"މޯލްޑިވްސް ފައިނޭންޝަލް އެކްސްޕޯ" ހުޅުވުމުގެ ރަސްމިއްޔާތުގައި ގަވަރުނަރު އަޒީމާ ވާހަކަދައްކަވަނީ --ފޮޓޯ: ހުސެއިން ވަހީދު /މިހާރު
06 ޖުލައި 2017 - 13:15
30 comments
ގެދޮރު ހޯދަން ބޭންކުތަކުން ދޫކުރާ ލޯނުގެ އިންޓަރެސްޓް ދަށްކުރަން ޖެހޭ ކަމަށް މޯލްޑިވްސް މަނިޓަރީ އޮތޯރިޓީ (އެމްއެމްއޭ)ގެ ގަވަރުނަރު އަޒީމާ އާދަމް މިއަދު ވިދާޅުވެއްޖެ އެވެ.
ގެދޮރު ބޭނުންވާ ފަރާތްތަކަށް މާލީ އެހީތެރިކަމާ ބެހޭ މައުލޫމާތު ދޭން އެމްއެމްއޭ އާއި އެޗްޑީސީ ގުޅިގެން މިއަދު ދަރުބާރުގޭގައި ފެށި "މޯލްޑިވްސް ފައިނޭންޝަލް އެކްސްޕޯ" ހުޅުވުމުގެ ރަސްމިއްޔާތުގައި ވާހަކަދައްކަވަމުން އަޒީމާ ވިދާޅުވީ ގެދޮރު އިމާރާތް ކުރުމާއި ގެދޮރު ގަތުމަށް ހެޔޮ އަގުގައި ލުއި ފަސޭހަކަމާ އެކު ލޯނު ލިބޭނެ ގޮތް ރާއްޖޭގެ ބޭންކްތަކުން ހަދަން ޖެހޭ ކަމަށެވެ. އެގޮތުން އެންމެ އާދައިގެ ވަޒީފާ އަދާކުރާ މީހާއަށް ވެސް އޭނާގެ އަމިއްލަ ގެއެއް ނުވަތަ ފްލެޓެއް އިމާރާތްކުރަން ނުވަތަ ގަތުމަށް ލޯނު ލިބެން ޖެހޭނެ ކަމަށް ވެސް ގަވަރުނަރު ވިދާޅުވި އެވެ
"ގެދޮރުވެރިކަމާ ނުލައި ވެސް ގައުމުގެ އިގްތިސާދު ވަރަށް ބާރަށް ކުރިއަށް ގެންދެވިދާނެ. އެހެން ނަމަވެސް ރައްޔިތުންގެ ދިރިއުޅުމުގެ ފެންވަރު މަތިކުރެވޭނީ ނުވަތަ ރައްޔިތުން ބާރުވެރި ކުރެވޭނީ ނުވަތަ ގައުމުގެ ތަރައްގީގެ ފޮނި މީރުކަން ގެނެސްދެވޭނީ އެންމެންނަށް ވެސް އަމިއްލަ ގެދޮރު ލިބިގެން،" އަޒީމާ ވިދާޅުވި އެވެ.
މި އަހަރުގެ ފައިނޭންޝަލް އެކްސްޕޯ ގެ ތީމަކީ ހައުސިން އެންޑް ފައިނޭންސެވެ.
ގަވަރުނަރުގެ ވާހަކަފުޅުގައި، އެ ތީމު، އެކްސްޕޯ އަށް ޚިޔާރުކުރެއްވީ ރާއްޖޭގެ ތަރައްގީގައި މިވަގުތު އެންމެ މުހިންމު ކުރިއެރުމެއް ހޯދަން ޖެހިފައިވާ ދާއިރާއަކީ ގެދޮރުވެރިކަން ކަމަށް ވާތީ ކަމަށެވެ،
"ގެދޮރުވެރިކަމާ ނުލައި ވެސް ގައުމެއްގެ އިގްތިސާދީ ދުވެލި ވަރަށް ބާރުމިނެއްގައި ކުރިއަށް ގެންދެވިދާނެ. ނަމަވެސް ރައްޔިތުންގެ ދިރިއުޅުމުގެ ފެންވަރު މަތިކުރެވޭނީ، ރައްޔިތުން ބާރުވެރި ކުރެވޭނީ ގައުމުގެ ތަރައްގީގެ ފޮނިމީރުކަން ރައްޔިތުމީހާއަށް ގެނެސްދީ އޭނާގެ މޫނަށް ހިނިތުންވުން ގެނެސްދެވޭނީ ކޮންމެ މީހަކަށް ވެސް އަމިއްލަ ގެދޮރު ހުރެގެން. އަދި އެއީ ޝަރަފުވެރިކަމާއި އަބުރުވެރިކަމާ އެކީ އޭނާ އާއި އޭނާގެ އާއިލާއަށް ދިރިއުޅެވޭނެވަރުގެ ގެއެއް ނުވަތަ ފްލެޓަކަށް ވެގެން،" އަޒީމާ ވިދާޅުވި އެވެ.
