އުމަރު ނަސީރު: ޕާޓީ ބަދަލު ކުރުމުން މަޖިލިސް މެމްބަރުކަމުގެ ގޮނޑި ގެއްލޭ ގޮތް ހަދަން ވަނީ ހުށަހަޅާފައި --ފޮޓޯ/މިހާރު
11 ޖުލައި 2017 - 11:22
41 comments
ރައްޔިތުންގެ މަޖިލީހުގެ މެމްބަރުން އެ މަގާމަށް ހޮވޭ އިރު ނިސްބަތްވި ޕާޓީން ވަކިވުމުން މެމްބަރުކަމުގެ ގޮނޑި ގެއްލޭ ގޮތަށް ހަދައިފި ނަމަ، ސިޔާސީ އޮއިވަރު އިތުރަށް ވަރުގަދަ ވާނެ ކަމަށް ކުރީގެ ހޯމް މިނިސްޓަރު އުމަރު ނަސީރު މިއަަދު ވިދާޅުވެއްޖެ އެވެ.
ޕާޓީން ވަކިވާ މެމްބަރުންގެ ގޮނޑި ގެއްލޭ ގޮތަށް ހަދަން އެޓާނީ ޖެނެރަލް ސުޕްރީމް ކޯޓަށް ހުށަހަޅާފައިވާ މައްސަލައާ ގުޅިގެން އުމަރު އޭނާގެ ޕަބްލިކް ވައިބާ ގްރޫޕަށް ފޮނުއްވި މެސެޖެއްގައި ވިދާޅުވެފައިވަނީ ރާއްޖޭގައި މިހާރު އޮތް ސިޔާސީ މާހައުލު އޮތް ގޮތުން އެ ގޮތަށް ހެދުމަކީ ގޯހެއް ކަމަށެވެ.
އޭގެ ސަބަބުން އިތުރަށް ވަރުގަދަ ވެގެންދާނީ ދެމޭ ސިޔާސީ އޮއިވަރު ކަމަށާއި އިންސާފު ކުރި އަށް ނެރެގެން ނޫނީ އެއްވެސް ކަމެއް ހާސިލް ނުވާނެ ކަމަށް އުމަރު ވިދާޅުވި އެވެ.
ބައެއް ގައުމުތަކުގައި މަޖިލިސް މެމްބަރުން ކަމުނުދާ ނަމަ އެ މެމްބަރަކަށް ތާއީދު އޮތްތޯ ބެލުމަށް ފެންނަ ނުފެންނަ ވޯޓަކަށް ދިއުމުގެ ބާރު ރައްޔިތުންނަށް އޮންނަ ކަމަށާއި ނަމަވެސް ރާއްޖޭގައި އެފަދަ ބާރެއް ޕާޓީތަކަށް ދީފި ނަމަ، މެމްބަރުން ތިބެން ޖެހޭނީ އަޅުންނަށް ބަދަލު ވެގެން ކަމަށް އެ މެސެޖްގައި އުމަރު ވިދާޅުވެފައިވެ އެވެ. އޭގެ ސަބަބުން ޑިމޮކްރެޓިކް ނިޒާމު އިތުރަށް ފުނޑުފުނޑުވާނެ ކަމަށް އޭނާގެ މެސެޖްގައިވެ އެވެ.
އޭޖީ އޮފީހުން ސުޕްރީމް ކޯޓަށް ހުށަހެޅި އެ މައްސަލައިގެ އަޑުއެހުމެއް އެ ކޯޓުގައި އިއްޔެ ބޭއްވި އިރު އެ މައްސަލައާ މެދު އިދިކޮޅު ޕާޓީތަކުން ވަނީ ކަންބޮޑުވުން ފާޅުކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހޯރަ
12 July 2017
އުމަރު ނޫނީ ހުރީ ހުސް ދެއަތަށް ކިރޭ މީހުން.
ހަނު ހުންނަ މީހާ
12 July 2017
މަ ހިތަށް އަރާ މި ބޭފުޅާ ވިދާޅުވާ ބަސްތައް ޚަބަރަކަށް ވޭބާއޭ. ޚަބަރަކަށްވާނީ އާންމުން ޤަބޫލުކުރާ ބޭފުޅަކު ނުވަތަ ސިޔާސީ އުރައްޕަތެއް ހުންނަވާ ބޭފުޅަކު ވިދާޅުވާ އެއްޗެއް.
