ޕީޕީއެމްގެ ޕާލަމެންޓްރީ ގްރޫޕުގެ ބައްދަލުވުމެއްގައި ރިޔާޒް ވާހަކަ ދައްކަވަނީ: ހުރިހާ މެމްބަރުން ބަދުނާމުކޮށް ރިޝްވަތުގެ ވާހަކަ ދެއްކުމަކީ ޒިންމާދާރު ގޮތެއް ނޫން ކަމަށް ވިދާޅުވި.
13 ޖުލައި 2017 - 10:52
73 comments
ރައްޔިތުންގެ މަޖިލީހުގެ ރައީސް އަބްދުﷲ މަސީހުގެ ވޯޓާ ގުޅިގެން އިދިކޮޅު ފަރާތްތަކުން އޭނާ އަށް 32 މިލިއަން ރުފިޔާ އަދި އެހެން މެމްބަރުންނަށް ވެސް ބޮޑެތި އަދަދުތަކުން ފައިސާ ހުށަހެޅި ކަަމަށް ވިދާޅުވެ އިނގުރައިދޫ ދާއިރާގެ މެމްބަރު އަހްމަދު ފަލާހު ދެއްކެވި ވާހަކަތަކާ މެދު ވިލުފުށީ ދާއިރާގެ މެމްބަރު ރިޔާޒް ރަޝީދު ހިތްހަމަނުޖެހިއްޖެ އެވެ.
ޕީޕީއެމް/އެމްޑީއޭ އިން މިދިޔަ އަންގާރަ ދުވަހު ދަރުބާރުގޭގައި ބޭއްވި ޕްރެސް ކޮންފަރެންސްގައި ފަލާހު ދެއްކެވި އެ ވާހަކަތަކަށް ނުސީދާކޮށް ރައްދު ދެއްވައި ރިޔާޒް ވަނީ ޓުވީޓެއް ކުރައްވައިފަ އެވެ. އެ ޓުވީޓުގައި "32 މިލިއަން ރުފިޔާ އަށް ނުވިކޭނެ މެމްބަރެއް މަޖިލީހުގައި ހުންނާނެތޯ" އޭނާ ވަނީ އައްސަވައިފަ އެވެ. އެއާ އެކު، ރިޝްވަތު ހުށަހެޅި ނަމަ އެ މައުލޫމާތު ކަމާ ބެހޭ ފަރާތްތަކަށް ވަގުތުން އަންގަން ޖެހޭނެ ކަމަށް ގާނޫނުގައި ބުނާ މާއްދާ ވެސް ޓްވީޓްގައި ހިމެނުއްވި އެވެ.
Konme ahchakah ves ageh onnaane 32 million ah nuvikeyne Mp aku Majlis ga huredhaane tho ? pic.twitter.com/8O0M4m0iMO
— Riyaz Rasheed (@riyaz_rasheed) July 12, 2017
ފަލާހަށް ނިސްބަތް ކުރައްވައި ރިޔާޒް ކުރެއްވި ޓުވީޓް.
މި ޓުވީޓާ ގުޅިގެން "މިހާރު"ން ސުވާލު ދެންނެވުމުން ރިޔާޒް ވިދާޅުވީ ހަމައެކަނި އިޚްލާސްތެރި މެމްބަރަކީ ތިމަންނަ ކަމަށް ދައްކައި، މަޖިލީހުގެ ހުރިހާ މެމްބަރުންނަކީ ވިކޭ މެމްބަރުންގެ ގޮތުގައި ވިދާޅުވުމުގެ ހައްގެއް އެއްވެސް މެމްބަރަކަށް ނޯންނާނެ ކަމަށެވެ.
