ވިލާއިން ދައްކަން ޖެހުނު 18 މިލިއަން ޑޮލަރުގެ މައްސަލަ ކޯޓުން ބޭރުކޮށްލައިފި

ގާސިމް: ދައުލަތަށް 18 މިލިއަން ޑޮލަރު ދައްކަން އޭނާގެ ވިލާގެ ކުންފުންޏަށް އެންގީ އެ ކުންފުންޏަށް ދޫކޮށްފައިވާ ރަށެއްގެ މައްސަލާގައި --ފޮޓޯ/މިހާރު

މުއިއްޒު އިބްރާހިމް، މިހާރު

31 ޖުލައި 2017 - 16:46

6 comments

ދައުލަތަށް 18 މިލިއަން ޑޮލަރު (277 މިލިއަން ރުފިޔާ) ދައްކަން ޖުމްހޫރީ ޕާޓީގެ ލީޑަރު ގާސިމް އިބްރާހިމްގެ ވިލާ ކުންފުނިން މޯލްޑިވްސް އިންލެންޑް ރެވެނިއު އޮތޯރިޓީ (މީރާ) އިން އެންގި މައްސަލާގައި ވިލާ އިން ކޯޓަށް ހުށަހެޅި މައްސަލައިގެ އަޑުއެހުމަށް އެ ކުންފުނި ހާޒިރު ނުވުމުން އެ މައްސަލަ ކޯޓުން ބޭރުކޮށްލައިފި އެވެ.

ވިލާ ޝިޕިން އެންޑް ޓްރޭޑިން އަށް ސަރުކާރުން ދޫކޮށްފައިވާ ރަށެއްގެ ކުއްޔާއި ޖޫރިމަނާގެ ގޮތުގައި 18 މިލިއަން ޑޮލަރު ދައްކަން އަންގައި، މިދިޔަ މާޗް މަހު މީރާ އިން ވަނީ އެ ކުންފުނީގެ އެކައުންޓްތައް ފްރީޒްކޮށްފަ އެވެ.

އެ މައްސަލާގައި ވިލާއިން ސިވިލް ކޯޓަށް ހުށަހެޅި މައްސަލަ އެ ކޯޓުން ބޭރުކޮށްލީ އިއްޔެ ތާވަލްކުރި އަޑުއެހުމަށް ވިލާ ކުންފުނި ހާޒިރު ނުވުމުންނެވެ. މަދަނީ މައްސަލަތަކުގައި ދައުވާކުރާ ފަރާތުން ކޯޓަށް ހާޒިރު ނުވެއްޖެ ނަމަ އެ މައްސަލައެއް ބޭރުކޮށްލުމުގެ ބާރު ކޯޓުތަކަށް އޮވެ އެވެ.

އެ މައްސަލަ ކޯޓުން ބޭރުކޮށްލިއިރު ވިލާ އަށް ދޫކޮށްފައިވާ ރަށްތަކާއި ފަޅުތަކެއްގެ ކުއްޔާއި ޖޫރިމަނާގެ ގޮތުގައި 37 މިލިއަން ޑޮލަރު(578 މިލިއަން ރުފިޔާ) ހޯދަން މީރާ އިން ވަނީ ވިލާ ކުންފުންޏާ ދެކޮޅަށް ދައުވާކޮށްފަ އެވެ.

ވިލާ އަށް ދޫކުރި ރަށްތަކާއި ފަޅުތަކެއް 2015 ގައި ސަރުކާރުން އަތުލި މައްސަލާގައި ދަށު ކޯޓުން ވިލާއާ އެއްކޮޅަށް ނިމުނު ހުރިހާ މައްސަލަތަކެއްގައި ވެސް ހައި ކޯޓުން ވަނީ ދަށު ކޯޓުން ހުކުމްތައް ބާތިލްކޮށް، ދައުލަތާ އެއްކޮޅަށް މައްސަލަ ނިންމައިފަ އެވެ. ކުއްޔާއި ޖޫރިމަނާ ފައިސާ ދައްކަން މީރާ އިން އެންގީ ހައި ކޯޓުގެ ހުކުމަށް ފަހު އެވެ.

މެމްބަރު ގާސިމް އިބްރާހިމް (މާމިގިލި) ސިވިލް ކޯޓް ވިލާ ގްރޫޕް މީރާ ދައުލަތުގެ އާމްދަނީ

6 ކޮމެންޓް, 53 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޢަޛާން

06 January 2018

ޡާލިމުން އަނިޔާކުރާއިރު ބައްލަވަން މިރުޞާދުގައި ޚާލިޤުލް ކައުނައިނި ވާކަން ނޭގެނީތަ އަޖާބެކޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުކުމް

31 July 2017

މީގަ ވާއެއް ނުވާއެއް ނޭނގޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތައްޚާން މިއާ

01 August 2017

ތިބުނީ ހަމަ ހެޔޮކޮށް... ދައުލަތަށް، ވިލާ ކުންފުނިން، މީރާއިން، ވިލާ ކުންފުނިން... ދެއްތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހައްޕު

31 July 2017

މިރާއްޖޭގައި އޮނަރަބަލް ގާސިމް އިބްރާޙިމް އެކަނިތޯ އެއްޗެއް ދައްކަވަން ޖެހިފައިވަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުގާބޭ

31 July 2017

ގާސިމެއްކަމަކު ދައްކަންޖެހޭއެއްޗެއް ދައްކަންޖެހޭނެ ދެއްތޯ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިބިރިހިންބެއްޔާ

31 July 2017

ދައްކަން ޖެހެންޏާ ދައްކަންޖެހޭ. ނިޔާއެއް އޮތިއްޔާ ޖަލަަށްވެސް ދާންޖެހޭ. ވައްކަންކުރަންޏާ ޝަރީއަތްވެސް ހިންގަންޖެހޭ. ހިތާމަޔަކީ، މިހެން މިކަން ނުހިނގާކަން.