މޯލްޑިވިއަން އިން ކުޑަހުވަދޫ އެއާޕޯޓަށް ޝެޑިއުލް ދަތުރުތައް ފަަށައިފި

ކުޑަހުވަދޫ އެއާޕޯޓަށް މޯލްޑިވިއަނުން ބޭއްވި ޓެސްޓް ފްލައިޓް: މިއަދު ވަނީ ޝެޑިއުލް ދަތުރުތައް ފަށާފައި.

އަހުމަދު އަދްޝަން، މިހާރު

28 ޖޫން 2017 - 14:58

ދ. ކުޑަހުވަދޫގައި އަލަށް ހެދި ދާލު އެއާޕޯޓަށް ގައުމީ އެއާލައިން މޯލްޑިވިއަން އިން މިއަދު ރަސްމީކޮށް ޝެޑިއުލް ދަތުރުތައް ފަށައިފި އެވެ.

ވެލާނާ އިންޓެނަޝަނަލް އެއާޕޯޓުން ދާލު އެއާޕޯޓަށް ފުރަތަމަ ޝެޑިއުލް މަތިންދާބޯޓު ފުރީ މެންދުރު ފަހު 1:50 ގަ އެވެ. ދާލު އެއާޕޯޓަށް އެ މަތިންދާބޯޓު ޖެއްސީ 2:27 ގަ އެވެ.

މޯލްޑިވިއަން އިން ދާލު އެއާޕޯޓަށް ޝެޑިއުލް ދަތުރުތައް ފެށީ މި މަހުގެ އެއްވަނަ ދުވަހު ޓެސްޓް ފްލައިޓެއް ވެސް އެތަނަށް ބޭއްވުމަށް ފަހު އެވެ.

މޯލްޑިވިއަން އޮޕަރޭޓް ކުރާ އައިލެންޑް އޭވިއޭޝަން ސާވިސަސްގެ މެނޭޖިން ޑިރެކްޓަރު އަބްދުލް ހާރިސް މިއަދު ވިދާޅުވީ ދާލު އެއާޕޯޓަށް ފުރަތަމަ ބޭއްވީ ފުލް ފްލައިޓެއް ކަމަށެވެ.

އޭނާ ވިދާޅުވީ މިއަދުން ފެށިގެން ކޮންމެ ދުވަހެއްގެ މެންދުރު ފަހު ކުޑަހުވަދޫ ނުވަތަ ދާލު އެއާޕޯޓަށް ޝެޑިއުލް ފްލައިޓެއް އޮންނާނެ ކަމަށެވެ. އެއްކޮޅު ޓިކެޓެއްގެ އަގަކީ 888ރ. އެވެ.

ހާރިސް ވިދާޅުވި ގޮތުގައި އަމާޒަކީ ދަތުރުތައް ދާ ގޮތަށް ބަލައި، ދުވާލަކު ހަތަރު ދަތުރު ދާލު އެއާޕޯޓަށް ބޭއްވުމެވެ.

މިއަދުން ފެށިގެން މުދާ ކާގޯ ކުރުމުގެ ޚިދުމަތް ވެސް މޯލްޑިވިއަން އިން ދާލު އެއާޕޯޓުގައި ދޭނެ އެވެ.

"ކުރިއަށް އޮތް ތަނުގައި އަޅުގަނޑުމެން ރޭގަނޑު ވެސް ފްލައިޓްތައް ބާއްވާނަން. އެކަމާ ގުޅޭ ގޮތުން އެއާޕޯޓްގައި ފުރިހަމަ ކުރަން ޖެހޭ ކަންކަން މިހާރު ވެސް ކުރަމުން އަންނީ،" ހާރިސް ވިދާޅުވި އެވެ.

"އެހެންވީމާ ސިވިލް އޭވިއޭޝަނުން ހުއްދަ ލިބުމުން ރޭގަނޑު ދަތުރުތައް ކުރިއަށް އޮތް ތަނުގައި ކުޑަހުވަދޫ އެއާޕޯޓަށް ބާއްވާނެ."

