މިނިވަން ނޫހުގެ ނޫސްވެރިޔާ އަހްމަދު ރިލްވާން: އޭނާ ގެއްލުވާލި މައްސަލައިގެ އެއްވެސް މައުލޫމާތެއް އެނގޭ ނަމަ ހާމަކުރަން އާއިލާ އިން ވަނީ އެދިފައި. --ފޮޓޯ: މިހާރު
13 ޖުލައި 2017 - 17:32
17 comments
ނޫސްވެރިޔާ އަހްމަދު ރިލްވާން ވަގަށް ނެގުމާ ގުޅޭ އެއްވެސް މައުލޫމާތެއް ކުރީގެ ނައިބު ރައީސް އަހްމަދު އަދީބަށް އެނގިވަޑައިގަންނަވާ ނަމަ އެ މައުލޫމާތު ހިއްސާ ކޮށްދޭން ރިލްވާންގެ އާއިލާ އިން މިއަދު އެދިއްޖެ އެވެ.
ރިލްވާންގެ އާއިލާ އިން ނެރުނު ބަޔާނުގައި ބުނީ އޭނާ ވަގަށް ނެގިތާ ތިން އަހަރު ވާއިރު ވެސް، އެ ހާދިސާގެ އެއްވެސް މައުލޫމާތެއް ކަމާ ބެހޭ އިދާރާތަކުން ހާމަކޮށްފައި ނުވާ ކަމަށެވެ. އެކަން ވީ ގޮތް އެނގޭ ނަމަ، އާއިލާއާ އެކަން ހިއްސާ ކުރަން ފުލުހުންގެ މައްޗަށް އަމުރު ނެރެދޭން އެދި ކޯޓަށް މައްސަލައެއް ހުށަހެޅުމުން، ރިލްވާނަށް ވީ ގޮތެއް ނޭނގޭ ކަމަށް ކޯޓުގައި ފުލުހުން ބުނި ކަމަށް ވެސް ބަޔާނުގައިވެ އެވެ.
"މިކަމުގެ މައުލޫމާތު ފުލުހުންނަށް ހޯދިފައި ނުވާ އިރު، ވަކިވަކި ފަރުދުންނަށް ވެސް އަޅުގަނޑުގެ ދަރިފުޅާ ގުޅޭ ގޮތުން އެއްވެސް މައުލޫމާތެއް އެނގޭ ނަމަ ވީ އެންމެ އަވަހަކަށް އާއިލާއާ ހިއްސާ ކޮށްދިނުމަށް ވެސް އެދެމެވެ. ދައުލަތުގެ އިސް ވެރިންނާއި ވަކިން ޚާއްސަކޮށް އެ ދުވަސްވަރު ރާއްޖޭގެ ޓުއަރިޒަމް މިނިސްޓަރުގެ މަގާމުގައި ހުންނެވި، ދިވެހިރާއްޖޭގެ ރައީސުލްޖުމްހޫރިއްޔާގެ ކުރީގެ ނައިބު އަހްމަދު އަދީބަށް އަޅުގަނޑުގެ ދަރިފުޅާ ބެހޭ ގޮތުން އެއްވެސް މައުލޫމާތެއް އެނގިވަޑައިގަންނަވާ ނަމަ، އެކަން ލަސްނުކޮށް އަޅުގަނޑާ ހިއްސާ ކޮށްދެއްވުމަށް އެދި ވަރަށް އާދޭހާއެކު އެދެމެވެ،" ރިލްވާންގެ މަންމަ އައިމިނަތު އީސާ އެދިފައިވެ އެވެ.
ވަޅިހަރައި މަރާލި ޔާމީންގެ ހަނދާން އާކުރުމުގެ ގޮތުން ބޭއްވި ހަރަކާތެއްގައި، ރިލްވާންގެ މަންމަ ބައިވެރިވަނީ- ފޮޓޯ/ ސޯޝަލް މީޑިއާ
ރިލްވާން ވަގަށް ނެގުމުގައި އަދީބުގެ ބައިވެރިވެވަޑައިގަތުން ހިމެނޭ ކަމަށް ބޮޑެތި ތުހުމަތުތަކެއް ކުރެ އެވެ. އެކަމަކު އެ ތުހުމަތުތައް އަދީބު ވަނީ ދޮގު ކުރައްވައިފަ އެވެ.
