އެއާޕޯޓުގައި ހިންގާ މަޝްރޫއުތަކާ ބެހޭ ގޮތުން އިކޮނޮމިކް މިނިސްޓަރު މިއަދު ނޫސްވެރިންނާ ވާހަކަދައްކަވަނީ. ފޮޓޯ: އެމްއޭސީއެލް
06 ޖުލައި 2017 - 20:46
17 comments
މިއަހަރުގެ އިންވެސްޓްމަންޓް ފޯރަމް ގަތަރުގައި ބާއްވަން ކުރިން ހަމަޖެއްސި ނަމަވެސް އެ ފޯރަމް ބާއްވާނެ ތަނެއް އަދި ކަނޑަނާޅާ ކަމަށާއި ނަމަވެސް މި އަހަރުގެ ފަހުކޮޅު އެ ފޯރަމް ބާއްވާނެ ކަމަށް އިކޮނޮމިކް މިނިސްޓަރު މުހައްމަދު ސައީދު މިއަދު ވިދާޅުވެއްޖެ އެވެ.
ގަތަރާއެކު އޮތް ސިޔާސީ ގުޅުން ކަނޑާލާފައިވާ އިރު މި އަހަރު އިންވެސްޓްމަންޓް ފޯރަމް ބާއްވާނެ ތަނެއް ކަނޑައަޅާފައިވޭތޯ "މިހާރު"ން ދެންނެވުމުން މިނިސްޓަރު ވިދާޅުވީ އެ ފޯރަމް ބާއްވާނެ ތަނެއް ވަރަށް އަވަހަށް އިއުލާން ކުރައްވާނެ ކަމަށެވެ.
"އަޅުގަނޑުމެންނަށް މި ވާހަކަ ދައްކާއިރު ވެސް ޔަގީންވާނެ ރާއްޖޭގެ ވިޔަފާރިވެރިންކަން އެންމެ ބޮޑަށް ބައްލަވަން ބޭނުންފުޅުވާނީ އިންވެސްޓްމަންޓް ފޯރަމް ދެން އޮންނާނެ ތަނެއް. އިންވެސްޓްމަންޓް ފޯރަމްތަކުން މިއަދު ރާއްޖެ ވަރަށް ބޮޑަށް މާކެޓް ކުރެވިއްޖެކަން. އޭގެ އެއް ނަތީޖާ މިއަދު ވެސް މި ފެންނަނީ،" އެއާޕޯޓްގައި ހިންގާ މަޝްރޫއުތަކަށް އިޝާރާތްކުރައްވައި ސައީދު ވިދާޅުވި އެވެ.
ގަތަރާއެކު އޮތް ސިޔާސީ ގުޅުން ކަނޑައިލި އިރު އިގްތިސާދީ ގުޅުން ކަނޑައިނުލީ ކީއްވެތޯ އާއި ސިޔާސީ ގުޅުން ކަނޑާލުމުން ރާއްޖެ އަށް އެއްވެސް ހީނަރުކަމެއް އައިތޯ ދެންނެވުމުން ސީދާ ޖަވާބެއް ނުދެއްވައި، ސައީދު ވިދާޅުވީ ރާއްޖޭގެ ޓޫރިޒަމް އިންޑަސްޓްރީ ވަނީ ވަރަށް ބޮޑަށް ކުރިއަރާފައި ކަމަށާއި މި ސަރުކާރަކީ ވަރަށް ވިސްނުންތެރި ހިކުމަތްތެރި މަސައްކަތްތަކެއް ކުރަމުން އަންނަ ސަރުކާރެއް ކަމަށެވެ.
"މިއަދު ދިވެހިރާއްޖެ އަށް ލިބިފައި އޮތް ނަސީބަކީ ރައީސް ޔާމީން ފަދަ ހިކުމަތްތެރި، ކަންކުރަން ކެރޭ ވިޝަނަރީ ލީޑަރެއް ހުރިކަން. އެހެންވީމަ އަޅުގަނޑުމެން އެ މަނިކުފާނަށް 2018 ހޯދުމަށްޓަކައި މިހާ މި މަސައްކަތް ކުރަމުން މިދަނީ،" މިނިސްޓަރު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އުދުހޭ
08 July 2017
ޓެރެރިސްޓުންނަށް ވާގިވެރިވާ ގައުމެއްގާ ތިޔަ ފޯރަމް ބާއްވަން ފުރަތަމަވެސް ނިންމީ ކީއްވެ؟ ހަގީގަތަކީ ސައުދީން ފަތުރާ އިސްރާއީލާ އެމެރިކާގެ ދަލުގައި ރާއްޖެ ޖެހި ފިތިފައިވާކަން!
ހަނދުކޭތަ
08 July 2017
ތިލަފުށި ރަގަޅު ވާނެ.
ޣާސިމް
08 July 2017
ޟިދެން ކާކުތަ މީ ގާސިމްމެންގެ މައްސަލައެ މިކަހަލަ މީހުންނަށް ކަމޭ ހިތންވާނެތަ
މަލިކުމުހައްމަދު
07 July 2017
ސައީދުގެ ރަށް ހއ ތުރާކުނުގަ ބާއްވަންވީނުން
ބޮކިއަލި
07 July 2017
ފޯރަމްބޭއްވޭތޯބަލާ އެއަކުން އަންނަ ނަތީޖާއެއްބަލާނެކަމެއްނެތް. އައިހެވަން އެސްއީޒެޑު އޭބީސީޑީ އަލިފުބާ ކަލެކްސަން ނަންނަންކިޔާލެވިދާނެ. އާހިރުނަތީޖާ ސުމަކުން ނިމިގެންދާއިރު ވެރިން ދުނިޔޭގެ މުއްސަދި ގައުމުތަކަށް ހިޖުރަކޮށްފަ ރައްޔިތުން އުއްމީދުގެއްލި އިހުނަށްވުރެން ބިކަވެ ބޮޑެތި ލޯނުތައް ބޮލުގައި އެޅިތިބިކަންވެސް ނޭގި ދަރުމާރުކޭޓު ކަންމަތީ އަތްދިކޮށްލައިގެން.
އަލްޖިބްރާ
07 July 2017
ޗައިނާ ރަގަޅުވާނެ ނު ؟
ގަތް
07 July 2017
ދޫނިދޫ ނޫނީ ގާމާދޫ ވަރަށް ރަގަޅުވާނެ
ޞާދުބެ
07 July 2017
ކުރާ ސުވާލަށް ޖަވާބުދޭން ދަސްކޮށްދޭން ވެއްޖެކަމަށް ފެނޭ
ހަސަނު
07 July 2017
މިފަހަރު ފޯރަމް ބާާުއްވާނީ ހއ ތުރާކުނުގަ. ވަރައް ސަލާމް
ޑިމޮކްރަސީ
07 July 2017
ކޮން އިންވެސްޓްމެންޓް ތަކެއް ބާއްވާ ވާހަކަޔެއް ދައްކާކަށް މި ދަނޑިވަޅުގަ ދައްކާނެ ވާހަކައެއް ނެތިގެންދޯ ސައިދު ތިޔައުޅެނީ . ދެން ތިޔަވާހަކަ ދަށްކާކަަށް ވަގުތެއް ނެތް. ވވވވ ސަލާމް ވެއްޓެނީ