ޚަބަރު / އަހުމަދު މަހުލޫފް، ޔޫތު އެންޑް ސްޕޯޓްސް މިނިސްޓަރު

ފިލައިފާނެ ކަމުގެ ތުުހުމަތާއެކު މަހުލޫފުގެ ޕާސްޕޯޓު ހިފަހައްޓައިފި

މަހްލޫފް ނޫސްވެރިންނާ ވާހަކަ ދައްކަވަނީ:--މިހާރު ފޮޓޯ/ހުސައިން ވަހީދު

އާސިމާ ނިޒާރު، މިހާރު

02 އޯގަސްޓް 2017 - 14:29

ގަލޮޅު ދެކުނު ދާއިރާގެ މެމްބަރު އަދި އިދިކޮޅު ހަރަކާތުގެ ޖޮއިންޓް ޕާލަމެންޓްރީ ގުރޫޕުގެ ތަރުޖަމާން އަހުމަދު މަހްލޫފްގެ ޕާސްޕޯޓް ކްރިމިނަލް ކޯޓުގެ އަމުރެއްގެ ދަށުން މިއަދު ހިފަހައްޓައިފި އެވެ.

އެ ކޯޓުން ނެރުނު އަމުރުގައި ބުނީ މަހުލޫފުގެ ޕާސްޕޯޓު ހިފެހެއްޓީ ރައްޔިތުންގެ މަޖިލީހުގެ ސަލާމަތީ ކަންކަން ބެލެހެއްޓުމަށް ހަރަކާތްތެރިވި ސިފައިންގެ ގާނޫނީ ވާޖިބަށް މިދިޔަ ހޯމަ ދުވަހު ހުރަސްއަޅައި ސިފައިންނާ މެދު މަޖިލީހުގެ މެމްބަރުންތަކެއް މާރާމާރީ ހިންގާފައިވާ ކަމަށް ތުހުމަތުކުރެވޭ މައްސަލައިގެ ތަހުގީގަށް ކަމަށެވެ. އަދި މަހުލޫފު ފުރާވަޑައިގެންފި ނަމަ ތަހުގީގަށް ހުރަސްއެޅި ދާނެ ކަމަށް ވެސް އަމުރުގައި ވެ އެވެ.

މަހްލޫފްގެ ޕާސްޕޯޓް ހިފެހެއްޓީ، ކްރިމިނަލް ކޯޓުގެ ގާޒީ އަލީ އާދަމް ނެރުއްވި އަމުރުގައިވާ ގޮތުން، އެއް މަސް ދުވަހަށެވެ.

މަހްލޫފްގެ ޕާސްޕޯޓް ހިފެހެއްޓީ މަހްލޫފު "ފިއްލަވައިގެން" ސްރީ ލަންކާ އަށް ވަޑައިގަންނަވަން އުޅުއްވާ ކަމުގެ ތުހުމަތުގަ އެވެ. އެ ފިޔަވަޅު އެޅުއްވީ ޖާސޫސީ މައުލޫމާތުގެ އަލީގައި ކަމަށް ވެސް އަމުރުގައިވެ އެވެ.

ރާއްޖޭގެ ސިޔާސީ މަސްރަހު ހޫނުވެފައިވާ މި ދަނޑިވަޅުގައި، އިދިކޮޅު ބައެއް މެމްބަރުން ފުލުސް އޮފީހަށް ހާޒިރުކޮށް، އަދި ބައެއް ބޭފުޅުންގެ ޝަރީއަތް ދަނީ ހިންގަމުންނެވެ. ބައެއް މެމްބަރުން ތިއްބެވީ ޖަލުގަ އެވެ.

ކްރިމިނަލް ކޯޓް އިމިގްރޭޝަން އަހުމަދު މަހުލޫފް، ޔޫތު އެންޑް ސްޕޯޓްސް މިނިސްޓަރު ޕާސްޕޯޓް ރާއްޖޭގެ ސިޔާސީ ހަމަނުޖެހުން

37 ކޮމެންޓް, 111 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ލިންކީ

03 August 2017

ތަންތަނަށް ދިއުމާއި ދަތުރުފަތުރު ކުރުމުގެ ހައްގަކީކޮންމެމީހަކަށްވެސްލިބިގެންވާ ހައްގެއް އަދި ދިވެހިފާސްފޯޓަކީ ކޮންމެރައްޔިޔެއްގެ ހައްގެއް އެއްވެސްގޮތަކަށް އެހިފަހައްޓައި އެތައްދުވަހަކަށް ހިފެހެއްޓުމުގެހައްގެއް އެއްވެސްފަރާތަކަށް ލިބިގެންނުވާނެ