ބާޒާރުމަތީ ފިހާރައެއްގައި ހުރި ބިސްތަކެއް މީހަކު ނަގަނީ: ރާއްޖޭގައި ޕްލާސްޓިކް ބިސް ވިއްކާކަން މިހާތަނަށް އެނގިފައެއްނުވޭ.
28 ޖޫން 2017 - 15:10
53 comments
ބޭރުގެ ބައެއް ގައުމުތަކުގައި ވިއްކާ ކަމަށް ބުނެ ސޯޝަލް މީޑިއާގައި ދައުރުވަމުން ދާ ޕްލާސްޓިކް ކުކުޅު ބިސް އެންމެ ފަހުން ރާއްޖެ އަށް ވެސް އެތެރެކޮށް ވިއްކާ ކަމަށް ބުނާ ވާހަކަތައް މޯލްޑިވްސް ފުޑް އެންޑް ޑްރަގް އޮތޯރިޓީ (އެމްއެފްޑީއޭ) އިން މިއަދު ދޮގުކޮށްފި އެވެ.
ރާއްޖޭގައި ވެސް އާޓިފިޝަލް ކުކުޅު ބިސްތަކެއް ގެނެސް ވިއްކާ ކަމަށް ބުނެ ސޯޝަލް މީޑިއާގަ އާއި ބައެއް ނޫސްތަކުގައި ވެސް ޖަހާފައިވެ އެވެ. ސޯޝަލް މީޑިއާގައި ދައުރުވަމުންދާ ޕޯސްޓެއްގައި ބުނެފައި ވަނީ ރާއްޖެ އަށް ގިނަ އަދަދަކަށް ކުކުޅު ބިސް އިންޑިއާ އިން ފޮނުވާ އެޖެންޓެއް ކަމަށްވާ ފިނެސް މާކެޓް ލިންކްގެ ބައެއް ކޭސްތަކުގައި ޕްލާސްޓިކް ބިސް ހުންނަ ކަމަށެވެ.
އިންޑިއާގެ ފިނެސް މާކެޓް ލިންކް އިން ފޮނުވާ ބިސް ކޭސްތަކެއް ލޮރިއަކުން ބާލަނީ: ޕްލާސްޓިކް ބިސް ގެނެސް ވިއްކާކަމުގެ ޝަކުވާ ލިބިގެން ކަމާ ބެހޭ ފަރާތްތަކުން ދަނީ އެކަން ބަލަމުން. ފޮޓޯ: ނިޝާން އަލީ /މިހާރު
އެ މައްސަލައާ ގުޅިގެން ފުޑް އެންޑް ޑްރަގް އޮތޯރިޓީން ކުރި ޓްވީޓެއްގައި ބުނީ އާޓިފިޝަލް ބިސްތަކެއް ރާއްޖޭގައި ވިއްކާ ކަމަށް ބުނާ މައްސަލަ ބަލަމުން އަންނަ ކަމަށެވެ. އަދި މިހާތަނަށް އެފަދަ ކަމެއް ފެނިފައެއް ނުވާ ކަމަށް ވެސް އެ އޮތޯރިޓީން ބުންޏެވެ.
ހެލްތު މިނިސްޓްރީގެ އޮފިޝަލަކު ވިދާޅުވީ އެއީ ހަގީގަތެއް ނަމަ، ޑަބްލިއުއެޗްއޯ ފަދަ ބައިނަލްއަގްވާމީ ސިއްހީ ޖަމިއްޔާތަކުން އެކަމުގެ އިލްތިމާސް ނެރޭނެ ކަމަށެވެ. އެކަމަކު މިހާތަނަށް، އެއްވެސް ތަނަކުން އެ ފަދަ އެލާޓެއް ނެރެފައި ނެތް ކަމަށް ވިދާޅުވި އެވެ.
"އެހެންވެ، އަޅުގަނޑުމެންނަށް އަދި ދެންނެވޭކަށް ނެތް އެއީ ރަނގަޅު ވާހަކައެއް ކަމެއް." އޮފިޝަލް ވިދާޅުވި އެވެ.
