އައިހެވަން ޕްރޮޖެކްޓްގެ ކުރެހުމެއް: އެތަނުގެ މާސްޓަ ޕްލޭންގެ މަސައްކަތް މިމަހުގެ ތެރޭގައި ނިމޭނެ ކަމަށް މިނިސްޓަރު ސައީދު ވިދާޅުވި.
06 ޖުލައި 2017 - 19:53
34 comments
އައިހެވަން މަޝްރޫއުގެ މާސްޓާ ޕްލޭން މި މަހުގެ ތެރޭގައި ނިމޭނެ ކަމަށާއި އޭގެ އިތުރުން އެ ތަނުގެ ފީސިބިލީ ސްޓަޑީ ވެސް ނިމިފައިވާ ކަމަށް އިކޮނޮމިކް މިނިސްޓަރު މުހައްމަދު ސައީދު މިއަދު ވިދާޅުވެއްޖެ އެވެ.
ވެލާނާ އިންޓަނޭޝަނަލް އެއާޕޯޓުގައި ހިންގާ މަޝްރޫއުތަކާ ބެހޭ ގޮތުން މައުލޫމާތު ދެއްވުމަށް ނޫސްވެރިންނާ އެކު ބޭއްވި ބައްދަލުވުމުގައި "މިހާރު"ން ދެންނެވި ސުވާލަކަށް ޖަވާބު ދެއްވަމުން މިނިސްޓަރު ވިދާޅުވީ އެތަނުގެ މާސްޓަ ޕްލޭންގެ ތަފުސީލްތައް މި މަހުގެ އާއްމުކުރައްވާނެ ކަމަށެވެ.
"އައިހެވަންގެ މާސްޓަޕްލޭންގެ މަސައްކަތް ޖުލައި މަސް ނިމުމުގެ ކުރިން ނިމޭނެ. ނިމޭ އިރުގައި އަޅުގަނޑުމެން މީޑިއާ އަށް ހިއްސާ ކޮށްލާނަން. ނިމޭއިރުގައި އަޅުގަނޑުމެންނަށް ހުރިހާ ޑީޓެއިލެއް އެނގޭނެ،" އެ މަޝްރޫއު ފެށުން ލަސްވާ ސަބަބާ ބެހޭ ގޮތުން ސުވާލުކުރުމުން ސައީދު ވިދާޅުވި އެވެ.
މިނިސްޓަރު ވިދާޅުވީ އެ މާސްޓަ ޕްލޭން ނިމޭއިރު އެތަނުގެ މަގުތައް ހަދާނެ ގޮތްތަކާއި ބަނދަރާއި އެއާޕޯޓް އޮންނާނެ ތަނާއި ފެހި ކުރާނެ ސަރަހައްދުތަކާއި ހުސް ބިމާއި އިންޑަސްޓްރިއަލް މަސައްކަތްކުރާނެ ސަރަހައްދުތައް ކަނޑައެޅިގެންދާނެ ކަމަށެވެ.
"އެ މަސައްކަތަށް ކުޑަވެސް ބުރުލެއް ނާރާ. ﷲގެ ވާގިފުޅާއެކު އަޅުގަނޑުމެން ޖުލައި މަސް ނިމުމުގެ ކުރިން މާސްޓާ ޕްލޭންގެ ހުރިހާ ކަމެއް ނިމޭނެ. ދެން އޮންނާނީ މަސައްކަތް ފެށުން،" ސައީދު ވިދާޅުވި އެވެ.
އައިހެވަން މަޝްރޫއުގެ މާސްޓަ ޕްލޭން ހެދުމުގެ މަސައްކަތް، ގާތްގަނޑަކަށް ހަތަރު މަސްދުވަހުގެ ތެރޭގައި ނިންމާ ގޮތަށް ސިންގަޕޫރުގެ ސުރުބަނާ ޖުރޮންގް ކުންފުންޏާ ހަވާލުކުރީ މިދިޔަ ނޮވެމްބަރު މަހުގެ އެއް ވަނަ ދުވަހު އެވެ.
މިއަހަރުގެ ބަޖެޓްގައި އެސްއީޒެޑް މަޝްރޫއުތަކުން ލިބޭނެ ކަމަށް ހިމަނާފައިވާ ކަންތައްތަކުން ލިބޭނެ އާމްދަނީއާ ބެހޭ ގޮތުން ސުވާލު ކުރުމުން މިނިސްޓަރު ވިދާޅުވީ އެސްއީޒެޑަށް ކަނޑައެޅިފައި ހުރި އާމްދަނީން މިއަހަރު ނިމުމުގެ ކުރިން ވަރަށް ބޮޑު ބައެއް ލިބޭނެ ކަމަށެވެ.