ގަވަރުނަރު ވިދާޅުވީ ގެދޮރުގެ އަގު ހެޔޮކުރެވޭނީ ހައުސިން ޕޮލިސީ އެގޮތަށް ބައްޓަންކުރެވިގެން ކަމަށެވެ. އަދި އޭގެ އިތުރުން ކޮންސްޓްރަކްޝަނަށް ހިނގާ ހަރަދު އަތްފޯރާފަށަށް ތިރިކުރަން ޖެހޭ ކަމަށާއި ކޮންސްޓްރަކްޝަން ކުންފުނިތަކަށް މާލީ އިދާރާތަކުން ހަރަދު ކުޑަ ގޮތެއްގައި ލޯނު ލިބޭނެ މަގުފަހިވާން ޖެހޭ ކަމަށް ވެސް ވިދާޅުވި އެވެ.
"މޯލްޑިވްސް ފައިނޭންޝަލް އެކްސްޕޯ" ހުޅުވުމުގެ ރަސްމިއްޔާތުގައި ގަވަރުނަރު އަޒީމާ ބީއެމްއެލްގެ ސީއީއޯ އެންޑްރޫއާ ސަލާންކުރައްވަނީ --ފޮޓޯ: ހުސެއިން ވަހީދު /މިހާރު
"ހައުސިން ލޯނަކީ އޭނާގެ ވަޒީފާއިން ލިބޭ މުސާރައިން ދެއްކޭނެ ލޯނަކަށް ވާން އެބަ ޖެހޭ. ހައުސިން ލޯނަކީ ހަމައެކަނި މުއްސަނދި ނުވަތަ ބޮޑު މުސާރަ ލިބޭ މީހުންނަށް އެކަނި ލިބޭ އެއްޗަކަށް ވެގެނެއް ނުވާނެ،" ގަވަރުނަރު ވިދާޅުވި އެވެ.
އަންނަ ހޮނިހިރުދުވަހުގެ ނިޔަލަށް ކުރިއަށް ދާ މި އެކްސްޕޯގައި ގެދޮރު ގަތުމަށާއި އަމިއްލަ ފަރާތްތަކުން ބިންތައް އިމާރާތް ކުރުމަށް ހުރި ފުރުސަތުތަކާއިި މާލީ އިދާރާތަކުން އެކަމަށް ފައިނޭންސް ހޯދޭނެ ގޮތްތަކާ ބެހޭ މައުލޫމާތު ދެ އެވެ. އަދި މާލީ ބައެއް ހިދުމަތްތަކުގެ އެޕްލިކޭޝަން ފޯމް ވެސް އެކްސްޕޯގައި ބަލައިގަނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިބްރާހީމް ރަޝީދު
09 July 2017
އެމް.އެމް. އޭ އިން އިންޓަރެސްޓް ދައްކުރަންޖެހެއޭ ކިޔުމުގެ ބަދަލުގަ ގެދޮރުލޯނުގެ އިންޓަރެސްޓް ދައްކުރަށްވާ. ޤަވާޢިދު ރެގިއުލޭޓްކޮށް އުފައްދާ ފަރާތުން ތިޒާތުގެ މުނާފިގު ވާހަކަ ދެއްކުމީ ލަދުވެތިކަމެއް. މިހާރުވެސް ޤަވާއިދު ބަދަލުކުރައްވާ ބެންކްތަަކުން "ލައިބޯ ރޭޓް" + ބެންކް ފައިދާ %3 ހައްދަވާ ރައްޔިތުމީހާ އަށް ދޫކުރާ ގެދޮރާ ވިޔަފާރި ލޯނު %2 ހެދޭނެނޫންތޯ. އޭރުންވެސް މިހާރު ތިނަގާ %9 (ބީއެމް.އެލް ގެ) އެހެން ބޭންކް ތަަކުން %11 ނުނަގާ %6 ނުވަތަ %7 އަށް ނުހަދާ ތި ހުންނަވަނީ ހެދެންނެތީމަކާ ނޫން.
މަރިޔަމް ޝިއުނާ
08 July 2017
ވާން އުޅޭގޮތް އިގޭތީ ސައިޒަށް ތިރިވަނީ
ބޭބެ
08 July 2017
އިންވެސްޓް ކުރަންވީމަ 'ސުކުކް' ... އޭގެ އަނެއްކޮޅުގަ 'އިންޓްރަސްޓް' އޭއެކު ދެވޭ 'ހަލާލް' ލޯނު ... ހެޔޮނުވާނެ މިހެން އޮޅުވާލާކަށް. އަހަރެންނަށްވެސް މިހާރު 'ރިބާ' އެއީ ކޮންއެއްޗެއްކަން އޮޅިއްޖެ.
