ވޯޓާ އެކު އިނގިރޭސިވިލާތުގެ އިދިކޮޅު ޕާޓީގެ ތެރޭގައި މައްސަލަ އުފެދިއްޖެ

ވޯޓަށް ފަހު ލޭބާ ޕާޓީގެ ލީޑަރު ކޯބިން ވާހަކަ ދައްކަވަނީ. --ފޮޓޯ:އޭއެފްޕީ

ހަސަން އާމިރު، މިހާރު

26 ޖޫން 2016 - 10:55

ލަންޑަން (ޖޫން 27) - ޔޫރަޕިއަން ޔޫނިއަން އިން އިނގިރޭސިވިލާތް ވަކިވުމަށް ފެނޭތޯ ބެލުމަށް ނެގި ޚިޔާލު ހޯދުމުގެ ވޯޓަށް ފަހު އިދިކޮޅު ޕާޓީގެ ތެރޭގައި ބައިބައިވުން އުފެދި ޝެޑޯ ބައެއް ވަޒީރުންގެ މަގާމު ގެއްލިއްޖެ އެވެ.

އިދިކޮޅު ލޭބާ ޕާޓީގެ ލީޑަރު ޖެރެމީ ކޯބިން އަށް ފާޑުކިޔުންތައް އަމާޒުވެ އޭނާގެ އިސްތިއުފާ އަށް ވަނީ ގޮވާލައިފަ އެވެ. އަދި އޭނާގެ އިތުބާރު ނެތްކަމުގެ ވޯޓެއް ނެގުމަށް ދަނީ ބާރު އަޅަމުންނެވެ. މި ކަމަށް ފާޅުގައި ވަކާލާތު ކުރެއްވި ޝެޑޯ ފޮރިން މިނިސްޓަރު ހިލަރީ ބެން މިހާރު ވަނީ މަގާމުން ވަކިކޮށްފަ އެވެ.

ބެން ވިދާޅުވީ ކޯބިންގެ ލީޑާޝިޕާއި އިންތިޚާބެއް ކާމިޔާބު ކުރުމަށް އޭނާގެ ގާބިލްކަމާ މެދު ކަންބޮޑުވުންތަކެއް އެބަހުރި ކަމަށެވެ. އަދި ޕާޓީގެ ލީޑަރުގެ މަގާމުގައި ޖެރެމީ ހުންނަވައިގެން ކުރިއަށް އޮތް އިންތިޚާބު ކާމިޔާބު ކުރެވިދާނެ ކަމުގެ ޔަގީންކަން ނެތް ކަމަށް ވެސް ބެން ވިދާޅުވި އެވެ.

ބޮޑު ވަޒީރު ޑޭވިޑް ކެމަރަން (މ) ލޭބާ ޕާޓީގެ މެންބަރު ހިލަރީ ބެން (ވ) އަދި ލޭބާ ޕާޓީގެ ލީޑަރު ޖެރެމީ ކޯބީން. --ފޮޓޯ:އޭއެފްޕީ

"ޖެރެމީ އަށް ފޯނުން ގުޅާ އަޅުގަނޑު ވާނީ އޭނާގެ ލީޑަޝިޕުގެ ދަށުން އިންތިޚާބެއް ކާމިޔާބު ނުކުރެވޭނެ ކަމަށް ދަންނަވާފައި. އެހެންވެ މަގާމުން ދުރުކުރީ،" ބެން ވިދާޅުވި އެވެ.

ލޭބާ ޕާޓީގެ ބައެއް ފަރާތްތަކުން ބުނީ އީޔޫގެ ވޯޓާ ގުޅިގެން އަމާޒުވަމުންދާ ފާޑުކިޔުންތަކަށް ކޯބިން އިޖާބާ ނުދެއްވައިފި ނަމަ ޝެޑޯ ވަރަށް ގިނަ ވަޒީރުން އިސްތިއުފާ ދެއްވާނެ ކަމަށެވެ.

ލޭބާ ޕާޓީގެ ބައެއް ޕާލަމެންޓް މެންބަރުން މިހާރު ވަނީ ކޯބިންގެ އިތުބާރު ނެތް ކަމަށް ހުށަހަޅައިފަ އެވެ. ބެން މަގާމުން ވަކި ކުރުމުން ލޭބާ ޕާޓީގެ ސީނިއާ އެހެން މެންބަރުން ވެސް ވަނީ ފާޑު ކިޔަން ފަށައިފަ އެވެ

ޕާޓީގެ ތެރޭގައި މައްސަލަތައް އުފެދުމުން ޕާޓީ ސަލާމަތް ކުރުމަށް ބައެއް މެންބަރުން މިހާރު ވަނީ މަސައްކަތް ފަށައިފަ އެވެ.

އީޔޫ އިދިކޮޅު ފަރާތްތައް ބްރެކްސިޓް

9 ކޮމެންޓް, 43 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޙަސަންދީ

27 June 2016

ހެހެހެ ހެހެ މަގާތައް ހާދަ ހިންޏެއް އާދޭ! މިއޮތްފަދަ ރޯދަމަހުގަވެސް އެއްކަލަ ނަޝީދައް ނޭގިނަމަވެސް ކުރެވޭ ހެޔޮކަން ފެވޭތީ ހާދަ ގަމާރޭ.......

