އެމެރިކާގެ މުސްލިމް އަންހެނެއްގެ ބުރުގާ ބޭލި މައްސަލަ ކެލިފޯނިއާގެ ލޯންގް ބީޗު ސިޓީން ބެލުމަށް ފަހު އެ އަންހެން މީހާ އަށް ވަނީ ބަދަލު ދީފައި.
13 އޯގަސްޓް 2017 - 14:50
8 comments
ލޮސް އެންޖަލްސް (އޮގަސްޓް 13) - ފުލުހުންގެ ބަންދަށް ގެންދިޔަ އެމެރިކާގެ މުސްލިމް އަންހެނެއްގެ ބުރުގާ ބޭލުމުން ބަދަލަކަށް 85،000 ޑޮލަރު ދޭން ޖެހިއްޖެ އެވެ.
މިދިޔަ އަހަރު ހިނގާފައި މި ހާދިސާގައި ކާސްޓީ ޕަވެލް ކިޔާ އަންހެނަކާއި އޭނާގެ ފިރިމީހާ ދުއްވާލަން ނުކުމެ އުޅެނިކޮށް ފުލުހުން ޗެކްކުރި އިރު ކާސްޓީ ޕަވަލް އަކީ ފިހާރައަކުން ވައްކަން ކޮށްގެން ހޯދަން ބޭނުންވާ މީހެކެވެ. އެހެންވެ ފުލުހުން ވަނީ އޭނާ ހައްޔަރުކޮށްފަ އެވެ. ޕަވަލްގެ ފިރިމީހާ ވަނީ ޕަވަލް ހައްޔަރު ކުރުމުގައި އަންހެން އޮފިސަރުން ހަރަކާތްތެރިވުމަށް އެދިފަ އެވެ. ނަމަވެސް ފުލުހުން އެކަމަށް އިޖާބަ ނުދީ ވަނީ ޕަވަލް ހައްޔަރު ކުރުމަށް ފަހު އޭނާގެ ބުރުގާ ބާލަން އެދިފަ އެވެ. ހައްޔަރު ކުރި ދުވަހުގެ ރޭ ޕަވަލް ޖަލުގައި ހޭދަ ކުރަން ޖެހުނީ ބުރުގާ ނެތި އެވެ. އަދި އޭނާގެ ފޮޓޯ ނަގާފައި ވަނީ ވެސް ބުރުގާ ނެތި އެވެ.
ޕަވަލް ވަނީ އޭނާގެ ބުރުގާ ބޭލި މައްސަލަ އެޕްރީލް 2016 ގައި ކޯޓަށް ހުށަހަޅައިފަ އެވެ. އަދި ފުލުހުންގެ ޑިޕާޓްމަންޓުން އޭނާގެ އަސާސީ ހައްގަކަށް އަރައިގެންފައިވާ ކަމަށް ވަނީ ބުނެފަ އެވެ. މީގެ އިތުރުން އޭނާގެ ދީނީ މިނިވަން ކަމަށް އަރައިގެންފައިވާތީ ނަފްސާނީ ގޮތުން ގެއްލުން ލިބިފައިވާ ކަމަށް ވެސް ވަނީ ބުނެފަ އެވެ.
މައްސަލަ ބެލުމަށް ފަހު ކޯޓުން ވަނީ ޕަވަލް އަށް ބަދަލެއްގެ ގޮތުން 85،000 ޑޮލަރު ދިނުމަށް ކެލިފޯނިއާގެ ލޯންގް ބީޗު ސިޓީގެ މައްޗަށް އަމުރު ކޮށްފަ އެވެ. ކޯޓުގެ ނިންމުމަށް ކައުންސިލް އޮން އެމެރިކަން-އިސްލާމިކް ރިލޭޝަންސް އިން ވަނީ މަރުހަބާ ކިޔައިފަ އެވެ. އަދި ޕަވަލް އަށް ވަނީ ތައުރީފް ކޮށްފަ އެވެ.
