ޕީޕީއެމް/އެމްޑީއޭގެ ޖޮއިންޓް ޕާލަމެންޓްރީ ގުރޫޕުގެ ބައްދަލުވުމުގައި މެމްބަރުންތަކެއް ބައިވެރިވެވަޑައިގަންނަވަނީ. - ފޮޓޯ: ނިޝާން އަލީ/ މިހާރު
10 ޖުލައި 2017 - 15:19
24 comments
ރައްޔިތުންގެ މަޖިލީހަށް ނިސްބަތްވެވަޑައިގަންނަވާ ޕީޕީއެމްގެ މެމްބަރުން ޕާޓީން އިސްތިއުފާ ދެއްވަން ގަލޮޅު ދެކުނު ދާއިރާގެ މެމްބަރު އަހްމަދު މަހްލޫފް މިއަދު ގޮވާލައްވައިފި އެވެ.
ޕީޕީއެމްގެ މެމްބަރެއްގެ ގޮތުގައި ކުރިން ހުންނެވި މަހްލޫފް ކުރެއްވި ޓުވީޓެއްގައި އެދިވަޑައިގަތީ "އަޅެއްގެ ގޮތަށް މަސައްކަތް ކުރަން މަޖުބޫރު ކުރުވާ ހުކުމެއް ކުރުމުގެ ކުރިން، އިސްލާހަށް އެދޭ ޕީޕީއެމްގެ މަޖިލިސް މެމްބަރުން ޕާޓީން ވަކިވުމަށެ"ވެ.
މަހްލޫފް އެ އިޝާރާތް ކުރެއްވީ، ޕާޓީން އެހެން ޕާޓީއަކަށް ބަދަލުވިޔަސް، ޕާޓީން ވަކިވިޔަސް، ވަކި ކުރިޔަސް އަދި އެހެން ޕާޓީއަކާ ގުޅުނަސް އެ މެންބަރެއްގެ ގޮނޑި ގެއްލޭނެ ކަމަށް ކަނޑައަޅައިދިނުމަށް އެދި ސަރުކާރުން ސުޕްރީމް ކޯޓުން ބަލަމުން އަންނަ ދުސްތޫރީ މައްސަލަ އަށެވެ. އެ މައްސަލާގައި މެމްބަރުންގެ ގޮނޑި ގެއްލޭ ގޮތަށް ހުކުމް އިއްވައިފާނެ ކަމުގެ ބިރަށްޓަކައި ޕީޕީއެމްގެ ބައެއް މެމްބަރުން މިއަދު ވަނީ ޕާޓީން ވަކިވެވަޑައިގެންފަ އެވެ.
އޭގެ ތެރޭގައި ރައްޔިތުންގެ މަޖިލީހުގެ މައްޗަންގޮޅި ދެކުނު ދާއިރާގެ މެމްބަރު އަބްދުﷲ ޝިނާން އާއި ވިލިގިނގިލީ ދާއިރާގެ މެމްބަރު ސައުދު ހުސެއިން އާއި އިހަވަންދޫ ދާއިރާގެ މެމްބަރު މުހައްމަދު އަބްދުﷲ (މުހަންމާ) އާއި ތިނަދޫ އުތުރު ދާއިރާގެ މެމްބަރު ސައުދުﷲ ހިލްމީ ހިމެނިވަޑައިގަންނަވަ އެވެ. މީގެއިތުރުން ދަނގެތީ ދާއިރާގެ މެމްބަރު އިލްހާމް އަހްމަދާއި ދިއްދޫ ދާއިރާގެ މެމްބަރު އަބްދުއްލަތީފް ވެސް ވަނީ ޕީޕީއެމުން ވަކިވެވަޑައިގެންފަ އެވެ.
ރައްޔިތުންގެ މަޖިލީހުގެ ރައީސް އަބްދުﷲ މަސީހު މަގާމުން ވަކިކުރަން 45 މެމްބަރުންގެ ސޮޔާ އެކު މަޖިލީހަށް ހުށަހެޅި މައްސަލާގައި ސަރުކާރަށް ވަނީ ޕްރެޝަރު ބޮޑުވެފަ އެވެ. އެ މައްސަލާގައި ޕީޕީއެމްގެ 10 މެމްބަރަކު ސޮއިކުރެއްވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަބްދުއްލާ
11 July 2017
ސްޕްރީމް ކޯޓުން ކަނޑައެޅުމުގެ ކުރިން ޕާޓީން ވަކިވޭ ،އަމަލުކުރެވޭނީ ކަނޑައަޅާ ފަހުން ހިގާކަންކަމާމެދު އެކަނި ،ގާނޫނުއަސާސީގަ ބުނަނީ ގާނޫނަކުން ނުވަތަ ގާނޫނުއަސާސން ކުށެއް ކަމަށް ކަނޑަ އެޅިފައިނުވާ އިސްލާމްދީނާ ހިލާފް ނޫންކަމެއް ނަމަ އެއީ ހުއްދަކަމެއް ކަމަށް .ކުރިން ހުއްދަކަމެއް ފަހުންހެދޭ ގާނޫނަކުން މަނާކަމަކަށް ވިޔަސް ކުރި ހިގާފައިވާ ކަންކަމަކަށް އަދަބެއް ނުލިބޭނެ ، ވީމާ އަވަހަށް ޕާޓީ ހުރިހާ މެމްބަރުން އިސްތިއުފާދެއްވާ.