މިދިޔަ އަހަރުގެ މެއި 23 ވަނަ ރައީސް އަބްދުﷲ ޔާމީން ހއ. ހޯރަފުއްޓަށް ވަޑައިގެން ވިދާޅުވީ ރާއްޖޭގެ ޗާޓު ބަދަލުވާ ފަދަ މަޝްރޫއުތަކެއް ހިންގަމުން އަންނަ ކަމަށާއި އައިހެވަން މަޝްރޫއު ހަގީގަތަކަށް ހެދުމަށް މި އަހަރު ބިން ހިއްކަން ފަށާނެ ކަމަށެވެ.
"އެސްއީޒެޑަށް އެކަށައެޅި އާމްދަނީ އަހަރު ނިމުމުގެ ކުރިން ވަރަށް ބޮޑުތަން ރިއަލައިޒް [ހަގީގަތަކަށް]ވާނެ،" ސައީދު ވިދާޅުވި އެވެ.
ފޮރިން އިންވެސްޓްމަންޓްތަކާ ބެހޭ ގޮތުން ސުވާލު ކުރުމުން މިނިސްޓަރު ވިދާޅުވީ ކ. އެނބޫދޫފަޅު ހިއްކުމުގެ 700 މިލިއަން ޑޮލަރުގެ މަޝްރޫއަކާއި ތުލުސްދޫ ކައިރީގައި މިހާރު ވެސް 800 މިލިއަން ޑޮލަރުގެ މަޝްރޫއެއް ހިންގަމުން އަންނަ ކަމަށެވެ. އަދި ފޮރިން އިންވެސްޓްމަންޓްތަކަށް ކަނޑައެޅި މިންވަރު މިހާރު ވެސް ހާސިލްވެފައިވާ ކަމަށް ވެސް ސައީދު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
Gan Island
08 July 2017
އެސް އީ ޒެޑް އަކީ ވެރިކަން ބަދަލުވާން ކައިރިވެއްޖެހެން ހީވާ ވަގުތު ތަކުގައި ކިޔާ ތާނިޔާ ގަޑަކަށް ކިޔާ އުޅޭ ނަމެއްތަ ؟؟
ކަލްދޯބަޖޭ
07 July 2017
މިއުޅެނީ މާލޭގަ ރަނގަޅު ބަނދަރެއް ނެތިގެނެވެ ރަނގަޅު ބަނދަރެއް ތިލަފުށީގަ ނުވަތަ ހުޅުމާލޭގަ ހަދަން އެބަޖެހެއެވެ ހދ ކުޅުދުއްފުށީގަ ބޭރު ބަނދަރެއް އެބަ އޮތެވެ ދެން ކޮން އައިހެވަނެއް ހަދާވާހަކއެއް ހެވެ ނުވިއެއްނުން ފައިބާ
ބޭނިނުގަނޭ
05 September 2017
ކޮއްކޯ ވިޔަފާރި ބަނދަރާ ޓްރާންސްޝިޕްމަންޓް ބަނދަރާ އެއީ މުލިން ދެ ކޮންެޕްޓެއްގެ ދެ ބަނދަރެއް...ކުޑަކޮށް ހޯމް ވޯރކްހަދާލާފަ ކޮމެންޓް ކޮށްލާނަމަ ތާކުން އެއްޗެއް ފެންނަ އިރަށ ްބޭނި ގަންނަ އުސޫލު ހުންނާތީ ހަލާކުތިވަނީ
ދަގަނޑު ދަހަނާ
07 July 2017
އިންތިޚާބު ކައިރީވީތަ؟ އައިހެވަންގެ ފޯޓޯ ޓީވީން ތިހާވަރަށް ތިދައްކަނީ.
ޖުރުން
07 July 2017
ރަތްޔިތުންގެ ފައިސާ ޚަރަދުކޮށްގެން ކުރާކަމެއް 3 މަސްލަސްވި ސަބަބު ބުނެދީ. ލަސްވެގެން ކުރި ޖޫރިމަނާ އަކީ ކޮބާ.
ހަނދުކޭތަ
07 July 2017
ތިޕުލޭނު ރަގަޅު ވާނެ މަހުޝަރަތް ދުވަހު އިއުލާން ކުރަން. ކޮބާތައް ބޭއްވި ފޯރަމް ތަކާއި ދެއްކި ސަޅި ވާހަކަތައް، ހުސް ދޮގަށް ނޫންތޯ ބަދަލު ވީ!
