ޖިނާއީ އިޖްރައާތުގެ ގާނޫނަށް އަހުލުވެރި ކުރުމުގެ ޕްރޮގްރާމް ފެށުމަށް ބޭއްވި ރަސްމިއްޔާތެއް: އެ ގާނޫނަށް ހޭލުންތެރި ކުރުވަން ކާމިޔާބު މަސައްކަތްތަކެއް ކުރެވިފައިވާ ކަމަށް އޭޖީ އޮފީހުން ބުނޭ :--ފޮޓޯ/މިހާރު
02 ޖުލައި 2017 - 16:08
3 comments
ޖިނާއީ އިޖްރާއަތުގެ ގާނޫނަކީ ޖިނާއީ އަދުލުގެ ނިޒާމަށް ހެޔޮ ބަދަލުތަކެއް އަންނާނެ ގާނޫނެއް ކަމަށް އެޓާނީ ޖެނެރަލް (އޭޖީ)ގެ އޮފީހުން މިއަދު ބުނެފި އެވެ.
ޖިނާއީ އިޖްރާއަތުގެ ގާނޫނަށް މިއަދު އަމަލު ކުރަން ފެށުމާ ގުޅިގެން އޭޖީ އޮފީހުން ނެރުނު ބަޔާނެއްގައި ބުނެފައި ވަނީ އެ ގާނޫނަކީ 2015 ގައި އަމަލުކުރަން ފެށި އާ ގާނޫނުލް އުގޫބާތެކޭ އެއްފަދައިން ރާއްޖޭގައި މިހާތަނަށް ފާސްކުރި ގާނޫނުތަކުގެ ތެރެއިން އެންމެ ޒަމާނީ ވިސްނުމަކާ އެކު ތައްޔާރު ކުރެވުނު ގާނޫނު ކަމަށެވެ. ވޭތުވެދިޔަ 10 އަހަރުގެ މަސައްކަތުން ވުޖޫދަށް ގެނައި އެ ގާނޫނަކީ ޖިނާއީ އަދުލުގެ ނިޒާމަށް ހެޔޮ ބަދަލެއް އަންނާނެ ގާނޫނެއް ކަމަށް އެ ބަޔާނުގައިވެ އެވެ.
އެ ބަޔާނުގައިވާ ގޮތުން ވޭތުވެދިޔަ އެއް އަހަރުގެ ތެރޭގައި އެ ގާނޫނަށް އަހުލުވެރި ކުރުވުމުގެ މަސައްކަތުގައި ބޮޑެތި ކާމިިޔާބީތަކެއް ވަނީ ހޯދިފަ އެވެ. އެކަމުގައި އދ. ގެ އެހީތެރިކަން ވެސް ލިބުނު ކަން ފާހަގަކޮށް، އެ ބަޔާނުގައި ބުނެފައިވަނީ އެ ޕްރޮގްރާމްތަކުގައި ބައިވެރިވި މުއައްސަސާތަކަށް ޝުކުރު އަދާ ކޮށްފަ އެވެ.
ޖިނާއީ އިޖްރާއާތުގެ ގާނޫނަކީ ދިގު މުއްދަތެއްގެ މަސައްކަތުން ވުޖޫދަށް ގެނެސްފައިވާ ގާނޫނަކަށްވާތީ އެ ގާނޫނަށް ކަމާ ބެހޭ ބައެއް އިދާރާތަކުން ބައެއް އިސްލާހު ހުށަހަޅާފައިވާ ކަމަށް އެ ބަޔާނުގައިވެ އެވެ. އެ އިސްލާހުތައް އެކުލަވާލުމުގެ މަސައްކަތް މިހާރު ކުރަމުން އަންނަ ކަމަށް އެ ބަޔާނުގައިވެ އެވެ.
ތަހުގީގު ހިންގުމާއި ދައުވާ ކުރުމާއި ޝަރީއަތް ކުރުމުގެ އިޖްރާއާތުތައް ތަފްސީލީ ގޮތެއްގައި ބަޔާންކޮށްފައިވާ ޖިނާއީ އިޖްރާއާތުގެ ގާނޫނަށް ބައެއް އިސްލާހުތައް ގެންނަން ސަރުކާރުން މިދިޔަ މަހު ރައްޔިތުންގެ މަޖިލީހަށް ހުށަހެޅި އެވެ. އެެކަމަކު އެ އިސްލާހުތަކާ މެދު ބައެއް މެމްބަރުން ކަންބޮޑުވުން ފާޅު ކުރުމުން އެ އިސްލާހުތައް ވަނީ އަނބުރާ ގެންގޮސްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަސަނާ
03 July 2017
ވަޞުއީ ޤާނޫނު
ކުޑަދޫއަހްމަދު
02 July 2017
ރޯމާ ދުވާލު ތިޔަކަހަލަ ވާހަކަ ދެއްކީމާ އަޅުގަނޑުމެން ލަވަނީ ހޮޑެވެ! ދިވެހިރާއްޖޭގެ އަދުލު ގާއިމު ނުވެގެން މިއުޅެނީ ގާނޫނުތަކާއި އުސޫލުތަކާއި ނެތިގެން ނޫނެވެ. ފަސާދައާއި، އަނިޔާވެރިކަން މިގައުމުގައި ހައްދު ފަހަނަ އަޅައިގެންނެވެ. ތިޔަ ގާނޫނަކުން ކުރާނެ ފައިދާއެއްނެތް! ވިއްޔާ ވާނީ ރައްޔިތުންނަށް އަނިޔާ! ދިވެހިރާއްޖެ އަނބުރާ ދިވެހިރައްޔިތުން ހޯދާފައި، ގާނޫނީ ނިޒާމު، ހާއްސަކޮން 21 ވަނަ ގަރުނުގެ ތަހުޒީބީ އަދި ގާބިލު ފަނޑިޔާރުގެއެއް ގާއިިމުކުރެވިގެންދާނެއެވެ
ޑާޑާޑާޑާ
02 July 2017
ޖިނާއީ އިޖްރާއާތުގެ ގާނޫނުން ހެޔޮ ބަދަލެއް އަންނާނެ ކަމަށް އޭޖީ އޮފީހުން ވެސް ރާއްޖޭގެ ހިސްޓްރީ ބުކް ޕޭޖްގައި ފުރަތަމަ ފަހަރަށް މިބުނީ އެއީ ހަމަ އެކަނި މަމެން ޕިންކީންގެ ފިނޯމެނަމް ބިއުޓިފުލް ސަރުކާރުގައި ދޯ. އެހެން އެއްވެސް ސަރުކާރެއްގައި މި ފަދަ ފިނޯމެނަމް ބިއުޓިފުލް ލެޖިސްލޭޓިވް ކަން ކަން ފުރިހަމަ ވެގެން ނުދޭ ދޯ. އެއީ އޭ ލީޑަރ ޝިޕް މެޓަރ އޭ މަމެން މިކިޔާ އެއްޗަކީ. މަމެން ޕިންކީން ފިނޯމެނަމް ބިއުޓިފުލް ވެރިކަމެއް ކުރި ނަމަވެސް ރަންރީނދުލޭ މެން އަދި ރެޑޭ މެން އަދި ފެއްސޭ މެން އަދި ކިނބިގަހޭ މެން ޖެހޭނީ މަހަށް ދާންއޭ މަމެން ބުނަން ނެތީމޭ ކުދިންނޭ. ޑާޑާޑާޑާ، ޑާޑާޑާޑާ...