ވެލާނާގޭ ސަރަހައްދުގައި ބެހެއްޓި މެކޭނިކަލް ޕާކިން ސިސްޓަމް: މި ސިސްޓަމް ބޭނުންކުރަން ވަނީ ފަށާފައި.
08 ޖުލައި 2017 - 21:34
18 comments
ކާރު ޕާކު ކުރުމަށް ހާއްސަކޮށްގެން ވެލާނާގޭ ސަރަހައްދުގައި ބެހެއްޓި މެކޭނިކަލް ޕާކިން ސިސްޓަމް ބޭނުންކުރަން ފަށާފައިވާ ކަމަށް ހައުސިން މިނިސްޓަރު ޑރ. މުހައްމަދު މުއިއްޒު މިރޭ ވިދާޅުވެއްޖެ އެވެ.
މިނިސްޓަރު ކުރެއްވި ޓުވީޓެއްގައި ވިދާޅުވީ މާލޭގައި ބެހެއްޓި ފުރަތަމަ އޮޓޮމޭޓަޑް ޕާކިން ސިސްޓަމް ބޭނުންކުރަން ފަށައި އިތުރު ސިސްޓަމްތައް ބެހެއްޓުމުގެ މަސައްކަތް ކުރިއަށްދާ ކަމަށެވެ. ވެލާނާގޭ ސަރަހައްދުގައި މި ބެހެއްޓި ޕާކިން ސިސްޓަމްގައި 10 ކާރު ޕާކުކުރެވޭނެ އެވެ.
ކާރު ޕާކުކުރަން ފީއެއް ނަގަން ހަމަޖައްސާފައިވީ ނަމަވެސް އެއީ ކިހާ ވަރެއް ކަމެއް އަދި ސާފެއް ނުވެ އެވެ. ފީ ދައްކާނެ އިލެކްޓްރޯނިކް ނިޒާމް ހަރުކުރާ ގޮތަށް ހަމަޖައްސާފައި ވަނީ އެ ސިސްޓަމުގަ އެވެ.
ކާރު ޕާކުކުރާ ދެ ވަނަ ސިސްޓަމް ބަހައްޓަން ނިންމާފައި ވަނީ އައިޖީއެމްއެޗްގެ ސަރަހައްދުގަ އެވެ. ކާރު ޕާކުކުރާނެ 10 ސިސްޓަމާއި ސައިކަލް ޕާކުކުރާނެ 10 ސިސްޓަމް ގެނައުމަށް އެސްޓީއޯއާ ވަނީ ހަވާލުކޮށްފަ އެވެ. ކޮންމެ ސިސްޓަމެއްގައި 10 ކާރު ޕާކުކުރެވޭއިރު ކޮންމެ ސައިކަލް ސިސްޓަމެއްގައި 100 ސައިކަލް ޕާކުކުރެވޭނެ އެވެ.
ޕާކިން ސިސްޓަމްތައް ބަހައްޓަން ނިންމާފައި ވަނީ ކާރުބާރުބޮޑު، އާންމުން އެންމެ ގިނައިން ހިދުމަތް ހޯދަން ދާ ސަރަހައްދުތަކުގަ އެވެ.
މިނިސްޓްރީން ކުރިން ބުނެފައި ވަނީ މެދުނުކެނޑި ކޮންމެ މަހަކު އެކަތި ނޫނީ ދެ ސިސްޓަމް ގެނެސް، އަންނަ އަހަރުގެ މާޗް މަސް ނިމެންވާ އިރަށް ހުރިހާ ސިސްޓަމްތަކެއް އިންސްޓޯލްކޮށް ނިމޭނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަސަންބެ.
09 July 2017
ދުވަސްކޮޅަކުން ކޮންމެވެސް މެކޭނިކަލް މައްސަލައެއްގައި ތިޔަ އެތިގަޑު ހުއްޓިފައި ހުންނަމަންޒަރު ފެންނާނެ. އަދި ބަޔަކަށް ފެންނާނެ ތީތިގަޑު ތިޔަތާ ހުރެ ދަބަރަށްވެގެން ބާދަގަޑަށް ކިރާލާމަންޒަރުވެސް.
މިސްރާބު
09 July 2017
ނިކަން ދުރުވެ ބައްލަވާލަންވީ ނޫންތޯ ކިތައް ކާރުގެ ޖާގައިގަ ކަން އެބުނާ ސިސްޓަމެއް ހުރީ ބަހައްޓާފަ. ގޭގަ ތިއްބަވައިގެން ހީގެ މައްޗަށް ކޮމެންޓު ކުރިއަސް އަދި ނުވާނެ.
ހަސަންބެ،.
09 July 2017
ކަލޯ ލޯމަރައިގެން ބެލީމާ ފެންނާނީ ތިގޮތަށް. ކާރު ތައް އެއަށް އަރުވައި ބާލަން މުޅި އެފަޅި އެއޮތީ އޭގެ ބޭނުމަށް ނަގާފައި.
ހަސަން
09 July 2017
ސިޔާސީ ފިކުރުގެތެރެއިން ރީނދޫކުލަ ނޯށަށް އެރިޔަސް ދެންމީ ބޮޑުވަރު .މާލޭގެ މާހައުލަށްބަލައި ރައްޔިތުންގެ ލާބައަށް ސަރުކާރުން ކިތައްމެ ރަނގަޅުކަމެއް ކުރެއްވިޔަސް އެވަނީ ގޯހަކަށް. މީގެކުރިން ކޮބާ ޕާކިންގސިސްޓަމް؟ ކޮންމެސަރުކާރަކުންވެސް ކަމެއްކޮއްދިނުމުން އިހްލާސްތެރިކަމާއެކު ބަލައިގަންނަށް ދަސްކުރަންވެއްޖެ. މިސަރުކާރުން ރައްޔިތުންނަށްޓަކައި މަސައްކަތްތަކެއް ކޮށްދެއްވައިފި އަދި ކުރައްވަމުން އެބަގެންދަވާ . މީހަޤީގަތް ގަބޫލުލުކުރިޔަސް އަދި ނުކުރިޔަސް.