މެންޓަލިސްޓް
07 July 2017
ބަލަ މަވެސް ތިޔާގެ މާސްޓަރޕްލޭންއެއް ހަދާފާނަން ،،، އެޔަކީ މިހާރު މާކަބޮޑުކަމެށްނޫން ،، ކޮމްޕިއުޓަރުން ހުރިހާކަމެށްކޮއްލެވޭނެ ،، ތިޔަ އައިހެވަން ގޭސްގަނޑު އަނބުރާތާ މިހާރު 3 އަހަރުވީ ،،، ވީކަމެށްހަރާމް ،،، ސިޔާސީ ކުޅިކުޅޭން މީހުންގެ ބޮލަށްޗިޕްޖަހަން ގެންގުޅޭ އެއްޗެއް އައިހެވަން އަކީ ،،، ދެންތިއެއްނުހިނގާނެ ،،، ދިވެއްސަކު ފުރަތަމަ ފަހަރަށް ސަރުކާރުން ހަނދަށް ފޮނުވަނީއޭ ކިޔައިގެން ރަގަޅު ގޭސްގަނޑެއް އެނބުރިދާނެ ،،، އޭރުން ތިބޭނެ ގަބޫލްކުރާބަޔަކު ،،،، ރަގަޅުފެންވަރެއްގައި ޖެއްސިއްޖިއްޔާ ،،، އެހެންނޫނީ ދެންމިހާރު ހިނގާނެ އެކައްޗެއްވެސް ނެތް ،،، ވަރަށްވެދުން
ފަޅުވެރިން
07 July 2017
އެންމެ 08 ހަފުތާތެރޭގައި މިފުރަމާލެއަށްވުރެ ބޮޑު، 240 ހެކްޓެއަރގެ ބިމެއް (ހުޅުމާލެ 2) ހިއްކާލެވިދާނެކަމަށް ޤަބޫލު ނުކުރައްވަންތޯ؟ ފުރަމާލޭގެ މިހާރުގެ ސައިޒަކީ 208 ހެކްޓެއަރ، އެއީ އިންޑަސްޓްރިއަލް ވިލެޖަށް އިތުރުވި 06 ހެކްޓެއަރއާއެކު!
އިބޫ
07 July 2017
އެސްީޒެޑް، އައިހެވަން، ތެޔޮ ނަގަނީ، ކުޅުދުއްފުށި އެއަރޕޯޓް، އިސްމަހެރާ ރިސޯޓް، މިީ ހަމަ ނިމެނީ ނިމެނީ ނިމެނި ....ވެދުން
ފަތައްސީލާ
07 July 2017
މި އަހަރުގެ 26 ބިލިއަން ރުފިޔާގެ ބޮޑު ބަޖެޓުގެ %49 އަކީ ތިޔަ ކިޔާ އައި ހެވަން އިން ވަންނާނެ ކަމަށް ބުނެފަ އޮތް އަދަދު. ޟިހާރު ތިކިޔަނީ އޭގެ ޕްލޭން ނިންމާ ވާހަކަ. މަޖާ ކަމެއްތީ. ޢަދި ތެޔޮވަޅުގެ ޕްލޭންވެސް ނެރޭނެ. ކަލޯ ސައީދޫ ހަނދާން ކުރަތި ގުބޯ ނުހެއްދޭނެ. ފައްކާ ގުއި ރޯނެއްގަ 2018 ގަ ﷲ ގެ ރަހުމަތުން ޖައްސާނަން. ބޮޑުމަގާމުގަ ބަގުޑި ބައްދައިގެން ހުރެވޭތޯ ބަލާ.
ޝަމްހާ
07 July 2017
ދިގޮތަށް ވަރަށްގިނަ ޕްލޭންތައް ނިމޭނެކަމަށް މިހާރުބުނާނެ ރައްޔިތުން ހައްދާނަމޭހިތާ. އެކަމު އެޕްލޭން ނިމިފަ އޮންނާނީ ކަރުދާސް ގަނޑެއްގައި ފައިލްކޮށްފަ. އަދި އިތުރަށް އެއްޗެކޭ ދަންނަވާނަމަ ތިބުނާ ޕްލޭނަށްވުރެކުރިން ސަރުކާރުވެސް ނިމިދާނެތޯއްޗެއް.
އޭ ޖޭ
07 July 2017
2018 ކާމިޔާބު ވާނީ އެންމެ ގިނަ ޕްރޮޖެކްޓް ހިންގައިގެންތޯ ނޫނީ ރައްޔިތުންގެ ވޯޓުންތޯ؟ ރައްޔިތުން ވިސްނަނީ ޖީބަށްވަނީ ބާރު ބޮޑުތޯ ނޫނީ ލުއިތޯ.. މިހާތަނަށްވީ ބާރުބޮޑު... ވޯޓު ދެނީ ރައްޔިތުން ....