ގޮހޮރޭ
07 July 2017
މިއޮއް ހުރިހާދުވަހު ތިޔަާހަކަ ވިދާޅުނުވެވިފަ މިއަދު ތިޔަ ވިދާޅު ވީ ކީއްވެތޯ؟؟
ހަސަން
07 July 2017
1.5% ގެ ރޭޓުން ބޭރުގައުމުތަކުން ފައިސާ ހޯދާފައި، %12 އަށް ދިވެހިންނަށް އެލޯނު ދިނީމާ، ތިޔަ ދައްކަވާ ވާހަކައާއި ކުރައްވާ ކަމަކާ އެބަ ދިމާވޭތޯ؟
ގަވަރުނަރު
07 July 2017
ދިވެހިރާއްޖޭގެ ގަވަރުނަރު ލަދުފުޅު ގަންނަން ޖެހޭ ވަރުގެ ކަމެއް މީ. ރައްޔިތުން ހަނާކުރުން ފު ގަޅައިގެން ތިއްބަސް މީ ބޮޑުވަރު
އަލީ
07 July 2017
އިންޓަރަސްޓު ދަށް ކުރުމުގެ އިތުރުން މުއްދަތު 30 އަހަރަށް ބަދަލު ކުރަންޖެހޭ. އޭރުން ފްލެޓްތަށް ހަދަންދާ އަގު ވަރަށް ބޮޑުތަނުން ދަށްވާނެ. އެކަމުގެ ސަބަބުން ފްލެޓް ވިއްކާ އަގާއި ކުއްޔަށްދޭ އަގުވެސް ދަށްވާނެ. ސަޕްލައި އިތުރުވާނެ.
ނައިސް
07 July 2017
އަދި ކުދިވިޔަފަރިޔައް ލޯނުލިބުން ފަސޭހަކޮއްދެއްވާ
ކޮމެންޓު
07 July 2017
އެއްގޮތަކަށްވެސް ދެން ދައްކުރާނެކަމެއް ނެތެވެ. ޕްރޮޑަކްޓް އެކްސްޕަޔަރވާން ގާތްވީމާ ކިތަންމެ ދަށް ކުރިޔަސް ނުހިގާނެއެވެ. ކަމެއް ކުރަންޏާ ކަމަނާވެސް ޕެކް ކުރައްވާށެވެ.
ގަވަރުނަރޫ
06 July 2017
ކަމނާއެވެ. ކަމަނާއަށް ތިކަން އިނގިލެއްވީ މިއަދުތޯއެވެ. ސަރުކާރުގެ ކުންފުނި އެޗްޑީއެފްސީއިން ދިވެހި ނިކަމެތި ރައްޔިތުން ނަށް ލޯނު ދެނީ %12 އިންޓަރެސްޓް ރޭޓުގައެވެ. މި ލޯނު ދޭން ބޭނުންވާ ފައިސާ ދުނިޔޭގެ އެކި ތަންތަނުން ހޯދަނީ %2 އިންޓަރެސްޓް ރޭޓުގައެވެެ. ހަމައެކަނި މިކަމަށް ބަލާލިޔަސް ތިވަ ކަމަނާމެންގެ ސަރުކާރުގެ އިޚްލާސްތެރިކަން ހާމަވެއެވެ. ކުރާނެ ކަމެއްނެތެވެ. ކަމަނާމެން ތިޔް ކޮށްދެނީ ޤައުމަށް ޚިދުމަތެވ. ރައްޔތުން އަނގަޔާ އަތާ ދިމާނުވިޔަސް ހެވެއް ނޫންހެއްޔެވެ. އިކޮނޮމިސްޓަކަސް ޤައުމުގެ ވަލިއްޔުލް އަމްރުކަން ދިނީމަ ކުރަން އިނގުނު ކަމަކީ ރައްޔިތުންނަށް ކުރެވުނު ޖެއްސުމެއް ކުރުމާއި، ކެވެން އޮއެތް އެންމެ ގިނައެއްކޮށް ދައުލަތުގެ ލާރި ކެއުމެވެ. ގަވަރުނަރުމެން ވަނީ މިކަންކަމުގައި ސީދާ ގޮތުންނާއި ނުސީދާގޮތުން އެ 'މަނިކުފާނަށް' އެހީތެރިވެދީ އެކަންކަމުގައި ފިސާރި ރަނަގަޅަށް ބައިވެރިވެފައެއް. ލަދު ހަޔާތުގެ ކަންފުޅެއް ހުރިނަމަވެސް މިހާރު ތި މަޤާމުން އިސްތިއުފާ ދިނީސްކަން ކަށަވަރެވެ. މިހެން ލިޔާއިރުވެސް އިސްތިއުފާ ނުދޭނެކަންވެސް އިނގެއެވެ. ލަދު ހަޔާތުގެ ކަންފުޅެއް ނެތްކަން ވެސް އެނގެއެވެ.
ލަތީފް ދިއްދޫ
06 July 2017
ކީއްބާ މިވަނީ ގެއްލިދާ އެތިބޮޑުވީމަ ދެން ބުނެފާނެ ކޮންމެއް އެއްޗެއްވެސް. މިވީހާ ދުވަހު ބައެއްދިވެހިން ހާދަ ހާލެއްގައޭ އުޅުނީ ލޯނު ނުދެއްކިގެން ބައެއް މީހުން ދިރިއުޅުން ބަރުބާދުވީ ތި ލޯނުގެ ސަބަބުން. ނުނަގާވެސް ނެތްވާކަށް ނަގާގެންވެސް ނެތްވާކަ މީ މިނިވަން އަހަރެމެންގެ އަދުގެ ހާލު