ދަނގެތި ދާއިރާގެ މެމްބަރު އިލްހާމް އަހުމަދު. ޕީޕީއެމުން ވަކިކުރި މެމްބަރުން ގޮނޑި ނުގެއްލޭނެ ކަމަށް ސުޕްރީމް ކޯޓުގެ އަމުރާ ހަވާލާ ދެއްވައި އޭނާ ވިދާޅުވި. - ފޮޓޯ: ނިޝާން އަލީ/ މިހާރު
19 ޖުލައި 2017 - 13:07
17 comments
މެމްބަރުންގެ ގޮނޑި ގެއްލުމާ ގުޅޭ ގޮތުން ސުޕްރީމް ކޯޓުން ނެރެފައިވާ އަމުރު، މާޒީވެފައިވާ ކަމަކަށް ނުހިނގާނެ ކަމަށް އެ ކޯޓުން އަންގާފައި ވަނިކޮށް، މަޖިލީހުގެ މެމްބަރުންތަކެއްގެ ގޮނޑި ގެއްލިއްޖެ ކަމަށް ވެރިކަން ކުރާ ޕީޕީއެމާއި އިލެކްޝަންސް ކޮމިޝަނުން ނިންމި ނިންމުން ބާތިލްވާނެ ކަމަށް ދަގެނތީ ދާއިރާގެ މެމްބަރު އިލްހާމް އަހްމަދު މިއަދު ވިދާޅުވެއްޖެ އެވެ.
ވެރިކަން ކުރާ ޕީޕީއެމްގެ މަޖިލިހުގެ މެމްބަރުކަމުން، ތުލުސްދޫ ދާއިރާގެ މެމްބަރު މުހައްމަދު ވަހީދު އިބްރާހިމް (ލޯޔަރު ވައްޑެ) އާއި މަޑުއްވަރީ ދާއިރާގެ މެމްބަރު މުހައްމަތު އަމީތު އާއި ވިލިނގިލީ ދާއިރާގެ މެމްބަރު ސައުދު ހުސައިން އަދި ދިއްދޫ ދާއިރާގެ އަބްދުއްލަތީފް މުހައްމަދު ވަކިވެފައިވާ ކަމަށް ރޭ ބޭއްވި އެ ޕާޓީގެ ކައުންސިލް ބައްދަލުވުމުގައި ރައީސް އަބްދުﷲ ވަނީ އިއުލާން ކުރައްވައިފަ އެވެ.
އެހެންވެ މި މެމްބަރުންގެ ގޮނޑި ގެއްލިފައިވާ ކަމަށް ވެސް ރައީސް ޔާމީން ވިދާޅުވި ކަމަށް އެ ބައްދަލުވުމުގައި އިންނެވި ޕީޕީއެމްގެ ޕީޖީގެ މެމްބަރަކު ވިދާޅުވި އެވެ. އެކަމަކު، ދައުލަތުން ހުށަހެޅި ދުސްތޫރީ މައްސަލާގައި ސުޕްރީމް ކޯޓުގެ ހުކުމް އިއްވުމުގެ މާ ކުރިން މި ހަތަރު މެމްބަރުން ވެސް ވަނީ ޕީޕީއެމުން ވަކިވެވަޑައިގެންފަ އެވެ.
ސުލޫކީ މައްސަލަ ބެލުމަށް ފަހު އަމީތާއި ވަހީދު އަދި ސައުދު ޕީޕީއެމުން ވަކިކުރިއިރު، ލަތީފު ވަކިވެވަޑައިގަތީ އަމިއްލަ އަށް ސިޓީ ހުށަހަޅުއްވައިގެންނެވެ.
އިލްހާމް ވިދާޅުވީ ސުޕްރީމް ކޯޓުގެ ބާރު އެއްވެސް މީހަކަށް ކަނޑުވާނުލެވޭނެ ކަމަށެވެ. އެ ކޯޓުން އެންމެ ފަހުން ނެރުނު ހުކުމަށް އަމަލުކުރަން ޖެހޭނީ، ހުކުމް ކުރި ދުވަހުން ފެށިގެން ކަން އިލްހާމް ފާހަގަކުރެއްވި އެވެ.
"ސުޕްރީމް ކޯޓުގެ ހުކުމާ ދެކޮޅަށް މެމްބަރުން ވަކިކުރުން އެއީ ބާތިލް އެއްޗެއް، އެހެންވީމާ އެއްވެސް އެއްވެސް މެމްބަރެއްގެ ގޮނޑި ނުގެއްލޭނެ،" އިލްހާމް ވިދާޅުވި އެވެ.
