އެމްޕީއެލް އިން ހިންގި ނޯތު ޕޯޓު ކެފޭ: އެތަން ހިންގާނެ ބަޔަކު ހޯދަން މިހާރު ދަނީ މަސައްކަތްކުރަމުން.
29 ޖޫން 2017 - 13:15
42 comments
ނޯތު ހާބާރުގައި ކުރިން ހިންގި ކެފޭ ކުއްޔަށް ހިފާ ފަރާތުން ކެފޭގެ ޕާޓްނަޝިޕް ފީގެ ގޮތުގައި މަހަކު މަދުވެގެން 200،000ރ. ދައްކަން އެމްޕީއެލް އިން ޝަރުތުކޮށްފި އެވެ.
އެ ކެފޭ ހިންގަން ޝައުގުވެރިވާ ފަރާތްތަކަށް އެމްޕީއެލް އިން ދޫކުރި ލިޔުމުގައި ބުނެފައި ވަނީ އެތަން ހިންގަން ވާނީ އެ ކުންފުނީގެ 50 ޕަސެންޓް ހިއްސާ އެކުލެވޭ ގޮތަށް ކަމަށެވެ. އަދި އެތަން ހިންގުމާއި އެތަނުގެ މުވައްޒަފުންގެ ހުރިހާ ކަމެއް ބަލަހައްޓަންވާނީ އެތަން ކުއްޔަށް ހިފާ ފަރާތުން ކަމަށް ވެސް އެމްޕީއެލް އިން ބުނެފައިވެ އެވެ.
އެ ކުންފުނިން ބުނެފައި ވަނީ ކެފޭ ހިންގާ ޕާޓްނަޝިޕުން ކެފޭ އަދި ޖޫގޯ އާއި އެތަނުގައި ހުރި ތަކެތީގެ މަހު ކުލީގެ ގޮތުގައި މަދުވެގެން 200،000ރ. ދައްކަން ވާނެ ކަމަށެވެ. އަދި މިހާރު ކެފޭ އާއި ޖޫގޯ ޕޮއިންޓްގައި ތިބި 65 މުވައްޒަފުންގެ ތެރެއިން މަދުވެގެން 60 ޕަސެންޓް މީހުންނަށް ވަޒީފާ ހަމަޖައްސައިދޭންވާނެ ކަމަށް ވެސް އެމްޕީއެލް އިން ބުނެފައިވެ އެވެ.
ނޯތު ހާބަރުގައި އެ ކުންފުނިން ހިންގި ކެފޭ ކުއްޔަށް ދޭނީ ކެފޭ އަދި ރެސްޓޯރަންޓް ހިންގުމުގެ ދިހަ އަހަރު ދުވަހުގެ ތަޖުރިބާ ލިބިފައިވާ މިހާރު ވެސް އެފަދަ ވިޔަފާރިއެއްކުރާ ބަޔަކަށް ކަމަށް ބުނެފައިވެ އެވެ. އަދި އެ ފަރާތަކުން އެކަމަށް އެދި ޑިޕޮސިޓް ސެކިއުރިޓީގެ ގޮތުގައި 200،000ރ. ދައްކަން ޖެހޭނެ ކަމަށް ވެސް ބުނެފައިވެ އެވެ.
އެމްޕީއެލް އިން އާއްމުކުރި ތަފާސްހިސާބުތައް ދައްކާ ގޮތުން މިދިޔަ އަހަރުގެ ނޮވެމްބަރު މަހުން ފެށިގެން މިދިޔަ މެއި މަހުގެ ނިޔަލަށް އެ ކެފޭއަށް އާމްދަނީގެ ގޮތުގައި ޖުމްލަ 6.6 މިލިއަން ރުފިޔާ ލިބިފައިވެ އެވެ. އެ ކެފޭ ހިންގި ހަތް މަސް ދުވަހު މަހަކު އާމްދަނީގެ ގޮތުގައި 750،000ރ. އާއި 1.3 މިލިއަން ރުފިޔާގެ އާމްދަނީއެއް ލިބިފައިވެ އެވެ.
މިދިޔަ މެއި މަހުގެ ފަހުކޮޅު އެތަން ބަންދުކުރުމަށްފަހު، އެމްޕީއެލް އިން ކެފޭ ހިންގަން ބަޔަކު ހޯދަން ކުރި އިއުލާނާ ގުޅިގެން ތިން ފަރާތަކުން ބިޑް ހުށަހަޅާފައިވާ ކަމަށް މައުލޫމާތު ލިބިފައިވެ އެވެ. ނަމަވެސް އެއްވެސް ބަޔަކާ ކެފޭ ހިންގަން ހަވާލުކުރި ކަމެއް އެމްޕީއެލް އިން ސާފުވާ ގޮތެއްނުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރަމީޒު ޗައިޓައިމް ޒާހިދު
01 July 2017
ބިޑުގައި ބައިވެރިވާނީ ހަމައެކަނި އެއްކަލަ ބައިމީހުން ނުވަތަ އެމީހުންގެ ދެތިން ބަޔަކަށެވެ. ދެން އެބަޔަކު ހޮވާ އެގްރީމަންޓު ހެދުމަށްފަހު، ދެންވާގޮތަކީ، ވާ ވިޔަފާރިއަށް ބަލާފައި، ކުލި ކުޑަކޮއްލާނީއެވެ. ދެން ނިއުޕޯރޓަށް ދިން ރެސްޓޯރަންޓަށް ހެދިހެން މުއްދަތުވެސް ދަމާލާނީއެވެ.