ޕަވަލް ބުނެފައި ވަނީ އޭނާ ބޭނުން ވަނީ ބުރުގާ އަޅާ މުސްލިމަކަށް ދިމާވާނެ މިބާވަތުގެ ހާދިސާއެއް ތަޖްރިބާ ކުރާ އެންމެ ފަހު މީހާ އަށް އޭނާ ވާން ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢަދުލް އިންސާފު
14 August 2017
ސައިކަލު ދުވަން ނޭންގޭ މީހަކު ސައިކަލާއި އެއްކޮށް މަގުމައްޗަށް ވެއްޓުނީމާ ސައިކަލުގެ މައްސަލައަކަށްވޭތަ؟ ދޯނި ފަރަށް އަރުވާލީމާ ދޯނި ކުއްވެރިވޭތަ؟ މުސްލިމަކު ގޯސްކަމެއްކުރީމާ އެކަމުގެ ހުތުރުނަން އޭނާ އަޅާ ބުރުގާއަށް ނޫނީ އިސްލާމްދީނަށް ރައްދުކުރަނީ ގަމާރުން. ހަމަޔަގީނުންވެސް ބުރުގާ އެޅުމަކީ ވާޖިބެއް އެވާޖިބު އަދާކޮށްފި ފަވަލް. ދެން އޮތީ ވައްކަން. އެއީ ޙަރާމް ކަމެއް. ބުރުގާނާޅާހުރި މީހަކު ކުރިޔަސް ވައްކަން ވާނީ ޙަރާމްކަމަކަށް. އަދި އޭނާ ބުރުގާ ނާޅާ ހުރުމުން އެހުރެވުނީ ދެމިގެންވާ އިތުރު ފާފައެއްގެ މަތީގަ.
ހަގީގަތް
13 August 2017
ނޫހުގަ ބުނެފަ އޮތީ ވާހަކައިގެ އެތްބައި، މުޅި ވާހަކައެތް ނޫން. ކޮމެންޓު ކުރާ އިރު ދިރާސާ ނުކޮށް މާމޮޅު އެއްޗެއް ބުނެވޭތޯ ބަލަން މީހުން ކޮމެންޓު ކުރަނީ. ހަގީގަތަކީ ފުލުހުން ދެމަފިރިންގެ ކާޑުތައް ޗެކް ކުރިކުރުމުން އެގުނީ ޕަވަލް އަކީ 3 ކުދިކުށްތަކައް ހޯދަން ބޭނުން ވެފައިވާ މީހެއްކަން. އެކަމަކު ފަހުން އެގުނީ އޭގެ ތެރެއިން 2 ކުށަކީ އޭނަގެ ނަންބޭނުން ކޮއްގެން އެހެންމީހަކު ކުރިކަމެއްކަން. އެއަށްފަހު އޭނަގެ ބޮލުގަ އެޅުނު ތުހުމަތަކީ ފިހާރައަކުން 2002 ވަނަ އަހަރު ކޮއްފައިވާ ކުޑަ ވައްކަމެއް. ޕަވަލް ބުނީ ދުވަހަކުވެސް ފުލުސް އިދާރާއަށް އަދި ކޯޓަށްވެސް ހާޒިރުވާން ނާންގާ ކަމަށް ވައްކަމާ ބެހޭގޮތުން ސުވާލް ކުރާކަށް. އަދި ހެއްވާކިމަކީ ޕަވަލް އަޅަނީ މޫނު ބުރުގާއެއް ނޫން، ހިޖާބެއް. ދެން ލަލަލަ.....
ކުއްވެރި
13 August 2017
ޕަވަލް ބުރުގާ އަޅައިގެން ވައްކަން ކުރިޔަސް ވާނީ ގޯސް ކަމަކަށް. ސުވާލަކީ ކީއްވެތޯ ވައްކަން ކުރީ. އެވާހަކަ ނޫހުގައި ގެނެސް ދިންނަމަ ވ.ފުރިހަމަ ވާނެ. އޭރު އަސްލު ހަގީގަތް އެގޭނީ!
ހުސެން
13 August 2017
ވައްކަންކޮށްގެން މޫނުބުރުގާ އަޅައިގެން، ތިބާލުވައިގެންހެން ހީވަނީ ކާކުކަން ރަނގަޅަށް ދެނެގަނެވޭނީ، ކޮންމެހެން ދީންވެރިވެގެން އަޅައިގެން އުޅޭއެއްޗެއްނޫންތޯއްޗެއް، ތަންތަނުން ވައްކަން ކޮށްފައި ފިލަން ފަސޭހައަށްދޯ މޫނުބުރުގާ އަޅައިގެން ތިއުޅެނީ!
ހަނދުކޭތަ
13 August 2017
ރަގަޅު، ބުރުގާ އަޅައިގެން ވައްކަން ކުރީމާ މުސްލިމުންގެ އަގު ތިވައްޓާލަނީ.
ާ99
13 August 2017
އެކަމަކު ޕަވަލް ކުރި ވައްކަމަށް ތައުބާ ވައްޗޭ
އަލީ
13 August 2017
ދެން ކީއްވެބާ ބުރުގާ އަޅައިގެން ފިހާރައަކުން ވައްކަންކުރީ..؟
މޫސާފުޅު
13 August 2017
ޕަވަލަށް ސާބަސް މުސްލިމް ހުރިހާ އަންހެނުންވެސް ޕަވަލް ފަދައިން ބުރުގާ އަޅުއްވާ އަންހެނަކަށްވާނަމަދޯ ޚާއްޞަކޮށް ދިވެހި ރާއްޖޭގެ ހުރިހާ އަންހެނުން