މީރާ: ޓެކްސްގެ ގޮތުގައި ދައުލަތަށް ދައްކަން ޖެހޭ 1.9 މިލިއަން ރުފިޔާ ދައްކަން އެކި ފަރާތްތަކުގެ މައްޗަށް ވަނީ ހުކުމްކޮށްފައި --ފޮޓޯ/މިހާރު
20 އޯގަސްޓް 2017 - 19:12
7 comments
ދައުލަތަށް ދައްކަންޖެހޭ އެކި ބާވަތުގެ ޓެކްސްގެ ގޮތުގައި 1.9 މިލިއަނަށް ވުރެ ގިނަ ރުފިޔާ ދައްކަން އެކި ފަރާތްތަކުގެ މައްޗަށް ސިވިލް ކޯޓުން ހުކުމްކޮށްފި އެވެ.
މިދިޔަ ހަފުތާގައި ސިވިލް ކޯޓުން ހަތަރު ފަރާތެއްގެ މައްޗަށް ހުކުމްކުރީ އެ ފަރާތްތަކުން ދައުލަތަށް ދައްކަން ޖެހޭ އެކި ބާވަތުގެ ޓެކްސް ނުދެއްކުމުން، އެ ފައިސާ ހޯދަން މޯލްޑިވްސް އިންލެންޑް ރެވެނިއު އޮތޯރިޓީ (މީރާ) އިން ދައުވާ ކުރުމުންނެވެ. އެއީ ޖީއެސްޓީ އާއި ޓީޖީއެސްޓީ އާއި އޭގެ ޖޫރިމަނާގެ ގޮތުގައި 1.8 މިލިއަނަށް ވުރެ ގިނަ ރުފިޔާ އާއި ވިިތުހޯލްޑިންގެ ޓެކްސްގެ ގޮތުގައި 116،000ރ. ދެއްކުމަށެވެ.
މި މަހުގެ 10 ވަނަ ދުވަހު ވެސް ސިވިލް ކޯޓުން ވަނީ ޖީއެސްޓީގެ ގޮތުގައި ބައި މިލިއަނަށް ވުރެ ގިނަ ރުފިޔާ ދައުލަތަށް ދައްކަން އަމިއްލަ ކުންފުންޏެއްގެ މައްޗަށް ހުކުމްކޮށްފަ އެވެ.
މިދިޔަ ހަތަރު އަހަރުގެ ތެރޭގައި ޓެކްސް ނުދައްކައިގެން 90 ފަރާތެއްގެ މައްޗަށް ހުކުމްކޮށް، 43 މިލިއަނަށް ވުރެ ގިނަ ރުފިޔާ ދައުލަތަށް ދައްކަން ސިވިލް ކޯޓުން ވަނީ ހުކުމްކޮށްފަ އެވެ. ޓެކްސް ނުދެއްކުމުގެ އިތުރު ގިނަ މައްސަލަތަކެއް ވެސް ކޯޓުގައި ދަނީ ހިނގަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިބްރާހިމް
21 August 2017
މިތަނުގަ ކޮމެންޓްކުރާ ބައެއް މީހުން މީ ހަމަ ބައެއްތޯ ސުވާލު އުފެދޭ. ހަމަޖެހިފައިވާ އުސޫލެއްގެ ދަށުން ލިބެންޖެހޭ އެއްޗެއް ގާސިމެއްނޫން ކާސިމަށްވެސް ލިބެންޖެހޭނެ. އޭގެ މާނައަކީ އެވޯޑް ލިބުނުފަހުން ކުރިމަތިވާ ކަމެއްގެ ސަބަބުން ފައިސާއެއް ދައްކަންޖެހުނީމަ ތިމަންނާމީ ކުރީއަހަރު އެވޯޑް ލިބުނުމީހެކޭ އެހެންވީމަ ދައްކާނެ އެއްޗެއް ނޯންނާނެއޭ ބުނުން މީ ހަމަޖެހޭ ވާހަކައެއް ނޫން. ކޮންމެ އިންސާނަކަށްވެސް މާތް ﷲ ބުއްދި ދެއްވީ ވިސްނާ ފިކުރު ކުރަން. މީހަކު ހަމަ ބުނާއެއްޗެއްގަ ހިފައިގެން ނުދަނާ އަމިއްލަ ބުއްދިން ކަންކަން ހިނގާގޮތް ބެލުން ރަނގަޅުވާނެ
ބޫމް ބޫމް
20 August 2017
މީ އެއްދުވަސްވަރެއްގައި ޓެކްސް ނުދެއްކުމަށް އިލްތިމާސްކޮށް ރައްޔިތުން ވާވެއްދި ގުރޫޕަށް ވެރިކަން ލިބުމުން އެމީހުންގެ ޙާލަތަކީ. އެހެންވީމާ ރައްޔިތުންނަށް ހެޔޮއެދުމެއް އޭރަކުވެސް މިހާރަކުވެސް ނެތްކަމުގެ ހެއްކެއް.
