް ކިޔޭ ނުކިޔޭ އެއްޗެއް އެގޭ ބާއެވެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހައްޤުބަސް

16 June 2017

ދެން ދިވެހި އެއްވެސް ކުންފުންޏަކުން ހިއްސާއެއް ނުގަންނާނަ މެވެ.ގެކުރިން ފިރާގު އެވެ ކިޔާ ކުންފުންޏަކުން، މޫނުމަތީއަގު 2.5(ދެރުފިޔާ ބައި) އަށް ހުރި ހިއްސާ އެއް /20 މަގުން ގަނެގެން ގަތް އަގު ވެސް ލިބެން އަންނަނީ 8 އަހަރު ފަހުން ނެވެ.އެހެންތާ ވާނީ ޑެވިޑިންޓް ގެ ގޮތުގައި ހަހަރަކު ހިއްސާ އަކަށް ބަހަނީ 2.5 ވިއްޔާއެވެ.ވީމާ ހިއްސާ ގަންނަން ދެއްކި /20 ލިބޭނީ ކިތައް އަހަރުން ތޯއެވެ؟އަދި ކޮބާ ފައިދާ ލިބޭނެ ދުވަސް ވީތަން؟ ދެން ހިއްސާ ގަތީ އެމްޓީޑީސީ އެވެ ކިޔާ ކުންފުންޏަކުން ނެވެ..އެކަން ވީ އައްޑޫ ރައްޔިތުން ރުއްސުމަށް އައްޑޫ ތަރައްޤީ ކުރުމަށް އަހަރެމެން އަތުން މައުމޫނު ވެރިކަމުގައި އަތުލި ލާރި ގަޑަކަށެވެ.އައްޑޫން މީހުން އަތުން ވޯޓް ހޯދުމަށް އައްޑޫ ހެރެތެރެ އެވެ ކިޔާ ރިޒޯޓެއް ހަދާފައި ކުންފުނި "މަރުވެއްޖެ"އެވެ. ޖާބިރު އެވެ ކިޔާ މީހެއްގެ އަތްދަށުވެ ، ކުންފުނި ބަގުރޫޓް ވެއްޖެ އެވެ.ވީމާ ދެން ދުވަހަކު ވެސް ދިވެހި ކުންފުންޏެއްގެ ހިއްސާއެއް ނުގަންނާނަމެވެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޟިޟްandއަފް

16 June 2017

80 ރުފިޔާ! 845 ރުފިޔާ ފައިދަ އަށް ލިބުނު މި ފަހަރު. 100 ހިއްސާ އަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަގުޑި

16 June 2017

ހެޔޮ ބަސް އެބުނީ ހެޔޮ ބަހެކެވެ.ހެރެތެރެއަކީ 2008 ވަނަ އަހަރު މައުމޫނު ވޯޓް ހޯދަން އައްޑޫ ރައްޔިތުން ރުއްސަން ދިވެހި ރައްޔިތުން އަތުން ފައިސާ ނަގާގެން ހެދި ތިޒޯޓެކެވެ.