ދެ ރަށެއްގެ އިންޖީނުގެ އެޅުމަށް 40 މިލިއަން ރުފިޔާ އަށް ހަވާލު ކޮށްފި

ޚަދީޖާ ހާޒިމާ

21 ޖޫން 2017 - 15:24

ހއ. މާރަންދޫ އާއި ބ. ފެހެންދޫ އިންޖީނުގެ އިމާރާތް ކުރުމަށް 40 މިލިއަން ރުފިޔާ އަށް ދެ ކުންފުންޏަކާ ހަވާލުކޮށްފި އެވެ.

ފެނަކަ އޮފީހުގައި އިއްޔެ އޮތް ރަސްމިއްޔާތުގައި ހއ. މާރަންދޫ އާ އިންޖީނުގެ އެޅުމުގެ މަސައްކަތް ހަވާލު ކޮށްފައިވަނީ ލަތީފް ކޮންސްޓަރަކްޝަނާ އެވެ. އެއީ 3.9 މިލިއަން ރުފިޔާގެ މަޝްރޫއެކެވެ. އަދި މި މަސައްކަތް އަންނަ ޑިސެމްބަރު މަހުގެ ނިޔަލަށް ނިންމަންޖެހެ އެވެ.

މާރަންދޫ އިންޖީނުގެ ހުންނަ ސަރަހައްދުގައި އާއްމުން ދިރިއުޅުމުގެ އިތުރުން އެ އިންޖީނުގެއާ ޖެހިގެން ޕްރީ ސްކޫލެއް ވެސް ހުންނަ ކަމަށް ފެނަކަ އިން ބުންޏެވެ. މި ކަމުގެ ސަބަބުން އިންޖީނުގެ އިން އަރާ ދުމާއި އަޑުގެ ސަބަބުން ރައްޔިތުންގެ ޝަކުވާތައް ލިބޭ ކަމަށް ވެސް އެ ކުންފުނިން ބުންޏެވެ.

އަދި ބ. ފެހެންދޫ އިންޖީނުގެ އެޅުމުގެ މަސައްކަތުގެ އެއްބަސްވުން ހަވާލުކުރީ ތްރީ ބްރަދާސް ޕްރައިވެޓް ލިމިޓެޑާ އެވެ. ތިން މަސް ދުވަހުގެ ތެރޭގައި ނިންމާ ގޮތަށް ހަވާލުކުރި، މި މަސައްކަތުގެ އަގަކީ 1.9 މިލިއަން ރުފިޔާ ކަމަށް ފެނަކަ އިން ބުންޏެވެ.

ފެނަކަ ކޯޕަރޭޝަންގެ މެނޭޖިން ޑިރެކްޓަރު އަހްމަދު ޝަރީފު

"ފެނަކަ އިން ހިންގާ އިންޖީނުގެތަކުގެ ތެރެއިން ވަގުތުން ވަގުުތަށް އިންޖީނުގެތައް ބަދަލުކޮށް، ރައްޔިތުންނަށް މިހާރު އިންޖީނުގެ ހުރި ތަނުގެ ސަބަބުން އުނދަގޫ ވާތީ އަދި ހުރި ހާލަތުގެ ސަބަބުން ދިމާވެދާނެ ނުރައްކާތެރި ހާދިސާތަކަކަށް ބަލާފަ މި އިންޖީނުގެތައް އަޅުގަނޑުމެން ރީލޮކޭޓް ކުރަމުން މި ގެންދަނީ" ފެނަކަ ކޯޕަރޭޝަންގެ މެނޭޖިން ޑިރެކްޓަރު އަހްމަދު ޝަރީފު ވިދާޅުވި އެވެ.

"ބ. އަތޮޅު ފެހެންދޫ އިންޖީނުގެ އަކީ ވަރަށް ހާލުގަ އަދި ރާއްޖޭގެ އިންޖީނުގެތަކަށް ބަލާއިރު އެންމެ ހާލުގަ އަދި އަވަހަށް ބަދަލެއް ގެންނަށް ޖެހިފަ ހުރި އިންޖީނުގެއޭ ދެންނެވިއަސްް ދޮގަކަށް ނުވާނެ" ޝަރީފު ވިދާޅުވި އެވެ.