ޒައްން
11 July 2017
އުމަރުގެ ވިސްނުން ކަމަކުނުދޭ . ސިޔާސީ މާހައުލަށް ބަލާފަަތަ ކަންތައްކުރަން ޖެހެނީ ނޫނީ އުސޫލަކަށް ނުވަތަ ގާނޫނަކަށް ބަލައިގެންތަ؟ މާހައުލަށް ބަލާފަ ކުރާކަންތަައް ޖެހޭނީ މާހައުލު ބަދަލުވީމާ އަނެއްކާ ބަދަލުވާން؟ މިހާރުވެސް މިވަނީ އެގޮތް ޕީޕީއެމް އިން މީހުންވަކިވީމާ ގޮޑިގެއްލޭގޮތް ހަދަންވީ އެޕާޓީއަށް މީހުން ބަދަލުވީއިރު މައްސަލައެއްނެތް. އުމަރު ސިޔާސީ ކަންކަމުގައި ތިހުރީ ޕީޕީއެމް އާއި އެއްގޮތް ޚިޔާލު
އަބްދުއްލާ
11 July 2017
ހުރިހާމެމްބަރުން ވެސް އަމިއްލަ މެމްބަރުންގެ ގޮތުގާއިންތިހާބު ވުމުން ވޯޓްތަކުގާ ލިބޭއަދަދު ގިނަވާނެ
މރ. ހަދާނެއް ނުނެތޭ.
11 July 2017
ގެއްލޭ ހުރިހާ ގޮނޑި، ދިއްގޮނޑިއާ އެއްކޮށް އުމަރަށް ލިބޭނެނަމަ ރަނގަޅުވާނެ ދޯ އުމަރާ، މީ އަނެއް ޖޯކަރު.
ހުދުކުލަ
11 July 2017
އޮއެވަރު ގަދަނަމަ ހަރުގަނޑު ޖަހައިގެން ނަމަވެސް އެއްގަމަށް އެރޭތޯބަލާބަލަ.
ބެންހާ
11 July 2017
މީނަ އެބަކިޔާތަ އެއްޗެކޭ. ކޮންމެވެސް ހެޑްލައިނެއް މޭކުކުރެވޭތޯ މީނަ އުޅޭނީ. ހިތުން ރައީސް ނަޝީދު ކަމަށް ހެދިގެން އުޅޭ މޮޔަމީހެއް!
ރާމޮ
11 July 2017
ޢުމަރާ އެއްޗެކޭނުކިޔާބަލަ ސަބުމެރީންގަ ދަބަރުޖަހައިފަ އޮތީ ކުޑަކޮއްދަބަރުހަހާލާ ދަވާދުކަހާލާ އެކަހަލަ ކަންތައްތަކާއުޅެބަލަ ސިޔާސީވެގެންނޫޅިބަލަ
ފަލާހު
11 July 2017
އޮއިވަރު ގަދަވާ އިރު ތިބޭޭނީ ހުދު ވަލުގައި އެލި ގަނެގެން
އިއްސޭ
11 July 2017
އަޅުގަނޑު ދެކޭގޮތުގައި މިޤައުމުގައި ކޮރަޕްޝަން ވަރަށް ބޮޑު އަދި ޓްރާންސްޕޭރެންސީ ފަދަ ތަންނަތނުންވެސް ބުނަނީ އެންމެ ކޮރަޕްޓު ތަނަކީ މަޖިލިސްކަމަށް އެހެންކަމުން މެމްބަރުން ޕާޓީ ބަދަލުކުރުމާއި، ފައިސާއަށް ވޯޓު ދިނުމާއި މިކަންކަން ފައިސާ ނުދީ ކުރެވޭނެގޮތެއް ހަމަޖެހެންޖެހޭ، އެއީ އޭރުންވެސް މެމްބަރުކަމަށް ކުރިމަތިލާ މީހުންގެ އަބުރު ހިފެހެއްޓި އަދި އެމަޤާމުގައި ރަނގަޅު ގޮތުގައި ދެމިތިބުމުގެ ފުރުސަތު ބޮޑުވާނެތީވެ.