މިންނާ ރަޝީދު: އޭނާއަކީ އެލްޖީއޭގެ ބޯޑަށް ދާދިފަހުން އައްޔަން ކުރެއްވި ތިން މެމްބަރުންގެ ތެރެއިން އެއް ބޭފުޅާ --ފޮޓޯ/އެލްޖީއޭ
26 ޖޫން 2017 - 22:03
10 comments
ލޯކަލް ގަވަމެންޓް އޮތޯރިޓީ (އެލްޖީއޭ)ގެ ނައިބު ރައީސްގެ މަގާމަށް މިންނާ ރަޝީދު އިންތިޚާބު ކޮށްފި އެވެ.
އެލްޖީއޭގެ ބޯޑު އެކުލެވިގެންވާ ގޮތަށް ބަދަލު ގެނައުމާ ގުޅިގެން ދާދި ފަހުން އެލްޖީއޭގެ ބޯޑަށް ރައީސް އަބްދުﷲ ޔާމީން އައްޔަން ކުރެއްވި ތިން ބޭފުޅުންގެ ތެރޭގައި ހިމެނިވަޑައިގަންނަވާ މިންނާ އަކީ ޖެންޑާ އިކުއަލިޓީގެ ދާއިރާ އިން އެ ބޯޑަށް އައްޔަން ކުރެއްވި ބޭފުޅެކެވެ.
އެލްޖީއޭގެ ނައިބު ރައީސް ކަމަށް، ނިލަންދޫ ދާއިރާގެ މެމްބަރު އަދި ވެރިކަން ކުރާ ޕީޕީއެމްގެ ސެކްރެޓަރީ ޖެނެރަލް އަބްދުﷲ ޚަލީލާ ދެބެންގެ ދެދަރި ބޭފުޅެއް ކަމަށްވާ މިންނާ އިންތިޚާބުވީ މިއަދު ބޭއްވި އެ ބޯޑުގެ ބައްދަލުވުމުގައި ނެގި ވޯޓުން ކަމަށް އެލްޖީއޭ އިން ބުންޏެވެ. ލާމަރުކަޒީ ގާނޫނު ބުނާ ގޮތުން އެލްޖީއޭގެ ނައިބު ރައީސް އިންތިޚާބު ކުރާނީ އެ ބޯޑުގެ މެމްބަރުންގެ މެދުގައި ނަގާ ވޯޓުންނެވެ.
ގާނޫނު އޮންނަ ގޮތުން އެލްޖީއޭގެ ރައީސްގެ މަގާމުގައި ހުންނަވާނީ އެލްޖީއޭ ހިންގުން ރައީސުލް ޖުމްހޫރިއްޔާ ހަވާލުކުރާ މިނިސްޓަރެވެ. މި ވަގުތު އެލްޖީއޭ ހިންގުން ހަވާލު ކުރައްވާފައި އޮތީ ހޯމް މިނިސްޓަރު އަޒްލީން އަހުމަދާ ކަމަށްވާތީ އެލްޖީއޭގެ ރައީސަކީ އަޒްލީނެވެ.
އަޒްލީނާއި މިންނާގެ އިތުރުން އެލްޖީއޭގެ ބޯޑުގައި ދެން ތިއްބަވަނީ މަދަނީ ޖަމްއިއްޔާއެއްގެ މެމްބަރެއްގެ ގޮތުން ސ. ހިތަދޫ ފަރުދާބަގީޗާގޭ އަހުމަދު ހަސަން (ޗާނދަލިޔާ ހަސަން) އާއި ގަވަނަންސާއި ޕަބްލިކް އެޑްމިނިސްޓްރޭޝަންގެ ދާއިރާ އިން ގއ. ކަނޑުހުޅުދޫ ހެޕީކޯނަރު އާމިރު އަލީ އާއި އެލްޖީއޭގެ ސީއީއޯ އެވެ.
ކުރިން ގާނޫނު އޮންނަ ގޮތުން އެލްޖީއޭގެ ބޯޑުގައި ކައުންސިލަރުންނާ އެކު ނުވަ މެމްބަރުން ތިބެ އެވެ. އެކަމަކު މިހާރު ވަނީ އެ އަދަދު ފަހަކަށް ދަށްކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސަލާމީ
27 June 2017
ރާއްޖެތެރެ އިތުރައް ތަރައްގީ ނުކުރުމައް އެޅުނު އިތުރުބޮޅެެއް...