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖާރިޔާ އަހުމަދު ދީދީ

26 June 2016

ނަޝީދު ދާ ތަނެއް ރަނގަޅެއް ނުވާނެ... މިހާރު ޔޫކޭ ފަނިކޮށްލީ އެތަނަށްގޮސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކައުންސެލަރު

26 June 2016

ދެންވީ ރެފިއުޖީބައިގަނޑު ތިޔަތަނުން ބޭރުކުރަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިންސާފް

26 June 2016

ދެރަވޭދޯ. ތިކަމެއް ނުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަވަރސް

26 June 2016

އަދި އެހެން ޝެޑޯ ކެބިނެޓްގެ މިނިސްޓަރަކު އިސްތިއުފާ ދިނަސް ލޭބަރ ޕާރޓީ ބައި ބައި ނުވާނެއެވެ. ދެން އިނގިރޭސިން ވޯޓް ނުދޭނެ އީޔޫ ގައި ބައިވެރިވާކަށް. ދެން އިނގިރޭސިން ވޯޓް ދޭނީ ކޮންޒަރވޭޓިވް ޕާރޓީގެ އެމްޕީން ހަފޮޅުން ބޭރުކުރާށެވެ. މީގައި ބޮޑަށް އިމްޕެކްޓް ކުރާނީ ކޮންޒަރވޭޓިވް އިން ނަށެވެ. ދެން ވެރިކަން ކުރާނީ ލޭބަރ ޕާރޓީން ނެވެ. އެއީ ޕީޕީއެމް އިން އެދޭ ގޮތަކީ. އަވަހަށް ލޭބަރ ޕާރޓީގެ އެންމެން އެކުވެރިވެ އެކަތިގަނޑަކަށް ވެގެން ދެން އަންނަ ބޮޑު ވަޒީރު ކަމުގެ މަގާމް ފުރަންވީ ލޭބަރ ޕާރޓީން ނެވެ. އިޓްސް ލުކިންގް ގުޑް އިނަފް ފޯރ ޔޫ އެން ފޯރ މީ އެން ދި އެންޓަޔަރ ހިއުމަން ރޭސް..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝަރަފް

26 June 2016

ބުރޯ އެމްޑީޕީ އެންމެ ފުރަތަމަ އިނގިރޭސިވިލާތުގެ ސޯލްސްބަރީގައި ޤާއިމުވީ ލޭބަރ ޕާޓީގެ އާރާއިބާރު އެންމެ ވަރުގަދަ ދުވަސްވަރުއެވެ. 1997 ން 2007 އަށް ބޮޑުވަޒީރަކީ ލޭބަރގެ ޓޯނީ ބްލެޔަރ އެވެ. ރައީސް ނަޝީދަށް އެންމެ ފުރަތަމަ ސިޔާސީ ޙިމާޔަތްދިނީ 2005 ގައެވެ. މީކީ ވަކި ޕާޓީއަކާ ގުޅުންހުރި ކަމެއް ނޫނެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަހުރަވާސް

26 June 2016

އަވާރސް ޖަޒުބާތުގައި ޖެހިގެން އަވާރސްއަށް މަދަދުދޭ ފަރާތްތަށް ހިތްއުފާވާގޮތަށް ތިޔަލިޔަނީ ހާދަ ދޯހަޅި ވާހަކައެވެ. ސިޔާސީ މުފައްކިރަކަށް ނުވިތާ ބޭފުޅާ ވިސްނުންތެރިއަކަށް ނުވާކަންވެސް ކޮމެންޓުން އެނގެއެވެ. ކޮންމެ ޕާޓީއެއް އޮތަސް އިގިރޭސިންގެ ވިސްނުންތަކާއި ގަބޫލުކުރުންތަކަށް ޖާގަދޭ ބަޔަަކަށް އިގިރޭސިން މަދަދު ދޭނެއެވެ. ލޭބަރ އިރުގަ ވެސް އެމްޑީޕީ އިގިރޭސިވިލާތުގައި ވަރުގަދައެވެ. އޭރު އެތާ އައްޑާ ހަދާ އެތާ ތިބެ ޑީ.އޯ ފަދަ މަޖައްލާތައް ނެރެ، ބައިނަލްއަގްވާމީ ދުނިޔޭގައި ވަކާލާތުކޮށް އެންމެފަހުން ރާއްޖެއައިސް 30 އަހަރުގެ ސަރުކާރު ބަލިކުރިއެވެ.ވީމާ، ކޮސް ނުގޮވާ ފިޔާތޮށި ފިލްޓަރުން ނެއްޓި ކައިރި މާޒީއަށް ބަލާން ތިބޭފުޅާއަށް އެނގޭނޭ ނަމައޭ ވެސް ހާދަ ހިތަށް އަރައެވެ. ނޯޓް : ތިޔަހެން ކޮމެންޓް ލިޔެ މައިކަލް ޖެކްސަންގެ އިގިރޭސި ލަވައެއްގެ ތަންކޮޅެއް ދިވެހީން ލިޔެލިޔަސް މާކަ އިގިރޭސި، މާކަ މޮޅު، މާކަ މޮޑާރން، މާކަ އިލްމީ މީހެކޭ ބަަޔަކު ހިތަކަށް ނާރާނެއެވެ.