ރިލްވާން ގެއްލުވާލުމުގައި ބައިވެރިވި އެތައް ބަޔަކު ރާއްޖޭގައި މިހާރު ނެތް ކަމަށް ފުލުހުން ބުނާ އިރު، އެ މީހުން ހޯދަން އެ މުއައްސަސާ އިން މިހާތަނަށް ކޮށްފައިވާ ކަންކަމުގެ މައުލޫމާތު ވެސް އާއްމުކޮށްދޭން އާއިލާ އިން އެދެ އެވެ. ރިލްވާން ގެއްލުވާލި މީހުން ފިލައިގެން އުޅޭ ނަމަ އިންޓަޕޯލް މެދުވެރިކޮށް އެ މީހުން ހޯދުމުގެ މަސައްކަތް ފެށުމަށް ވެސް އާއިލާ އިން ސަރުކާރަށް ގޮވާލާފައިވެ އެވެ.
"އަޅުގަނޑުގެ ދަރިފުޅަށް ވީ ގޮތެއް ނޭނގި ފާއިތުވެ މިދާ ކޮންމެ ދުވަހަކީ ވެސް ހިތާމަ އިން ފުރިގެންވާ ހިތްދަތި ދުވަހަކެވެ. އަޅުގަނޑުގެ ދުއާއަކީ އެއްވެސް އާއިލާއަކަށް މިފަދަ ހިތާމަވެރި ކަމެއް މާތް ﷲ މެދުވެރި ނުކުރެއްވުމެވެ،" ބަޔާނުގައި ރިލްވާންގެ މަންމަ ބުނެފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މޮހޮނު
14 July 2017
މިޔަދު އަދީބު ލޮލުގަޔާ ބޮލުގަ އޮބިއަޅައިގެންވެސް ތިޔާ މައުލޫމާތެއްނޫންތަ ހޯދަންވީ ، ޔަގީނުންވެސް އެގެން އޮތަހަގީގަތްތައް މިއަދު އަހަރެމެން ދިވެހިން ހަދުމަނެތިކޮށްލައިފި ، އަދީބު ސައްކުކުރެވޭ މީސްމީހުން ރާއްޖޭން ވަގަށް ބޭރުކުރިކަމާއި ، ފުލުހުންގެ ވެރިން ބޭނުންކޮށްގެން އިންވެސްޓިިގޝަނަށް ނުފޫޒުފޯރިކަމާއި މިއީ މިހާރު އަހަރެމެން ހަދާނުން ފޮހެލާފަ ހުރިކަންކަން
މަލީ
14 July 2017
ރިޅްވާން ގެ މަރާއި ބެހޭގޮތުން އެމްޑީޕީއަށް ސަޕޯޓްކުރާ އިބްރާގެ ކޮށްކޮ ޝަހިންދާއާއި އޭނާގެ ފިރިމީހާ ހާމދު އަބުދުލްޤަފޫރުގެ ކޮށްކޮ ޝަމީމު އެކުލަވާލި ރެޕޯޓެއްގައި ވެއެވެ. ރިޅްވާންގެ މަރުގެ ހުރިހާކަމެއްވެސް ދިޔައީ އަދީބުގެ އަތެއް އޮވެގެން ކަމަށެވެ.އަދި އެމްޑީޕީ އިންވެސް ގޮވަމުން ދިޔައީ ސީދާ އަދީބުގެ ރޭވުމެއްކަމަށެވެ. ރިޅްވާންގެ އާއިލާއަށްވެސް ވަރަށް ރަނގަޅަށް އެކަން އިނގޭނެވެ. މިހާރު އަދީބު ކައިރީގައި ކޮށްމެ ވާހަކައެއް އެހިޔަސް ބުނާނި ޔާމީން އެވެ. އެކަމަކު އަދީބަކީ ޖަލުގައި އޮތް ބޮޑު ފާސިޤަކަށްވާ ވާއިރު އޭނާ ތެދުބަހެއް ނުބުނާނެކަން ހަމަ ހޭގައި ތިބި މީޙުން ގަބޫލުކުރަންޖެހޭނެވެ. އަދި މިދުވަސް ކޮޅު ސިޔާސީ ގޮތުން އަދީބު ކޮސްމެ ފަދަ ވާހަކަ އެއްވެސް ދެްއކުމަކީ އެކަށީގެންވާ ކަމަކެވެ. އަދީ އަދީބު އުއްމީދުކުރާނީ ސަރުކާރުބަދަލުވެއްޖެއްޔާ އޭނާ ޖަލުން ސަލާމަތް ކުރާނެކަމަށެވެ.