ހަސަން
11 July 2017
އަހަރެމެން ވޯޓްދެނީ ޕާޓީއަށް. ހޮވުނީމަ ވައިޖެހޭ ކޮޅަކަށް ތިދުއްވަނީ. އެހެންވީމަ ހުރިހާ އެއްޗެއްވެސް ގެއްލެންވީ. ތި މެމްބަރުން ފުރަތަމަ އިހްލާސްތެރިވާންވީ. .
ހަނު ހުންނަ މީހާ
11 July 2017
ޕީޕީ އެމްގެ މެންބަރުން ހޮވުނީ މައުމޫނު ވިއްކައިގެން. ވީ އިރު މައުމޫނު ހުންނަ ފަޅިއެއްގައި ނުހުންނަ ނަމަ ގޮނޑި ގެއްލެން ޖެހޭ. މަ ގަބޫލު ކުރާގޮތް.
މަގޭ
10 July 2017
3ބާރުން މަޖިލިސް މެންބަރުންނަށް ފަނޑިޔާރުންނާއި ރައީސް ވަކި ކުރެވޭ. މެންބަރުން ވަކި ނުކުރެވޭ އަނެއް 2 ބާރަކަށް.. އެކަމަކު 3 ބާރު ވަކިޔޯ
ޥަސަންތި
10 July 2017
ޢަހަ މީކޮންވައްތަރުމީހާ ހުންނަނީ ވަކިކޮޅަކައް ބަދަލުވަނީމާ ގޮނޑިގެއްލޭވައްތަރުހުންނަނީމާ ސަކަރާތްވަނީދޯ. ޢަހަރެންމައްސަލަނެތީ އެކަމަކު ކުރަފިސިކުނޑިހުންނަނީމާ އަހަރެން ބުނަނީ މީ ދޫނިރައްޖެއޭ
ފ. ފަތުހުﷲ
10 July 2017
މެމްބަރު ހުއްޓައި ޕާޓީ އުވާލައިފިއްޔާ ދެންވާނީ ކިހިނެތްބާ؟؟ ރައްޔިތުންގެ މެދުގައި ހަމަނުޖެހުން އުފައްދަން މަސައްކަތްކުރާ ކަމަށްވެގެން ، ހުށައަޅައިގެން އުޅޭމައްސަލައިގައި ސްޕްރީމް ކޯޓުން ޕީޕީއެމް އުވާލައިފިއްޔާ އެ ހުރިހައި މެންބަރުންނަށްވާނީ! ކިހިނެތް!!!!!!
ކަމަނަ.
10 July 2017
ރައްޔަތުން ޕާޓީތަކުގެ ޓިކެޓް ގަ މަޖުލީހަށް އައްޔަންކޮށްފަ ތިއްބެވި " ޢިއްޒަތްތެރި" މެމްބަރުން ތިއްބަވަންވާނީ ދައުރުހަމަވަންދެން މަޖުލީހުގެ ގޮނޑިއަށް ވަޑައިގަންނަވަން ރައްޔަތުން ދެއްި ވޯޓަށް ޚިޔާނާތްނުވެ އެގޮތުގަ. ބޮޑުއަގުގަ ގަނެވިއްކޭ މުދާ ގަނޑެއްގެ ގޮތުގައެއްނޫން.
ޢަލިތުއްތު
10 July 2017
ޕާޓީ ބަދަލުކުރީމަ ގޮނޑި ގެއްލެއްޔާ، ރިޔާސީ އިންތިހާބުގަ ވީ ވަޢުދުތައް ނުފުއްދަންޏާ ވެސް ވެރިކަމުގެ ގޮނޑި ގެއްލެންވާނެ. ޢެވެސް ވާނީ ރައްޔިތުން ދިންވޯޓަށް ހިޔާނާތްޔެރި ވީކަމަށް
ކޭޑު
10 July 2017
އަޅުވެތިކަމޭ؟ އަހަރުން އެންމެ އަޅުވެތިކަމުގަ އުޅުނީ އެލެކްސް އަހައްމައިދީމެންގެ ދުވަސްވަރު. އަހާބަލަ ކީއްވެތޯ؟ ބިކޯޒް ހީ ގޭވް ގަވަރމެންްޓް އެންޑް ސިޓިޒެންސް ޕްރޮޕަޓީ ޓު އެފް ޓެކް ޕްރައިވެޓް ލިމިޓެޑް. ލަދުން ބޯހަލާކުވާވަރުވޭ
ނަސޫ
10 July 2017
މަހޭ ރީލޯޑަށް ތާއީދު ކުރާކަމަށް ފާޅުގައި ތިޔަ ގޮވާލީ. ގޮނޑި ގެއްލޭ އުސޫލަށް ތާއީދު ހަމަ