ފިޔަވަތީގައި އުޅޭ ބައެއް ކުދިންނާ އެކު ޖެންޑާ މިނިސްޓަރު ޒެނީޝާ (މ) އީދު ދުވަސް ޝްވެކް ސިނަމާގައި ހޭދަކުރައްވަނީ.---ފޮޓޯ: ޖެންޑާ މިނިސްޓްރީ
26 ޖޫން 2017 - 00:34
13 comments
ހުޅުމާލޭގައި ހުންނަ ކުޑަކުދިންގެ މަރުކަޒު، ފިޔަވަތީގައި އުޅޭ ގިނަ އަދަދެއްގެ ކުޑަކުދިންނާ އެކު، ސިނަމާގައި ފިލްމު ބެއްލެވުމުގައި ޖެންޑާ އެންޑް ފެމިލީ މިނިސްޓަރު ޒެނީޝާ ޝަހީދު ޒަކީ ފިތުރު އީދު ދުވަސް ހޭދަކުރައްވައިފި އެވެ.
ޖެންޑާ މިނިސްޓްރީން ބުނީ އެކި ސަބަބުތަކާ ގުޅިގެން ދައުލަތުގެ ބެލުމުގެ ދަށަށް ގެނެސް ހުޅުމާލޭގެ ކުޑަކުދިންގެ ހިޔާގައި ބަލަހައްޓާ ބައެއް ކުދިންނާ އެކު މިނިސްޓަރު ޒެނީޝާ އީދު ދުވަސް އިއްޔެ ހޭދަކުރެއްވީ ޝްވެކް ސިނަމާގައި ކުޑަކުދިންނަށް ޚާއްސަ ފިލްމެއް ބެއްލެވުމުގައި ކަމަށެވެ. އުމުރުން 5-10 އަހަރުގެ ކުދިންނާ އެކު މިނިސްޓަރު ބެއްލެވީ ކުޑަކުދިންގެ ކާޓޫން ފިލްމު "ކާޒް 3" ގެ ޚާއްސަ ޝޯއެއް ކަމަށް ޖެންޑާ މިނިސްޓްރީން ބުންޏެވެ.
ފިޔަވަތީގައި އުޅޭ ބައެއް ކުދިންނާ އެކު ޖެންޑާ މިނިސްޓަރު ޒެނީޝާ ޝްވެކް ސިނަމާ އަށް ވަޑައިގަންނަވަނީ.---ފޮޓޯ: ޖެންޑާ މިނިސްޓްރީ
މި ކާޓޫން ފިލްމު ބެލުމުގައި ފިޔަވަތީގައި އުޅޭ 71 ކުއްޖަކާއި އެތަނުގައި އެ ކުދިން ބަލަހައްޓާ މުވައްޒަފުންނާއި ޖެންޑާ މިނިސްޓްރީގެ ބައެއް މުވައްޒަފުން ބައިވެރިވި އެވެ.
ކުޑަކުދިންގެ ކާޓޫން ފިލްމް އެތީނާ ސިނަމާގައި ބަލައިލުމުގެ ފުރުސަތު ފިޔަވަތީގެ ކުދިންނަށް ދިނުމުގެ އިތުރުން، ފިތުރު އީދާ ގުޅުވައިގެން ހުޅުމާލޭގައި ބާއްވާ ހޮޓް އެއާ ބެލޫން ފެސްޓިވަލާއި ކަނިފިނޮޅުން ރާވާ ޚާއްސަ ކުޑަކުދިންގެ ހަވީރެއްގައި ވެސް އެ ކުދިން ބައިވެރި ކުރަން ނިންމާފައިވާ ކަމަށް ޖެންޑާ މިނިސްޓްރީން ބުނެ އެވެ. އަދި ވިލިމާލޭގައި ހުންނަ ކުޑަކުދިންގެ ހިޔާގެ ކުދިންނަށް ޚާއްސަ ހަރަކާތްތަކެއް ވެސް މި އީދުތެރޭގައި ހިންގަން ހަމަޖެހިފައިވާ ކަމަށް އެ މިނިސްޓްރީން ބުންޏެވެ.
ފިޔަވަތީގައި އުޅޭ ބައެއް ކުދިންނާ އެކު ޖެންޑާ މިނިސްޓަރު ޒެނީޝާ ކާޓޫން ފިލްމެއް ބެއްލެވުމުގައި އީދު ދުވަސް ޝްވެކް ސިނަމާގައި ހޭދަކުރައްވަނީ.---ފޮޓޯ: ޖެންޑާ މިނިސްޓްރީ
ޖެންޑާ މިނިސްޓްރީން ބުނީ މިދިޔަ އަހަރެކޭ އެއްގޮތަށް މި އަހަރު ވެސް ކުޑަކުދިންނަށް ޚާއްސަ ޝޯ އެއް ހަމަޖައްސައިދިނިތީ ޝްވެކް ސިނަމާގެ ވެރިންނަށް ޝުކުރު ދަންނަވާ ކަމަށެވެ. އަދި ކުދިންގެ ދަތުރުފަތުރުގެ ކަންކަން އިންތިޒާމް ކޮށްދިން ކަމަށްޓަކައި އެމްއެންޑީއެފާއި އެމްޓީސީސީ އަށް ވެސް ޖެންޑާ މިނިސްޓްރީން ޝުކުރު އަދާކުރެ އެވެ.