ޕީޕީއެމް/އެމްޑީއޭގެ ޖޮއިންޓް ޕާލަމެންޓްރީ ގުރޫޕުގެ ނިއުސް ކޮންފަރެންސްގައި ފަލާހް ވާހަކަ ދައްކަވަނީ.---މިހާރު ފޮޓޯ: ނިޝާން އަލީ
"އަޅުގަނޑަކަށް ހަމަ ގައިމު ވެސް ރިޝްވަތެއް ހުށައެއްނާޅާ. ޕީޖީގެ ލީޑަރު ނިހާނާއި ޑެޕިއުޓީ ލީޑަރު އަބްދުއްރަހީމާއި ކެލާ ދާއިރާގެ މެމްބަރު އަލީ އާރިފަކަށް ވެސް ރިޝްވަތެއް ހުށަނާޅާ. އަޅުގަނޑަށް އެނގިގެން މި ދަންނަވަނީ. އެހެންވީމަ ސިޔާސީ މާ ބޮޑު ޕްރޮފައިލެއް ނެތް ނުވަތަ ވަކި ބަޔަކަށް ރިޝްވަތު ހުށަހަޅަނީ ކީއްވެތޯ ސުވާލު އުފެދޭ،" ފަލާހުގެ ނަން ގެންނެވުމެއް ނެތި ރިޔާޒް ވިދާޅުވި އެވެ.
އޭނާ ވިދާޅުވި ގޮތުގައި މަސީހުގެ ވޯޓަށް ރިޝްވަތު ހުށަހެޅީ "އަގީދާ ބަލިކަށި، އެއްގޮތެއްގެ މަތީގައި ދެމި ނުހުރެވިދާނެ ފަދަ މެމްބަރުންނަށް" ކަމަށް ވެސް ވެދާނެ އެވެ. އެކަމަކު ނޫސްތަކުން ސުރުހީ ހޯދަން ހުރިހާ މެމްބަރުން ބަދުނާމުކޮށް ވާހަކަ ދެއްކެވުމަކީ ޒިންމާދާރުކަން ކުޑަ އަމަލެއް ކަަމަށް ވެސް ވިދާޅުވި އެވެ.
"ރިޝްވަތު ހުށަހަޅައިފިއްޔާ ގާނޫނުގައި ބުނާ ގޮތަށް، އެ ހުށަހެޅި މީހެއްގެ ނަމާއި މައުލޫމާތު ކަމާ ބެހޭ އިދާރާތަކަށް ހުށަހަޅައިގެން މައްސަލަ ބަލަންވީ ނޫންތޯ؟ ކީއްވެތޯ އެކަން ނުކުރައްވަނީ؟ މެމްބަރުންނަށް ރިޝްވަތު ހުށަހެޅުމާއި ރިޝްވަތުގައި ހިފުމަކީ ބޮޑު މައްސަލައަކަށް ވެފައިވާއިރު މިކަން ހުއްޓުވަން ޖެހޭ ނޫންތޯ،" ރިޔާޒް ސުވާލު އުފެއްދެވި އެވެ.
އޭނާ ވިދާޅުވި ގޮތުގައި އިޚްލާސްތެރިން އަމަލުކުރާނީ އެ އުސޫލުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނައްތު
17 July 2017
ފަލަާހް 32 މިލިއަން ބޭނުން ވެގެން ދެއްކި ވާހަކައެއްތީ .އޭނަ ބަލާފަވެސް ހީވޭ ވަރަށް ވިކޭ މީހެއް ހެން.
ހުސައިން
15 July 2017
ރިޔާޒޫ, ޕްރޮފައިލް މަތިވިޔަސް , ފަލާހުގެ ވޯޓެކޭ ނިހާނުގެ ވޯޓެކޭ ވާނީ އެއްވަރު. ފަލާހު އަކީ ރިޔާޒު އަށްވުރެ ރައީސް ޔާމީން އާއި ގާތް އަދި އިލްމީ މެމްބަރެއް.
ގައުމު
14 July 2017
ފަލާހު އަކީ ޒުވާން ބޭފުޅެއް،ޕޕމ ގެ ދުވަސްވީ ބޭފުޅުން ތިއްބައި އިސްނަގައިގެން ޕޕމ ލީޑް ކުރާތީ އަައްސަރި ބަހުން ސާބަސް....މިއަދު ޕޕމ ބޭނުންވަނީ ތިކަހަލަ އިހުލާސް ތެރި ލީޑަރެއް...
