އިނގިރޭސިންގެ ނިންމުމާ ގުޅިގެން ސްކޮޓްލެންޑުގެ ކެބިނެޓުގެ ޚާއްސަ ބައްދަލުވުމެއް

ސްކޮޓްލެންޑުގެ ކެބިނެޓުގެ ކުއްލި ބައްދަލުވުމެއްގައި ފަސްޓް މިނިސްޓަރު ނިކޮލާ ވާހަކަ ދައްކަވަނީ. --ފޮޓޯ:އޭއެފްޕީ

ހަސަން އާމިރު، މިހާރު

25 ޖޫން 2016 - 17:23

އެޑިންބަރާ (ޖޫން 25) - ޔޫރަޕިއަން ޔޫނިއަން (އީޔޫ) އިން އިނގިރޭސިވިލާތް ވަކިވުމަށް ބުރާސްފަތި ދުވަހުގެ ޚިޔާލު ހޯދުމުގެ ވޯޓުގައި ނިންމުމާ އެކު ސްކޮޓްލެންޑުގެ ކެބިނެޓުގެ ޚާއްސަ ބައްދަލުވުމެއް ބާއްވައިފި އެވެ.

ވޯޓުގައި ސްކޮޓްލެންޑާއި ނޮދަން އައިލެންޑުން ނިންމާފައި ވަނީ އީޔޫ އިން ވަކި ނުވެ އެ ޖަމާއަތުގެ މެންބަރު ގައުމެއްގެ ގޮތުގައި އިނގިރޭސިވިލާތް ދެމި އޮތުމަށެވެ. ވޭލްސާއި އިންގްލެންޑުން ނިންމާފައި ވަނީ އީޔޫ އިން ވަކިވުމަށެވެ. އީޔޫގައި ދެމި އޮތުމަށް ސްކޮޓްލެންޑުގެ 62 ޕަސެންޓް މީހުން ވޯޓުދީފައިވެ އެވެ. އީޔޫ އިން ވަކިވުމަށް ފެނޭތޯ ނެގި ވޯޓުގައި ޔޫރަޕުގެ 28 ގައުމުގެ ޖަމާއަތުން ވަކިވުމަށް ޔޫކޭގެ 52 ޕަސެންޓް މީހުން ވޯޓުދީފައިވެ އެވެ.

ފަސްޓް މިނިސްޓަރު ނިކޮލާ ސްޓާޖަން ވިދާޅުވީ ސްކޮޓްލެންޑުގެ ރައްޔިތުންގެ ހިތާދެކޮޅަށް އެ މީހުން އީޔޫ އިން ބޭރުކޮށްލުމަކީ ޑިމޮކްރެޓިކް ގޮތުން ގަބޫލްކުރެވޭނެ ކަމެއް ނޫން ކަމަށެވެ. އެހެންކަމުން ޔުނައިޓެޑް ކިންގްޑަމުގެ ދަށުން ސްކޮޓްލެންޑް ވަކިވުމަށް ޚިޔާލު ހޯދުމުގެ ވޯޓަކަށް ދިއުމަކީ ވަރަށް އެކަށީގެންވާ ކަމެއް ކަމަށް ވިދާޅުވި އެވެ.

ސްކޮޓްލެންޑުގެ ފަސްޓް މިނިސްޓަރު އަދި ސްކޮޓިޝް ނޭޝަނަލް ޕާޓީގެ ލީޑަރު ނޫސްވެރިންނާ ވާހަކަ ދައްކަވަނީ. --ފޮޓޯ:އޭއެފްޕީ

ވޯޓުގެ ނަތީޖާއާ އެކު ގްލާސްގޯ އާއި އެޑިންބަރާގައި އެތައް ހާސް ބަޔަކު ވަނީ ހިތްހަމަނުޖެހުން ފާޅުކޮށްފަ އެވެ. ސްޓާޖަން ވިދާޅުވީ ސްކޮޓްލެންޑާއި އިނގިރޭސިވިލާތުގެ އެހެން ހިސާބުތަކާ މިހާރު ވަރަށް ބޮޑު ފަރަގެއް އެބަހުރި ކަމަށެވެ.

ސްކޮޓްލެންޑުގެ ކެބިނެޓުގެ ބައްދަލުވުމުގައި ވަނީ ދެން އަޅާނެ ފިޔަވަޅުތަކާ ގުޅޭ ގޮތުން މަޝްވަރާ ކޮށްފަ އެވެ. ސްޓާޖަން ވިދާޅުވީ މިނިވަންކަމަށް ރައްޔިތުން ބޭނުންވޭތޯ ބެލުމަށް ދެ ވަނަ ވޯޓަކަށް ދިއުމަށް ސްކޮޓްލެންޑް ސަރުކާރުން ތައްޔާރުވަމުންދާ ކަމަށެވެ. ޔޫކޭ އިން ވަކިވުމަށް ފެނޭތޯ ބެލުމަށް ސްކޮޓްލެންޑުގައި 2014 ވަނަ އަހަރު ވެސް ވަނީ ޚިޔާލު ހޯދުމުގެ ވޯޓެއް ނަގައިފަ އެވެ.

