ގާސިމް: އޭނާ އަށް އަނިޔާވެރި ނުވެ ބޭސްފަރުވާ އަށް ބޭރަށް ވަޑައިގަތުމުގެ ހުއްދަ ދޭން އާއިލާ އިން ގޮވާލާފައި. --ފޮޓޯ/ނިޝާން އަލީ/މިހާރު
17 ޖުލައި 2017 - 22:45
22 comments
އައިސީޔޫގައި ފަރުވާދެމުން އަންނަ ޖުމްހޫރީ ޕާޓީގެ ލީޑަރު ގާސިމް އިބްރާހީމަކީ ވަކި ބަލިތަކަކަށް ގަވާއިދުން ބޭސްކުރައްވާ ބޭފުޅަކަށްވާތީ އެ ފަރުވާ ފުރިހަމަ ކުރެއްވުމަށް ރާއްޖެ އިން ބޭރަށް ވަޑައިގަތުގެ ހުއްދަ ދޭން އާއިލާ އިން މިރޭ ސަރުކާރަށް ގޮވާލައިފި އެވެ.
ގާސިމްގެ ހާލުކޮޅު އިއްޔެ ސީރިއަސްވުމުން، ބޭރުން ފަރުވާ ހޯއްދަވަން ނިންމަވައި ރޭ އެއާޕޯޓަށް ވެސް ވަޑައިގެންނެވި އެވެ. އެކަމަކު ޕާސްޕޯޓު ހިފަހައްޓާފައި އޮތުމުން އޭނާ އަށް ފުރާވަޑައިގެންނެވޭ ގޮތެއް ނުވި އެވެ. ގާސިމަށް މިހާރު ފަރުވާ ދެމުން އަންނަނީ އޭޑީކޭ ހޮސްޕިޓަލްގަ އެވެ.
އާއިލާ އިން ނެރުނު ބަޔާނުގައި ބުނީ ގާސިމަށް އިއްޔެ ދިމާވި ސިއްހީ ކުއްލި ހާދިސާއާ ގުޅިގެން، މެޑިކާ ހޮސްޕިޓަލުގައި އޭނާ އަށް ފަރުވާ ދެއްވި ޑޮކްޓަރުން ލަފާ ދެއްވާފައި ވަނީ އިތުރު ޓެސްޓުތަކަކާއި ދޭން ޖެހޭ ފަރުވާ އަށް ހާއްސަ، ބޭރުގެ ހޮސްޕިޓަލަކަށް ވަޑައިގަތުމަށް ކަމަށެވެ.
ގާސިމް ފުރުން މަނާކޮށްފައި އޮތް ކަން އެނގުނީ، އާއިލާ އިން ބުނިގޮތުގައި، ރޭ 8 ޖެހިއިރު އެއާޕޯޓަށް ވަޑައިގަތުމުންނެވެ. އެކަމަކު މީހަކު ފުރުން މަނާކޮށްފި ނަމަ ވީހާ ވެސް އަވަހަކަށް އަންގަން ޖެހޭނެ ކަން އަލަށް އަމަލުކުރަން ފެށި ޖިނާއީ އިޖުރާއަތުގެ ގާނޫނުގައި އޮންނަ ކަން އާއިލާ އިން ފާހަގަކުރެ އެވެ.
"ކްރިމިނަލް ކޯޓުން އޮނަރަބަލް ގާސިމް އިބްރާހިމް ފުރުން މަނާކޮށް އަމުރު ނެރެ ވަކީލުންނާ ހަވާލުކޮށްފައި ވަނީ 16 ޖުލައި 2017 ވަނަ ދުވަހުގެ 21:34 ގަ އެވެ،" ބަޔާނުގައިވެ އެވެ.
"ގާސިމްގެ ޕާސްޕޯޓު ހިފަހައްޓައި އެމަނިކުފާނަށް ދިމާވެފައިވާ ސިއްހީގޮތުން ނުރައްކާތެރިކަން ބޮޑު ހައްސާސީ ހާލަތަށް ބޭސްފަރުވާކުރެއްވުމަށް ރާއްޖެ އިން ބޭރަށް ފުރައިގެން ދިއުން މަނާކުރާ ގޮތަށް ކޯޓުން ކުރައްވާފައިވާ އަމުރާ މެދު އާއިލާގެ ފަރާތުން ނުހަނު ކަންބޮޑުވެ އެވެ."