އޭނާ ވަނީ މި ފަދަ ބިހެއް ކެވިގެން ސިއްހަތަށް އެއްވެސް ކަހަލަ ގެއްލުމެއް ކުރިމަތިވިހެން ހީވެއްޖެ ނަމަ އެކަން ހެލްތު މިނިސްޓްރީގެ ސަމާލުކަމަށް ގެނައުމަށް އިލްތިމާސް ކުރައްވައިފަ އެވެ.
ޕީއެސްއެމް ނިއުސް އަށް ދެއްވި އިންޓަވިއުއެއްގައި އިކޮނޮމިކް މިނިސްޓްރީގެ އެގްޒެކްޓިވް ކޯޑިނޭޓަރު އަބްދުﷲ ޝިޔާޒް ވިދާޅުވީ އެފަދަ ބިސް ވިއްކާ ކަމުގެ ޝަކުވާ ލިބިގެން ސާމްޕަލް ޓެސްޓްތަކެއް ކުރަމުން އަންނަ ކަމަށެވެ. އަދި އެފަދަ ބިސް ވިއްކާކަން އެނގޭނީ އެ ސާމްޕަލްގެ ނަތީޖާ ލިބުމުން ކަމަށް އޭނާ ވިދާޅުވި އެވެ.
ޕްލާސްޓިކް ބިސް ކަމަށް ބުނެ ސޯޝަލް މީޑިއާގައި ޕޯސްޓްކޮށްފައި ހުންނަ ބައެއް ފޮޓޯ އާއި ވީޑިއޯއަށް ބަލާއިރު، އެ ބިސް ފެނުކެއްކުމުން، ބިހުގެ ހުދުބައި ހުންނަނީ ޕްލާސްޓިކް ވިރުވުމުން ހުންނަ ކަހަލަ ގޮތަކަށެވެ. އަދި އެ ހުދުބައިގައި އަލިފާން ޖެއްސުމުން ވިރިފައި ހުންނަ ތަން ވެސް ބައެއް ވީޑިއޯތަކުން ފެނެ އެވެ.
ދާދި ފަހުން ޗައިނާގައި ޕްލާސްޓިކް ހަނޑޫ އުފައްދައިގެން ވިއްކާ ކަމަށް ބުނެ ވީޑިއޯ އާއި ފޮޓޯތަކެއް ސޯޝަލް މީޑިއާގައި ދައުރުވެފައިވެ އެވެ. އެކަމަކު އެފަދަ ހަނޑުލެއް ރާއްޖޭގައި ނުވިއްކާ ކަމަށް ވެސް އިކޮނޮމިކް މިނިސްޓްރީން ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހިޔާލު
29 June 2017
ކިހިނެއް ފޭކްބިސް ރާއްޖޭގަ ނެތޭބުނެވޭނީ ؟ ޕީއެސްއެމް ނިއުސް އަށް ދެއްވި އިންޓަވިއުއެއްގައި އިކޮނޮމިކް މިނިސްޓްރީގެ އެގްޒެކްޓިވް ކޯޑިނޭޓަރު އަބްދުﷲ ޝިޔާޒް ވިދާޅުވީ އެފަދަ ބިސް ވިއްކާ ކަމުގެ ޝަކުވާ ލިބިގެން ސާމްޕަލް ޓެސްޓްތަކެއް ކުރަމުން އަންނަ ކަމަށެވެ. އަދި އެފަދަ ބިސް ވިއްކާކަން އެނގޭނީ އެ ސާމްޕަލްގެ ނަތީޖާ ލިބުމުން ކަމަށް އޭނާ ވިދާޅުވި އެވެ.
1234
29 June 2017
މިފޭކު ބިހާ ، ފޭކު ކަރަޔާ ، ފޭކު ކެބެޖުގެ ވާހަކަ އަޑުވުނީއްސުރެ އަރެން ނިންމައިފިން ގޭގައި ކަރަޔާ ކެބެޖު ހައްދައިގެން ދިރޭ ކުކުޅެއް ގަނެގެން ގޭގައި ބޮޑުކުރަން. ފޭކު ނޫނަސް ބޭރުން އެތެރެކުރާ ހުރިހާ ކާތަކެތީގައިވެސް އެހެންނަނީ ކެމިކަލް ބޭނުން ކޮށްގެން ޖެނެޓިކަލީ މޮޑިފައިކޮށްފަ ހުންނަ ތަކެތި. އޭގެން ލިބޭ ގެއްލުން ވަކި ކުޑައެއް ނުވާނެ.