ފެނަކަ އިން ހިންގާ 148 އިންޖީނުގޭގެ ތެރެއިން 49 އިންޖީނުގެ އަކީ އެކި ސަބަބުތަކާ ހުރެ އަލުން އިމާރާތް ކުރަން ޖެހިފައިވާ އިންޖީނުގެ އެވެ.

"އަޅުގަނޑުމެންގެ ޓާގެޓަކީ 2018ގެ މެދެއްހާ ހިސާބަށް ދާއިރު ފަނަކައިގަ މިފަދަ ހާލަތެއްގަ ހުރި އިންޖީނުގެ، އިރާދަ ކުރެއްވިއްޔާ މި 49 އިންޖީނުގެ، 2018ގެ މެދެއްހާ ހިސާބުގަ އަޅުގަނޑުމެން ރީލޮކޭޓްކޮށް ނިންމާލެވޭތޯ މި މަސައްކަތް ކުރަނީ" ޝަރީފު ވިދާޅުވި އެވެ.

އަދި މި މަސައްކަތް ނިމުމުން މިހާރު އެ ރަށުގެ ރައްޔިތުންނަށް ދިމާވާ ދަތިތަކަށް ދާއިމީ ހައްލެއް ލިބިގެން ދާނެ ކަމަށް ފެނަކަ އިން ބުންޏެވެ.

އަދި ޝަރީފު ވިދާޅުވި ގޮތުގައި އަންނަ މަހު ވެސް އިތުރު ހަ އިންޖީނުގެއެއްގެ މަސައްކަތް ބިޑް އުސޫލުން އެހެން ކުންފުނިތަކަކާ ހަވާލުކުރާނެ އެވެ.

އިންޖީނުގެ ހއ. މާރަންދޫ ފެނަކަ ކޯޕަރޭޝަން ބ.ފެހެންދޫ

4 ކޮމެންޓް, 7 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޓުރޫ

21 June 2017

މިހާރު ދެރަވޭ މޑޕ އަށް ވޯޓް ދެވުނީތީ.މިހާރު އެގިއްޖެ ކުރީގެ ރައީސުން ހުސް އަނގަކަން ތެޅީ. މީގެ ފަހުން މަގޭ ވޯޓް ރައިސް ޔާމިނަށް. މިހާހިސާބުން މޑޕ އަށް ނޯ މިބުނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުޑްގުޑް

21 June 2017

ގުޑް ގުޑް ގުޑް. ތީ އޭ ދިވެހި ދަރިން ތިބެން ޖެހޭ ގޮތަކީ އިނގޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ަދަވޭ

21 June 2017

ދެ ރަށެއްގެ އިންޖީނުގެ އެޅުމަށް 40 މިލިއަން ރުފިޔާ އަށް ހަވާލު ކުރީ އެއީ ރަތްލާ ޖެހި ދިވެހި ދެކުންފުންނާއި އެވެ. އެހެން ކަމަށްވާނަމަ އެމައްސަލަ އެއް ނެތޭ މަމެންނަށް. މީ މިކަން ކުރަން ޖެހޭނެ ގޮތަކީ. ތިނަދޫގައި އިންޖީނުގެ އަޅަން ވެގެން ބޮޑު ކަޓް ކާން ވެގެން ލަންކާ ކުންފުންނަކަށް ދީގެން ރާއްޖޭން ބޭރުން ގަނެގެން ގެނައި ސްޓީލް ސްޓްރަކްޗަރ އިމާރާތް 6 މަސް ދުވަސް ތެރޭ އަޅާ ނިންމަން ބުނި ތަން އަހަރު ދުވަސް ވީއިރު ވެސް %50 ވެސް އަދި ނުނިމޭ ދޯ. މީވެސް ބޭރުން ހުރިހާ އެއްޗެއް ގެނައުމުން ބޮޑު ކަޓެއް ޖެއްސޭތީވެ އަނބުރާފައިވާ ގޭސް ގަނޑެކޭ މަމެން ބުނަން ނެތީމު ދޯ.