ކުޑަހުވަދޫ އެއާޕޯޓަކީ ރިއޯލޯ އިންވެސްޓްމަންޓާ ހަވާލުކޮށްގެން 1،800 މީޓަރުގެ ރަންވޭއަކާ އެކު ހެދި އެއާޕޯޓެކެވެ. އަދި މި އެއާޕޯޓަކީ ރާއްޖޭގައި މިވަގުތު އޮތް ޑޮމެސްޓިކް އެއާޕޯޓްތަކުގެ ތެރެއިން ޕްރައިވެޓް ޖެޓްތައް ޖެއްސޭ ގޮތަށް ހެދި ފުރަތަމަ އެއާޕޯޓް ވެސް މެ އެވެ.

އައިލެންޑް އޭވިއޭޝަން ދ. ކުޑަހުވަދޫ މޯލްޑިވިއަން އެއާލައިން ދާލު އެއާޕޯޓް އަބްދުލް ހާރިސް ރާއްޖޭގެ ރަށްތައް ދ. އަތޮޅު

26 ކޮމެންޓް, 25 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޔޯބުރޯ

02 July 2017

888 އަކީ ޑިސްކައުންޓެޑް ފެއާ، ދެތިން ސީޓް ހުންނާނެ އެލޮކޭޓްކޮށްފަ. ދެން އިންނާނީ ނޯރމަލް ފެއާ، ހެސްކިޔާފަ އަގު ބޮޑުވާނެ. ފުވައްމުލަކަށް ދާންވެސް ބައްތިރީސް އަގު އެއްފުލައިޓަކުން. ބައެއް ފަހަރު 1600އަށް ވެސް އަރާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މެންޓަލިސްޓް

29 June 2017

ތިޔައީވެސް ކުރީގެ ނަޝީދުގެ ސަރުކާރުން ރިއައްލޯ ކިޔާ ކުންހުންޏަކާޢި ހަވާލުކޮއްގެން ހިނގި ކަމެށް ،،،، އަޅުގަނޑު ވަރަށް އުފާކޮއްފިން ތިޔަޕްރޮޖެކްޓްނިމުނީމައި ،،، އެކުންފުނީގެ އެންމެހާ ހިއްސާދާރުންނަށް ޙާއްސަޝުކުރެއްރައްދުކުރަން ،، ،ޙާއްސަކޮށް ޙަލީލްއަށް ،،، ވަރަށްވެދުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަކީލު

29 June 2017

މާތްރަސްކަލާނގެއާ ވަކީލު!..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަދުހަމް

29 June 2017

ވިލާއިން އުދުހޭނަމަ 600 ރުފިޔާއަށް އުދުހޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިބޫ ހުޅުމާލެ

29 June 2017

ޢިލްމީ ގޮތަކުން ބެލިޔަސް ކުޑަހުވަދޫއަށް ކުރާ ދަތުރުގެ އަގު ޑަބަލް ބޮޑުކަން އަޅުގަނޑު ފާހަގަ ކޮށްލަން.. މިބަލާލަނީ ވެލާނާ އިންޓަނޭޝަނަލް އެއާރ ޕޯރޓާއި ރާއްޖޭގެ ދެކުނުގެ ބައެއް އެއާޕޯރޓާއި ހުރި ދުރުމިނާއި ޓިކެޓުގެ އަގަށް ކިލޯ މީޓަރަކަށް ޖެހިފައިވާ ނިސްބަތް: މާލެން ގަމަށް ކިލޯ މީޓަރަކަށް ޖެހެނީ 2.75ރ ، ފުއަށް މުލަކަށް 2.59ރ، ކާޑެއްދުއަށް 2.49ރ(އެވެރެޖުކޮށް 2.61ރ) އެކަމަކު ކުޑަހުވަދޫ އެއާރޕޯޓަށް ކިލޯމީޓަރަކަށް ޖެހެނީ 4.85ރ ވީމައި ކުޑަހުވަދޫގެ އެއާރ ޕޯޓަށް ޗާޖުކުރާ އަގަކީ ޑަބަލް ޗާޖެއްކަމުގައި އަޅުގަނޑުގެ ހޯދުންތަކުން ހާމަވޭ... އަޅުގަނޑު ދެކޭގޮތުގައި ޢިލްމީ އަލީގައި ބަލާނަމަ ކުޑަހުވަދޫއަށް ކޮޅަކަށް ނެގޭނީ ތިން ތަނުގެ އެވެރެޖަށް ބެލިޔަސް އެންމެ ބޮޑުވެގެން 478ރ މީ ޙަޤީގަތަކީ.. ވަރަށް ސަލާން