ގާސިމާ މެދު އަނިޔާވެރިވެ ބޭއިންސާފުން ކަންކަން ނުކުރަން އާއިލާ އިން ވަނީ ސަރުކާރަށް ގޮވާލައިފަ އެވެ. ގާނޫނީ ނިޒާމުން ބޭރުން އޭނާއާ މެދު ހިންގަމުންދާ އަމަލުތައް ވެސް ވަގުތުން ހުއްޓާލަން އާއިލާ އިން ވަނީ ގޮވާލައިފަ އެވެ.
ގާސިމްގެ ނޭވާ ކުރުވެ، މެއަށް ތަދުވާން ފެށީ، އޮފީހަށް ވަޑައިގަތުމަށްޓަކައި އޯކިޑް މަގުން ބަންޑާރަ މިސްކިތާ ހިސާބުން ކާރުން ފައިބައި ވަޑައިގެން ހިންގަވާފައި ވަޑައިގަންނަވަނިކޮށެވެ. ރައްޔިތުންގެ މަޖިލީހުގެ މެމްބަރުންނަށް ރިޝްވަތު ދޭން އުޅުނު ކަމަށް ބުނެ ގާސިމަށް ކުރާ ތިން ދައުވާގެ ތެރެއިން އެއް ދައުވާގެ އަޑުއެހުމެއް ވެސް އިއްޔެ ބާއްވަން ހަމަޖެއްސި އެވެ. އެކަމަކު އެ ޝަރީއަތް ވަނީ ކެންސަލްކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވިދުވަރު
18 July 2017
ގާސިމްގެ ޕާސްޕޯޓް ހިފެހެއްޓީ ކޯޓުން. ޕާސްޕޯޓް ހިފެހެއްޓީ ރައީސެއްނޫން. ކުށްވެރިންގެ ޕާސްޕޯޓްވެސް ހިފަހައްޓާނެ.
ރަންދެލި
18 July 2017
ދައުލަތުގެ އެންމެހާ ބާރުތަކަށް ބުނެ އަންގަމެވެ! ޗެއާރމަން ޤާސިމް ގެ ބޭސް ފަރުވާ އަށް ހުރަސް ނާޅާށެވެ. މިކަމުގައި ވަކި ހިސާބަކުން އަމަލީ މަސައްކަތް ފަށާނަމެވެ. އެހާ ހިސާބުން މުޅި ގައުމު ނޯށުން ރޯން ޖެހޭނެއެވެ. އެހެންވީމާ ސަކަރާތް ޖެހުން ހުއްޓާލާށެވެ! މި ބުނީ ލައްކަ ވާހަކަ އެވެ.
ވޭރު
18 July 2017
ކޯޓަށް ފިލަން ނޫޅުމަށް ނަސޭހަތްތެރިވަން. ހާދަ ފިނޑިބައެއްދޯ.
ހަނު ހުންނަ މީހާ
18 July 2017
ޔާމީނަކީވެސް އަބަދު ބޭސް ފަރުވާއަށް ދާމިހެކޭ ކިޔާތީ އަޑު އަހަން. އެ ބޭފުޅާ ބަލިވީމަ ބޭސް ފަރުވާކުރަން ނުފޮނިވީމަ، އެ ބޭފުޅާ ވާނެ ދެރަ އެ ބޭ ފުޅާ އަމިއްލައަށް އިހްސާސް ކޮށްލައްވާ. އަނިޔާ ވެރިކަމާ ދެކޮޅަށް ސީދާ ހަރަކާތަށް ނުކުންނަން ގޮވާލަން.
ރޮކެޓް ސައިންސް
18 July 2017
ގާސިމް ރާއްޖެއިން ބޭރަށް ނުފޮނުވަން ތިއުޅެނީ ސަރުކާރަށް ކިހާވަރެއް ދޭންއޮވެގެންތަ. އަދަދެއް ބުނެލާށެވެ 2 ބިލިއަން ހެއްޔެވެ 3 ބިލިޔަން ހެއްޔެވެ. އަހަރުމެން މިތިބީ ފަންޑްރައިޒް ކޮއްގެން ވިޔަސް އެއަދު ހަމަކޮއްގެން ގާސިމްއަށް އެހީވެދޭށެވެ. ގާސިމް އަކީ މީހުންނަށް ހެޔޮ މީހެކެވެ. އަހަންނަށް ކޮއްދެވުނު ކަމެއް ކޮއްދޭނަމެވެ
ބިލިޔަނޭ
18 July 2017
2 ބިލިޔަނޭ 3 ބިލިޔަނޭ ކިޔާނެ ކަމެއް ނެތް ތަމެންނަށް އުމުރުދުވަހުންވެސް އެ އަދަދު ހަމަ ނުކުރެވޭނެ. ވާވަރު މީހުން ތިކަހަލަ ވާހަކަ ދައްކާނީ
އަޅި123
18 July 2017
ބޯކޮން ލާރި ހުރެމެ، ގައިގެ އެތަން މިތާ ރެނދު ލީމާ އައިޖީއެމްއެޗް އިން ފަރުވާ ހޯދާ މީހުން އުޅުނަސް ގާސިމް އަކީ ދަހި މީހެއް ނޫނެވެ.