ހުސެން
14 July 2017
ގޭސްގަނޑު އަނބުރަން އަދީބައް ރަނުގެ ފުރުސަތުތައް މިލިބެނީ ދެއްތޯ، މީގެ ވިސްނަންޖެހޭ ކަމަކީ އަދީބު ކިޔާއެއްޗަކަށްވެސް އަދި ޔާމީނު ނުވަތަ ސަރުކާރުން ކިޔާއެއްޗަކަށްވެސް އިތުބާރު ކުރެވެންނެތްކަން، ޕުރޮފެޝަނަލް ތަހުގީގެއްކޮށްގެން ތިޔަފަދަކަންކަމުގެ ހަގީގަތްހޯދޭނީ، މިހާރު އަދީބު އެހެރަ ޝިޓްއޭޝަނަށްބަލާއިރު އޭނަ ކޮންމެވާހަކައެއްވެސް ދައްކާނީ ޔާމީނު ކުއްވެރިކުރުމުގެ ބޭނުމުގައިކަން ހަނދާން ބަހައްޓަންވާނެ، "ކޮމަންސެންސް" ދެއްތޯ
އާދަނު
14 July 2017
އަދީބަށް ތި ހުރިހާކަމެއް އެނގެއންޖެހެނީ ކަމެއްވީމަ ދޯ؟
ބޯގޯސް
14 July 2017
ކޮންޗެއް ލިބޭނީ ބުނެދީފިއްޔާ.
ފާއިޒް
14 July 2017
މިހާރު އަދީބް ބުނެފާނެ ކޮންމެ ފަދަ ވާހަކައެއްވެސް ސަބަބަކީ ބަގާވާތަކުން ވިޔަސް ވެރިކަން ބަދަލުވެގެން ނޫނީ ޖަލުން ސަލާމަތްވެވެނެތްކަން ވަރަށް ސަލާމް..
ނަމޫނާ
14 July 2017
ނޫންނޫން،، އިދިކޮޅު މީހުން އަޔަސްނެތް ސަލާމަތްވާކަށް.... އެމީހުންނަށް ހަދާލިގޮތް ހަދާންހުންނާނެ... ފަހަރެއްގެ ކޮންމެވެސް ލުއިތަކެއް ދެވިދާނެ
މެންޓަލިސްޓް
13 July 2017
ރިލްވާނަށް ވީގޮތާއި ލޯންޗްކެޕްޓަން އާޢި އޭނާގެ އަންހެނުންނަށް ވީގޮތާއި ދަތުރުކުރުމަށް ފޯންކުރި ފަރާތަށް ވީގޮތްވެސް އެބަޖެހޭ ހޯދަން ،،،، ވަރަށްވެދުން
މަރުމޯލު
14 July 2017
ކޮން ލޯންޗެއްގެ ކައްޕިއެއް؟ ކޮން ދަތުރެއް ކުރަން ކާކަށް ކުރި ފޯނު ކޯލެއް؟ ތިދައްކާ ވާހަކަ ފުރިހަމަނުވޭ.... އަނެއްކާ ރޯނު އެދުރެއްތަ؟
ދރ
13 July 2017
އަދިބަށް އެނގޭނެ އަދިނުވެސް ބުނާނެ. ބުނެފިއްޔާ އަދީބުގެ ޕްލޭން ފެއިލްވާނެ...
ވާހަކަ
13 July 2017
އަދީބު ވަރަށް ވާހަކަ ގިނަވެގެން ދައްކަން ބޭނުންވެގެން އުޅޭ ދުވަސްކޮޅެއް. އެކަމު މުޅިންވެސް އެދައްކަނީ ކޮންމެވެސް ދިމާލަކުން އެވާހަކަ ތަކުގެ ބަދަލުގައި ފައިދާއެއް ލިބޭނެ ކަހަލަ ވާހަކަ. ފައިދާއެއް ނުވާ ވާހަކައެއް ދައްކާނެހެން ހިއެއްނުވޭ.
ދރ
13 July 2017
ވަކި އަދީބު އެކަޏެއްނޫން ތީހަމަ އެންމެންގެވެސް ހާލު. ކޮންމެސް އެޖެންޑާއެއް އުޅޭނެ ފަހަތުގަ. މާރަނގަޅުބަޔަކަށް ވެގެން އުޅުނަސް.
ރަދީފް އެންޑް ރަފައިދާ
13 July 2017
އަދީބަކަށް ހިޔެއްނުވޭ އިނގޭނެއެކޭ. އޭނާބުނާގޮތުން ލާރިއެއް ގެއްލުނުނަމަ އެންމެ ލޯލާރިއެއްވެސް އޭނާ ދެކިފާ ޖެހިފާ ނުވާނެކަމަށް. އެހެންވީމާ މިކަމުގާ އަދީބަށް ހަމަ އެއްވެސް އެއްޗެއް އެނގޭނެހެނެއް ހިޔެއްނުވޭ.