މަރިޔަންފުޅު
09 July 2017
އެހެންވާނެއެއްނު! ތި ބެހެޓި ޕާކިން ސިސްޓަމަކުން ދެން ހިއެއްނުވެ ދުވަހަކުވެސް މާލޭގައި ޕާކުކުރުން ތޮއްޖެހޭނެ ހެނެއް! ތީގެވެސް ފޮނިމީރުކަން ބޯލާނީ މުއްސަނދިން!
ހާމަ333
09 July 2017
މަގޭ ހިތަށް އަރާ މާލެމައްމައްޗަށް އަރަންގޮސް މަތިން ވެއްޓޭދުވަހު ލައްކަ ތަދުވާނެއޭ....
އިބޫ
09 July 2017
އޭދީކޭ ގަިއ އެ ބެހެއްޓީ 19 ވެހިކަލް ގެ ޔުނިޓެއް ހައުސިްނގ އިން މިބެހެއްޓީ އެންމެ 10 ވެހިކެލް ގެ ޔުނިޓެއް އަނެއްކާ 2 ޔުނިތް ގެ އަގުގެ ތަފާތަކީ ކޮބައިބާ؟؟
މުއިއްޒު
09 July 2017
10 ކާރު ޕާކު ކުރަން ޕާކިން ސިސްޓަމް ބަހައްޓަން ބޭނުންކޮށްފައިވާ ޖުމްލަ ޖާގައިގައި އިތުރު އެއްވެސް ސިސްޓަމަކާްއި ނުލައި 9 ކާރު ޕާކު ކުރެވޭ. ކޮންމެ ބޭފުޅަކުވެސް ބައްލަވާ ލެއްވުން ރަނގަޅުވާނެ. ޕާކިން ސިސްޓަމައް ވަންނަން ބޭނުން ކޮއްފައި ވާޖާގައިގަ 4 ކާރު ޕާކު ކުރެވޭނެ. ރައްޔަތުންގެ ފައިސާއިން ...... މީ ބޮޑުވަރު.
ޢައްޔަބޭ
09 July 2017
ރައްޔިތުންގެ ފައިސާ އިސްރާފުކޮށް ބޭކާރު ކުރަނީ. 10 ކާރު ޕާރކްކުރުމަށް ތިޔަ އެތި ބެހެއްޓި ބިމުގެ ސަރަހައްދުގަވެސް 10 ކާރު ޕާރކް ކުރެވޭނެ. ތިއަށް ވުރެ މާރަނަގަޅުވާނެ ހުރަވީ ބިލްޑިންގ ހުރި ތަނުގަ މަލްޓި ސްޓޯރީ ކާރ ޕާރކެއް ހަދާނެކަން. މުއިއްޒު އަށް ނުވަންޏާ އަހަރެމެން ކައިރީ ބުނޭ.
އައިނު ދޮންބެ
09 July 2017
ދެން ކަލޭ ކުރަންވީނުން!
އުދުހޭ
09 July 2017
10 ވީމާ މިނިސްޓަރާ ސްޓޭޑް މިނިސްޓަރާ ޑެޕިއުޓީ މިސްޓަރުންނަށްވެސް ހަމަވާވަރު ނުވެއެއްނުން؟ ދެން ކިހިނެއްތަ ތިޔަތަނުން ޖާގައެއް އާންމުގެ މީހަކަށް ލިބޭނީ؟
ޕާޓް
08 July 2017
ތިޔަބުނާ ސިސްޓަމްބަހައްޓާފަ ހުރި އޭރިޔާގަ ހަމަބިމުގަވެސް10 ކާރު ޕާކްކުރެވޭނެ 0 ހަމަ
ހަސަން
09 July 2017
ހަޤީގީ ވާހަކަ ދައްކަން އާދަކޮށްބަލަ. ތަނުގެ މެސަމެންޓްނަގާ ރަނގަޅަށް ޗެކްކުރައްވާ .
GAN Island
08 July 2017
މިމީހާ އަކަށް ނޭގޭދޯ މިއީ ރައްޔިތުންގެ ފައިސާ ކަމެއް ؟؟ ބަލަ ތިޔަ ޕާކިންގ ސިސްޓަމަށް ޙަރަދުކުރި ފައިސާގެ އަދަދު އަތި ތިޔަ ސިސްޓަމް ބައްލަވައިގަތް އަގު ބައްލަވައިގަތް ގޮތް ހާޟަ ނުކުރާން އުޅެނީ ކީއްވެ ؟؟ . . . އޮޅުވާނުލައްވާ. ތިއީ މާލޭގައި ހަރުކުރި ފުރަތަމަ ޕާކިންގް ސިސްޓަމެއްނޫން. އަމިއްލަ ފަރާތެއް ކަމުގައިވާ ޢޭޑީކޭ ހޮސްޕިޓަލް ގައި މެކޭނިކަލް ޕާކިން ސިސްޓަމް މިހާރުވެސް އަންނަނީ ބޭނުން ކުރަމުން. އެއްވެސް ވާހަކައެއް ދައްކާ އިރު ''މަކަރުވެރިކަން'' އިސްނުކޮށް ވާހަކަ ދައްކާކަށް ބޭނުމެއްނުވޭ.