އުސައިދު ހަނީފް
01 July 2017
ކަންމަތީ ފިހާރަ ހިންގާ ބޮންދުވެސް ތިޔަ ކުައްޔަށް ތިތަން ހިފާނެ. 2 ލައްކަ އެއީ އެއްވެސް އެއްޗެއް ނޫން.
މ.ދެކުނުތިލަ ގުދަނުން ބުނަނީ
01 July 2017
ކުއްޔަށް ހިފޭ ވަރުގެ ބަޔަކު ތިބިނަމަ އެބަޔަކު ހިފާނެ.ގުދަންތައް ކުއްޔަށް ހިފައިގެން ތިބެ ކުލި ނުދައްކާ 8 މަސް ހޭދަކޮށްފި ބަޔަކަށް ފަހަރެއްގަ ތިޔަ ކެޕޭ ކުއްޔަށް ހިފިދާނެ. #ޕޮޕްޖޯއި
ނުރަބޯ
30 June 2017
ހިފޭވަރުމީހަކު ހިފާނެ ކަލޭމެންނަށް ކީއްތަ......؟
އިޤާބުލް ޤައުމު
30 June 2017
ތިޔައީ ހަމަ ވަކި ބަޔަކަށް ދޭން ރޭވިގެން ކުރިއަށްދާ "ހަލާލު" ވިޔަފާޜިއެއް. އަނެއްކޮޅުން ޤައުމިޔަތު ތިޔާްޤިކުރުމަށް އަގު "ބޮޑު" ވިޔަފާރިއަށް ތަރުޙީބުދީ ރައްޔިތުން ހެޔޮ ގޮތުގައި "އިނދަ" ޖެހިގެންދާން ހުޅުވޭ ގުޅުންހުރި މޮޅު ކަމެއް. މުޅި ޤައުމު މި ދިރެނީ މިފަދަ ކަންކަމުން. ކުރިއަށް އޮތީ ބިރުވެރިކަން. ކުރާނެ ކަމެއް. ނެތް.
ގޮބޮޅި ސިޓީ
30 June 2017
200،000 މަހުކުކި، ދެންތިޔަ ހުރީ ތަކެތީގެ އަގު ހެޔޮވެފަ. އޮޑިދޯނިފަހަރުގެ މީހުންނައް 25ރ އައް ކޮފީއެއް 45ފ ނޫޑުލްސް އެއް
ްޤުއްޓޭ
30 June 2017
ހެހެހޭ! މި އުޑުދަށުގަ ނެތް ތިތަން ތި ބުނާ އަގަކަށް ކުއްޔައް ހިފާނެ ވިޔަފާރި ވެރިއެއް. މި ވެރިންނަށް ހީވާކަހަލަ ދޮތަ! މި ވިޔަފާރި ވެރިން މި ތިބީ ބޮޅުރޮދި ކެނޑިފަ ކަމަށް ދޮތަ!
ޙަސަނު
29 June 2017
ވަގުސަރުކާރު އެންމެގިނައިން ފައިސާ ދިރުވަނީ މިކަހަލަ ކުނފުނިތަކުން. މިގޮތަށް ދިރުވަމުންދާ އަދަދު އޮޑިޓާ ޖެނެރަލަށް އަކަށްވެސް ނޭގޭ
ޙެހެ
29 June 2017
ގެއްލުމުގަ ހިންގާ ތަނެދޯ، ގެއްލުމުގައި ހިންގާ ތަންތަނައް މީހުން މަހުކުލީގެ ގޮތުގައި 200،000 ރުފިޔާ ދޭތަ. ޙަމަ ޕާޓީ މީހަކައް ދޭން ކޮއްލިކަމެއްދޯ
ހަބޭސް13
29 June 2017
ގެއްލުމުގަ ހިންގިތަނެއް ދެން ކުއްޔައް ހިފާމީހަކުހާދަބޮޑުކުއްޔެކޭ ތިދައްކަންޖެހެނީ.
6ބޭސް
29 June 2017
އޭރުންނެއްނު ޚަރަދު ކަވަރުވާނީ