އެނޮން
14 July 2017
ރިޔާޒުއެއް ކަމަކު ވަރަށް ބަރާބަރު ވާހަކައެއް މިފަހަރު މިދެއްކީ. ކަނޑައެޅިގެން ބޮޑެތި ދޮގު ހަދާއިރު މީހަކަށް ގަބޫލު ކުރެވޭވަރު ދޮގު ހަދާނަމަވެސް ދެންދޯ؟
ބުރާންތި
14 July 2017
އެންމެ ވޯޓު ގަނޑަކަށް 32 މިލިއަން ރުފިޔާއޭ ބުނީމާ ސަލާމަތް ބުއްދު ހުރި އެކަކުވެސް ޤަބޫލެއް ނުކުރާނެ!! ދޮގުހެދިޔަސް ފުކެއްބޮޑުވަރު ، މިފެންވަރުގެ ދޮގުވެރިން ދައްކާވާހަކަ ކާކު ޤަބޫލް ކުރާނީ!! މިހާރު ހުންނާނެ ބުނެވުނު އެތި ހިތަށް އަރާފަ އެކަމާ ދެރަވެފަ!! ޖަޒުބާތުގައި ޖެހިގެން ކިޔޭނުކިޔޭ އެއްވެސް ނޭނގޭ ވިއްޔާ، ދުލަކީ އިންސާނާގެ ހަށިގަނޑުގައި ލައްވާފައިވާ ކިހާއަގުބޮޑު ގުނަވަނެއްކަން ހަމަ ނޭގެނީބާވައޭ ހިތަށް އަރާ!! ދޫރައްކާތެރި ނުކުރެވުމުގެ ސަބަބުން ތިމާމީހާގެ އަގު ވެއްޓިފާ މިހާރު ތިހުރީ!!
ޙިނިހިނި
14 July 2017
ދޮގުހަދައިގެން މީހުންގެ ސަމާލުކަން ހޯދަން ހަދައިގެން ލައިގެން ހުންނަ ބޮކްސާގަނޑު އެ ބޭލެނީ. 32 މިލިއަން ދީފަ ގެންދަން މިދެންކާކު. ތި މަޖިލީހަކު ނެތް 32 މިލިއަން ދީފަ ގެންދާވަރުގެ ޢިލްމަކާ ހިލްމެއް ހުރި އެއްވެސް. އަމިއްލައަށް ޢިއްޒަތްތެރިވެގެން ތިބޭ އަގެއް ނެތް ބައެއް.
ގާދިރު
27 July 2017
އިނގުރައިދޫވަޑިއެއްފަލަހަކި އޭނަޔަށްނޭގޭނެގާނޫނީއެއްވެސްކަމެއް
މަންސޫރު
14 July 2017
އެކަކަށްވުރެ ގިނައިން އަނެކަކަށް ހަރާން ފައިސާ ހުށައެޅިއްޔޭ ބުނީމައިވެސް ކަޑަވާ ހިސާބުގައި މި މީހުން މި ތިބެނީ.
ޢައްޔުބް
14 July 2017
ޢެހެންނޫނަސް މީދެންކާކު 32 މިލިއަނަށް ގެންދާވަރުގެ، ރައްޔޮތުންގެ ތާއިދު ހެޓަކަށް އޮންނަ މެމްބަރުނަނަށް ވެސް ތިއަދަދު ހުށަނާލާ
ާމުހައްމަދު
13 July 2017
ރިޔާޒް ތިބުނީ ރިޔާޒްވެސް 32 މިލިޔަނަށް ވިކޭނެޔޭތޯ؟ ހާދަ ޗީޕޭ.
ޟުނީތާ
14 July 2017
ޢެބުނީ އެއިކާކުހޯއެއީ 32 މިލިއަން ހުށަހަޅާ ވަރުގެ
ފަރޯ
13 July 2017
އެބުނާހެން ރޮލެކްސް ގަޑި