ހައްޕު
27 June 2017
އަގައިންބުނަންނުކެރޭކަހަލަ މައިތިރިވެގެން ތިބޭފާޑުގެ އަދި ތިމާގެމީހުން ބުނާކަންތައްކޮށްދޭކަހަލަ ކުދިން ބަލައިގެން ތިފަދަ މަގާމު ދޭންވާނީ.
ޝީޓުބެލްޓް
27 June 2017
މިހާރުދެން ބޮލަކަށް ބޮލެއް ލަނީ މިހާރުދެން މީހަކުވެސް ނުވޭ
ޖޭމްސް
27 June 2017
ތީ ތިތާ ހަމައެކަނި ތަންދޮރު ފިލާފަ ހުރި މެންބަރު
ހައިރާން
27 June 2017
ނޫސްވެރިން ބަލަންވީނޫންތޯ މިންނާއަކީ ޖެންޑާ އިކުއަލިޓީގެ ދާއިރާއާ ކިހާގުޅުމެއް ހުރި ކަނބަލެއްތޯ؟އެކަމަކު މަރުހަބާ ކިޔަން މިންނާއަށް
މުގާބޭ
26 June 2017
މީ ކޮންކުޖެއްކަމެއް ބޭބެއަކަށް ނޭންގުުނު.
ޔާންބޭ
27 June 2017
މައި ގުޑް ފްރެންޑް މުގާބޭ، ވެދުން ސަލާމް ތިއީ ޔާމީން ފެކްޝަންގެ ޖެނެރަލް ސެކެއްޓްރީ އަދި ނިލަންދޫ ދާއިރާގެ މެންބަރު ޚަލީލްގެ ދެބެންގެ ދެދަރި ކޮއްކޯފުޅު މިންނާ ރަޝީދު / ހަތިކޮޅު ފ. ނިލަންދޫ. މަސައްކަތް ކުރައްވަނީ ކަސްޓަމްސްގައި. ޖެންޑާ އީކުއިޓިމީ ދާއިރާގެ އެއްވެސް ތައުލީމެއް ތަމްރީނެއް ނުހުންނާނެ އެކަމަކު ތީ ކިޔަވާއިގެން ހުރި މަންޖެއެއް ރަނގަޅަށް
ޖޭމްސް
27 June 2017
ޔާންބޭ މިންނާގެ ޖެންޑާ އިކުއަލިޓީ ތަޖެރިބާ ހުރިކަމަށް ނުވާނެތަ މިންނާގެ މާސްޓާސް ޑިގްރީ ސްޕެޝަލައިޒޭޝަން ވުމެންސް ރައިޓްސް އަށް ވެފަ ތީސިސް ޕްރޮޖެކްޓް ވިމެންސް އެމްޕަވަމަންޓް އަށް ވުމުންވެސް. އިތުރަށް ޔަގީންކޮއްލަން ސެޓްފިކެޓްގެ ކޮޕީއެއް ހޯދަބަލަ.
ޔާންބޭ
27 June 2017
ޖޭމްސްއަށް ތިޔަ ލިބިފައިވަނީ ގޯސް މައުލޫމާތު. މިންނާ މާސްޓަރސް އެއް ނުހަދާ. އިންޑިޔާގެ މައުސޫރުން ފުރަތަމަ ޑިގްރީ ހާސިލްކުރެއްވީ އެކައުންޓިންގ އެންޑް ބިޒްނަސް އެޑްމިނިސްޓްރޭޝަންގެ ދާއިރާއިން. މާސްޓަރޒްއަށް މިހާރު ކިޔަވާ ވިދާޅުވަމުން އެދަނީ ހިއުމަން ރިސޯސް މެނޭޖްމެންޓްގެ ދާއިރާއިން.
މަރީ
27 June 2017
ތިމާގެ ކަމުން ރައްޓެހި ކަމުން ވަޒީފާތައް ދެނީ! އެ ދާއިރާއަކުން އެއްވެސް އެއްޗެއް ކިޔަވައިން ހުރި މީހެއް ނޫން އެއީ!