ހުޅުމާލޭގެ ފިޔަވަތީގަ އާއި ވިލިމާލޭގެ ކުޑަކުދިންގެ ހިޔާ އަދި އަމާން ހިޔާގައި 166 ކުއްޖަކު އެބަތިބި ކަމަަށް ޖެންޑާ މިނިސްޓްރީން ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަހުަމަދު
27 June 2017
ވ ރަގަޅުކަމެއް އެކުދިންނަށް އަޅާލުމުން އެކުދިން ވ އުފާވާނެ . ހިތާމައަކީ މިކުދިންގެ މައިންބަފައިން އަޅާނުލުމުގެ ސަބަބުން ބިކަވެފަިއވުން.
އަތޮޅުވެރިޔާ.
27 June 2017
އަޅުގަނޑުމެންވެސް އާއިލާ ދޫކޮށްލުމަށްފަހު އަތޮޅުތެރޭގައި މަސައްކަތްމިކުރަނީ ހުރިހާ ޢީދެއްވެސް އަދި ބަންދުވަސްތައްވެސް ދޫކޮށްލުމަށްފަހު ދިވެހި ރައްޔިތުންގެ ސަލާމަތާ ރައްކާތެރިކަން ކަށަވަރުކޮށްދިނުމަށްޓަކާ.
ސޯލްޖާ
27 June 2017
ތިވެސް ޒާތެއްގެ ދެއްކުންތެރި ކަމެއް... ކޮންމެހެން މުޅި ރާއްޖެ އަށް އިޢުލާން ނުކޮށްވެސް ތިކަން ކުރެވިދާނެ ދޯ... ތިކަހަލަ މިނިސްޓަރުން މުޅި ސަރުކާރުގަ... ހޮސްޕިތަލް އަކަށް ބަލިމީހެއް ކައިރިއަށް ޒިޔާރަތް ކޮށްފިއްޔާ ސެލްފީ ނަގާފަ ސޯޝަލް މީޑިއާއަށް... ބޯހަލާކު.
ބޭބެ
26 June 2017
އެންމެ މޮޅުވީހީ މިވާހަކަ ބޮޑު ސުރުޙީއައް ނޭރިނަމަ ...
ގުޑްގައިގްރެގް
26 June 2017
ރަގަޅު ކަމެއް ކުރިއްޔާ ކޮންމެ މީހަކު ކުރިޔަސް ވާނީ ރަގަޅު ކަމަކަށް. އެމީހެއްގެ ނިޔަތް އެއީ އެމީހަކާއި މާތް ރަސްކަލާނގެއާއި ދެމދެު ވާ ކަމެއް. މިކަމުން އެކުދިންނަށް ކުޑަ ނަމަ ވެސް ހިތް ހަމަޖެހުމެއް ލިބުނިއްޔާ އަހަރެން މިހިރީ އެކުދިންނަށްޓަކައި އުފަލުން.
ސޫޖަލް
26 June 2017
މީޑިޔާއަށް ކަންދައްކަން ކުރާ ހައްޓަށްލުއި މޮޅުކަމެއްހިތުން. ފައިދާހުރި އެހެންގޮތެއްނެއްތޯ؟
ތަރައްގުއި
26 June 2017
މިނިސްޓަރު އެކަނި ދޯ ނަންވީ. ކޮބާ އޭނަޔާއެކީ އެތިބަ މީހުން. އެމީހުންގެ އަމިއްލަ ފިރިންނާ ކުދިން ދޫކޮށްފަވީ ޤުރުބާނީއެއް ނެތް ފާަހަގަކޮއްފައެއް
ޔާމިނު ބެ
26 June 2017
ޒެނީޝާ އަށް عيد مبارك
ގޮބޮޅި ސިޓީ
26 June 2017
ޥަރައް އުފާވެއްޖެ، އަދި އުމީދުކުރަން ޒެނީޝާ ކުރިޔައް އޮތްތާގައިވެސް ތިޔަ ކުދިންނައް ހާއްސަކަން ދެއްވާނޭކަމައް.
ވިލިމާލެ
26 June 2017
ވިލިމާލެ ކުޑަކުދިންގެ ހިޔާގައި އުޅޭ ތަންކޮޅެއް ބޮޑެތި ކުދިން އެތަނުން ފިލައިގެނަ ރަށުތެރޭ ގޭގެއަށްވަދެ ވައްކަން ކޮށް ވަގަށް ނަގާ ސާމާނު ވަގަށް ނަގާ ވިއްކައިހަދާ. މި މައްސަލަ ތިޔަ މިނިސްޓަރުގެ ސަމާލު ކަމަށް ނާންނަނީ ތޯ