މާމަ
29 June 2017
މިއީ ޓުޓިކޮރިނުން ގެންނަ ހާލިސް ބިސް އެވެރިންގެ ފަގީރުކަމާ ޕުލާސްޓިކުގެ އަގު ބިހަށްވުރެ އަގުބޮޑުވީމާ ތިޔަފަދަ ކަމެއް ކުރުންވާނީ ސިނކުޑިއަށް ވޭނަކަށް
ޕޮގުބާ
29 June 2017
ރޯދަ. އިނާޔަތް މިފަހަރުބެހީ ރ.އިންނަމާދޫ ގަ . ރޯދަ އިނާޔަތް ބޭނުންވާ ކުއްޖަކު ރ.އިންނަމާދޫ ގަ . ރަޖިސްޓްރީ ވާންވީ (އައިބީބީ)
ޕަކަޕަކަ
29 June 2017
ފޭކް މީހަކު އުޅުނެވެ.އެމީހާ މިހާރު ރާއްޖެއަކު ނެތެވެ.
ހަމަބުއްދި
29 June 2017
ކީއްކުރަން ހަދާ ފޭކް ބިސް އެއް ބާއެވެ.ކުކުޅުން ބިސް ހެދީމާ ޚަރަދު ކުޑަވެފައި ބިރުވެސް ކުޑައެއް ނޫން ތޯއެވެ.ދުނިޔެ އަށް ވޯލްޑް ވައިޑް ކޮށް ފޭކް ކުކުޅުބިސް އުފައްދާ ފެކްޓަރީއެއް ބަޔަކު އިންވެސްޓް ކޮށް ހިންގާފާނެ ކަމަކަށް ބުއްދި ޤަބޫލެއް ނުކުރެވެއެވެ.އެއްމެ ސިޕްމަންޓެއް ބޭރު ނުކުރެވެނީސް ބަސްޓް ވާކަހަލަ ކަންތަށް ވިޔަފާރީގެ އުސޫލުން ކުރާނީ ބޯގަޅި ބައެއް ތާއެވެ
އަލީ
29 June 2017
ނޫސް ވެރިންވެސް ކުޑަކޮށް ރިސާރޗްކޮއްލާފަ ހަބަރުތައް ލިޔަންވީނު. އަސްލުވާގޮތަކީ ބިސްތައް ސްޓޯ ކުރުމުގައި ޓެމްޕްރެޗަރ އަންނަ ޗޭންޗެއްގެ ސަބަބުން ބިހަށްވެސް އޭގެ އަސަރުކުރަނި. ގޫގުލް ކޮއްލަބަލަ. އިންޑިއާ ކެރެލާ ސްޓޭޓްއިން ރާއްޖެއަށް އެންމެ ގިނައިން ބިސް އެތެރެކުރަނި. އެތަނުގެ ސަރުކާރުންވެސް އޮންނާ ޗޭންޖްއަންގޮތް ބުނެދީ ނޫސްތަކުގަ ލިޔެފަ. ބަލާ ހޯދީމަ ވާނުވާ އެނގޭނެ. ގަމާރުންހެން ތެޅިގަތަސް ނޭގޭނެ އެކައްޗެއްވެސް. އަމިއްލައަށް ވިސްނާލީމަވެސް އެނގޭ ފޭކްކޮއް އެހެން ބިސްހަދައިގެން 1.5 ރުފިޔާއަށް ނުވެސް ވިއްކޭނެ. ކޮސްޓް އިފެކްޓިވްކަމަށްވެސް ނުވާނެ.
ފޭކް އަންނި
29 June 2017
އެއީ ތެދެއް ނަމަ އެއްމެ ބިގެއް ގަނެގެން ގޮސް މޯލްޑިވްސް ފުޑް އެންޑް ޑްރަގް އޮތޯރިޓީ އަށް ނިކަން ދައްކަ ބަލާށެވެ.
ކަންބޮޑު ނުވާ
29 June 2017
ޔަޤީނުން ވެސް ކޭއިމާ އެގޭނެ ނޫންތަ؟
ފޭކުބުރޯ
29 June 2017
ޖީބަށް ލާރިވަންނަންޔާ ދުވަހަކުވެސް ނުފެންނާނެ