ގިޒްމޯ
20 August 2017
ސަރުކާރަކުންނޫންދޯ އެފައިސާހޯދަން ދައުވާކުރީކީ. މީރާގެ ވަޖިބެއް އެއީ. އަދި މީރާއަކީ މިނިވަން މުއައްސަސާއެއްކަން ނޭނގެނީތަ. ކޮންމެ ސަރުކާރެއް އޮތްކަމުގައިވިޔަސް މީރާއިން އެމީހުންކުރަންޖެހޭކަމަށް ޓެކްސް ޤާނޫނުގައި ކަނޑައަޅާފައިވާކަންކަންކުރަންޖެހޭނެ.
އަބޫ
20 August 2017
މިނިވަންވީމަ ދޯ އެއްކޮޅުވީމަ ރަންލާރިދީފަ ސިޔާސީގޮތުން އިދިކޮޅުވީމަ ޖޫރިމަނާ ބިލިއަނުން ދައްކަންޖެހެނީ
ތި މާބޮޑަށް ލަވްލީ ވީ
21 August 2017
އަބޫ..ރަން ލާރި ދިނީ ގަވާއިދުން އެއްބަސްވުމެއްގެ ދަށުން ރަގަޅަށް ދިޔައިރު. ޢެގްރިމަންޓް އެކަހެރި ކޮށް ފައިސާގެ ބާރު ދައްކަން ފެށީމާ ދެން ގޮޅިއަށް ލާންޖެހޭ.
ގަން ރެފިއުޖީން
20 August 2017
ދައުލަތަށް ދައްކަންޖެހޭ އެއްޗެއްވިއްޔާ ދައްކަންޖެހޭނެ، މުއްސަނދި މީހާއަށް އާދައިގެ މީހާއަށް ބެލުމެއްނެތި، ހިތާމައަކީ ބައެއް ރަށްރަށުގަ ގާޑިޔާ ހިންގުމުގެ ނަމުގަ ބޮޑެތި ވިޔަފާރިތައް އެބަކުރޭ، ރަށުކައުންސިލުން ހުއްދަދެނީ ގާޑިޔާހިންގަން، ރާއްޖޭގައި ހައްދާތަކެތި ވިއްކުމަށް، ނަމަވެސް އެކަމާގުޅިގެން ބައެއްފަރާތްތަކުން ހުއްދަނެތި އިމްޕޯރޓްމުދާ ވިއްކާ އެގާޑިޔާ ހިންގަން ހުއްދަދިން ބިމުގަ ބޮޑު ކޮށިގަނޑު ޖަހާ ރެސްޓޯރަންޓް ހިންގަމުންދަނީ ދައުލަތަށް އެއްވެސް ޓެކްސްއެއް ދެއްކުމެއްނެތި، މީރާއިން މިކަންކަން ބައްލަވާ ގާޑިޔާހިންގަންފެށި މުއްދަތުން ފެށިގެން ދައުލަތަށް ދައްކަންޖެހޭ ޓެކްސްއެއް ވާނަމަ އެ ނެގުމަށް ބާރުއެޅުމަށް ގޮވާލަން....
ޙާނިމް
21 August 2017
ތިކަހަލަ ކުދި ކުދި ކަަންތަކާ ނުދަމަބަލަ. ދިވެހިންނައް ވާގޮތަކީ ރައްޓެއްސެއްވެސް ވިޔަފާރިއެއް ކޮއްލާ ދިރިއުޅުން ތަންކޮޅެއް ތަނަވަސްވެލާޙެން ހީވިޔަސް ހަސަދަލާ، ކުޓުވާލައިގެން ނަމަވެސް ކޮންމެސް ގޯނާއެއްކޮއްލާ، އެވިޔަފާރި ހުއްޓުވާލެވޭތޯ ބަލާނެ. ގާޑިޔާ ގަޑުން، ގަސްދަށުން، ބޯމަތީ ބަހައްޓައިގެން ދާ ވަޅޯމަސް ދޮލަގުން ޓެކްސް ދޭކައް ނުޖެހޭނެ!