އީޔޫ އިން ވަކިވުމަށް އިނގިރޭސިން ނިންމުމާ އެކު ބޮޑު ވަޒީރު ޑޭވިޑް ކެމަރަން ވަނީ އިސްތިއުފާ ދެއްވާނެ ކަމަށް ވިދާޅުވެފަ އެވެ. --އޭއެފްޕީ

އީޔޫ ސްކޮޓްލެންޑް ބްރެކްސިޓް

4 ކޮމެންޓް, 36 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޢަލީ ޟަހީރު

26 June 2016

ޕައުންޑްގައި ހުންނަ ރާނީގެ ފޮޓޯއާއި ޚަރަދުބޮޑު ރަސްކަން ޙިމާޔަތް ކުރަން ހަދައިގެން މުޅި ޤައުމު ފުނޑެނީ. އެހެންތާ ވާނީ. ހަގީގަތުގައި ބަޔަކު އިނގިރޭސިވިލާތަށް އަރުވާލެވިގެންތިބެ ވެރިކަން ބަދަލުކުރާން އެ އުޅުނީ ޑޭވިޑ ކެމެރަންގެ ވެރިކަން ކަމެއް އޭނަޔަކަށް ވެސް ނުވިސްނުނު. ޤައުމު ފުނޑާލައިގެން ވެސް އަންނިއަށް ޙިމާޔަތް ދޭން ނިންމީ މިތާގައިވެސް ފައްޅިއެއް އެޅިދާނެ ކަމުގެ އުއްމީދުގައި ދޯ؟ ތިކަމެއް ނުވާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަހަށްދޭ

25 June 2016

ކޮބާ ކަނޑުކޮސް ޑޭވިޑް ކެމެރޫން. ކެންގަރޫ ސްޓޭންޑަރޑް އަށް ކެމެރޫން އިނގިރޭސި ވިލާތުގައި ވެރިކަން ކުރުމުން މުޅި އިނގިރޭސިވިލާތް ކަމުގައިވާ ޔޫކޭ ފުނޑެނީ އެވެ. ޔުނައިޓެޑް ކިންގްޑަމް ގެ ނަން ދަނީ އެވެ. މިހިރީ ޕީޕީއެމް އަށް ޑިމޮކްރަސީ ދަސްކޮށްދޭން އުޅުނު ކަނޑުކޮސް ކުރި ކަނޑުކޮސް ކަންކަން. އިދިކޮޅު އެންމެ ބޮޑު ޕާރޓީ އަށް ވެސް ދެންވާނީ މިހެންނެވެ. މިހާރު އިދިކޮޅު ކޯލިޝަން ވެސް ވަނީ ބައިބވައި ވެފައެވެ. އިދިކޮޅު ކޯލިޝަން ޔޫކޭ އިން ފައިބަން އެގައުމުގެ ސަރުކާރުން އެންގުމުން އިިދިކޮޅު ބޮޑޭ ބޭނުންވަނީ އެންމެން ގޮވައިގެން އެފްރިކާގެ ރުވާންޑާ އަށް ދާންއެވެ. އެގޮތަކަށް ގިނަ މެމްބަރުން އެއްބަސް ނުވެއެވެ. މިހާރު އިދިކޮޅު ކޯލިޝަން ވެސް ފަޅަ ފަޅައިގެން ދާން ކައިރިވަނީ އެވެ. ކޮބާ ކެމެރޫން ތިހެންވާނީ ޕީޕީއެމްގެ ސަރުކާރާއި ކުޅެންނާ. ދެން މަހަށްދޭ ކެމެރޫން އާއި ކަރަޕްޓް ސްވަޔާ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަނޑުކޮސް

25 June 2016

ޑޭވިޑް ކެމެރޫން އަކީ އިނގިރެސިން އީޔޫ އާއި ވަކިނުވާން ކެމްޕެއިންކުރި މީހެއް..ދެން އޮތީ އިދިކޮޅު އިއްތިހާދު...ތަހުޒީބު ދުނިޔޭގެ މީހުންނަކީ އެގައުމެއްގެ އޮންނަ ސަރުކާރަކުން ނިންމާ ނިންމުމަށް އިހްތިރާމް ކުރާ ބައެއް...އަދި އެހެން ނޫނަސް ވެރިކަމުގައި އަދިވެސް ތިބޭނީ ހަމަ ކޮންޒަވެޓިވްސް...މިކުޑަ ރާއްޖޭގައި އޮތް ތިޔަބުނާ ޕާރޓީގެ ޑިމޮކްރެސީ މިހިރަ ފެންނަނީއެވެ.