އޭނާ ވިދާޅުވި ގޮތުގައި ރައްޔިތުންގެ މަޖިލީހުގެ ރައީސް އަބްދުﷲ މަސީހުގެ އިތުބާރު ނެތް ކަމުގެ މައްސަލަ އެޖެންޑާ ކުރަން ޖެހެ އެވެ. މަސީހު މަގާމުން ދުރު ކުރާނެ ކަމަށާއި އެކަމަށް ސޮއި ކުރެއްވި ހުރިހާ މެމްބަރުން ވެސް ތިއްބެވީ ސާބިތުކަމާ އެކުގައި ކަމަށް އިލްހާމް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވަދޫދު
19 July 2017
ރީކޯ މޫސާމަނިކުގެ ގޮނޑި ނުގެއްލޭނެތޯ؟؟؟
އިބުރޭ
19 July 2017
މީނަ މީ ސްޕްރީމް ކޯޓުތަ ފަހެ މީނަ މި ހުކުމް އިއްވަނީ.
ހަބީބު
19 July 2017
އލްހާމު ފަޔައް މިހާރު ހުންނާނީ ހޫނުފެންއެޅިފަ ދެންލަލަލަ ޔާމިނު ބޭނުން ގޮތަކައް ބޭނުންކަމެއް ބޭނުންއިރަކު ކޮއްލާނީ ރިލުވާާ ޔާމިނުގެ މައްސަލަވެސް ބެނުން އިރަކުން ބަލާނީ ހައްހާ
އިލޫ
19 July 2017
ބުރޯ ޕީޕީއެމް އިން އިލެކްޝަނަން އެންގީ ހުކުމް އިއްވި ފަހުން ދެން ލަލަލާ!
މާނު
19 July 2017
ހޮވުނީމއ ދާއިރާއަށް ނުދާ މޙިހުންގެ ގޮޑިވެސް ގެއްލެންޖެހޭ އިލްހާމު ހޮވުނު ފަހުން އަދި ދަގެތީ ދާއިރާއަށް އަރާވެސް ނުލާ
ރަގަޅު އަލީ
19 July 2017
ޕާޓީ ބަދަލުކޮށްގެން ލިބޭ ލާރިބޮނޑި ގެއްލޭތީ ދެރަވަނީ... ދެން ލަ ލަ ލާ
ރެޓޭ
19 July 2017
އެއްވެސްމެންބަރެއްގެ ގޮނޑި ނުގެއްލުނަސް މީނަގެ ގޮނޑިގެއްލިއްޖިއްޔާ ރަނގަޅު! މީނައަކީ އަބަދުވެސް ހިހޫތަނުން ކައިގެން އުޅޭމީހެއް! މިކަހަލަ މީހުންނަށް އެބަޖެހޭ ފިލާވަޅެއްދޭން!
މުހައްމަދު
19 July 2017
ސާބަސް އިލްހާމް. ރައްޔިތުން ހިތްދަތިވާ ކޮންމެ ގަޑިއެއްގައި ތި ދެއްވާ ހިތްވަރަށް ސާބަސް.
ޢަދީލު
19 July 2017
އިލްހާމޫ. މިހުރިހާކަމެއް މިދިމާވީ ތިބޭފުޅުންގެ އިޚްލާޞްތެރިކަމެއްނެތީމަ. ޤާސިމް ފަހަތުން އުޅެގެން ދަނގެތިދާއިރާގެ ގޮނޑި ކާމިޔާބުކުރީ. ގޮނޑިލިބުމުން ދެންދިޔައީ މުސްތަޝާރު އަރިހަށް. އެދުވަހު ބުނީ މުސްތަޝާރަށް އެގިވަޑައިގަންނަވާނެއޭ ކޮންމެ ތާކު ހުއްޓަސް މި އިލްހާމަކީ މުސްތަޝާރުގެ މީހެއްކަން. އެހިސާބުން އާއިލާގެ ހުރިހާ މީހުންނަށް ކުރިއަށް ލިބެންހުރި ދަރިންނަށްދާނދެން ސަރުކާރުގެ މަތީ މަޤާމުތައް ހޯދީ. އެވަރުންވެސް ހިތްނުފުރިގެން އަނެއްކާ އިދިކޮޅަށްގޮސް މިހާރު ތިހުރީ. އަދިވެސް އިޚްލާޞްތެރިކަމެއް ހުރިއްޔާ މިހާރު ތިހުރި ގޮތުގައިހުރެބަލަ. ކުރިންވެސް ލިބުނު ކަހަލަ ހުށަހެޅުން ނުވަތަ އެއަށްވުރެ ބޮޑު ހުށަހެޅުންތައްވެސް އަންނާނެ. އެކަމަކުވެސް އެކަމަށް ނުބަލާ ކޮންމެވެސް އެއްގޮތެއްގެމަތީގައި ދެމިހުރުމަކީ ބުއްދިވެރިކަމެއް.
އައްލާ އައްޑޫ ހިތަދޫ ބަދަރުން
19 July 2017
މިރައީސްގެ ރައީސް ކަމުގެ ގޮނޑިވަނީ ގެއްލިފާވުމުން ފިލާއިގެން ދާން އުޅެނީ .....