މަނިކް
18 July 2017
ރައްޔިތުންނަށް އިނެގޭ ތިކުޅޭ ޑްރާމާ.
ގަޓްމީހާ
18 July 2017
އަދީބްއަށް ގެއްލުމެއްދޭން އުޅޭކަން ނަޝީދުއަށް އިންގޭ، ނަޝީދުއަށް 13 އަހަރުގެ ޖަލުހުކުން އައީ ކިހިނެއްކަން ޖަލަޢް ދިޔަފަުން އަދީބްއަށް ހާމަކުރަން އެގުނީ، 65 އަހަރުން ދޮށީއުމުރުގެ މީހުންނަށް ވެރިކަމަށް ލެވޭ ގޮތަށް ހެދުނުކަން ހަދާންވަނީ މިޔަދު ޖަލުގޮޅީގަ އޮތީމަ، ޤާސިމް އިބްރާހިމްގެ ކުރިމައްޗަށް ނުކުމެ ހަޝަންބަދެ މިހުރީ ކުރިމަތިލާށެ ބުނެވުނު ހަދާންވީ ޖަލުގެ ތޭރިތަކުގަ ތާޝިވީވަ، 300 މިލިޔަން ރުފިޔާމަތީގަ އުދުހި އުޅެވުނުހަދާވީ 33 އަހަރު ހުކުން އިއްވީމަ، ލޯންޗް ކޮޅުގަ ބޮން ގޮއްވާލަ ރައީސް ބަލި އެދުގަ ބާއްވާ ވެރިކަން ހަވާލުވާން ސޫޓް ބޫޓް ލައިގެން ދެކޮޅު ދެކޮޅަން ހިގުނު ހަދާންވީ ރައީސްއަށް އެތަކެއް ފަހަރު މެޑަމްއަށް ބޭސް ފަރުވާއަށް ބޭރައް ދިއުމަށް އެދުނީމަވެސް ނުދިޔައީ ވެރިކަން މަޖިލީސް ތެރެއިން ބަދަލުކޮއްފާނެތީ އެކަން ނުކުރެވުނުކަން ހަދާންވީ ފްލައިޓްއިން ފޭބިތަނާ ބިޑި އެޅުވީމަ
ބޯގޯސް
18 July 2017
އޭ. ޔެގް. ގާސިމް ފޮނުވަން ޖެހޭ އެބަ. ކަލެއަށްވެސް މިދުވަސް ދައްކަވާނެ. ތިހާ ރަހުމް ކުޑަވާކަށް ނުވާނެ ކިތަންމެ ބޭފުޅާ ވެފަ ހުޓަކަސް.
ބޮލަކަށް4000 އަކަފޫޓަކަށް 35 ހާސް f
17 July 2017
ހިލަ ހިތެއްގެ ވެރިޔަކަށް ތި އަޑެއް ނީވޭނެ
މިގްދާދު
17 July 2017
ގާސިމް ފެހުނު އިލޮށި އަމިއްލަ ލޮލަށް ހެރިފަ ދެއްތޯ....
އުދުހޭ
18 July 2017
އަމިއްލަ ލޮަލަށްވެސް ހެރޭނީ ދިވެހިރައްޔިތުންގެ ހައްގުގައި އިލޮށި ފޭއްސަން ކެރުން މީހެއްގެ ދޯ؟ އިލޮއްޓެއްގަ އޮތް ނުލާ އޮތަސް ވަގުތު ޖެހުނީމާ ފުރާނަ ދޫކުރާނެ ކޮންމެ މީހެއްގެވެސް! ދުނިޔޭގަ އުޅޭއިރު އެހެން މީހުން އެމީހުންގެ ހާޖާތްތަކުން ސަލާމަތްކޮށްދީ އެހީވެދީ މާތްﷲ އަށް އަޅުކަންކުރުން މުހިންމީ!